სილვას მეთოდი

ხოსე სილვას და რობერტ ბ. სტოუნის ეს წიგნი დედაჩემმა თარგმნა რუსულიდან, ასე, ათი-თხუთმეტი წლის წინ, ერთგვარად, თავისუფალი თარგმანია.

გადავწყვიტე, განვათავსო ჩემს ბლოგზე.

დიდი მადლობა ქ-ნ თამარ ჩლაიძეს, მან დაიწყო ტექსტის აკრეფა. 

დანარჩენი, მე და ზურამ ავკრიფეთ.  

ხოსე სილვა

რობერტ ბ. სტოუნი

დახმარების მიღება „მეორე მხრიდან“

სილვას მეთოდით

 

ნაწილი  I

კონტაქტის განვითარება

 

თავი 1

რა არის სულიერი სამყარო

– შემიძლია, მივიღო დახმარება, სულიერი სამყაროდან?

– რასაკვირველია.

– ღმერთისგან?

– დიახ, მაგრამ, ვიდრე გააკეთებდეთ რაიმე დასკვნას, უმჯობესია, წაიკითხოთ რამდენიმე თავი.

– ნებისმიერს შეუძლია?

– ნებისმიერს.

– ახლავე?

– დიახ.

ჩვენ ბევრი რამ არ ვიცით სულიერ სამყაროზე. ვიცით მხოლოდ ის, რომ იგი არსებობს. თქვენ და მე ვარსებობთ, ჩვენ ვართ რაღაც მიზეზის შედეგი. ეს მიზეზი არის, სწორედ, სულიერი სამყარო.

ერთხელ, ვკითხე ერთ სკეპტიკოსს:

– ვინ გეცოდებათ, უფრო მეტად, ადამიანი, რომელსაც არ ჰყავს ხილული დამხმარე, თუ ადამიანი, რომელსაც არ ჰყავს უხილავი დამხმარე?

– ხილული დამხმარეს გარეშე მყოფი – იყო პასუხი.

თქვენც შეგეძლოთ ასე გეპასუხათ. მაგრამ, როდესაც გაივლით ამ წიგნით მოწოდებულ სასწავლო კურსს, მიხვდებით, რამდენად ძლიერი შეიძლება იყოს უხილავი დახმარება. თქვენ შეიგრძნობთ უხილავი სამყაროს ძლიერებას.

დიდი ხნის წინ, ერთმა ადამიანმა, ლელანი მელვილ ჯონსმა, გადაწყვიტა დაეწერა წიგნი „ცისარტყელას შვილები“, რომელიც ჰავაის მკურნალებზე, კაუნაზე , თუ როგორ მართავენ ისინი ბუნებას. როდესაც ხელნაწერი მზად იყო, ძაღლმა დაფლითა ნაწერი, და ჯონსს მოუხდა წიგნის ხელახლა დაწერა. როგორც კი დაამთავრა წიგნზე მუშაობა მეორედ, მის სახლში გასკდა წყალსადენი მილი და ხელნაწერი კვლავ დაიღუპა. მესამედ, წერის დროს, ჯონსი მძიმედ ავად გახდა და მოუხდა მრავალი წინააღმდეგობის გადალახვა, ვიდრე წიგნს გამოსცემდა. წიგნში „ცისარტყელას შვილები“ ჯონსი მოუთხრობდა მკითხველს კაუნას საიდუმლოებებზე, და მათი ნაადრევი გამჟღავნება, შესაძლოა, საშიში ყოფილიყო. ამიტომ, ავტორის მცდელობა ხვდებოდა წინააღმდეგობას, უხილავი სამყაროდან, და წიგნი ვერ გამოქვეყნდა მანამდე, სანამ არ მოვიდა დრო.

ამ წიგნში, მე საიდუმლოს არ ვააშკარავებ, მხოლოდ და მხოლოდ, ვამბობ შემოქმედებით ჭეშმარიტებათა შესახებ, რომლიც, ათასწლეულების განმავლობაში, ჩვენს ირგვლივ ტრიალებს. უხილავ მხარეს სურს, რომ ჩვენ ჩავწვდეთ ამ ჭეშმარიტებებს. ისინი არის უძველეს ჩინურ ფილოსოფიაში (დაო), არის ინდურ უპანიშადებში, იუდაურ კაბალაში, მუსლიმანების ყურანში, ქრისტეს სახარების სიტყვებში. მაგრამ, ეს ჭეშმარიტებანი არ ესმოდათ და ვერ ხვდებოდნენ. ჭეშმარიტებანი ახლაც არსებობს მათთვის, ვინც მზად არის მათ გასაგებად, ვინც ეძებს დახმარებას უხილავი სამყაროდან.

 

მოდის ახალი საუკუნე

ჩვენ შევდივართ ახალ საუკუნეში. ერთნი განსაზღვრავენ მას, როგორც დროს, როცა ჩვენ ვიქნებით უფრო შემოქმედნი. სხვები ამბობენ, რომ ეს იქნება გამოფხიზლების პერიოდი, ცნობიერების გაფართოებისა, რომელიც ხელს შეუწყობს ხილულ და უხილავ სამყაროთა დაახლოებას. დამიჯერეთ, ისინი ახლაც, იმდენად ახლოს არიან ერთმანეთთან, რომ შეგვიძლია „შევეხოთ იმ მხარეს“.

ჩემი კვლევის დასაწყისში, თემაზე, როგორ გავააქტიუროთ დიდი გონების ნაწილი, ხალხი მთვლიდა გიჟად. ეს იყო 1944 წელს. იმხანად, შეუძლებელი იყო ლაპარაკიც კი, გონების ძალაზე. მაშინაც კი, როცა სილვას მეთოდი უკვე დახვეწილი იყო და 1966 წელს მიეწოდა ფართო პუბლიკას, დადიოდა ხმები, რომ ეს ბოროტებაა.

დღეს, სილვას მეთოდმა მიაღწია მოწიფულობას. ის შედის ახალ საუკუნეში. სილვას მეთოდი გამდიდრებულია ფიზიკოსების აღმოჩენებით, რომლებიც აღწერენ სივრცეს, როგორც ინტელექტის ველს.

უკუბიოკავშირის აპარატურის მეშვეობით ჩატარებული გამოკვლევებით შესაძლებელი ხდება ტვინის აქტივობის გაზომვა და იმ ცვლილების დანახვა, რომლიც ხდება რელაქსაციის დროს – ეს კიდევ ერთი მეცნიერული ფაქტია, და ის ეთანხმება სილვას მიდგომას.

თავის ტვინის მარჯვენა ნახევარსფეროს როლის ახლებურად გაგების მეშვეობით, სილვას მეთოდი აღიარებულია მსოფლიოს, თითქმის, ყველა ქვეყანაში, და მილიონობით ადამიანი წარმატებით იყენებს ამ მეთოდს.

გვეხმარება, თუ არა, სილვას მეთოდი, უხილავ სამყაროსთან კონტაქტის დამყარებაში? არა, იმიტომ, რომ ჩვენ, ისედაც, ვართ მასთან კონტაქტში. გვაძლევს ის, რაიმე პრივილეგიას უხილავ სამყაროსთან ურთიერთობაში? არა, უხილავი სამყაროს თვალში, არავის აქვს პრივილეგიები. მაშ, რას აკეთებს სილვას მეთოდი?

უბრალოდ რომ ვთქვათ, ის გვეხმარება ეფექტურად გამოვიყენოთ ბუნებრივი კონტაქტი უხილავ სამყაროსთან, იმისთვის, რომ ხილული მსოფლიო გავხადოთ უკეთესი.

უხილავი სამყაროს მიზანია შემოქმედება. შემოქმედი აგრძელებს ქმნას, და არა მხოლოდ, გარე კოსმოსში, არამედ აქ, პლანეტა დედამიწაზე. ჩვენს პლანეტაზე არის კიდევ ბევრი პროცესი, რომლიც ფორმირების სტადიაშია. დედამიწის მასები ნელ-ნელა გადაადგილდება; ვულკანებიდან ამოიფრქვევა ლავა, რითაც იზრდება ხმელეთი; მიწისძვრებისგან იცვლება ხმელეთის ფორმა; ეროზია წარმოშობს საცხოვრებლად შესაფერის ვაკეს; ოკეანეებში ჩნდება ახალი კუნძულები.

მაგრამ, ღმერთი, შემოქმედებით პროცესში, საჭიროებს ადამიანის დახმარებას, რომელსაც შეუძლია გემების, ავიალაინერების, ლოკომოტივების აგება; ტანსაცმელის, ავეჯის, სახლის მოდელირება. ადამიანი უნდა იყოს თანაავტორი კომპიუტერების, ენერგეტიკული წყაროების, მრეწველობის განვითარებაში.

შესაძლებელია, რომ „იქითა მხარე“ ჩვენგან, ადამიანებისაგან ელოდება უფრო მეტ დახმარებას ახალ საუკუნეში. და ახალი საუკუნის ნაწილად გვევლინება სილვას მეთოდი.

 

თვალის გადავლება კულისებს მიღმა

ელენს თავს აბეზრებდა ზარებით ერთი, უარყოფილი მოარშიყე. მას არაფრით შეეძლო ელენის პასუხის: „არა“-ს მიღება. ელენმა იყიდა ახალი ტელეფონი, გამომრთველით, რათა თაყვანისმცემელს ღამით არ შეეწუხებინა. მაგრამ, ის ურეკავდა სამუშაოზე, დასვენების დღეებში. ელენს არ მოსწონდა ყველაფერი ეს; ის უგზავნიდა ანონიმურ წერილებსაც.

ელენმა გადაწყვიტა, რომ მას სჭირდება დახმარება, რათა მოაგვაროს ეს პრობლემა. ერთხელ, საღამოს, სამზარეულოს დალაგების შემდეგ, მან გაიფიქრა, რომ შეუძლია მიიღოს დახმარება „იქითა მხრიდან“. ის დაჯდა დივანზე, დახუჭა თვალები და რამდენჯერმე ღრმად ჩაისუნთქა. ერთი წუთის შემდეგ, ელენმა გაახილა თვალები, ის თავს გრძნობდა მშვენივრად და იცოდა, რომ პრობლემა მოგვარებულია. ასეც იყო – იმ მამაკაცს, ამის შემდეგ, აღარ შეუწუხებია.

რა გააკეთა ელენმა ერთ წუთში? იგივე, რაც გააკეთა არტურმა, როდესაც გადაწყვიტა, რომ მისთვის აუცილებელია დახმარება „იქითა მხრიდან“, ბინის მოძებნაში. მისი ხელშეკრულება, დაქირავების შესახებ, იწურებოდა, თვის ბოლოს და მას განახლება არ შეეძლო, რადგან მეპატრონე აპირებდა ბინის გაყიდვას. არტური დაჯდა მოხერხებულ სკამზე, დახუჭა თვალები, რამდენჯერმე ღრმად ჩაისუნთქა. ერთი წუთის შემდეგ გაახილა თვალები და იგრძნო, რომ ის ფლობს სიტუაციას, რომ ყველაფერი გადაწყდება ისე, როგორც საჭიროა. ასეც მოხდა. მალე, ამის შემდეგ, მას დაურეკა ახალმა მფლობელმა და უთხრა, რომ მოხდა გაუთვალისწინებელი დაყოვნება, და ამის გამო, ბინაში მას მხოლოდ, ერთი წლის შემდეგ შეუძლია შესვლა, და შესთავაზა: ხომ არ ისურვებდა არტური, რომ კიდევ ეცხოვრა ამ ბინაში?

რას აკეთებდნენ ელენი და არტური, მჯდომარენი, დახუჭული თვალებით? ლოცულობდნენ? არა, ზოგადად მიღებული აზრით. მაგრამ, ისინი დაუკავშირდნენ უხილავ სამყაროს („იქითა მხარეს“). შევიდნენ მასთან კონტაქტში, ტვინის ტალღების სიხშირის შემცირებით, რომ გაეაქტიურებინათ მარჯვენა ნახევარსფერო. სწორედ, ის ემსახურება ჩვენს გასვლას შემოქმედებით სამეფოში და მისი მეშვეობით ვიხსნებით მეორე მხარისათვის.

მაგრამ, როგორ შეანელეს თავისი ტვინის ტალღები და გაააქტიურეს მარჯვენა ნახევარსფერო? როგორ გამოიყენეს ის, რომ მიეღოთ დაუყოვნებელი დახმარება, უხილავი მხრიდან?

სილვას ოცდათორმეტსაათიანი სასწავლო კურსი უპასუხებს ამ კითხვებს. თქვენც, აგრეთვე, შეგიძლიათ წაიკითხოთ ეს წიგნი, თავიდან ბოლომდე და გაეცნოთ მეთოდს, რომელიც ელენისთვის და არტურისთვის ასეთი სასარგებლო აღმოჩნდა. გჭირდებათ ეს? პასუხი მარტივია: რას ნიშნავს, თქვენთვის „დახმარების უხილავი საშუალებები“? „მეორე მხარე“ გვევლინება, სწორედ, ასეთ დამხმარედ, და როცა ის თქვენთან არის, თქვენი შესაძლებლობები უსაზღვროა.

 

რატომ გვჭირდება დახმარება „მეორე მხრიდან“

კაცობრიობამ, თავისი განვითარების გზაზე, სადღაც გადაუხვია, სხვა მხარეს. გზა დაგვებნა და ჩამოვშორდით ჩვენს სათავეს. ჩვენ დაგვაგიპნოზა ფიზიკურმა სამყარომ. ჩვენი გრძნობები დომინირებენ ჩვენს ცხოვრებაზე. უმრავლესობისთვის, არაფერი არსებობს ფიზიკური სამყაროს გარდა. ეს არის სამყარო სხეულებრივი ტკივილების, სხეულებრივი კმაყოფილების, სხეულის კომფორტისა. ეს არის სამყარო ფიზიკური უნარის, ფიზიკური მხედველობის, სმენის, შეგრძნების, ყნოსვის.

ფიზიკურ სამყაროში ჩაძირვამ მიგვიყვანა მატერიალურად ორიენტირებულ ჩამოყალიბებამდე. ყოველი თაობა სულ უფრო მეტად ეკუთვნის ამ, ფიზიკურ, სამყაროს – და სულ უფრო ნაკლები პატივისცემითაა, იმის მიმართ, რაც მხოლოდ ინტუიციით, წარმოსახვით, ან ვიზუალიზაციით შეიძლება დავინახოთ.

ტვინის მარჯვენა ნახევარსფერო გვევლინება ჩვენს „გამოცილებად“ ფიზიკურის გარეთ მყოფ სამყაროში. ეს არის ჩვენი კავშირი „მეორე მხარესთან“, შემოქმედებით სამეფოსთან, სადაც ჩვენ განვიცდიდით ფორმირებას. რაც უფრო მეტად ვეფლობით ფიზიკურ სამყაროში, მით უფრო მეტად გადადის უკანა პლანზე მარჯვენა ნახევარსფეროს როლი, და ჩვენ, აზროვნებისას, ვფიქრობთ მხოლოდ, ლოგიკური, მარცხენა ნახევარსფეროთი.

ამჟამად, თავის ტვინის მარჯვენა ნახევარსფერო, ჩვენთვის, არის რუდიმენტული(ფუნქციადაკარგული) ორგანო. ეს ორგანო არ გვჭირდება ფიზიკურ სამყაროში საარსებოდ, ჩვენ წინ მივიწევთ მარცხენა ნახევარსფეროთი, ვართ რა ლოგიკურები და საქმიანი ადამიანები. მაგრამ, შემდეგ, ვიღაც გადაგვირბენს გზაზე, ჩვენი პოზიციები იწყებს რყევას და ვრჩებით უმუშევარი. გადაუხდელი ანგარიშები იზრდება, ვართ უფსკრულის პირას, ვლოცულობთ, არაფერი ხდება, და ვმკითხაობთ – რატომ? ჩვენ გვესაჭიროება დახმარება „იქითა მხრიდან“. მაგრამ, როცა ვითხოვთ, ჩვენი ყვირილი, თითქოს, არ ისმის, თითქოს, გადაჭრილია ტელეფონის სადენები.

კავშირი, „მეორე მხარესთან“, არ არის გადაჭრილი, მაგრამ, ისეა, თითქოს, არ არსებობს. მატერიალურ სამყაროზე კონცენტრირებით, გამორთული გვყავს ჩვენი თავი „მეორე მხარისგან“. ჩვენი მარჯვენა ნახევარსფეროს კონტაქტი, შემოქმედებით სამეფოსთან, შესაძლებლობას გვაძლევს აღვადგინოთ ეს კავშირი. ამ, ლოგიკურ, სამყაროში ჩვენ არასოდეს – ჩვრებიდან საფლავამდე – გვასწავლიდნენ „იმ მხარესთან“ კონტაქტისთვის მარჯვენა ნახევარსფეროს გამოყენებას. მაგრამ, ყველაფერი იცვლება. იხსნება ახალი ჰორიზონტები, და სილვას მეთოდი შეძლებს აღმოჩნდეს თქვენი შანსი, მიიღოთ დახმარება, რომელიც გჭირდებათ.

 

როგორ მივიღოთ დახმარება „მეორე მხრიდან“

პატარა ნავს დაემუქრა უბედურება, ჰონოლულუს აღმოსავლეთის წყლებში. ის მიდიოდა კალიფორნიაში, როდესაც უეცრად აღმოჩნდა, რომ ნავში წყალი შედის. ეკიპაჟმა რადიოთი სთხოვა დახმარება სანაპირო დაცვას. საღამოს, ახალ ამბებში გამოაცხადეს, რომ სანაპირო დაცვამ ვერ შეძლო დაბნელებამდე მიეღწია ნავამდე, ასე, რომ მაშველი სამუშაოები გადადებულია დილამდე.

ერთი ქალი, რომელიც უსმენდა რადიოს, მიხვდა, რომ ეს საზარელი ამბავი შეემთხვა ნავს, რომლითაც, იმ დილით, წავიდნენ მისი ვაჟიშვილები. მან, სასწრაფოდ, დაურეკა სილვას მეთოდის ადგილობრივ მასწავლებელს და ჰკითხა:

– დღეს საღამოს შედგება კურსდამთავრებულთა ყოველთვიური შეკრება?

– დიახ, იგივე დროს, იმავე ადგილას. – იყო პასუხი.

ის მოუყვა მასწავლებელს თავისი პრობლემის შესახებ.

– იქნებ კურსდამთავრებულები დამეხმარონ?

– აუცილებლად.

საღამოს, შეხვედრას ესწრებოდა 30-მდე კაცი, მათ დახუჭეს თვალები და რამდენჯერმე ღრმად ჩაისუნთქეს. ერთი-ორი წუთის შემდეგ, გაახილეს თვალები.

დილით, სანაპირო დაცვამ გამოაცხადა, რომ ნავი ვერ აღმოაჩინეს და შიშობენ, რომ მოხდა ყველაზე ცუდი რამ. დედამ „იცოდა“, რომ ასე არ იყო. გადიოდა დღეები, არაფერი ისმოდა. მერვე დღეს მისმა შვილებმა დარეკეს კალიფორნიიდან. როგორღაც უცნაურად, ნავში წყლის შესვლა თავისით შეწყდა, პირველივე საღამოს. ისე, რომ მოგზაურობამ ჩაიარა განსაკუთრებული თავგადასავლების გარეშე, თუ არ ჩავთვლით რადიოგადამცემის დაზიანებას.

შეადარეთ ეს ამბავი სხვა შემთხვევას, რომელიც გადახდათ იმ ადამიანებს, რომლებიც სწავლობდნენ სილვას მეთოდს ჰავაიზე. რამდენიმე დღით ადრე, მათ ყოველთვიურ შეხვედრამდე, გაზეთებში დაიბეჭდა შავი შაშვების შემოსევის შესახებ, მერილენდის ერთ-ერთ საგრაფოში. ფრინველებმა გაანადგურეს ადგილობრივ ფერმებში ყოველგვარი სიმწვანე. იმისთვის, რომ ისინი დაეფრთხოთ, მცხოვრებნი ისროდნენ ჰაერში, ანთებდნენ კოცონებს, ღებულობდნენ სხვადასხვა ზომებს. არაფერი შველოდა.

– დავეხმაროთ მერილენდის საწყალ ფერმერებს, შაშვებისგან განთავისუფლებაში. – წამოაყენა წინადადება ერთ-ერთმა კურსდამთავრებულმა.

– კარგი იდეაა. – ერთხმად დაეთანხმა ყველა.

დახუჭული თვალები, ღრმა ჩასუნთქვები.

მეორე დილის 6 სთ-ზე, ადგილობრივი დროით, ფრინველები გაფრინდნენ. ჰავაიზე, ამ დროს, იყო შუაღამე; გავიდა მხოლოდ ორი საათი, მას შემდეგ, რაც კურსდამთავრებულებმა „იმუშავეს“ მოცემულ პრობლემაზე.

ნუთუ, არ ჰგავს ერთმანეთს, ეს ორი ამბავი? სიტუაციის წარმატებით გადაწყვეტის ერთ-ერთი ახსნა შეიძლება იყოს უბრალო დამთხვევა.

„მეორე მხარის“ დახმარებასთან დაკავშირებული გადაწყვეტილებები, ხშირად, არ ემორჩილება „ამ მხარის“ ლოგიკურ ახსნას. ამიტომ, ჩნდება სიტყვა „დამთხვევა“.

ნავი, რომელიც უცბად გარემონტდა, იმყოფებოდა მრავალი მილის მაძილზე, სილვას მეთოდის შემსწავლელ კურსდამთავრებულთაგან. შავი შაშვები, მერილენდში, აგრეთვე, იმყოფებოდნენ ათასობით მილის მანძილზე, ჰავაელებისგან. არც პირველად და არც მეორედ, მანძილი არ აღმოჩნდა დამაბრკოლებელი. „მეორე მხარის“ დახმარებასთან დაკავშირებული გადაწყვეტილებები, ხშირად, არ ემორჩილება დროსა და სივრცეს. ოდესღაც, მეცნიერები თავს არიდებდენ მსგავს ამბებს. ახლა, ეს შეუძლებელია! დღეს, ისინი, თვითონ აკვირდებიან, თუ ქვეყნის ერთ ნაწილში ატომის ნაწილაკებში მომხდარი ცვლილებები, როგორ იწვევს ცვლილებებს, დედამიწის სფეროს მეორე მხარეს, ატომურ ნაწილაკებში.

 

რა არის სილვას მეთოდი

სილვას მეთოდი სხეულის და გონების მოდუნების საშუალებაა, რის შემდეგაც, ხდება ტვინის ტალღების სიხშირის შემცირება, თავის ტვინის მარჯვენა ნახევარსფეროს გააქტიურება და პოზიტიურ რეზულტატამდე მისვლა.

ამ მეთოდის გასაღები ტვინის მარჯვენა ნახევარსფეროს გამოყენებაა. მარჯვენა ნახევარსფერო მსოფლიო ინტელექტთან (შემოქმედებით წყაროსთან) შეხებისას, იწყებს თვითონ შემოქმედებას.

სადაც არსებობს პრობლემა, ის ქმნის გადაწყვეტას;

სადაც არსებობს ანომალია, ის ქმნის ნორმალიზაციას;

სადაც არსებობს კონფლიქტები, ის ქმნის ჰარმონიას.

ის არ არის ტრადიციული მედიტაცია. ის აქტიურია, დინამიურია. ის, რაც ხდება სამი ღრმა ჩასუნთქვის შემდეგ, არ არის „აზრების გარეშე“ მდგომარეობა, რომელიც, ჩვეულებრივად, ასოცირდება ტრადიციულ მედიტაციასთან. ეს, უფრო მეტად, ღრმა აზროვნების მდგომარეობაა. სილვას მეთოდის გამოყენებისას, ყოველი ადამიანი აკონტროლებს თავის გონებას, აიძულებს ჩაერთოს თავისი უმაღლესი „მე“-ს შემოქმედებითი ენერგია.

სილვას მეთოდი უნდა გავარჩიოთ ტრადიციული, პასიური მედიტაციისაგან, რომელსაც იყენებდნენ აღმოსავლეთის იოგები და გურუები. რობერტ ლეიხტმანი და კარლ ჯეიპიკსი აღწრენ მედიტაციის ალტერნატიულ სტილს, თავიანთ წიგნში, „აქტიური მედიტაცია: დასავლური ტრადიციები“. აქტიური მედიტაცია, სილვას მეთოდისთვის, კარგი სახელწოდებაა. უკეთესი იქნებოდა „დინამიური მედიტაცია“. სიტყვა „დინამიური“ ფლობს უფრო მეტ ენერგიას. ის უფრო შემოქმედებითად ჟღერს. ამგვარად, სილვას მეთოდი დინამიური მედიტაციის ფორმაა. მაგრამ, „მედიტაცია“ ფართო, მეტად საერთო ტერმინია, რომელიც არ იძლევა მეთოდოლოგიის კონკრეტულ მიმართულებას. ამას გარდა, საზოგადოებაში დამკვიდრებულმა წარმოდგენამ მედიტაციაზე, როგორც პასიურ მენტალურ მდგომარეობაზე, ამ ტერმინის გამოყენებამ, თუნდაც, „დინამიური“-ს დამატებით, შეიძლება გამოიწვიოს გაუგებრობა.

თქვენ დარწმუნდებით, რომ სილვას მეთოდი აზროვნების არარსებობა კი არა, სრული აზროვნებაა. სახელწოდება, „გონების მართვა“ ძალიან კარგად აღწერს იმას, რასაც ჩვენ ვაკეთებთ.

სილვას მეთოდით გონების მართვა აღემატება სტანდარტულ მედიტაციას. ის შემოწმებული ხერხია გონების გამოყენებისას, იმისათვის, რომ მაქსიმალურად შესაძლებელი რაოდენობა ნერვული უჯრედებისა, ან სხვა სიტყვებით, ინტელექტისა, ჩაერთოს მუშაობაში.

 

„მეორე მხარე“ აღმოჩენილია

მე პრეტენზია არა მაქვს იმის ცოდნაზე, როგორ გამოიყურება, ან მუშაობს „მეორე მხარე“ (უხილავი სამყარო). რომ ვიცოდე კიდეც, არ მეყოფოდა სიტყვები, მასზე სასაუბროდ; ჩვენი სიტყვები ხომ ფიზიკური სამყაროს აღწერისთვისაა და არა – ინტელექტისა და ენერგიისა.

თუმცა, მეცნიერები თავიანთი აღმოჩენების და მიღწევების აღწერისას, ცდილობენ გამოიყენონ ძველი ფიზიკის ჩარჩოები. ისინი ასკვნიან, რომ სივრცე არის „არაფერი“, ეს „არაფერი“ კონტინუუმია(უწყვეტია), თავისი თვისებებით და მახასიათებლებით. ერთ-ერთი მისი თვისებათაგანია ინტელექტი. ინტელექტი ავსებს ყოველგვარ სივრცეს, რომელიც შეიძლება იყოს მთელი სურათის, მხოლოდ, პატარა ნაწილი.

ამგვარად, ჩვენ – თქვენ და მე – ვართ ინტელექტით გარემოცულ სივრცეში. იქნებ, ჩვენი კანი და თავის ქალა გვაცალკევებენ ამ ინტელექტისგან და არ გვაძლევენ საშუალებას ვისარგებლოთ, გამოვიყენოთ ის ?

პასუხი – არა.

როგორც უკვე ვთქვი, ჩვენ შეგვიძლია მივწვდეთ ინტელექტს, „მეორე მხარეს“. სწორედ, ამას ეძღვნება, ამ წიგნის, მომდევნო გვერდები. ეს ინტელექტი ვრცელდება ჩვენში და ჩვენ ვწვდებით მას. ასე, რომ ის არის ჩვენში და – ჩვენს გარეთ.

თუ ასეა, მაშ, სადღაა “მეორე მხარე”? ის არის ორი მილის მანძილზე, აი, იმ გზაზე, წითელი ფარდულის იქით; ასევე, ორი მილის მანძილზე, საწინააღმდეგო მხარეს. ის არის იქ, და იქ და იქ, თუ მაპატიებთ, რომ გიჩვენებთ თითით. და კიდევ, იქ, ზევით და იქ, ქვევით.

ფაქტია, რომ ე.წ. მეორე მხარე არის ამ მხარეს, ყველგან, საითაც გაიხედავთ, მაგრამ, ის არის, აგრეთვე, იქ, სადაც თქვენ შეხედვა არ შეგიძლიათ. „მეორე მხარე“ არის უსივრცო ადგილზე – ადგილზე, რომელსაც არ უკავია სივრცე და დრო; ის არის „ადგილი“, სადაც შეიქმნა დრო და სივრცე; ის არის შემოქმედებითი სამეფო; ის არის ფიზიკური სამყაროს „იქითა მხარეს“, იქ ვერც თვითმფრინავით მიაღწევთ, ვერც კოსმოსური აპარატით. მაგრამ, თქვენ შეგიძლიათ დაუკავშირდეთ მას, თუ შესაფერისად გამოიყენებთ თქვენი ტვინის ორივე ნახევარს.

 

როგორ მივაღწიოთ ბალანსს ტვინის ნახევრსფეროებს შორის

დასავლეთ ვირჯინიის ერთ პატარა ქალაქში, სამეურნეო მაღაზიის პატრონს დომინირებული ჰქონდა ტვინის მარჯვენა ნახევარსფერო. მან ინტუიციით „იცოდა“, რას მოსთხოვდა მყიდველი. როცა მანქანას ამუხრუჭებდნენ მისი მაღაზიის წინ, მყიდველი შედიოდა მაღაზიაში და მიდიოდა დახლთან, საღებავი, ლურსმნები და სალესავი უკვე უცდიდნენ მას.

– კიდევ გინდათ რამე? – ეკითხებოდა მფლობელი.

თუნდაც, კიდევ რაღაც ყოფილიყო საჭირო, მყიდველი იმდენად გაოგნებული იყო, რომ ვეღარც იხსენებდა. შედეგი: მაღაზიის მეპატრონემ ნახა ზარალი, რადგან მყიდველების უმრავლესობას ერჩივნა გაევლო ათი მილით მეტი, სადაც საყიდლები არ იქნებოდა ასე გამაოგნებლად ნაწინასწარმეტველევი.

ამ ისტორიის მორალი ისაა, რომ ჩვენ, შეიძლება, შეგვექმნას პრობლემები, თუ მხოლოდ ტვინის ერთ ნახევარსფეროს დავეყრდნობით, თუნდაც, შემოქმედებით მარჯვენა ნახევარსფეროს. როდესაც ჩვენთვის მუშაობს ორივე ნახევარსფერო, შეგვიძლია მივიღოთ დახმარება „მეორე მხრიდან“, რომელსაც მისაღები სახით გამოვიყენებთ ფიზიკურ სამყაროში. ბალანსის მიღწევისას, ჩვენ ვღებულობთ კარგ შედეგებს.

როდესაც დაიწყებთ თქვენი ტვინის მარჯვენა ნახევარსფეროს გამოყენებას, ინტრუქციის მიხედვით, რომელიც მოცემულია ამ წიგნში, გახდებით წარმატებული, შეხვდებით თქვენთვის საჭირო ადამიანს, დაძლევთ პრობლემას, რომელიც დაუძლეველად გამოიყურება, გაგიელვებთ გენიალური მიხვედრილობები. მაგრამ, შეთვისებულმა უნარებმა შეიძლება ადვილად გადაგახვევინონ სწორი გზიდან, თუ არ იდგებით ფეხებზე მყარად. ტვინის მარცხენა ნახევარსფერო იქნება თქვენთვის ღუზა.

სილვას მეთოდი გასწავლით, რომ მთავარია, ორივე სამყაროდან აიღოთ ყველაფერი საუკეთესო.

 

დახმარება „მეორე მხრიდან“ შემოქმედებითი უნარების ასამაღლებლად

როდესაც დაიწყებთ მარჯვენა ნახევარსფეროს გააქტიურებას, როგორც ეს აღწერილია მომდევნო თავში, როცა საჭირო იქნება, თქვენ შეიცნობთ საგნებს, რომლის შეცნობას, თითქოს, ვერასდროს შეძლებდით. ეს, შეიძლება, მოგვეჩვენოს მიხვედრილობად, მაგრამ, აღმოჩნდება საოცრად ზუსტი.

 როცა იყენებთ სილვას მეთოდს, თანდათან, უფრო ითვისებთ მას. დროთა განმავლობაში, აღარც დაგჭირდებათ სილვას მეთოდის სპეციფიკური ნაბიჯები, იმისათვის, რომ მიიღოთ აუცილებელი ინფორმაცია. ბუნებრივი გზით, გახდებით დიდი შემოქმედი.

მაღაზიის პატრონი, რომელიც კითხულობს ამ წიგნს, ან ესწრება სილვას მეთოდის სასწავლო მეცადინეობებს, გახდება გამომგონებელი, ასორტიმენტის განახლებაში, სეზონიდან სეზონამდე. მას ეცოდინება, ზუსტად, რა საქონელი, და რა რაოდენობით, იქნება საჭირო, რომ მოიმარაგოს. ეს ცოდნა ხელს შეუწყობს საქონელბრუნვის ამაღლებას და მოგების გაზრდას, ის აგრეთვე, მოუტანს კმაყოფილებას მყიდველებსაც, რომელთათვისაც მაღაზიაში იქნება ყველაფერი, რაც მათ სჭირდებათ. მაღაზიის მფლობელი, არა მხოლოდ, გამოიმუშავებს მეტ ფულს, არამედ დაეხმარება სამყაროს გაუმჯობესებაში.

ექიმი, ან ჯანმრთელობის დაცვის სხვა მუშაკი, შეძლებს დიაგნოზი დასვას, უფრო ზუსტად, ვიდრე ნებისმიერმა ლაბორატორიულმა მოწყობილობამ. უფრო მეტიც, გაზრდილი სულიერება მიიყვანს სწრაფვის დაქვეითებამდე, „რაც შეიძლება ჩქარა გამდიდრდეს“, და გაუზრდის სურვილს, კეთილად მოემსახუროს პაციენტს.

საუკეთესო შედეგი ექნება მეწარმეს, ოფიცერს, სახელმწიფოს მეთაურს.   

ჩვენ უნდა დავიწყოთ საკუთარი თავით. გავააქტიუროთ ტვინის მარჯვენა ნახევარსფერო, რომელიც გვაკავშირებს „მეორე მხარესთან“.

როდესაც ეს კავშირი მუშაობს თქვენთვის, ის მოგიტანთ უპირატესობებს, რომლებსაც თქვენ, ვერ მიაღწევთ ახლანდელ მდგომარეობაში. თქვენ შეგიძლიათ მიაღწიოთ ნებისმიერ მიზანს, რომელსაც დაისახავთ. მანამდე, ჩვენ, ერთად, აუცილებლად, უნდა შევასრულოთ წინასწარი სამუშაოები. მე უნდა დავარწმუნო თქვენი მარცხენა ნახევარსფერო, იმაში, თუ როგორი სასწაულებრივი შეუძლია იყოს თქვენს მარჯვენა ნახევარსფეროს. სხვაგვარად, ის გადაგეღობებათ გზაზე. მე ვაკეთებ ამას, ახლავე, ლოგიკური ფაქტების მოშველიებით, რომლებსაც მოითხოვს თქვენი მარცხენა ნახევარსფერო. წითელი შუქი, თითქმის, მზადაა შეიცვალოს მწვანით. როდესაც ეს მოხდება, კეთილი იყოს თქვენი მობრძანება, ახალ, უფრო შემოქმედებით ცხოვრებაში!

 

ვარჯიშები სილვას მეთოდით

წარმატებული რომ იყოთ, სილვას მეთოდის შესწავლაში, არ არის აუცილებელი ფლობდეთ მათემატიკურ ანალიზს. შესაძლოა, არ იცოდეთ არითმეტიკაც კი. რაც აუცილებელია, ეს არის იცოდეთ თვლა. შეიძლება არ იყოთ ლიტერატურის მცოდნე, ან პოეზიის მოყვარული, თქვენ გჭირდებათ იცოდეთ ყურადღებით კითხვა. ფორმალური განათლება არ წარმოადგენს წინაპირობას სილვას მეთოდის დაუფლებისთვის. ერთადერთი მოთხოვნა, რომლის შესრულებაც აუცილებელია, ნებისმიერ მეცადინეობაზე, არის წარმოსახვის უნარი. წარმოსახვა ყველას შეგვიძლია. ვარჯიშები, რომლებიც გელით თქვენ, არის მოდუნების ხერხი და ეფექტური წარმოსახვის გამოყენება.

დასაწყისში, ეს ვარჯიშები სრულდება დახუჭული თვალებით, მოგვიანებით, თქვენ მიაღწევთ დახმარების მიღებას, „მეორე მხრიდან“, ღია თვალებითაც. თვალდახუჭული მოდუნდებით, რელაქსაციის სტანდარტული ხერხების გამოყენებით და დაუმატებთ ტექნიკას, რაც, მხოლოდ, სილვას მეთოდს ახასიათებს. როდესაც მოდუნდებით, წინადადებას მოგცემენ მისცეთ თქვენს თავს ვერბალური ბრძანებები, ან აზრით წარმოიდგინოთ რაღაც. ვარჯიშს დაამთავრებთ წაღმა დათვლით, პოზიციური ინსტრუქციებით და გაახელთ თვალებს.

სილვას მეთოდი შეიძლება მოგეჩვენოთ მარტივად, მაგრამ, კულისებს იქით, მუშაობს ძლიერი ტექნიკა; მარტივმა ქმედებებმა შეიძლება გამოიწვიოს ძლიერი შედეგი.

ახლა, მოკლედ გეტყვით, რა გვაკავშირებს „მეორე მხარესთან“, სრულ ახსნას კი, იხილავთ შემდეგ თავებში. სხეულის მოდუნებით გვეძლევა შესაძლებლობა მოვადუნოთ გონება და შევანელოთ ტვინის ტალღების სიხშირე. ტვინის ტალღების სიხშირის შენელებით განახევრებამდე, ვიდრე სიფხიზლის დროს, ნორმალურ დონეზე გვაქვს, თქვენ ამაღლებთ ტვინის მარჯვენა ნახევარსფეროს აქტიურობის დონეს, რომელიც უტოლდება მარცხენა ნახევარსფეროს აქტივობას. როდესაც ორივე ნახევარსფერო აქტიურია, შესაძლებელია გონების გადაპროგრამირება, შეგნებულად და მიზანდასახულად, ისე, როგორც კომპიუტერისა. თქვენი კომპიუტერის პროგრამირებისთვის და გონების მართვისთვის, იყენებთ აზრობრივ სახეებს. აზრობრივი სახეების შექმნა, წარმოსახვით და ვიზუალიზაციით, მარჯვენა ნახევარსფეროს საქმეა: ის უკავშირდება „იქითა მხარეს“. შემდეგ, თქვენი მენტალური კომპიუტერი შედის კონტაქტში ე.წ. დიდ კომპიუტერთან, და თქვენი საჭიროება „შესმენილია“, მიღებულია უმაღლესი მე-ს მიერ, და თქვენი მოთხოვნა კმაყოფილდება.

აი, ასე მუშაობს ეს. ასე მუშაობდა, მას შემდეგ, რაც ადამიანი მოვიდა დედამიწაზე, მაგრამ,   განვითარების გარკვეულ გზაზე, დავკარგეთ ეს მარტივი ფორმულა. ჩვენ დაგვავიწყდა, როგორ დავამყაროთ კონტაქტი. სილვას მეთოდით ვარჯიშები გვაძლევს ხელში ამ ფორმულას.

ამ წიგნის უბრალოდ წაკითხვა საკმარისი არ არის. თქვენ უნდა შეისწავლოთ სილვას მეთოდი, გახადოთ თქვენი ცხოვრების ნაწილად. გზის შემოკლება არ შეიძლება. თქვენ შეგნებულად უნდა შეისწავლოთ და დაამუშაოთ ეს ვარჯიშები. ყოველი მათგანი, შემდეგ ვარჯიშთან მისასვლელი ხიდია. ეს, ნაბიჯ- ნაბიჯ გასავლელი პროცესია.

„მეორე მხარესთან“ კონტაქტი მთების იქით არ არის – რამდენიმე მენტალური ნაბიჯი, და თქვენ უკვე იქ ხართ. სიკეთეები დაიწყება, თითქმის, დაუყოვნებლივ. რაც უფრო ხშირად გამოიყენებთ კონტაქტს, მით მეტ სარგებლობას მოგიტანთ ის.

მე შევხვედრივარ ადამიანებს, რომლებიც თავის ცხოვრებას მიიჩნევდნენ ჯოჯოხეთად, მაგრამ, ისეთი საოცარი ცვლილებები განიცადეს, რომ ახლა ცხოვრობენ წყნარად და ბედნიერად. ისეთებიც შემხვედრია, რომლებსაც „იქითა მხარის“ ხსენებისას ხელი ჩაუქნევიათ და წასულან. როდესაც ამ წიგნს ვწერდი, უკვე რვა მილიონმა ადამიანმა დაამყარა კავშირი „იმ მხარესთან“, სილვას მეთოდით. მე გთავაზობთ, თქვენც შეუერთდეთ მათ, გაიხსნათ თქვენი უმღლესი მე-ს წინაშე და მისცეთ „მეორე მხარეს“ საშუალება, ჩაერიოს თქვენს ცხოვრებაში.

 

თავი 2

როგორი დახმარებაა თქვენთვის მნიშვნელოვანი, „მეორე მხრიდან“

დედამიწის სრულყოფა წააწყდა წინააღმდეგობას. ჰაერი ჭუჭყიანდება, წყალი იწამლება, ნიადაგი იჟღინთება შხამიანი ქიმიკატებით. შედეგად, ფლორისა და ფაუნის ბევრი სახეობა განადგურდა, ან გაქრობის საშიშროებაშია. წინააღმდეგობად გადაიქცა თვითონ კაცობრიობა, რომელიც მოწოდებული იყო, რომ ეხელმძღვანელა შემოქმედებითი პროცესისთვის, ჩვენს პლანეტაზე. ჩვენ დესტრუქციულ ზემოქმედებას ვახდენთ, არა მარტო პლანეტაზე, არამედ, ჩვენს თავზეც. ვაჭუჭყიანებთ საკუთარ აზროვნებას, დანაშაულების, ძალადობის და მკვლელობის სურათებით.

როდის დაიწყო ეს? როგორ შევაჩეროთ? მსგავსი შეკითხვები, თითქოს, ეხება უფრო მთელ საზოგადოებას, ვიდრე კონკრეტულ ადამიანს. მაგრამ, ახლა დაინახავთ, რამდენად მნიშვნელოვანია პასუხი თქვენი ამწუთიერი მდგომარეობისთვის – თქვენი წარმატების, თქვენი ჯანმრთელობის, თქვენი ბედნიერებისთვის.

ნგრევა დაიწყო, როდესაც ადამიანი გახდა ექსცენტრული, იგულისხმება არა „უცნაური“, არამედ „ცენტრის გარეთ მყოფი“.

როგორც უკვე ითქვა, ადამიანის ტვინი შედგება ორი ნახევარსფეროსაგან. მარცხენა ნახევარსფერო, უფრო, აღიქვამს მატერიალურ სამყაროს, მარჯვენა კი – არამატერიალურ სამეფოს. ჩვენგან, მხოლოდ, ათი პროცენტი აზროვნებს ბალანსირებულად, იყენებს ორივე ნახევარსფეროს. დანარჩენი 90% ეყრდნობა მხოლოდ მარცხენა ნახევარსფეროს, თითქმის, იგნორირებას უკეთებს მარჯვენას. ამიტომ, მთელი აზროვნება ადამიანისა, წანაცვლებულია ცენტრიდან – ის ექსცენტრულია.

მარცხენა და მარჯვენა ნახევარსფეროებს შორის განსხვავება ტვინის ტალღების სიხშირეშია. ფიზიკური სამყაროს აზროვნება ხორციელდება ოცი ციკლით წამში. როდესაც თქვენ აკეთებთ აზროვნების ცენტრირებას, ათ ციკლზე წამში, მაშინ ათანაბრებთ ნახევარსფეროების აქტივობას.

ექსცენტრული აზროვნება მოკლებულია სულიერ დახმარებას, ცენტრირებული კი, იყენებს მის დახმარებას.

ამგვარად, კაცობრიობა თავისი აზროვნებით, გადახრილი ცენტრიდან, ემუქრება განადგურებით საკუთარ თავს და მთელ პლანეტას. როგორ ეშველება ამას?

ყველაფერი დადგება თავის ადგილზე, როდესაც ჩვენ მივიღებთ დახმარებას „მეორე მხრიდან“. ეს, იმ ადამიანისთვის მოხდება, უფრო მალე, რომელიც გაააქტიურებს, „მეორე მხარესთან“ დამაკავშირებელ, თავის ტვინის მარჯვენა ნახევარსფეროს.

იმის მიხედვით, თუ რამდენად მეტი ადამიანის გონება იქნება ცენტრირებული, იმდენად შეიცვლება მასობრივი ცნობიერება, აგრეთვე, კიბერნეტიკული ეფექტი, რომელიც აჩქარებს ცვლილებებს ექსპონენციალურად. ჩვენ შეგვიძლია გადავარჩინოთ ჩვენი პლანეტა და განვკურნოთ საკუთარი თავი.

 

როგორ გავხდეთ ნაკლებად დესტრუქციული და მეტად შემოქმედი

საშუალო ადამიანის ტვინი ფუნქციონირებს სიხშირის დიაპაზონში, ერთიდან ოც ციკლამდე, წამში: ოცი ციკლი მღვიძარე მდგომარეობაში, ერთიდან ოთხამდე ციკლი, ძილში და ძალიან იშვიათად, შუალედურ სიხშირეებზე, დაძინებისას და გაღვიძებისას.

სწორედ, საშუალედო სიხშირეები უზრუნველყოფს ტვინის მარჯვენა ნახევარსფეროს შეგნებულ გამოყენებას, ჩვენს სულიერ კავშირს. აზროვნებისთვის იდეალური სიხშირე მდებარეობს სიხშირის სპექტრის ცენტრში და შეადგენს ათ ციკლს, წამში. სწორედ, ამ სიდიდეს უწოდებენ მეცნიერები ალფა-დონეს, ან ალფა-მდგომარეობას.

ადამიანები, რომლებიც აზროვნებენ და აანალიზებენ თავიანთ პრობლემებს, ამ დონეზე ცენტრირებით, ღებულობენ დახმარებას, „იქითა მხრიდან“. მათი ცნობიერება უკავშირდება უმაღლეს გონებას. როდესაც ისინი ღებულობენ პასუხს, მაშინაც კი, თუ ის მოდის მიხვედრის ფორმით, იმის ალბათობა, რომ ის სწორია, მრავალჯერადად აღემატება შეცდომის ალბათობას. შეგიძლიათ თქვათ, რომ ეს ადამიანები ღებულობენ ღვთიურ შთაგონებას, ან მოქმედებენ ინსტინქტურად, ან ინტუიციით. ისინი მუშაობენ შემოქმედებისთვის სასარგებლოდ, და არა, მის საწინააღმდეგოდ. შეიძლება ითქვას, რომ ასეთი ადამიანები ღმერთის პარტნიორები არიან, იმიტომ, რომ ისინი ეხმარებიან ღმერთს და ღმერთიც ეხმარება მათ. ისინი ღებულობენ დახმარებას „იქითა მხრიდან“, უკვე, მხოლოდ იმიტომ, რომ იმყოფებიან ალფა დონეზე.

ბევრ თქვენგანს შეიძლება გული გაუტყდეს, კონტაქტის სიმარტივით. ზოგიერთ თქვენგანს შეიძლება ერჩივნა გაეგონა, როგორ მოქმედებს ლოცვები, როდესაც თქვენ სწირავთ ეკლესიას ფულს, ან როდესაც ხელისგულები გიჭირავთ განსაზღვრული წესით, ან ინათლებით, ან ინანიებთ ცოდვებს. თუ რომელიმეს, ზემოჩამოთვლილიდან, თქვენთვის დიდი მნიშვნელობა აქვს, მაშინ მოცემული ქმედება აუცილებელი იქნება, დამატებით, იმისთვის, რომ გადახვიდეთ ალფა დონეზე. ეს, დამატებითი ნაბიჯები, აუმჯობესებს თქვენს კონტაქტს. სილვას მეთოდი რელიგიებთან კონფლიქტში არ არის და არ ეწინააღმდეგება მათ. სილვას მეთოდი, უბრალოდ, თქვენთვის მისაწვდომს ხდის სულიერ სამყაროს.

უნდა ვაღიაროთ ჩვენი სიახლოვე ღმერთთან და უნდა ვისწრაფვოდეთ ყველაფრისკენ, რაც განამტკიცებს ამ სიახლოვეს. ძალიან მძიმეა ღმერთისგან მოწყვეტილად ცხოვრება.

 

იყავით კეთილგანწყობილი საკუთარი თავის მიმართ

სიდნი ვ., დიდი ხანია, იყენებდა სილვას მეთოდს. მან იცოდა, რომ საკუთარ თავთან კეთილგანწყობის შენარჩუნებას ხელს უწყობს ეს მეთოდი: მოდუნება და სახეების შექმნა. სიდნი იყო ბუღალტერი, საკუთარი, მშვენიერი პრაქტიკით. მაგრამ, მუშაობისას გრძნობდა სიცარიელეს, ბიზნესის სამყაროში თავს გრძნობდა უცხოდ, და შემთხვევით მოხვედრილად. სიდნის ესმოდა, რომ რაღაც, უფრო მეტი, უნდა აკეთოს, ვიდრე იმუშაოს ციფრებთან. სურდა გამხდარიყო შემოქმედი.

სიდნიმ გადაწყვიტა გამოეყენებინა სილვას მეთოდის ტექნიკა, რომელიც ცნობილია სახელით „სულის სარკე”. მან მოადუნა სხეული და გონება, როგორც მას ასწავლეს, და გააკეთა პრობლემის ვიზუალიზაცია, ლურჯ ჩარჩოიან სარკეში. მან დაინახა საკუთარი თავი, თუ როგორ ასრულებს კარგად სამუშაოს, მაგრამ, უკმაყოფილოა. შემდეგ, მან შეცვალა სარკის ჩარჩო თეთრით და გააკეთა იმ მიზნის ვიზუალიზაცია, რომლის მიღწევაც სურდა: საქმიანობის უფრო ფართო დიაპაზონი და მეტი დაკმაყოფილება. მთელმა ამ პროცედურამ დაიკავა სამ წუთზე ნაკლები, მომდევნო დღეებში, როცა ის გრძნობდა თავისი სამუშაოს უაზრობას, ის, სასწრაფოდ, წარმოიდგენდა სარკეს, თეთრ ჩარჩოში და პრობლემის გადაწყვეტის სახეს, რომელიც მან გამოიყენა.

ერთი კვირის შემდეგ, მისმა ერთ-ერთმა კლიენტმა წინადადება მისცა მას, დაეარსებინათ წარმოება, რომელიც ქალაქში ახალ სამომხმარებლო პროდუქციას შემოიტანდა. ეს იყო შემოქმედებითი პროექტი, რომელიც მოითხოვდა, არა მარტო ბუღალტერიის ცოდნას, არამედ, აგრეთვე, ინოვაციური მარკეტინგული საქმიანობის უნარსაც. სიდნი დათანხმდა და, დროთა განმავლობაში, მიაღწია ფართო ვაჭრობას, ბევრად უფრო მეტს, ვიდრე პირველ წილზე ჰქონდა დაგეგმილი. მაგრამ, რაც უფრო მეტად მნიშვნელოვანია, ახალმა საქმემ მოუტანა მას სიხარული, მან იგრძნო ენერგიის მოზღვავება და კვლავ, გაუჩნდა ცხოვრების ინტერესი.

იყო, თუ არა, კავშირი, სიდნის მიერ მოწყობილ აზრობრივ გამოსახულებასა და კლიენტის წინადადებას შორის?

სკეპტიკოსები იტყვიან: დამთხვევაა. ჩვენ, სილვას მეთოდის მიმდევრები, ბევრ ასეთ ბედნიერ „დამთხვევას“ ვხვდებით, ცხოვრებაში და მათ ვღებულობთ, როგორც ღმრთის საჩუქარს, რომელზეც მან წარწერა არ გააკეთა.

 

გონების მართვა შედეგის მისაღწევად

ტვინი შეიცავს 30 მილიარდ ნეირონს. ყოველი ნეირონი წარმოადგენს ატომების ერთობლიობას, რომლებიც მუშაობს კომპიუტერის კომპონენტების მსგავსად. თქვენ ფლობთ ჩაშენებულ კომპიუტერს, რომელიც აღემატება ადამიანის ხელით შექმნილ, ნებისმიერ, მოწყობილობას. ოფისების კომპუტერების უმრავლესობას, შეუძლია დაუკავშირდეს გარე კომპიუტერულ სისტემებს და მიიღოს იქიდან უზარმაზარი მოცულობის ინფორმაცია, დამატებით, საკუთარ მათემატიკურ უზრუნველყოფასთან ერთად. ჩვენს მენტალურ კომპუტერს შეუძლია იგივე გაკეთოს, როცა ტვინის მარჯვენა ნახევარსფეროს საშუალებით, უკავშირდება დიდ კომპიუტერს, რომელიც გვაკავშირებს უმაღლეს ინტელექტთან. თუ მარჯვენა ნახევარსფერო არ მუშაობს – არ არის კავშირი დიდ კომპიუტერთან.

როდესაც ბუღალტერი სიდნი, სილვას მეთოდით, დუნდებოდა და ქმნიდა წარმოსახვებს, ის ამუშავებდა ორივე ნახევარსფეროს. ლურჯ ჩარჩოიან სარკეში – პრობლემის და თეთრ ჩარჩოიან სარკეში, პრობლემის გადაწყვეტის ვიზუალიზაციისას. მისი მენტალური კომპიუტერი უსწრაფესად უკავშირდებოდა დიდ კომპიუტერს, რომელიც ღებულობდა ინფორმაციას, სხვა უამრავი კომპიუტერისგან და ამგვარად, მან შეძლო პრობლემის გადაწყვეტის პოვნა. შედეგად, სიდნიმ მიიღო დახმარება, „მეორე მხრიდან“.

თუ, ამ წიგნში, დავიწყებთ კომპიუტერული ენის (ტერმინების) გამოყენებას, ბევრი მკითხველი ხელებს გააქნევს. კომპიუტერულ სამყაროს გაჩნია საკუთარი ენა, რომელიც ყოველთვის, არ არის გასაგები გარეშე პირთათვის. ფილოსოფოსებსაც აქვთ საკუთარი ენა, მღვდლებსაც, მეცნიერებსაც. ყველა ეს ენა სხვადასხვა ფორმაა, ერთისა და იმავეს   გამოსათქმელად.

წარმოიდგინეთ, რომ ყოველ მათგანს ჩვენ ვაძლევთ ერთნაირ შეკითხვას: როგორ მივიღოთ დახმარება „მეორე მხრიდან“? რას გვიპასუხებდნენ ისინი?

ფილოსოფოსს შეეძლო ეთქვა: „შეუსაბამეთ თქვენი ინტელექტი უმაღლეს გონს“.

მღვდელი იტყოდა: „იკითხეთ წმინდა წერილები და ილოცეთ“.

მეცნიერს შეეძლო ეთქვა: „გაააქტიურეთ ტვინის მარჯვენა ნახევარსფერო, რომ შეხვიდეთ კონტაქტში მორფოგენურ ველთან“.

სინამდვილეში, სამივემ თქვა ერთი და იგივე რამ. თქვენ, მკითხველო, ჩამოთვლილი პასუხებიდან შეიძლება, ერთი, უფრო გასაგებად მოგეჩვენოთ, ვიდრე დანარჩენები. როგორ დაგაკმაყოფილოთ მე, თქვენ ყველა? როგორ ვილაპარო მე, ყველა ენაზე ერთდროულად?

ინსტრუქციები, რომლებიც გადმოცემულია ამ წიგნში, იმდენად მნიშვნელოვანია, რომ მე უნდა ვილაპარაკო გასაგებ ენაზე. ამიტომ, გამოვიყენებ ფილოსოფიურ, რელიგიურ და მეცნიერულ ტერმინებს შენაცვლებით. ზოგიერთ მკითხველს შეიძლება, უფრო, მოსწონს ტერმინი „ღმერთი“, ვიდრე „უმაღლესი ინტელექტი“, ან „უმაღლესი ინტელექტი“, ვიდრე „მორფოგენური ველი“. თუკი მე გამოვიყენებ იმ ტერმინს, მოცემულ კონტექსტში, რომელიც უფრო მოხერხებული იქნება, თქვენ თანდათან მიეჩვევით სამივეს.

ამგვარად, სხვადასხვა ტერმინოლოგიის ასეთი გამოყენება დაგეხმარებათ, ადვილად მიიღოთ დახმარება „მეორე მხრიდან“. ამის მიზეზია ის, რომ დაყოფა, განსხვავება, პოლარულობა დამახასიათებელია თავის ტვინის მარცხენა ნახევარსფეროსთვის. მარჯვენა ნახევარსფერო, რომელიც დამაკავშირებელია „მეორე მხარესთან“, არ განასხვავებს. ის ხედავს არსს. ყველა მოჩვენებით განსხვავებას აქვს საერთო მნიშვნელი, ხოლო სხვადასხვაობას – ერთიანობა.

თუ გავხდებით უფრო დამთმობნი განსხვავებების მიმართ, ვიქნებით ჩვენი მენტალური კომპიუტერის საუკეთესო ოპერატორები, უფრო ზუსტად ავეწყობით უმაღლეს ინტელექტთან და უფრო ახლოს ვიქნებით ღმერთთან.

 

როგორ გავააქტიუროთ მარჯვენა ნახევარსფერო

ყველა ადამიანს, რომ ჰქონოდა, უფრო მეტი, ჰოლისტიური(ერთიანი) აღქმა საგნებისა, წარმოედგინათ პლანეტა დედამიწა, როგორც ცოცხალი ორგანიზმი, სადაც, ყოველი შემადგენელი ნაწილი აუცილებელია, მთელის კეთილდღეობისთვის, მსოფლიოში, შემცირდებოდა დაძაბულობა, აღდგებოდა ბალანსი და ჰარმონია, ხალხთა შორის, და ადამიანსა და გარემოს შორის ურთიერთობაში. გარდა, უდიდესი პასუხისმგებლობის შეგრძნებისა, ჩვენ მივიდოდით ადამიანთა ღრმა ნათესაური კავშირის გაგებამდე და ვიქნებოდით დიდი სულიერების მატარებელნი. პლანეტა დედამიწა შეიძლებოდა ყოფილიყო სამოთხე. შესაძლოა, თქვენ მკითხოთ: როგორ უნდა დაიწყოს ეს ცვლილება? პასუხი მარტივია: ის იწყება თქვენით. როდესაც თქვენ ადუნებთ თქვენს სხეულს, ამშვიდებთ თქვენს გონებას და ფიქრით, ახდენთ ცვლილებებს, რომელთა განხორციელებაც გსურდათ, თქვენს ცხოვრებაში, მაშინ სასურველი სრულდება, თქვენი დამოკიდებულება, ცხოვრებისადმი, იცვლება. სრულდება თქვენი მოლოდინი, იზრდება რწმენა, საკუთარი თავისადმი, და ეს, გაქეზებთ თქვენ, ისწრაფოთ შემდეგი გაუმჯობესებისაკენ. თქვენ დუნდებით და წარმოისახავთ სასურველს, და ცვლილებები კვლავ ხდება.

მოლოდინი და რწმენა წარმატების მნიშვნელოვანი შემადგენელი ნაწილებია. რაც უფრო დიდია თქვენი მოლოდინი და მტკიცეა რწმენა, მით უფრო მაღალია, „მეორე მხრიდან“, დახმარების მიღების ალბათობა. მოლოდინისა და რწმენის უქონლობა – თქვენი მარცხენა ნახევარსფეროს მუშაობის შედეგია, რომელიც ცდილობს დაგამორჩილოთ ფიზიკური სამყაროს შეზღუდვებს. ტვინის მარცხენა ნახევარსფერო გეუბნებათ: „ეს შეუძლებელია მოხდეს, რადგან ეს არალოგიკურია“.

როდესაც თქვენს მენტალურ კომპიუტერს აძლევთ ბრძანებას: „ჩაერთე“ , ის იწყებს მუშაობას. როდესაც თქვენ ეუბნებით მას „გაჩერდი“, ის ჩერდება. რწმენის უქონლობა, ეს არის ბრძანება „გაჩერდი“. თუ ჩვენ, აზროვნების პროცესში, უფრო მეტად გამოვიყენებთ მარჯვენა ნახევარსფეროს, მაშინ მარცხენა ნახევარსფერო უფრო იშვიათად, და ნაკლები სიძლიერით, გადაგვეღობება გზაზე. მაშინ, გვაქვს მეტი შესაძლებლობა ავმაღლდეთ ლოგიკურ შეხედულებაზე და მივაღწიოთ მიზანს, მივიღოთ ჩვენი ჯანმრთელობის გასაუმჯობესებელი დახმარება, ჩვენი გაფურჩქვნისა და ბედნიერების უზრუნველსაყოფად. ახლა, თქვენ უკვე შეგიძლიათ მიხვდეთ, თუ როგორ მოდის ეს დახმარება „მეორე მხრიდან“.

 

როგორ მოდის თქვენთან დახმარება, „მეორე მხრიდან“

სამოციანი წლების დასაწყისში, რამდენიმე წლით ადრე, ვიდრე საზოგადოებას წარვუდგენდი სილვას მეთოდს, ჩემმა გამოკვლევებმა გამომფიტა, როგორც ფინანსურად, ისე, სულიერად. ერთხელ, ღამით, დაძინებიდან დაახლოებით ორი საათის შემდეგ, თავში სინათლის მკვეთრმა ნათებამ გამომაღვიძა. მე დავინახე სინათლით გაცისკროვნებული ციფრების ორი კრებული, ერთი მეორის ქვეშ: ზემოთ 3-4-3 და მის ქვეშ 3-7-3. წარმომიდგა, აგრეთვე, ქრისტეს სახე და ოდესღაც წაკითხული ანონიმური ტრაქტატის – „ერთადერთი სიცოცხლე“ – შთაბეჭდილებით შექმნილი სურათი. ეს იყო ამაღელვებელი აღწერა იმისა, თუ როგორ შეუძლია, ერთი ადამიანის სიცოცხლეს, მოახდინოს გავლენა ბევრზე.

სილვას მეთოდის ნაწილს წარმოადგენს, „მეორე მხრიდან“ პასუხის მიღება სიზმარში, რომელიც შეგიძლიათ დაიმახსოვროთ, გაიგოთ და გამოიყენოთ, პრობლემის გადასაწყვეტად, ამიტომ, ძალიან დამაინტერესა, ამ სიზმრის მნიშვნელობამ.

მეორე დღეს, მთელი დღე ვფიქრობდი სიზმარში ნანახი ციფრების მნიშვნელობაზე. იქნებ, უნდა დამერეკა ამ ნომრის ტელეფონზე, ან დავკავშირებოდი ამ ნომრის მქონე მანქანის მძღოლს? ვეძებდი ამ ციფრებს ყველგან, მაგრამ ამაოდ.

როდესაც საღამოს 8.45-ზე მე უკვე დავკეტე ჩემი პატარა დუქანი, ლარედოში(ტეხასის შტატი), გზის მეორე მხარეს მდებარე, ჩვენი სახლიდან მოვიდა ჩემი ცოლი.

„ხოსე, თუ გამოძახებით გაემგზავრები მდინარის გაღმა, ნუევო-ლარედოში(მდებარეობს მექსიკაში), მიყიდე, ერთი ბოთლი სამედიცინო სპირტი“.

– ძვირფასო, – ვუპასუხე მე. – არა მაქვს გამოძახებები, საზღვარგარეთიდან, მაგრამ, მე მაინც გავემგზავრები და მოგიტან სპირტს.

ამ დროს, მაღაზიაში შემოვიდა ჩემი მეგობარი, რომელიც დამთანხმდა წამოსულიყო ჩემთან ერთად. გზაში ვუამბე ჩემი სიზმარი. ისიც დაინტერესებული იყო გონების ძალით, ასე, რომ არ ჩამთვლიდა გიჟად.

– მექსიკაში თამაშდება ლატარეა, – გამახსენა მან. – შევიაროთ მათ კანტორაში

– რას ვკარგავთ? – დავეთანხმე მე.

ჩვენ გავჩერდით ლატარეის ოფისის წინ. დაკეტილა ცხრა საათზე, ისე, რომ დავაგვიანეთ, რამდენიმე წუთით. შემდეგ, წავედით მაღაზიაში სპირტისთვის. სანამ მე ვყიდულობდი სპირტს, ჩემი მეგობარი, მაღაზიაში ბოდიალის დროს, წააწყდა ლატარიის ბილეთების შეკვრას, რომელიც თოკზე ეკიდა.

– რა ციფრები ნახე შენ სიზმარში? – მკითხა მან.

– 3-4-3 და 3-7-3.

– 3-4-3, არის!

– დამცინი? – წამოვიძახე და მივირბინე მასთან. მართლაც, ასე იყო. ვიყიდე ეს ბილეთი. იმ თოკზე რჩებოდა, კიდევ ხუთი ბილეთი. ციფრები 3-7-3 ვერ ვიპოვნე. რამდენიმე დღის შემდეგ, გაირკვა, რომ მოვიგე. სახლში დავბრუნდი 10.000 დოლარით, გადასახადების გადახდის შემდეგ.

გაადევნეთ თვალი მომხდარ ამბებს, რომელმაც მიმიყვანა სიზმარში ნანახ ნომერთან. როგორ იყო გაანგარიშებული დრო! რამდენი „დამთხვევა“!

ლატარიაში მოგებამ აღადგინა ჩემი ფინანსები და გამაძლიერა სულიერად. ეს იყო დახმარება „მეორე მხრიდან“, ყოველგვარი გაუგებრობის გარეშე.

ზოგჯერ, დახმარება, „მეორე მხრიდან“, მოდის უფრო სწრაფად. ის შეიძლება იყოს, უფრო დახვეწილი და ნაკლებად აშკარა. დახმარება შეიძლება მოვიდეს პირდაპირ, თქვენი ოჯახის წევრისგან, ან სრულიად უცნობი ადამიანისგან. ის შეიძლება ამოცურდეს ოკეანიდან ან მოიტანოს ქარის დაბერვამ.

ერთ-ერთ ცხელ დღეს, ოთხი პატარა ბავშვის დედა, ქვრივი ქალი, იძულებული იყო ბავშვებისთვის უარი ეთქვა ზღვაზე წაყვანაზე, რადგან ვერ შეძლო ავტობუსის ბილეთის ყიდვა. ხუთი წუთის შემდეგ, ერთ-ერთმა პატარამ მიირბინა დედასთან:

– უყურე, დედა, ეს ეხლა მოიტანა ქარმა. – თქვა მან და გაუწოდა დედას ხუთდოლარიანი ბილეთი. აი, კიდევ ერთი მაგალითი „მეორე მხრიდან“ დახმარებისა.

ახლა, გთხოვთ, გადადოთ წიგნი, დატკბეთ რამდენიმე წუთით დასვენებით, სტრესისგან განთავისუფლებით. დახუჭავთ თვალებს, რამდენიმეჯერ ღრმად ჩაისუნთქავთ და პასიური სცენის ვიზუალიზაციას გააკეთებთ. ამით თქვენ ააქტიურებთ თავის ტვინის მარჯვენა ნახევარსფეროს. თქვენი კავშირი „მეორე მხარესთან“, შემოქმედებით სამეფოსთან და სიცოცხლის ძალასთან, გაძლიერდება. როდესაც თვალებს გაახელთ თავს იგრძნობთ უკეთესად, ვიდრე ახლა. შეიგრძნობთ, რომ სხეული შეივსო ახალი ძალებით და ახალგაზრდობით.

აი, აუცილებელი მოქმედებების ჩამონათვალი. ჯერ წაიკითხეთ:

1.    დაჯექით მოხერხებულად;

2.    დახუჭეთ თვალები;

3.    ღრმად ჩაისუნთქეთ და ამოისუნთქვისას მოადუნეთ სხეული;

4.    წარმოიდგინეთ მშვიდობიანი სცენა, რომელიც თქვენთვის სილამაზის და სიმშვიდის იდეალს წარმოადგენს – სანაპირო, მინდორი, ხე – და წარმოიდგინეთ თქვენი თავი, იქ, ერთი ან ორი წუთით;.

5.    უთხარით საკუთარ თავს, რომ როდესაც გაახელთ თვალებს, თავს იგრძნობთ მშვენივრად, მხნედ და უკეთესად ვიდრე უწინ;

6.    გაახილეთ თვალები.

გადაიკითხეთ ეს ექვსი ნაბიჯი კიდევ. ხვდებით, რამდენად მარტივი და ბუნებრივია? პირველი სამი, არის ის, რასაც შვრება ადამიანთა უმრავლესობა, მძიმე სამუშაო დღის შემდეგ, სახლში დაბრუნებული. ბოლო სამი – წარმოსახვის ტიპიური ფორმაა.

მზად ხართ? ახლა, გადადეთ წიგნი და გააკეთეთ ეს.     

      *   *   *   *

თქვენ, ახლა, გადადგით პირველი ნაბიჯი, „მეორე მხარესთან“ შესახვედრად. რაც უფრო უახლოვდებით მას, მით უფრო გიახლოვდებათ ისიც, თქვენ. შედეგი: დახმარება მოვა უფრო სწრაფად და უფრო ფართო საფუძველზე, სანამ თქვენი ცხოვრება სრულიად არ შეიცვლება.

 

იზრდება საჩუქრების რაოდენობა და ფასეულობა

ჯანმრთელი ადამიანის ორგანიზმი ცოცხლობს დიდხანს, აკეთებს მეტს და მუშაობს უკეთესად, რითაც ეხმარება შემოქმედს, ჩვენი პლანეტის სრულყოფაში. როდესაც თქვენი გონება ეხება უმაღლეს ინტელექტს, თქვენ ხდებით იდეებით დამუხტული გენერატორი, სამაგალითო ადამიანი, რომელსაც შეუძლია ყველა პრობლემის გადაწყვეტა მოხერხებულად, ხდებით ადამიანთა ურთიერთობის გაუმჯობესების კატალიზატორი.

ვარჯიშს, რომელიც ახლახანს შეასრულეთ, მოჰყვება სხვები, რომელთა შესრულებაც მოითხოვს მეტ დროს. მაგრამ, შემდეგ აუცილებელი დრო შემცირდება, სანამ არ დაგრჩებათ მხოლოდ მხედველობის დეფოკუსირება და წარმოსახვა.

როდესაც თქვენში განავითარებთ ალფა-დონეზე შესვლის უნარს და ვიზუალიზაციის და წარმოსახვის ოსტატობას, თქვენი ცნობიერება შევა შემოქმედებით სამეფოსთან კონტაქტში, ანუ ინტელექტის არაფიზიკურ სამყაროსთან – უხილავ, სულიერ სამყაროსთან, საიდანაც შეიქმნა ხილული, ფიზიკური სამყარო.

რა გვევლინება დახმარების წყაროდ?

„მეორე მხრიდან“ დახმარების გარეშე ჩვენი თავის რეალიზებას ვახდენთ გაცილებით ნაკლებად, ვიდრე შეგვეძლო. ჩვენ შეიძლება ვიყოთ ცვალებადი ხასიათის; ქმედებებში უსარგებლო და თითქმის, მეგობრების გარეშე. ხშირად, სიცოცხლის ძვირფას დროს ვხარჯავთ უმიზნო მოძრაობებში, ბევრს ავადვმყოფობთ, განვიცდით იმედგაცრუებას სიყვარულში.

თუ გამოვიყენებთ ტვინის მარჯვენა ნახევარსფეროს, შეგვიძლია მივიღოთ დახმარება „იქითა მხრიდან“. ხომ არ არის „იქითა მხარე“, უბრალოდ, მეორე ნახევარი ჩვენი გონებისა? ან იქნებ, ეს უშველებელი ადამიანია გრძელი თეთრი წვერით, რომელიც ზის იქ, ცაში?

ჭეშმარიტება ამ ჰიპოთეზებს შორისაა და სხვადასხვა ადამიანს, სხვადასხვაგვარად ესახება.

ათასწლეულების განმავლობაში ადამიანი „ხედავდა“ ღმერთს საკუთარ სახეში, გამოსახულებაში. სინამდვილეში, სამართლიანია პირიქით. ღმერთი არის შემოქმედი და მან შექმნა ადამიანი თავის მსგავსად და ხატად.

ღმერთი შემოქმედია, გონიერია, გამგებია, ამიტომ ადამიანი გვევლინება შემოქმედებით, გონიერ, გამგებ პიროვნებად.

ცდილობენ რა გაიგონ და ახსნან უახლესი აღმოჩენები, თანამედროვე ფიზიკოსები, ქმნიან თეორიებს, რომ მთელი მსოფლიო სავსეა ინტელეტით. სივრცე ისედაც შეიცავს უამრავ ენერგეტიკულ ველებს, ასე, რომ დამატება კიდევ ერთი ველისა – ინტელექტისა – არ დაარღვევს მიმდინარე სამეცნიერო პარადიგმებს. მაგრამ, ბევრი მეცნიერი თავს იკავებს ინტელექტის ველის ამ კონცეფციის ოფიციალურად აღიარებისგან, იმის შიშით, რომ ის ძლიერ ახლოსაა რელიგიურ ცნებასთან.

თუმცა, სანდო ფაქტები აიძულებენ მეცნიერებს სერიოზულად მიუდგნენ ამ იდეას. ასეულ წლობით, თეოსოფიური და მეტაფიზიკური ლიტერატურა ამტკიცებდა, რომ ფიზიკური სამყაროს „იქით“ არის სულიერი ფუნდამენტი, ანუ პირველმიზეზი. დღეს, ამის შესაძლებლობა, მეცნიერთა წინაშე, წარმოდგება უდავო მონაცემების ფორმით.

ცალკეულმა მეცნიერებმა, ჯერ კიდევ, გასულ ათწლეულებში, სხვადასხვა ფორმით, დაიწყეს გამოთქმა იდეისა, უმაღლესი ინტელექტის შესახებ. ამერიკელი ფიზიკოსი, დოქტორი ფრიჯოფ კაპრა, ავტორი წიგნისა „ფიზიკის დაო“, თანამედროვე ფიზიკის ცოდნას ატომის უმცირეს ნაწილაკებზე, ადარებს უძველესი ჩინელი ფილოსოფოსების წარმოდგენებს სულიერ სამყაროზე.

ცნობილი ამერიკელი ნეიროქირურგი, დოქტორი, კარლ პრიბრამი, ნეირონებით არეკლილ ფიზიკურ სამყაროს განიხილავს, როგორც ჰოლოგრაფიის პროცესს, ეს კი გულისხმობს, რომ ჩვენი ტვინი წინასწარ იყო „გაცნობილი“ სამყაროს აგებულების კონცეფციას. ბრიტანელმა მეცნიერმა, ჯეიკობ ბემმა, წამოაყენა იგივე ჰოლოგრაფიული  თეორია, ერთ-ერთ სამეცნიერო ჟურნალში. ამ მეცნიერებმა არ იცოდნენ ერთიმეორის პარალელურ მუშაობაზე.

ფიზიკოსი, პიტერ რასელი, მიუთითებს ინტელექტზე, რომელიც ეკუთვნის, თვით პლანეტა დედამიწას, უწოდებს მას „გლობალურ ტვინს“. თავისი კონცეფციის მტკიცებულებად მიიჩნევს იმას, რომ ჩვენი პლანეტა ინარჩუნებს ტემპერატურას და წმენდს თავის წყლებს, მიუხედავად ადამიანის ჩარევისა.

ბიოლოგმა, რუპერტ შელდრეიკმა, ლაბორატორიული ექსპერიმენტების გზით, არაერთხელ დაამტკიცა, რომ ცხოველთა სხვადასხვა სახეობებს, ალბათ, შეუძლიათ „ჩაერთონ“ თავიანთი სახეობის საერთო ინტელექტში. როდესაც თაგვების საკმაოდ დიდმა რაოდენობამ შეისწავლა ლაბირინთი, აღმოჩნდა, რომ ყველა თაგვმა იცოდა მისი აგებულება. როდესაც ადამიანების დიდი მასა გაიგებს რაღაცის შესახებ, ამის გაგება ადვილი ხდება ყველა ადამიანისთვის. შელდრეიკი, ამ საერთო ინტელექტს, უწოდებს მორფოგენეტიკურ ველს.

კლიფ ბაქსტერმა, პოლიგრაფიის სპეციალისტმა, გამოარკვია, რომ ამ ხელსაწყოს შეუძლია დააფიქსიროს მცენარის რეაქცია ადამიანის აზრებზე, მაშინაც კი, როცა ადამიანი საკმაოდ დაშორებულია ობიექტს. მისი მოსაზრებები გადმოცემულია წიგნში „მცენარეთა საიდუმლი ცხოვრება“. ბაქსტერი უფრო შორსაც წავიდა და აღმოაჩინა, იგივე უნარი, ცხოველურ უჯრედებში, ადამიანის უჯრედების ჩათვლით. მან გამოიყენა ელექტროენცეფალოგრაფი და მიიღო აღდგენითი რეზულტატები. უჯრედები, აღებული ადამიანის პირის ღრუდან, ელექტრომონიტორინგზე რეაგირებენ ამ ადამიანის ემოციებზე შორ მანძილზეც კი.

მეცნიერებმა შეაღწიეს მატერიის უმცირეს ნაწილაკებში და აღმოაჩინეს ენერგეტიკული სისტემები და ინტელექტის ველები. ეს კი შეიძლება აღმოჩნდეს, არა მხოლოდ, ბოლო ზღვარი, არამედ ბოლო არე, რომელშიც შეუძლებელია გაზომვა, ფიზიკური ხელსაწყოებით. და მისი გაგებისთვის, საუკეთესო ინსტრუმენტად, გვრჩება საკუთარი გონება, როგორც მეცნიერებს, ასევე ჩვენც.

 

თავი 3

როგორ დავუკავშირდეთ „მეორე მხარეს“

მოდით, aხლა, შევისწავლოთ რელაქსაციური კავშირი. ისეთი უბრალო მოქმედებით, როგორიც რელაქსაციაა, როგორ ვაღწევთ ასეთ მნიშვნელოვან ამბავს, როგორიც არის კონტაქტი „მეორე მხარესთან“?

ბევრი ჩვენგანი, ფიზიკურ რელაქსაციას, განიხილავს, როგორც „არაფრის კეთებას“, მაგრამ, სინამდვილეში, ეს, რაღაც უფრო მეტია. როდესაც დაძაბული სამუშაო დღის შემდეგ ბრუნდებით სახლში, ან როცა მეტისმეტად აღგზნებულ ბავშვებს, ბოლოს და ბოლოს, შერეკავთ ლოგინში და ძალაგამოცლილი ჩაჯდებით მოხერხებულ სავარძელში, მადლობთ ღმერთს, რომ შეგიძლიათ, ასე წყნარად დაჯდეთ, რაიმეს კეთების აუცილებლობის გარეშე. თქვენ დუნდებით, გარკვეული ხარისხით, რაც არ არის საკმარისი ტვინის მარჯვენა ნახევარსფეროს აქტივიზაციისთვის და „მეორე მხარესთან“ კავშირის დამყარებისთვის.

კუნთები, ქსოვილები, ჯირკვლები, თქვენი სხეულის ორგანოები, ისევ ინარჩუნებენ გასული დღის აღგზნებას. აუცილებელია, ამ დაძაბულობისგან, განთავისუფლება. როდესაც ისწავლით მოიხსნათ მსგავსი სტრესები, იქნებით ბედნიერი და ჯანმრთელი. ჭეშმარიტი რელაქსაცია ამის საუკეთესო საშუალებაა, რომელიც შეგიძლიათ მისცეთ საკუთარ თავს.

ალბათ იკითხავთ: „როგორ მოვიხსნა სხეულის დაძაბულობა?“ პასუხი მარტივია: თქვენს სხეულს მართავს თქვენი ტვინი, თქვენ კი შეგიძლიათ მართოთ საკუთარი ტვინი. თუ თქვენ სწორად იყენებთ ტვინს, თქვენ შესძლებთ მოადუნოთ სხეული.

მოდით შევხედოთ ტვინს მოქმედებაში. თქვენ არ მოგიწევთ წიგნის გვერდზე გადადება იმისთვის, რომ ინსტრუქციას მიჰყვეთ. წიგნი დაიჭირეთ მარცხენა ხელით, ისე, რომ მარჯვენა იყოს თავისუფალი და მოკუმშეთ მუჭა. თქვენმა გონებამ უცბად აიტაცა იდეა წიგნის სტრიქონიდან, შემდეგ გადასცა ბრძანება ხელს ნერვებისა და კუნთების საშუალებით.

ახლა, გთხოვთ, მოჭიმოთ მუჭა, სულ უფრო ძლიერ და ძლიერ, შემდეგ შეწყვიტოთ დაწოლა. ამ ინსტრუქციის აზრი ის არის, რომ მოგცეთ საშუალება, დაიმახსოვროთ შეგრძნება, ჭეშმარიტი ფიზიკური რელაქსაციის შეგრძნება. ხუთი წამით გვიან კი არა, სწორედ, ამ მომენტში. მაშ, მოემზადეთ ამ შეგრძნებისთვის.

მზად ხართ? მოკუმშეთ მუჭა... უფრო ძლიერად... ახლა, გაუშვით.

ხომ კარგად იგრძენით თავი? ეს არის, სწორედ, რელაქსაცია. თქვენ დატკბებით ამ გრძნობით, რელაქსაციაში ვარჯიშების დროს, რომლებიც გელით შემდეგ გვერდებზე.

შეგიძლიათ ექსპერიმენტი ჩაატაროთ, ამ შეგრძნებაზე, სხეულის სხვა ნაწილებისთვის, პირდაპირ ახლა, თუ გსურთ. აიღეთ წიგნი ორივე ხელში. დაჭიმეთ კოჭი, ფეხის წვერის ქვემოთ დაწევით, რითაც შექმნით დაჭიმულობას ფეხში...უფრო ძლიერად... ახლა, გაუშვით.

მოუჭირეთ კბილებს, ყბების დაჭიმვით... უფრო ძლიერად... ახლა, გაუშვით. ხომ საუცხოო შეგრძნებაა!

 

დილა, შუადღე  და საღამო

შეიძლება მკითხოთ: რას გვაძლევს რელაქსაცია, „მეორე მხარესთან“ კონტაქტისთვის? პასუხი: ყველაფერს.

პატარა შეხსენება:

•     სხეულის რელაქსაცია გაძლევთ გონების მოდუნებას;

•     გონების რელაქსაცია ტვინის ტალღების სიხშირეს ამცირებს;

•     ტვინის ტალღების შენელებული სიხშირეები აძლევს საშუალებას ტვინის მარჯვენა ნახევარსფეროს გააქტიურდეს;

•     მარჯვენა ნახევარსფერო უზრუნველყოფს თქვენს კავშირს არამატერიალურთან, შემოქმედებით სამეფოსთან – „მეორე მხარესთან“.

რელაქსაცია ისევე საჭიროა „მეორე მხრიდან“ დახმარების მისაღებად, როგორც, ტელეფონზე დასარეკად, ყურმილის აღება და ნომრის აკრეფა.

იქიდან გამომდინარე, რომ თქვენ გსურთ ისწავლოთ სწრაფად, მე შემოგთავაზებთ შეასრულოთ ვარჯიშები დილით, დღისით და საღამოს, ოცი დღის განმავლობაში. თუმცა, არ არის აუცილებლობა, რომ მიჰყვეთ ასეთ ენერგიულ რეჟიმს. თქვენ აითვისებთ, ამ უნარს, ნახევრად მუშაობითაც, ან შემოთავაზებული ტემპის მეოთხედითაც. მაგრამ, ეს მოითხოვს ორჯერ, ან ოთხჯერ მეტ დროს. სხვა სიტყვებით, თქვენ შეგიძლიათ გაიმეოროთ ყოველდღიური ვარჯიში, მეორე დღესაც (ან რამდენიმე დღის განმავლობაში), თუ გსურთ იყოთ დარწმუნებული თქვენს პროგრესში.

როდესაც სილვას მეთოდი ისწავლება ჯგუფში, ღრმა რელაქსაციის დონეზე გადასვლის უნარს, ყოველი მსმენელი, ითვისებს ხუთ-ექვს საათში. ცხადია, შემდეგ, ჩვევები განმტკიცდება პრაქტიკით. თქვენც ყველაფერს ისწავლით. თუმცა, წიგნის მიხედვით, დამოუკიდებელი შესწავლა, მოითხოვს უფრო მეტ დროს, ვიდრე მეცადინეობა მასწავლებელთან ერთად.

ნება მომეცით, აგიხსნათ, რას გააკეთებთ დილით, დღისით და საღამოს. ჯერ, მოგიყვებით მოკლედ, ჩამოვთვლი სავარჯიშოებს, მოგვიანებით კი, მოგცემთ დეტალურ ინსტრუქციებს.

დილა: ყოველ დილით, გაღვიძებისას, დახუჭავთ თვალებს და დაითვლით უკუღმა, ასიდან ერთამდე. შემდეგში, რელაქსაციის გაღრმავების ეს ვარჯიში, თანდათან შემოკლდება.

შუადღე: ნასადილევს, სახლში იქნება, თუ სამსახურში, დაჯდებით მოხერხებულ სკამზე, მოდუნდებით და დაიწყებთ წარმოსახვას.

საღამო: როდესაც დღე გავიდა და თქვენ შეგიძლიათ წყნარად დაჯდეთ, საყვარელ სავარძელში, შეასრულებთ რელაქსაციის ვარჯიშს და წარმოსახვას მიზანმიმართული სახით.

ჩვევები, რომლებსაც აითვისებთ, რამდენიმე წუთიანი ვარჯიშის დროს, დილით, დღისით და საღამოს, მალე მოიყრის თავს. თქვენ შეძლებთ მოდუნდეთ ფიზიკურად და მენტალურად და შეხვიდეთ ალფა-დონეზე „მეორე მხარესთან“ კონტაქტში, ტვინის მარჯვენა ნახევარსფეროს დახმარებით.

ახლა, მოგცემთ დეტალურ ინსტრუქციას, პირველი ხუთი დღის – დილის, შუადღის და საღამოს ვარჯიშებისთვის.

რა გავაკეთოთ დილით – დღეები 1 – 5

დილით, როცა გაიღვიძებთ, წამოჯექით, დაიდეთ ზურგს უკან ბალიში. დახუჭეთ თვალები და დაიწყეთ უკუღმა თვლა, ასიდან ერთამდე.

უკუღმა თვლა ადუნებს. წაღმა თვლა გვამზადებს მოქმედებისთვის. ერთი, ორი, სამი, წავედით!

ახლა გავიხილოთ ნახაზი 1.

ნახაზზე მოცემულია ტვინის ტალღების სიხშირის, ანუ ენერგეტიკული ტალღების რაოდენობის, შესაბამისი ოთხი დონე.

ტვინი „ვიბრირებს” განსაზღვრული სიხშირით, ანუ ციკლებით, წამში. მეცნიერებმა ისწავლეს ამ ტალღების გაზომვა, ბიოუკუკავშირის ხელსაწყოს დახმარებით, რომელიც ცნობილია ელექტროენცეფალოგრაფის სახელით.

 

 

 

	ტალღების სიხშირე, წამში	სახელწოდება	მდგომარეობა
ფიზიკური სამყარო მხედველობა,სმენა, გემო,შეგრძნება. სივრცე-დრო	21 – 14	ბეტა-დონე	ცნობიერების გარე დონეები	მოქმედება ფიზიკურ სამყაროში
სულიერი სამყარო სივრცე და დრო – არ არის ექსტრასენსული აღქმა	14 – 7	ალფა-დონე	ცნობიერების შიდა დონეები	ამ დროს, ტვინის მარცხენა და მარჯვენა ნახევარსფერო ერთად მოქმედებს
	7 – 4	თეტა-დონე	ძილის საზღვარი
	4-ის ქვევით	დელტა-დონე	ღრმა ძილი	უგრძნობი მდგომარეობა

 

ნახაზი 1

 

როდესაც ვდუნდებით, ტვინის ტალღების სიხშირე მცირდება, ამ დიაპაზონს, 7-დან 14-დე რხევებს, წამში, ეწოდება ალფა-დონე, ჩვენ ვცდილობთ მივაღწიოთ ტვინის ტალღების სწორედ, ამ სიხშირეს, რადგან ამ დონეზე მარცხენა და მარჯვენა ნახევარსფერო ერთად მუშაობს.

 ალფა-დონეზე გასვლისას, ჩვენ შეგვიძლია, ჩვენი მენტალური „კომპიუტერი“ დავაპროგრამოთ და დავუკავშირდეთ „მეორე მხარის“ დიდ კომპიუტერს.

სიხშირეს, 4 – 7 ცილებს შორის, წამში, უწოდებენ თეტა-ტალღებს. ეს ძილის ზღვარია, უფრო დაბალი სიხშირეები – ოთხის ქვემოთ – შეესაბამება ღრმა ძილს.

ბეტა-დონეზე, თქვენ, ძირითადად, უკუთვნით ფიზიკურ სამყროს, ანუ ხუთი გრძნობის სამყაროს – მხედველობა, სმენა, ყნოსვა, გემო, შეხებით შეგრძნება – დროისა და სივრცის სამყაროს.

ალფა-დონეზე, თქვენ ხვდებით სხვა სამყაროში, სადაც ფიზიკური სტანდარტები უკან რჩება და შესაძლებელია „აღქმა“ გრძნობათა ორგანოების გარეშე. ალფა–დონე არაფიზიკური სამყაროა, სადაც დროისა და სივრცის ბარიერები არ არსებობს და მუშაობაში ერთვება ინტუიცია, ექსტრასენსული აღქმა და ფსიქიკის მუშაობა.

იმის შესაბამისად, თუ როგორ აღრმავებთ რელაქსაციას, ალფა-დონემდე, ტვინის ტალღების შენელებით, თქვენი გონება გადადის გარე დონიდან შიდაში. ფსიქოლოგები, ოდესღაც, ამ შიდა დონეებს, უწოდებდნენ „ქვეცნობიერს“. სილვას მეთოდის დახმარებით, გონების მართვით, ეს დონეები ჩვენთვის აღარ არის „ქვე“. ჩვენ შეგვიძლია გამოვიყენოთ ისინი შეგნებულად. ეს დონეები ხდება, უფრო, ზეცნობიერი.

ამგვარად, როდესაც თქვენ წამოჯდებით საწოლში, ბალიშზე მიყრდნობილი, ხუჭავთ თვალებს და ითვლით, ასიდან ერთამდე, თქვენ სწავლობთ ალფა-მდგომარეობაში შესვლას, სადაც შეგიძლიათ ფუნქციონირება ზეცნობიერ დონეზე, თქვენს საკუთარ უმაღლეს „მე“-სთან, თქვენი გონების ნაწილთან, რომელიც შეხებაშია „მეორე მხარესთან“, სულიერ სამყაროსთან.

აი, თქვენი დილის მოქმედების გეგმა, პირველ ხუთ დღეს:

1.    როცა გაიღვიძებთ, წამოჯექით, დაიდეთ ზურგს უკან ბალიში;

2.    დახუჭეთ თვალები, ოდნავ ზემოთ აწევით;

3.    დათვალეთ 100-დან 1-მდე;

4.    ერთამდე რომ მიხვალთ, იფიქრეთ: „ყოველთვის, როცა ასე ვდუნდები, შევდივარ ალფა-მდგომარეობაში, სულ უფრო ღრმად და სწრაფად“;

5.    დაამთავრეთ ვარჯიში დათვლით ერთიდან ხუთამდე. გაჩერდით სამზე და იფიქრეთ: „როცა გავახელ თვალებს, მე ვიქნები მხნედ და თავს ვიგრძნობ მშვენივრად“;

6.    ხუთის თქმისას, გაახილეთ თვალები და უთხარით საკუთარ თავს: „მე სრულიად მხნედ ვარ და თავს ვგრძნობ მშვენივრად“.

ახლა, კვლავ გადაიკითხეთ ეს ინსტრუქიები, რომ სწორად შეასრულოთ მოცემული ვარჯიში, ყოველ დილით.

წინასწარ გილოცავთ, ალფა-დონის, თქვენი პირველი მართვადი ვიზიტის შესრულებას!

 

რა გავაკეთოთ დღისით – დღეები 1-5

როდესაც წარმოსახვას ვახორციელებთ, ჩვენ ვქმნით. წარმოსახვა ჩვენი შემოქმედებითი უნარია. ამიტომ, შეიძლებოდა გვეფიქრა, რომ წარმოსახვა უპირველესი პრიორიტეტია ჩვენი განათლების სისტემაში, ასე არ არის?

სრულიადაც არა. ადამიანის შემოქმედების მარტივ ფორმულას – მოდუნება და სახეების შექმნა, ტაბუ ჰქონდა დადებული. თუმცა, მასწავლებლები და მშობლები იწყებენ მიზანმიმართული წარმოსახვის დაფასებას. თვით სურათს (ნახატს) წინ უძღვის აზრობრივი სახე, მხატვრის ტვინში. მოდელიორს გონებაში აქვს აზრობრივი სახე კაბისა, რომლის შეკერვასაც აპირებს, და მხოლოდ ამის შემდეგ, იქმნება დამზადებული ნიმუში და გამოჭრილი მატერია. არქიტექტორი უნდა „ხედავდეს“ შენობას, უფრო ადრე, სანამ გააკეთებდეს ნახაზს, დააზუსტებდეს დეტალებს, დახაზავდეს გადახურვას და კედლებს, შეადგენდეს სპეციფიკაციებს, გამოითვლიდეს ღირებულებას (ფასს) და მიიღებდეს მშენებლობის დაწყების ხელმძღვანელობის ნებრთვას.

ჩვენი გონების ვიზუალიზაციის და წარმოსახვის უნარი, არ შეიძლება იყოს იგნორირებული. ორივე მხარე ურთიერთდაკავშირებულია, და წარმოსახვა გვეხმარება გამოვიყენოთ კავშირის საშუალება – თავის ტვინის მარჯვენა ნახევარსფერო.

ყოველდღე, როდესაც ისადილებთ და მოდუნდებით, მე წარვმართავ თქვენს აზრობრივ წარმოდგენებს. პირველად, გამოვიყენებთ ვიზუალიზაციას, შემდეგ, წარმოსახვას.

რა განსხვავებაა მათ შორის? ვიზუალიზაცია – ფიქრით, თქვენი გონების თვალით წამოდგენაა იმისა, რაც როდისღაც გინახავთ.

წარმოსახვა – ფიქრით წარმოდგენაა რაღაც ისეთის, რომელიც არასდროს გინახავთ. ეს არის სრულიად ახალი სახის შექმნა. მაგალითად, თუ მე გთხოვთ, რომ ფიქრით გამოხატოთ ლიმონი, თქვენ აკეთებთ ლიმონის ვიზუალიზაციას. ხოლო, თუ გთხოვთ, რომ ფიქრით წარმოიდგინოთ ტეხასის შტატში, ლარედოში, ჩემი ოფისი, თქვენ მოგიხდებათ ისარგებლოთ წარმოსახვით.

დავიწყებთ ნაცნობი აზრობრივი სახეებით – ვიზუალიზაციით. რადგან ვაპირებთ ხუთდღიანი ციკლებით წინსვლას, ახლა, მოგცემთ ხუთ გასართობ სავარჯიშოს, რომელსაც შეასრულებთ სადილის შემდეგ, იმავე დღეებში, როცა ასრულებთ დილის ხუთ ვარჯიშს, რელაქსაციის გაღრმავებისთვის, ასიდან ერთამდე უკუღმა თვლით.

ვისურვებდი, ვიზუალიზაციის პირველი სავარჯიშო, პირდაპირ ახლავე შეგესრულებინათ. ასე, რომ მოემზადეთ, ეს სავარჯიშო შედგება სამი ნაწილისგან: რელაქსაცია, ვიზუალიზაცია და გამოსვლა. ყურადღებით შეისწავლეთ თითოეული ნაწილი, შემდეგ, გადადეთ წიგნი გვერდზე და სცადეთ შეასრულოთ.

ნაბიჯები პირველი დღისთვის:

1.    დაჯექით მოხერხებულად და დახუჭეთ თვალები, ოდნავ ზემოთ ასწიეთ ისინი;

2.    დათვალეთ 100-დან 1-მდე;

3.    წარმოიდგინეთ მთლიანი მწვანე საზამთრო;

4.    წარმოიდგინეთ, რომ ვიღაც ჭრის ამ საზამთროს შუაზე და ორი ნახევარი აქეთ-იქით ვარდება, ისე, რომ თქვენ შეგიძლიათ დაინახოთ მათი შიდა მხარე;

5.    შეართეთ ორივე ნახევარი და დაე, საზამთრო გაქრეს;

6.    დათვალეთ 1-დან 5-მდე და გაახილეთ თვალები. 3-ის თვლაზე შეახსენეთ თავს, რომ: „როცა გავახელ თვალებს, მე ვიქნები მხნედ და თავს ვიგრძნობ მშვენივრად“;

6.    5-ის თქმისას გაახილეთ თვალები და უთხარით საკუთარ თავს: „მე სრულიად მხნედ ვარ და თავს ვგრძნობ მშვენივრად“.

საზამთროს ვიზუალიზაცია იქნება თქვენი პირველი დღის სადილობის შემდგომი ვარჯიში. შემდეგი ოთხი დღისთვის მოგცემთ სხვა საგნების ვიზუალიზაციის დავალებას.

რა „დაინახეთ“ იმ მომენტში, როცა საზამთრო გადაიხსნა ორად? წითელი რბილობი? შავი თესლები? ქერქის თეთრი შიდა მხარე? მე არ მითხოვია თქვენთვის, „დაგენახათ“ ეს დეტალები, მაგრამ, თქვენ, ავტომატურად, ჩართეთ ისინი თქვენს აზრობრივ სურათში. ეს თქვენი გახსენებაა იმისა, თუ როგორია საზამთრო.

მოძებნეთ ეს დეტალები ხვალაც, სადილის შემდეგ. შეგიძლიათ გაიხსენოთ, აგრეთვე, საზამთროს გემო. რატომ უნდა თქვათ უარი დესერტზე!

აი, ვიზუალიზაციის დავალებები შემდეგი ოთხი დღისთვის: (ნაბიჯები 1,2, და 6 იგივეა, ოთხივე დღისთვის, რაც იყო პირველი დღისთვის).

II დღე – თქვენ თვითონ. გააკეთეთ ვიზუალიზაცია საკუთარი თავისა თავიდან ფეხებამდე, სარკის წინ მდგარი (თუ ვერ იხსენებთ თქვენი თავის გამოსახულებას, ჩაიხედეთ სარკეში და დაიმახსოვრეთ);

III დღე – ვიზუალიზაცია რომელიმე ახლობლისა;

IV დღე – მყუდრო ადგილის ვიზულალიზაცია. წარმოიდგინეთ მყუდრო ადგილი, სადაც ყოფილხართ. ეს, შეიძლება იყოს სანაპირო, ჰამაკი, გორაკი, ტბა, მთის წვერო, წყნარი, ჩრდილიანი კუთხე. შემდეგ, წარმოიდგინეთ თქვენი თავი, იქ. შექმენით სურათი, რეალურივით, რათა ისევ შეიგრძნოთ ამ ადგილის სიმყუდროვე. თუ თქვენ ის გაწყნარებთ, ისე, როგორც მოელოდით, შემდგომში, მას მოვიხსენიებთ, როგორც „თქვენს საყვარელ ადგილს რელაქსაციისთვის“.

V დღე –ვიზუალიზაცია სახლისა, სადაც ცხოვრობთ. დაათვალიერეთ თქვენი სახლი გარედან, დაიმახსოვრეთ ყველაფერი, რაც შეიძლება. შეისწავლეთ თავიდან ბოლომდე. დაიმახსოვრეთ ფერი და წვრილმანი დეტალებიც, მომდევნო ვიზუალიზაციისთვის.

ახლა, თქვენ გაქვთ გეგმა დილის და შუადღის მოქმედებებისთვის, პირველ ხუთ დღეს.

ახლა, ვნახოთ, რისი გაკეთება მოგიხდებათ, პირველ ხუთ საღამოს.

 

რა გავაკეთოთ საღამოს – დღეები 1-5

დილით ვარჯიშობთ რელაქსაციაში. თქვენ სწავლობთ ალფა-დონის კონტროლს, სადაც აზროვნება ცენტრირებულია. შუადღისას, ვარჯიშობთ აზრობრივი სახეების შექმნაზე, რაც წარმოადგენს მარჯვენა ნახევარსფეროს ფუნქციას. საღამოს, თქვენ, ორივეს კომბინაციას ასრულებთ, ანუ, მოდუნებას და წარმოსახვას. რელაქსაცია+გამოსახულება=რეზულტატს. აი, ასე, უბრალოდ. თქვენ ყოველთვის იცოდით ეს ფორმულა, იყენებდით კიდეც მას, ყოველდღიურ ცხოვრებაში. როგორ? გეტყვით. თქვენ მიდიხართ საღამოს სახლში, მძიმე სამუშაო დღის შემდეგ, მოდუნებული ჯდებით მოხერხებულ სავარძელში და ხატავთ თქვენს პრობლემებს: როგორ ცუდად მიდის საქმეები, რა ბევრი გადასახადები გაქვთ, როგორ ავად არის თქვენი ბავშვი, და ა.შ. და... შეწუხებული ხართ.

როდესაც დუნდებით და ხატავთ ასეთ სურათებს, თქვენ ქმნით. მაგრამ, რას? ქმნით იმას, რაც არ გინდათ. ამარაგებთ თქვენს პრობლემებს დამატებითი ენერგიით. და უნდა გვიკვირდეს, რომ საზრუნავი მატულობს?

ახლა, ეს ყველაფერი იცვლება. თქვენ ისარგებლებთ ფორმულით გადაწყვეტის შექმნისათვის და არა – პრობლემის გამრავლებისთვის. და ცვლილებები უკეთესისკენ აუცილებლად მოხდება, თქვენს ცხოვრებაში! რელაქსაცია, რომელსაც დილით აკეთებთ, და აზრობრივი სახეების შექმნა, რომელზედაც დღისით ვარჯიშობთ, შეერთდებიან საღამოს ვარჯიშებში. იმ რამდენიმე წუთიანი რელაქსაციით და ძილის წინ სახეების (ხატების) შექმნით, თქვენ, არა მარტო, მეტად ეუფლებით ორივე ნაბიჯს, არამედ, მალე დააფიქსირებთ მნიშვნელოვან ცვლილებებს თქვენს ცხოვრებაში.

 

პროგრესული რელაქსაცია

მოახდინეთ თქვენი ცნობიერების კონცენტრაცია სხეულის ყოველ ნაწილზე. რიგრიგობით მოადუნეთ და მოუსმინეთ რეაქციას.

დაიწყეთ თავიდან და წადით ფეხების თითებამდე. იმოქმედეთ ნელა და მოფიქრებულად, თან დარწმუნდით, რომ სხეულის ყველა ნაწილმა მოახდინა რეაქცია, მანამდე, ვიდრე გადახვიდოდეთ შემდეგზე. პირველად, მოადუნეთ თავის კანი, შემდეგ, შუბლი, თვალები, სახე, ყელი, მხრები, ხელები. არ გადახვიდეთ ზურგზე, სანამ არ იგრძნობთ, რომ ხელები და მხრები მოდუნდა და იგრძენით სიამოვნება. შემდეგ, მოდის მკერდი, მუცელი, ზურგის ქვედა ნაწილი, თეძოები, მუხლები, წვივები, კოჭები, ტერფები და ფეხის თითები.

არ არის აუცილებელი დაიმახსოვროთ მოცემული რიგი, რადგან ეს არის თავიდან ფეხებისკენ მოძრაობის ბუნებრივი მიმდევრობა. პირველ საღამოს, გადაიკითხეთ ეს ინსტრუქცია და შეასრულეთ რელაქსაციის ყოველი ნაბიჯი, ნელა და მონდომებით.

მეორე და მესამე დღეების საღამოს, შეგიძლიათ ააჩქაროთ ეს პროცესი. სწრაფად მოადუნეთ თავის კანი, შუბლი, თვალები და ა.შ. თქვენ აღმოაჩენთ სხეულის გამოხმაურებას უფრო სწრაფად და სრულად.

 

მოქმედების გეგმა – საღამოები 1-5

ამ საღამოების ყოველი ვარჯიშის შესრულებისას მოდუნდით ისე, როგორც ამას აკეთებდით დილის ვარჯიშისას, ხოლო შემდეგ, მიჰყევით ინსტრუქციას, რომელიც მოყვანილია ქვემოთ, რელაქსაციის გასაძლიერებად და „მეორე მხარესთან“ კონტაქტის განვითარების ხელშესაწყობად.

I საღამო – გამოიყენეთ პროგრესული რელაქსაცია, რომელიც აღწერილია წინა განყოფილებაში. გააკეთეთ ვიზუალიზაცია კვლავ იმ საზამთროსი, რომელიც „ნახეთ“ სადილის შემდეგ, შეეცადეთ „დაინახოთ“ თესლები, წითელი რბილობი, მწვანე ქერქი და ქერქის შიდა თეთრი ნაწილი. მოიახლოვეთ საზამთრო და დააკვირდით, როგორ იზრდება. გაიხსენეთ, როგორი სუნი აქვს, როგორი გემო. ახლა, გაქრეს საზამთრო. იგივე მოქმედებები გააკეთეთ ლიმონზე, შემდეგ ხახვზე. დაამთავრეთ მეცადინეობა დათვლით, 1-დან 5-მდე, როგორც ეს, დილით გააკეთეთ.

II საღამო – შეასრულეთ, ნაბიჯ-ნაბიჯ, ზემოთ აღწერილი პროგრესული რელაქსაცია. გააკეთეთ თქვენი თავის ვიზუალიზაცია, ისე, როგორც სადილის შემდეგ. შეცვალეთ სურათი ისე, რომ თქვენ გამოიყურებოდეთ უფრო ახალგაზრდად, ჯანმრთელად, უფრო ენერგიულად და გაცისკროვნებულად. ჩვეულებრივად, დაამთავრეთ მეცადინეობა დათვლით, 1-დან 5-მდე.

III საღამო – კვლავ შეასრულეთ, ნაბიჯ-ნაბიჯ, პროგრესული რელაქსაცია. ვიზუალიზაცია გააკეთეთ ადამიანისა, რომელიც „ნახეთ“ დღისით. აპატიეთ, ამ ადამიანს, ყველა კონფლიქტი და გაუგებრობა და შემდეგ, სთხოვეთ მას პატიება. შეიგრძენით, როგორ ხდება ეს. დაამთავრეთ დათვლით 1-დან 5-მდე.

IV საღამო – 100-დან 1-მდე უკუღმა დათვლის შემდეგ, მოადუნეთ ქუთუთოები. კონცენტრირდით ამის შეგრძებაზე. მოდუნების გრძნობამ გაიაროს მთელ სხეულში, თავიდან, ფეხის თითებამდე. „წადით“ მყუდრო ადგილას, რომელიც დღისით „ნახეთ“. იმეორეთ თქვენთვის: „ყოველდღიურად, მე ვხდები უფრო ჯანმრთელი და უფრო მდიდარი. ყოველდღიურად, ჩემ საქმეს ვაკეთებ უკეთესად და უკეთესად. ყოველდღიურად, ვცვლი ამ სამყაროს უკეთესობიკენ“. დაამთავრეთ მეცადინეობა, დათვლით 1-დან 5-მდე.

V საღამო – დაიწყეთ დათვლით 100-დან 1-მდე, გააკეთეთ თქვენი საყვარელი ადგილის ვიზუალიზაცია რელაქსაციისთვის. შეცვალეთ ეს სურათი თქვენი სახლით, როგორიც დღეს „ნახეთ“ გარედან, სადილის შემდეგ. ახლა, გახვიეთ ის თეთრ შუქში. შეეცადეთ დაინახოთ ეს სულიერი შუქი – სიმბოლო სიყვარულისა და მფარველობისა „მეორე მხრიდან“. დაამთავრეთ მეცადინეობა.

      *   *   *   *

პირველი ხუთი დღე გაძლევთ სხეულისა და გონების რელაქსაციის დაწყებით გამოცდილებას და გასწავლით აზრობრივი ხატების შექმნის ძვირფას ტექნიკას. როდესაც ეს პროცედურა თქვენთვის ბუნებრივი გახდება, უფრო უკეთესად აითვისებთ მას. თქვენ შეგიძლიათ გამოიყენოთ ორნაწილიანი მარტივი ფორმულა (მოდუნება+წარმოსახვა), იმისათვის, რომ მიიღოთ დახმარება „მეორე მხრიდან“. შემდეგი ხუთი დღის განმავლობაში პროცესი, დროის მიხედვით, შემცირდება და თქვენ იგრძნობთ თავს უკეთესად და უკეთესად.

 

თავი 4

„მეორე მხარესთან“ კონტაქტის გაუმჯობესება

ბილი ჩქარობდა. მის მიწაზე იყო ნავთობის ჭაბურღილი, რომელიც პრაქტიკულად ამოიწურა. ის გადიოდა სილვას მეთოდით სასწავლო კურსს, ტეხასში. შესაბამისად, ბილი მოდუნდა, ღრმა ალფა-დონემდე და გამოიყენა სილვას ტექნიკა, რომ გამოერკვია, სად გაებურღათ პროდუქტიული ჭა. მან მიიღო პასუხი, გამოიძახა ბრიგადა და უჩვენა ახალი ადგილი გაბურღვისათვის. შემდეგ, ბილი დაბრუნდა სილვას მეთოდით სწავლის გასაგრძელებლად, ბრიგადამ კი მუშაობა დაიწყო. დღის ბოლოს, სახლში დაბრუნებულმა ბილმა აღმოაჩინა, რომ ბრიგადამ გაბურღა, რაც შეიძლება ღრმად, მაგრამ, ნავთობი არ აღმოჩნდა. ბრიგადამ მიატოვა მუშაობა და მუშები წავიდნენ სახლებში.

ბილი განრისხებული იყო. მან დაურეკა თავის მასწავლებელს და მოუთხრო თავის წარუმატებლობაზე.

– თქვენ არ დაიცადეთ სწავლის დამთავრებამდე. – შეახსენა მას მასწავლებელმა.

– ვიცი, მაგრამ, მე ძალიან მსურდა ნავთობის პოვნა.

– მოიცადეთ, ერთი წუთით. – უპასუხა მასწავლებელმა.

სანამ ბილი უცდიდა ტელეფონთან, ლექტორი შევიდა ღრმა ალფა-დონეზე, რომ გაეგო, ბილის ნაკვეთზე, სად უნდა გაებურღათ.

– თქვენ ასცდით, თითქმის, 500 ფუტით, – უთხრა მან ტელეფონთან დაბრუნებულმა. – დაიწყეთ სამუშაოები 500 ფუტით დასავლეთით, იმ ადგილიდან, სადაც გუშინ ბურღავდით.

ბილმა ხელახლა გამოიძახა მუშების ბრიგადა და უბრძანა მათ, რომ გაებურღათ იქ, სადაც მიუთითა მასწავლებელმა.

ნავთობი აღმოაჩინეს სწრაფად, და ეს იყო ყველაზე მდიდარი საბადო, რომელიც ნაპოვნი იყო მთელ იმ რაიონში, წლის განმავლობაში.

მორალი ის კი არ არის, რომ დახმარებისათვის მე მომმართოთ, არამედ ის, რომ სანამ დაიწყებდეთ სილვას მეთოდის გამოყენებას, აუცილებელია შეგნებულად და ზუსტად შეასრულოთ სავარჯიშოები. არ იჩქაროთ!

 

ყველაზე მრავლისაღმთქმელი მოხმობა

დოქტორმა ედგარ დ. მიტჩელმა, ასტრონავტმა, რომელიც გაფრინდა „აპოლონ-14“-ით, დაარსა სულიერ მეცნიერებათა ინსტიტუტი. ახლახანს, თავისი ინსტიტუტის წევრებისადმი მიწერილ წერილში, მან ადამიანის გონებას და სულს უწოდა „ყველაზე მრავლისაღმთქმელი მოხმობა, ყველა დანარჩენს შორის“. მან აღნიშნა, რომ ადამიანის გონების პოტენციის კვლევაში ერთვებიან მეცნიერების სხვადასხვა დარგის გამოჩენილი მოღვაწეები, ფსიქოლოგიის, ანტროპოლოგიის, ნეიროფიზიოლოგიის და თეორიული ფიზიკის.

ისინი იკვლევენ პრობლემის შემდეგ ასპექტებს:

•     მენტალური გამოსახულების, მტკიცების და ლოცვის როლი შეხორცების სტიმულირებაში.

•     ისეთი გენიოსების, როგორიც იყო, მაგალითად, აინშტაინი, ცნობიერი წარმოსახვები, როგორ შეიცვალა ცნობილი მეცნიერული აღმოჩენებით.

•     ზოგიერთი ადამიანის უჩვეულო ნიჭის ბუნებას, მაგალითად, ნათელმხილველობის, ტელეპატიის და წინასწარმეტყველების.

ეჭვი არ არის, რომ არქტიკის ათვისება მნიშვნელოვანი აღმოჩენების წინასაფეხურია. NASA–ს მუშაობამ, გარე კოსმოსის კვლევაში, შეიძლება მოიტანოს კაცობრიობისთვის უდიდესი სარგებლობა, მაგრამ მე დარწმუნებული ვარ, რომ ყველაზე უფრო მრავლისაღმთქმელი შინაგანი კოსმოსის ათვისებაა. მოსალოდნელი შედეგები არ შემოიფარგლება ახალი ფიზიკური წყაროების პოვნით, როგორც სამხრეთ პოლუსზე; ის უფრო შორს მიდის, ვიდრე სიცოცხლის განსხვავებული ფორმების აღმოჩენა კოსმოსში, მთვარის, ან რომელიმე პლანეტის კოლონიზაციის შესაძლებლობა. ის უსაზვროა.

როგორი შეზღუდვები შეიძლება დავუწესოთ „მეორე მხარეს“? თუ ადამიანს შეუძლია დაუკავშირდეს თავის საწყისებს, რა გადაეღობება ასეთ ადამიანს?

მიტჩელის და მისი კოლეგების თანახმად, „არის ახალი გამაოგნებლი დადასტურებები იმისა, რომ გონება არის ერთ-ერთი ფაქტორი, ყველა ავადმყოფობისა“. თუ ისწავლით გონების მართვას, ისწავლით ჯანმრთელობის მართვასაც.

ჯანმრთელობის პრობლემებში „მეორე მხარე“ უდანაშაულოა. ეს ყველაფერი თქვენგან არის – თქვენი გონება, თქვენი მღელვარებები, შიშები, სტრესები, ნეგატიური აზრები. ამიტომ, როცა მოინდომებთ თქვენი ავადმყოფობების განკურნებას და ძლიერი ჯანმრთელობის შენარჩუნებას, „მეორე მხარე“ ყოველთვის დაგეხმარებათ.

და კარგი ჯანმრთელობა – ეს მხოლოდ დასაწყისია. „მეორე მხარეს“ განზრახული აქვს დედამიწა აქციოს აყვავებულ, სიუხვის პლანეტად. ისევე, როგორც, კარგი ჯანმრთელობის მენტალური კლიმატი შველის ავადმყოფობებისგან გაჯანსაღებას, სიუხვის მენტალური კლიმატი ქმნის სიუხვეს. ნუ დააკისრებთ, ყველა ამ პრობლემას, თქვენს თავს, მიეცით შესაძლებლობა „მეორე მხარეს“, რომ რაღაცაში დაგეხმაროთ.

 

ირწმუნეთ, „შეუძლებელი“!

როდესაც „მეორე მხარე“ შეეხება ფიზიკურ სამყაროს, იმისათვის, რომ დაგეხმაროთ პრობლემის გადაწყვეტაში, შედეგები ყოველთვის არ არის ახსნადი, მეცნიერული თვალსაზრისით, მეცნიერების იმ ჩარჩოში, რომელიც გვაქვს ამჟამად. ახლა, მეცნიერები იწყებენ გაგებას, რომ ისინი არ არიან ნეიტრალური დამკვირვებლები, როგორებადაც ადრე მიიჩნევდნენ თავს. ყოველი გონება, რომელიც ჩართულია მეცნიერულ პროექტში, წარმოადგენს ფაქტორს, რომელიც გავლენას ახდენს პროექტის შედეგზე. მეცნიერის ცოდნა და გამოცდილება განსაზღვრავს იმას, რისი დანახვაც შეუძლია მას.

მრავალი წლის განმავლობაში, მეცნიერები ატარებდნენ ექსპერიმენტებს, იმის გასაგებად, თუ როგორი ბუნება აქვს სინათლეს, ტალღური თუ კორპუსკულური. ზოგი ცდა ადასტურებდა ტალღურ ბუნებას, სხვები, არანაკლები დამაჯერობლობით, ამტკიცებდნენ, რომ სინათლე შედგება ნაწილაკებისგან – კორპუსკულებისგან. შედეგად, ზოგი მეცნიერი აღიარებდა სინათლეს, როგორც ნაწილაკების ერთობლიობას, სხვები კი – როგორც ტალღას. თითოეული მეცნიერი ირჩევდა იმ პასუხს, რომელსაც უპირატესად თვლიდა. დაარქვით ამას გონების ბატონობა მატერიაზე, თუ გნებავთ, მაგრამ, მათი რწმენა და მოლოდინი გავლენას ახდენდა სინათლის საქციელზე, უფრო ზუსტად, იმაზე თუ, მეცნიერები როგორ აღიქვამდნენ მის საქციელს. დღეს ვიცით, რომ სინათლე შეიძლება მოიქცეს, როგორც ნაწილაკების ერთობლიობა, ასევე, როგორც ტალღა.

მრავალი წლის განმავლობაში, მეცნიერები ფიქრობენ, რომ შემთხვევა A, რომელიც მოხდა აქ, და შემთხვევა B, მომხდარი სადღაც სხვაგან, როგორღაც, ერთმანეთთან უნდა იყოს დაკავშირებული. ისინი ფიქრობდნენ, რომ არ შეიძლება ზემოქმედება მანძილზე, თუ არ იქნება გარკვეული დამაკავშირებელი ფაქტორი, როგორიც არის სინათლე, სითბო, ენერგია. დღეს, თუმცა ჯერჯერობით, აუხსნელია მოცემული მოვლენა, მაგრამ, მიღებულია, როგორც მეცნიერულად დასაკვირვებელი ფაქტი. იმოქმედეთ ატომზე და ის, თავის მხრივ, იმოქმედებს სხვა ატომის საქციელზე, ყოველგვარი დამაკავშირებელი რგოლის გარეშე, მათ შორის.

როდესაც ჩვენ ვიყენებთ გონებას, „მეორე მხარესთან“ კონტაქტისთვის, ჩვენ, ასევე, ვღებულობთ შედეგებს, რომლიც ძნელად ასახსნელია, თანამედროვე მეცნიერების თვალსაზრისით. მეცნიერებამ გადადგა უდიდესი ნაბიჯები წინ, მაგრამ, ჯერ კიდევ, ბევრია შესასწავლი ჩვენი მსოფლიოს შესახებ.

აი, კიდევ, ერთი წარმოუდგენელი ფენომენი, რომელშიც მეცნიერები იძულებულნი არიან დარწმუნდნენ, „ნიუ-იორკ ტაიმსმა“, ახლახანს, გვაცნობა, რომ იტალიელ, ფრანგ, კანადელ და ისრაელელ ბიოლოგთა ჯგუფის მტკიცებით, შეიძლება მოხდეს რეაქცია, ორ ხსნარს შორის, მაშინაც კი, თუ ერთ-ერთი, ამ ხსნართაგან, იმდენად გაზავებულია წყლით, რომ მისგან პრაქტიკულად აღარაფერი დარჩა.

ერთმა, მსოფლიოში ყველაზე უფრო პატივსაცემმა და პრესტიჟულმა ჟურნალმა, „ბუნებამ“, რომელიც დაარსებულია საუკუნეზე მეტი ხნის წინ, ლონდონში, გამოაქვეყნა ანგარიში, ამ გამოკვლევის შესახებ, მაგრამ, ამავე დროს, აღიარა, რომ სარედაქციო კოლეგიამ მიღებული შედეგები მიიჩნია სრულიად დაუჯერებლად. მათ ასეთი კომენტარი გააკეთეს: „ჩვენ დარწმუნებულნი ვართ, რომ მოცემული შედეგი უნდა იყოს მცდარი, მაგრამ, მისი უარყოფაც არ შეგვიძლია”.

ერთი სითხე განზავებული იყო წყლით 10 120-ე ხარისხში. ეს ნიშნავს, რომ იმ ნივთიერებიდან პრაქტიკულად აღარაფერი დარჩა, რომ გამოეწვია ქიმიური რეაქცია – და მაინც, რეაქცია მოხდა.

როგორ? იფიქრეთ, დახუჭეთ თვალები, ასწიეთ ოდნავ ზემოთ და იფიქრეთ, ასეთი რამ, როგორ შეიძლებოდა მომხდარიყო. დახმარება „მეორე მხრიდან“ – ყველაზე უფრო შესაძლებელი პასუხია.

 

მოქმედების გეგმა – დღეები 6-10

მომდევნო ხუთ დღეს, თქვენი დილის „მუშაობა“ გამარტივდება, შუადღის რელაქსაცია გახდება საინტერესო, ხოლო საღამოს მეცადინეობები იქნება უფრო პროდუქტიული და პრაქტიკული.

სხვა სიტყვებით, ყოველდღიური სამ-სამი მეცადინეობა მე-6-დან მე-10-დღემდე გაგრძნობინებთ, რომ საგრძნობლად მიუახლოვდით ალფა-დონეზე შესვლას, მარჯვენა ნახევარსფეროს გააქტიურებას და „მეორე მხარესთან“ წარმატებულ კონტაქტს.

მაშინაც კი, როცა სილვას მეთოდის შემსწავლელები ამთავრებენ სწავლას, მე ვურჩევ მათ ალფა-დონეზე შესვლას, დღეში სამჯერ, იმისთვის, რომ შეინარჩუნონ პრაქტიკა, განწყობა და ცენტრირებულობა. გარდა ამისა, ვურჩევ მათ ალფა-დონეზე დარჩენას, რამდენიმე წუთით, რათა დააპროგრამონ თავიანთი ცხოვრებისა და იმ ადამიანთა ცხოვრების გაუმჯობესება, ვინც მათთვის ძვირფასია. ხუთი წუთი ალფა-დონეზე, კარგია, 10 წუთი – ძალიან კარგი, 15 წუთი – მშვენიერი.

თუ თქვენ გაქვთ ჯანმრთელობის პრობლემები, ალფა-დონე შეიძლება გახდეს თქვენთვის თერაპიული მდგომარეობა. მე გაგაცნობთ ტექნიკას, რომელსაც შეძლებთ, რომ გამოიყენოთ თქვენს სასარგებლოდ, ამ დონეზე ყოფნისას. 15 წუთი ალფა- დონეზე, დღეში სამჯერ, გახდება თქვენთვის საუკეთესო წამალი.

ერთმა სადაზღვევო კომპანიამ გამოაცხადა, რომ ხუთიდან ოთხი ნერვიული აშლილობა იწყება, არა თვით სტრესების შედეგად, არამედ მოუსვენრობით. ერთ-ერთი კლინიკის პაციენტებზე, ჩატარებულმა გამოკვლევებმა აჩვენა, რომ ყველა ავადმყოფობის 35% იწყება მოუსვენრობით. ვარჯიშები მე-6-10 დღეებში გასწავლიან თქვენ ღელვისგან განთავისუფლებას და მის შეცვლას პოზიტიური აზროვნებით, რომელიც ორიენტირებული იქნება გადაწყვეტილების პოვნაზე. ეს სასურველად მოქმედებს თქვენს ყველა უჯრედზე და სხეულის ორგანოებზე და ხსნის გზას, „მეორე მხარესთან“, ნაყოფიერი თანამშრომლობისთვის.

დილის და შუადღის უკუღმა დათვლა განახევრდება, რაც მოგცემთ საშუალებას მეტი დრო დაუთმოთ სხვა საინტერესო საქმეს. მაგალითად, დღის ვარჯიშებიდან ზოგიერთი დაეთმობა ამბის ისეთნაირად მოხდენის ვიზუალიზაციას, როგორც გინდოდათ, რომ მომხდარიყო.  გააკეთებთ თქვენი მენტალური კომპიუტერის გადაპროგრამებას, აგრეთვე, თუ აუცილებელია, დიდი კომპიუტერისასაც, რომ აიძულოთ, ამბავი მოხდეს ისე, როგორც თქვენ გინდათ.

საღამოობით, უკუღმა დათვლის შემდეგ, ივარჯიშებთ გაღრმავებაზე, ან დღის პროგრამირების გაძლიერებაზე, ან ივარჯიშებთ სხვა სასარგებლო მოქმედებებით. ახლა, დეტალურად განვიხილავთ დილის, შუადღის და საღამოს მეცადინეობებს, შემდეგ კი, ამ თავის ბოლოს, ადვილად დამახსოვრებისთვის, ყოველი დღის პროგრამას შევაჯამებთ.

 

რა გავაკეთოთ დილით --- დღეები 6-10

აი, თქვენი დილის მოქმედების გეგმა, მომდევნო ხუთ დღეს:

1.    როცა გაიღვიძებთ, დაჯექით, ბალიშზე მიყრდნობილი;

2.    დახუჭეთ თვალები, ასწიეთ ოდნავ ზევით და ნელა დათვალეთ, უკუღმა, 50-დან 1-მდე;

3.    ერთს რომ მიაღწევთ, უთხარით თქვენს თავს: „ყოველთვის, როცა ასე ვდუნდები, მე შევდივარ ალფა-დონეზე, სულ უფრო, ღრმად და სწრაფად“;

4.    შემდეგ თქვით: „პოზიტიურ აზრებს მოაქვს ჩემთვის ყველა სიკეთე და უპირატესობა, რომლიც მსურს“;

5.    დაამთავრეთ ვარჯიში დათვლით 1-დან 5-მდე. გაჩერდით 3-თვლაზე და იფიქრეთ: „როცა გავახელ თვალებს 5-თვლაზე, მე ვიქნები სრულიად მხნედ და თავს ვიგრძნობ მშვენივრად“. 5-ის დათვლაზე გაახილეთ თვალები და უთხარით საკუთარ თავს: „მე სრულიად მხნედ ვარ და თავს ვგრძნობ მშვენივრად“.

ამგვარად, თქვენი დილის ვარჯიშების მეორე ხუთეული პირველისგან განსხვავდება ორი მომენტით: თქვენ ითვლით 50-დან 1-დე და არა 100-დან და, მოდუნებულ მდგომარეობაში, უმატებთ მეორე მტკიცებას, რითაც ახსენებთ თავს, რომ პოზიტიური აზროვნება ქმნის კეთილდღეობას და უპირატესობას.

როდესაც გაივლით, ამის მსგავს, 20-დღიან მეცადინეობებს, სილვას მეთოდის გამოყენება, „მეორე მხრიდან“ დახმარების მისაღებად, თქვენთვის იქნება უფრო მარტივი და სწრაფი, ვიდრე, ნებისმიერი ამ ვარჯიშთაგანი. ალფა-დონეზე შესვლა და სასურველი ამბის პროგრამირება, თქვენთვის, იქნება, რამდენიმე წამის საქმე. მთელი ამ პრაქტიკის შემდეგ, თქვენ შეძლებთ ალფა-დონეზე შესვლას, წამიერად.

მომდევნო ხუთ დღეში, აღარ დაგჭირდებათ თვლა 100-დან ერთამდე, არამედ, მხოლოდ 50-დან, იმიტომ, რომ თანდათანობით შეძლებთ კონტროლს ალფა-მდგომარეობაზე.

მთელი ცხოვრების მანძილზე, თქვენ, ალფა-მდგომარეობაში ხვდებოდით, დღეში ორჯერ – დილით გაღვიძებისას და საღამოს დაძინებისას, მაგრამ არ შეგეძლოთ გაჩერება, იმ მდგომარეობაში და თქვენი მოქმედების მართვა. ეს რომ ყოფილიყო შესაძლებელი, თქვენ გაჩერდებოდით ხოლმე და ისარგებლებდით ყველა სიკეთით და უპირატესობით.

ახლა, თქვენ, ეუფლებით ასეთ კონტროლს. მე-11 – 15 დღეებში, უკუღმა დათვლა შემცირდება 25-დან ერთამდე. კერძოდ, ეს თვლა გახდება თქვენთვის სტანდარტული, ალფა-დონეზე შესასვლელად. გარდა ამისა, არ მოგიხდებათ საწოლში ნახევრად წოლა, და სკამზე ჯდომაც კი. თქვენ შეძლებთ  ალფა-მდგომარეობაში შესვლას და ფიქრით ხატვას თქვენი პროგრამირებისა, სეირნობის ან მანქანის მართვის დროსაც კი.

 

რა გავაკეთოთ დღისით – დღეები 6-10

პირველი ხუთი დღის განმავლობაში თქვენ ტკბებოდით ვიზუალიზაციის პროცესით – „ხილვა“ ნაცნობი საგნებისა, შიდა მხედველობით.

მომდევნო ხუთი დღის განმავლობაში, გამოიყენებთ წარმოსახვას – შინაგანი მხედველობით, ნაკლებად ცნობილი სახეების, საგნების, ადგილების „ხილვა“.

ვიზუალიზაცია და წარმოსახვა ნათელმხილველობის მნიშვნელოვანი ელემენტებია. აი, რატომ დავუბრუნდებით ჩვენ, მუდმივად, აზრობრივი წარმოსახვების შექმნის ამ ორ ასპექტს.

რა არის ნათელმხილველობა? ინგლისური ენის ლექსიკონი გვაძლევს ორ განმარტებას:

1.    საგნების აღქმის სავარაუდო უნარი, ადამიანური გრძნობების არაბუნებრივ დიაპაზონში.

2.    დახვეწილი ინტუციური შორსმჭვრეტელობა, ან აღქმა.

პირველ განსაზღვრებასში გამოყენებულია სიტყვა „სავარაუდო“, ალბათ გადმოსული იმ დროიდან, როცა ნათელმხილველობა არ იყო მოხვედრილი მეცნიერების მხედველობის არეში. უკვე მრავალი წელია მთავრობის მიერ დაფინანსებულია პროექტი „დისტანციური ხედვა“, და გამოსაცდელები ზუსტად აღწერენ ნებისმიერად არჩეულ სცენებს, რომლებიც დაშორებულია ათასობით მილით, „სავარაუდო“, აქ, არაფერია!

მეორე განასღვრებასთან, არა მაქვს საკამათო. დიახ, ნათელმხილველობა – ეს ინტუციური შორსმჭვრეტელობაა, რომელიც გულისხმობს აღქმის „შინაგან“ მეთოდს, ტვინის მარჯვენა ნახევარსფეროს გამოყენებით.

ალფა-დონე, რომელიც ააქტიურებს მარჯვენა ნახევარსფეროს, გვევლინება კავშირად. ჩვენ გვაქვს ყველა საფუძველი ვივარაუდოთ, რომ ჩვენი ცნობიერების მოცემული ნაწილი, სულ ცოტა ნაწილობრივ მაინც, არის „მეორე მხარეს“. მას აქვს ინფორმაციის მიღების უნარი დაშორებული მანძილიდან და, დროის ღერძის ორივე მხრიდან. დროისა და მანძილის ასეთი გადალახვა დამახასიათებელია „მეორე მხარისათვის“ – შემოქმედებითი სამეფოსთვის.

ამგვარად, შემდეგი ხუთი დღის განმავლობაში, ვიზუალიზაციის და წარმოსახვის პრაქტიკით, ამზადებთ თქვენს გონებას ნათელმხილველობისთვის – დახმარებისთვის „იქითა მხრიდან“.

აი, რა უნდა აკეთოთ:

დაჯექით მოხერხებულ სკამზე, დახუჭეთ თვალები, ღრმად ჩაისუნთქეთ და ამოსუნთქვისას, მოადუნეთ სხეული. ასწიეთ, ოდნავ ზემოთ, თვალები და დაიწყეთ უკუღმა თვლა 50-დან 1-მდე, როდესაც 1-ს მიაღწევთ, შეასრულეთ დავალება წარმოსახვაზე, რომელიც მოცემულია ქვემოთ, 6-10 დღეებისთვის, ცალ-ცალკე. შემდეგ დაამთავრეთ მეცადინეობა, ისე, როგორც დილით, დათვლით 1-დან 5-მდე, დათვლის შემდეგ, სიტყვებით, მხნეობაზე და კარგ თვითშეგრძნებაზე.

მე-6 დღე: უკუღმა დათვლის შემდეგ, წარმოიდგინეთ თქვენი თავი ულამაზეს ყვავილნარში. „დაინახეთ“ ლამაზი ყვავილები. „შეისუნთქეთ“ მათი არომატი. ერთ-ერთი ყვავილის დათვალიერებისას, შენიშნეთ წყლის წვეთი მასზე, შენიშნეთ ამ წვეთში არეკლილი ცისარტყელას ყველა ფერი. დაამთავრეთ მეცადინეობა.

მე-7 დღე: უკუღმა დათვლის შემდეგ, წარმოიდგინეთ წყნარი ტბა. ის ისეთი წყნარია, რომ, ნაპირზე მდგარი, ხედავთ, წყალში არეკლილ, საკუთარ თავს. ამ ანარეკლის ცქერისას, უთხარით თქვენს, თავს სამი სიტყვა: მე შენ მიყვარხარ. დაამთავრეთ მეცადინეობა.

მე-8 დღე: უკუღმა დათვლის შემდეგ, წარმოიდგინეთ, როგორ აკეთებთ რაღაცას, რისი გაკეთების ცოდნაც ყოველთვის გინდოდათ. წარმოიდგინეთ, როგორი ნიჭიერი გამომგონებელი, მუსიკოსი, მსახიობი, ან მწერალი ხართ, რომელიც უფრო მოგწონთ. დააკვირდით თქვენს მოქმედებებს, იყავით გააზრებული. დაამთავრეთ მეცადინეობა.

მე-9 დღე: უკუღმა დათვლის შემდეგ, წარმოიდგინეთ, როგორ ჭამთ საყვარელ კერძებს. „დაინახეთ“ თქვენი საყვარელი წვნიანი, საყვარელი ხორციანი კერძი, საყვარელი სალათი და საყვარელი დესერტი, ან ოთხი-ხუთი სხვა კერძი, რომლებიც თქვენ ნამდვილად მოგწონთ. ყოველი წარმოდგენილი კერძისას გაიხსენეთ მისი გემო და იგრძენით სიამოვნება ჭამის პროცესისგან. დაამთავრეთ მეცადინეობა.

მე-10 დღე: უკუღმა დათვლის შემდეგ, წარმოიდგინეთ, რომ უკვე გავიდა ერთი საათი. „დაინახეთ“, რომ ხდება რაღაც კარგი. შეიძლება გამოგიჩნდათ ახალი მეგობარი, მყიდველი ან თანამშრომელი. შეიძლება გადაწყვიტეთ რომელიღაც პრობლემა. გაითამაშეთ მენტალური ფილმი, ამ წარმოსახვით ამბავზე. დაამთავრეთ მეცადინეობა. შემდეგ, იფიქრეთ მასზე. შესაძლებელია თუ არა ეს?

 

რა გავაკეთოთ საღამოს, დღეები 6-10

შემდეგი ხუთი საღამოს განმავლობაში, გაკვალავთ გზას, იმისათვის, რომ სიზმრებმა თქვენთვის იმუშაოს. საღამოს ვარჯიშს შეასრულებთ ძილის წინ. ყოველთვის გქონდეთ ბალიშის ქვეშ ან საწოლთან ახლოს კალამი და ქაღალდი, რათა შეგეძლოთ სიზმრის ჩაწერა.

აი, მთელი პროცედურა: ლოგინში ჩაწოლის შემდეგ, დახუჭეთ თვალები, ოდნავ ზემოთ ასწიეთ და დაიწყეთ თვლა 50-დან 1-დე, როცა მიაღწევთ 1-ს, ღრმად ჩაისუნთქეთ და, ამოსუნთქვისას მოადუნეთ სხეული, თავიდან ფეხის თითებამდე. შემდეგ, ფიქრით უთხარით თავს: „მე მინდა დავიმსახურო სიზმარი, და მე მას დავიმახსოვრებ“. არ დათვალოთ წაღმა, არც ფიქრია საჭირო მხნეობაზე, რასაც ჩვეულებრივად აკეთებდით. დაიძინეთ. თქვენ გაგეღვიძებათ, ღამე ან დილით, სიზმრის გახსენებით. სასწრაფოდ ჩაიწერეთ სიზმრის ძირითადი აზრი.

ხშირად ხდება, რომ გვეღვიძება ღამით, გვახსოვს სიზმარი, ვამბობთ: „არ დამავიწყდება“. მაგრამ, დილით აღარ გვახსოვს. მოგვიანებით, ჩვენ შევისწავლით თქვენს სიზმრებს, ასე, რომ ჩაიწერეთ ისინი.

ალბათ, ისეც შეიძლება დაიმახსოვროთ ერთი, ან რამდენიმე სიზმარი. ეს კარგია. მაგრამ,  მაინც შეასრულეთ მოცემული დავალება, რადგან ის ხდის პროცესს უფრო მეტად მართვადს.

უახლოეს ორ ღამეს, გთხოვთ, დაიმახსოვროთ მხოლოდ ერთი სიზმარი. შემდეგ სამ ღამეს, დაიმახსოვრებთ თქვენს ყველა სიზმარს.

მე-6 და მე-7 საღამოები: 50-დან 1-მდე დათვლის შემდეგ, მოადუნეთ ქუთუთოები, როგორც უწინ. შემდეგ, უთხარით თქვენს თავს: „მე მინდა დავიმახსოვრო სიზმარი, და მე მას დავიმახსოვრებ“. დაიძინეთ. როცა გაიღვიძებთ, ჩაიწერეთ თქვენი სიზმარი.

მე-8, 9 და 10 საღამოები: ყველაფერი ისე, როგორც ზემოთ, მხოლოდ თქვენს თავს უთხარით: „მე მინდა დავიმახსოვრო სიზმარი, და მე მას დავიმახსოვრებ“. როცა გაგეღვიძებათ ღამით ან დილით სიზმრის გახსენებით, ჩაიწერეთ ის.

თუ თქვენ გესიზმრებათ კოშმარები, საერთოდ, და თუ დაგესიზმრათ სწავლების პერიოდში, ან შემდეგ, დილით, ალფა-დონეზე ყოფნისას, თქვენს თავს უთხარით: „დამესიზმრა კოშმარი. მე კი ეს არ მომწონს. არ მსურს ვნახო ხოლმე კოშმარები, და აღარ ვნახავ მათ“. სიზმრების და ძილის მართვა თქვენს ხელშია. თქვენ შეგიძლიათ ჩართოთ სასურველი სიზმრები, და გამორთოთ, არასასურველი.

 

როგორ გავშიფროთ სიზმარი

ზოგიერთი მეცნიერი ფიქრობს, რომ სიზმარი, ალბათ, წარმოადგენს ნეირონების მიერ ზედმეტი მასალის გამოდევნას – თავისებურ წმენდას. თუ ეს ასეა, მაშინ ე.წ. მენტალური ნაგავი, რატომ არის უკუკავშირში მეხსიერების მეშვეობით, და რატომ ხდება აღდგენა? ტვინის უჯრედები ხომ უფრო ჭკვიანები არიან.

სიზმარი ჩვენს ყურადღებას იმსახურებს, სხვაგვარად, ჩვენ, მას ვერ დავიმახსოვრებდით. ყველაფერს თავის საფუძველი აქვს. თუ მივიჩნევთ, რომ ვერ ვხედავთ წინასწარმეტყველურ სიზმრებს, ან პრობლემის გადამწყვეტ სიზმრებს, მაშინ, რა მიზანი აქვს მათ ნახვას?

ჩვენი ნერვული უჯრედების უმაღლესი პრიორიტეტია ცალკეული ადამიანის, ან მთელი რასის გადარჩენის უზრუნველყოფა. თუ სიზმრებს ამ თვალსაზრისით შეხედავთ, შეიძლება დიდად მოიგოთ. თქვენი ნეირონები, სიზმრების მექანიზმის მეშვეობით, შეიძლება გემსახურონ როგორც სარკე, რომელიც გეუბნებათ: „შეხედე, შენს თავს, როგორ რეაგირებ. ეს ხომ სტრესია. შენ ვნებ საკუთარ თავს. იმოკლებ სიცოცხლეს, უნდა შეიცვალო საქციელი“.

აი, რატომ არის საჭირო მივაქციოთ სიზმრებს ყურადღება, რას აღნიშნავს სინამდვილეში? ხომ არ ცდილობს გაგვაფრთხილოს, რომ არ მოვხვდეთ შესაძლებელ სტრესულ სიტუაციაში? ზოგჯერ, სასარგებლოა ვივარაუდოთ, რომ ყოველი ადამიანი, თქვენი სიზმრიდან, წარმოადგენს თქვენივე თავის ერთ-ერთ წახნაგს: მეზობელი, ძმა, მამა, ძაღლი. ან შეიძლება, იყოს გარდასახვა თქვენი კეთილმეზობლობის, თქვენი ძმური მამა-შვილური, ან ცხოველური ნატურის. იფიქრეთ, თქვენი რომელი მხარე საჭიროებს, უფრო, პოზიტიურ კონტროლს.

მეცადინეობის, ამ, მეორე პერიოდის ბოლოს, თქვენ გექნებათ ხუთი ღამის სიზმრების ჩანაწერები, გადაათვალიერეთ ისინი, რას გვკარნახობს? თუ რომელიმე კონკრეტული სიზმარი რჩება კითხვის ნიშნის ქვეშ, დათვალეთ 50-დან ერთამდე, გააღრმავეთ რელაქსაცია, საყვარელი ადგილის მონახულებით და იქ ყოფნისას, გაიხსენეთ ის სიზმარი, კიდევ გაითამაშეთ ის, ჰკითხეთ მისი მნიშვნელობა. თქვენი გონება გიპასუხებთ. მიხვედრა გაგინათებთ გონებას, რაც სიცოცხლეს გაგიხანგრძლივებთ.

თქვენ უკვე შუაგზაზე ხართ. უმაღლესი ინტელექტის, შემოქმედების სამეფოსთან, კონტაქტის უნარი მისაწვდომია თქენთვის. სიზმრების დამახსოვრებით ამზადებთ ნიადაგს „მეორე მხრიდან“ დახმარების მიღებისათვის. შემდეგ ხუთ დღეს, უფრო მეტად მიუახლოვდებით არამატერიალურ სამყაროსთან, იქითა მხარესთან შეხების შესაძლებლობას.

 

გააკეთეთ ყველაფერი, რაც შეგიძლიათ

მნიშვნელოვანია გახსოვდეთ, რომ ღამის სიზმრები, მხოლოდ საწყისია, თქვენი გონება, თქვენი კონტროლის ქვეშაა, დღე და ღამე. საჭიროა გავამრავლოთ მიღწეული წარმატება. დღის წარმოსახვები ახალ ჰორიზონტს გადაგიშლით. ღამის სიზმრები კი გაგიაქტიურებთ მიხვედრილობას.

სილვას მეთოდი, რომელსაც ახლა ითვისებთ, გაძლევთ გონებაზე კონტროლს. ამ მეთოდის გამოყენებით, ნელ-ნელა მიხვდებით, ვინ ხართ, სინამდვილეში და, რა სახის მხარდაჭერას ღებულობთ „მეორე მხრიდან“.

აქამდე, თქვენ ვერ აფასებდით სრულად, თქვენს თავს. იჯერებდით თქვენი მშობლების, მასწავლებლების, მეზობლების, თანამშრომლების დამამცირებელ შეხედულებას თქვენს შესახებ. თავს მიიჩნევდით შეზღუდული გონების ადამიანად, არასრულფასოვანი ჩვევების, შეზღუდული უნარის მქონედ. არ მიგაჩნდათ, საკუთარი თავი, დიდი სიყვარულის, სიმდიდრის, დიდი პასუხისმგებლობის ღირსად.

როგორადაც წარმოიდგენთ თავს, ისეთია თქვენი თვითშეფასება. დაქვეითებული თვითშეფასება თავისებური ციხის როლს ასრულებს, თქვენი ზრდისთვის. და არასოდეს გახდებით იმაზე უკეთესი, ვიდრე თქვენი წარმოდგენაა საკუთარ თავზე. ადამიანთა უმრავლესობა, მთელ სიცოცხლეს, ასეთ ციხეში ატარებს, მაგრამ, არა, თქვენ. ახლა, ყოველი ფურცლით, სულ უფრო დარწმუნდებით, რომ ციხის კარი დაკეტილი არ არის და, ნებისმიერ დროს, შეგიძლიათ გამოსვლა იქიდან, ახალ ცხოვრებაში, რომელიც სავსეა უსაზღვრო სიხარულებით.

იმისდა მიხედვით, როგორ გააგძელებთ თქვენი უნარის პროგრესირებას, გაიგებთ, როგორ შეცვალოთ თქვენი დაბალი თვითშეფასება. სიხარულით უნდა აღიაროთ, რომ გაქვთ მისასვლელი ძლიერებასთან, რომელსაც დიდხანს უარყოფდით და უნდა იყოთ მზად გამოიყენოთ ეს ძალა და მისი გამაოგნებელი შესაძლებლობები. ამით დაეხმარებით სხვა ადამიანებსაც, მათი სრული ძალის გაღვიძებაში. თქვენი ოჯახი და კოლეგები ისარგებლებენ ამით. თქვენ გარდაქმნით გარემოს, თქვენს ირგვლივ.

„ოღონდ, მე, არა“, კიდევ იტყვით დაეჭვებული, „მე გამიგია წარმატების შესახებ, მსგავსი ისტორიები, ეს შესაძლოა, ვიღაცასთან მოხდეს, მაგრამ არა, ჩემთან“.

თქვენ მართალი ხართ, სანამ ამბობთ „არას“, არაფერი მოხდება. თქვენ აგრძელებთ ციხეში ყოფნას. ეუბნებით თქვენს თავს: „შეინარჩუნე სტატუს-კვო“, და ინარჩუნებთ.

იფიქრეთ იმაზე, რომ თქვათ: „დიახ!“. და გახდებით უფრო ჭკვიანი, ვიდრე ახლა ხართ, გამოიყენებთ თქვენს გონებას, იმისთვის, რომ მუდმივად გრძნობდეთ თავს კმაყოფილად, იყოთ უფრო შემოქმედი ადამიანი, მიიღოთ დახმარება „მეორე მხრიდან“, როდესაც ეს გჭირდებათ.

რომ იცოდეთ, რა იქნებოდა, როცა თქვენ არ იტყოდით „არას“, იტყოდით: „დიახ!“.

როგორც კი იტყვით, „დიახ!“, შეძლებთ განახორციელოთ ეს ყველაფერი.

 

შემოქმედებითი არხი

რა მოხდება, თუ იტყვით, „დიახ!“, და გექნებათ საუკეთესო შემოქმედებითი არხი? იცნობთ ასეთ ადამიანებს? ერთ-ერთი განმასხვავებელი თვისება, ასეთი ადამიანებისა, არის ის, რომ ისინი თბილები და მზრუნველები არიან, ფლობენ მშვიდ სიბრძნეს, მათ მოსწონთ თავიანთი სამუშაო, სხვებსაც აღაფრთოვანებენ და თვითონაც ტკბებიან სიცოცხლით.

მინდოდა გენახათ თქვენი თავი, როგორი გახდებით, მას შემდეგ, როცა იტყვით, „დიახ!“, რითაც გაუხსნით გზას თქვენს ნიჭს, დახვეწისკენ. ახლა, მე გაძლევთ ასეთ შესაძლებლობას. ჯერ, წაიკითხეთ ეს ინსტრუქციები:

1.           დაისახეთ დროებითი მიზანი, ქვემოთ მოყვანილიდან, რომელიც უფრო მნიშვნელოვანია თქვენთვის, მოცემულ მომენტში: ა) სიუხვე ბ) სიყვარული გ) ჯანმრთელობა;

2.           შეასრულეთ ქვემოთ აღწერილი ვარჯიში, არჩეული პრიორიტეტის შესაბამისად. მიაქციეთ ყურადღება, რომ ცალკეა განყოფილება სიყვარულზე, მარტოხელა ადამიანებისთვის და, ცალკე, დაქორწინებული მკითხველისთვის;

3.           როცა შეასრულებთ ვარჯიშს, გაახილეთ თვალები, წაიკითხეთ ბოლო განყოფილება, რომლის სათაურია, „გიყვარდეთ თქვენი სამყარო“, შემდეგ, კვლავ გადადეთ წიგნი და იმუშავეთ ამ ვარჯიშზე.

 

სიუხვის შეძენა

შეასრულეთ უკუღმა თვლა, იმ წერტილიდან, რომელსაც მიაღწიეთ, ყოველდღიური პრაქტიკით, 100-დან ერთამდე, ან 50-დან ერთამდე, დახუჭეთ თვალები და ასწიეთ ოდნავ ზემოთ, გაითამაშეთ აზრობრივი ფილმი. წერთ სცენარს, საკუთარ თავზე და თქვენს ოჯახზე, გაქვთ ყველაფერი, რაც აუცილებელია, და თუ წარმოიშობა რაღაცის საჭიროება, ის სწრაფად კმაყოფილდება. შედით ამ აზრობრივ ფილმში, როგორ გრძნობთ თავს, როცა გაქვთ შესაძლებლობა, აკეთოთ ის, რაც მოგწონთ, და გაქვთ ყველაფერი, რაც ამ მიზნისთვის გჭირდებათ? დაამთავრეთ მეცადინეობა, დათვლით, ერთიდან ხუთამდე, მშვენიერი განწყობით. ახლა ,გადადეთ წიგნი და შეასრულეთ ეს ვარჯიში.

 

სიყვარულის შეძენა მარტოხელა მკითხველისთვის

შეასრულეთ უკუღმა დათვლა, იმ წერტილიდან, რომელსაც მიაღწიეთ ყოველდღიური პრაქტიკით. თვალები დახუჭულია და ოდნავ ზემოთ აწეული. გაითამაშეთ აზრობრივი ფილმი: მარტოხელა ხართ და არ გინდათ ასე დარჩენა. ეძებთ ადამიანს, რომლის შეყვარებასაც შეძლებთ და, რომელიც შეგიყვარებთ, მას, ვისთანაც ისურვებდით სიცოცხლის გატარებას. უცბად, ეს ადამიანი გამოჩნდება თქვენს წინაშე. თქვენ უყურებთ ერთმანეთს თვალებში, ორივე განიცდით ექსტაზს, იმით, რომ იპოვეთ ერთმანეთი. დაამთავრეთ მეცადინეობა, დათვლით ერთიდან ხუთამდე, საუკეთესო განწყობით.

ახლა, გადადეთ წიგნი და შეასრულეთ ეს ვარჯიში.

 

სიყვარულის შეძენა ქორწინებაში მყოფთათვის

შეასრულეთ უკუღმა დათვლა, იმ წერტილიდან, რომელსაც მიაღწიეთ ყოველდღიური პრაქტიკით. თვალები დახუჭულია და ოდნავ ზემოთ აწეული. გაითამაშეთ აზრობრივი ფილმი: თქვენ და თქვენი მეუღლე ცალ-ცალკე კითხულობთ წიგნს, არაფერი გაქვთ სასაუბრო. ასე გრძელდებოდა რამდენიმე ხანს. მაგრამ, უეცრად, შეხედავთ ერთმანეთს, ორივენი იღიმებით, გადადებთ წიგნებს გვერდზე, დგებით და ერთმანეთისკენ მიდიხართ. უყურებთ ერთმანეთს თვალებში, ყველა ყოფილი გაუგებრობა და უთანხმოება გტოვებთ, თითქოს, პირველად ხედავთ ერთმანეთს. ეს არის განახლებული ოჯახური ბედნიერების დასაწყისი.

დაამთავრეთ მეცადინეობა, დათვლით, ერთიდან ხუთამდე, საუკეთესო განწყობით.

ახლა, გადადეთ წიგნი და შეასრულეთ ეს ვარჯიში.

 

ჯანმრთელობის შეძენა

შეასრულეთ უკუღმა დათვლა, იმ წერტილიდან, რომელსაც მიაღწიეთ ყოველდღიური პრაქტიკით. თვალები დახუჭულია და ოდნავ ზემოთ აწეული. გაითამაშეთ აზრობრივი ფილმი: თქვენს თავს ხედავთ პაციენტად და იმავე დროს, თავს წარმოიდგენთ ექიმად. დაუკვირდით, როგორ კურნავთ საკუთარ თავს. შენიშნეთ, როგორი გამოძახილი აქვს თქვენში, მკურნალობას. გრძნობთ, როგორ ქრება ჯანმრთელობის პრობლემა. ხედავთ თქვენს თავს ენერგიულს, ახალგაზრდას და ისეთს, რომ ასხივებთ ჯანმრთელობას.

დაამთავრეთ მეცადინეობა, დათვლით, ერთიდან ხუთამდე, საკუთარი თავის საუკეთესო შეგრძნებით.

ახლა, გადადეთ წიგნი და შეასრულეთ ეს ვარჯიში.

 

გიყვარდეთ თქვენი სამყარო

შეასრულეთ უკუღმა დათვლა, იმ წერტილიდან, რომელსაც მიაღწიეთ ყოველდღიური პრაქტიკით. თვალები დახუჭულია და ოდნავ ზემოთ აწეული. თქვენ ხედავთ ოთახს, რომელშიც იმყოფებით, ისე, თითქოს ჭერში ხართ, იქიდან ათვალიერებთ, რა ხდება. კიდევ ზევით აიწიეთ და წარმოიდგინეთ, რომ ხედავთ თქვენს სახლს. ეს მშვენიერი შეგძნებაა. დაე, თქვენი წარმოსახვა დაფრინავდეს. შეგიძლიათ დაინახოთ მთელი ქალაქი, მთელი ქვეყანა. თქვენს წარმოსახვას მიეცით უფლება, მოეხვიოს მთელ პლანეტას, მთელ მზის სისტემას, მთელ გალაქტიკას, მთელ სამყაროს. იგრძენით სიყვარული სამყაროსადმი. იგრძენით, როგორ უყვარხართ სამყაროს. წამოიღეთ ეს სიყვარული დედამიწაზე, თქვენს ქალაქში, თქვენს ოთახში, სადაც ზიხართ.

დაამთავრეთ მეცადინეობა, დათვლით, ერთიდან ხუთამდე, მშვენიერი გუნება-განწყობით.

ახლა, გადადეთ წიგნი და შეასრულეთ ეს ვარჯიში.

ეუბნებით ცხოვრებას „დიახ!“? იყავით მზად ბედნიერი ცვლილებისთვის, რადგან ცხოვრებაც გეუბნებათ: „დიახ!“.

 

თავი 5

სასარგებლო რჩევები „მეორე მხარესთან“ დაკავშირებით

სილვას მეთოდით გონების მართვის სასწავლო კურსებზე, ყოველ მსმენელს, ეძლევა წარმოსახვითი მრჩეველის შექმნის ზუსტი მეთოდოლოგია, რომელიც დაეხმარება პრობლემების გადაწყვეტაში, შემოქმედებით დონეზე მუშაობისას.

ყველაფერი იმით დაიწყო, რომ ჩემი ექვსი წლის გოგონა შეეცადა ემკურნალა ქალისთვის, რომელმაც დახმარება მთხოვა ტელეფონით. ჩემი შვილი, ალფა-მდგომარეობიდან გამოსვლისას, იყო შეშფოთებული.

– რა მოხდა, ძვირფასო? – ვკითხე.

– მას ისეთი დიდი თვალები აქვს, შემაშინა. – მიპასუხა მან.

– გაატკაცუნე მარცხენა ხელის თითები და ის დაპატარავდება. – ვურჩიე.

ერთი წამის შემდეგ, მან განაახლა მცდელობა, ემკურნალა ქალისთვის. ამჯერად, ის სულ იღიმებოდა.

– ახლა, რა ხდება, ძვირფასო? – ვკითხე.

– ის თოჯინასავითაა, – მიპასუხა – აღარ მაშინებს.

მე დავფიქრდი ამაზე. რა იქნებოდა, გვერდით რომ არ ვყოფილიყავი? შეიძლება, ბავშვებს უნდა ჰყავდეთ, თავიანთ წარმოსახვით ლაბორატორიაში, წარმოსახვითი მოზრდილი ადამიანი. იქნებ, მოზრდილებსაც არ აწყენდათ?

გადავწყვიტე, წინადადება მიმეცა, ჩემი მსმენელებისთვის, რათა შეექმნათ მრჩეველი, და ეს მიღებული იქნა აღფრთოვანებით. ყველას შეეძლო მიემართა ამ წარმოსახვითი ადამიანისთვის, რჩევის მისაღებად, თუ როგორ გადაეჭრათ ჯანმრთელობის პრობლემა, პაციენტთან მუშაობისას. პასუხები მოდიოდა, არა ცხადად, არამედ, მათი ინტელექტის მეშვეობით. თითქოს ისინი, ამას თავად ხვდებოდნენ. მათ, უბრალოდ, თავში მოსდიოდათ, რა უნდა გაეკეთებინათ.

ძალიან მომეწონა ეს იდეა. ერთხელ, ვთხოვე ჩემს უმცროს ვაჟიშვილს, როდესაც ის მუშაობდა ალფა-დონეზე, თავის ლაბორატორიაში, პაციენტთან:

– ჰკითხე, შენს მრჩეველს, რაც ფიქრობს ჩემს იდეაზე, მისი შექმნის შესახებ?

ვაჟიშვილმა თვალის დახამხამებაში მიპასუხა:

– ის ამბობს: რატომ ფიქრობ, რომ ეს, შენი იდეაა?

ასეთ პასუხს, პატარა ბიჭს, ვერ მიაწერ.

დღეს, სილვას მეთოდის შემსწავლელი კურსების რვა მილიონ კურსდამთავრებულს ჰყავს თავისი წარმოსახვითი მრჩეველი. ისინი ეხმარებიან მათ „მეორე მხარესთან“ კავშირში.

 

როგორ ავირჩიოთ მრჩეველი

მრჩეველებს თქვენ თვითონ ირჩევთ. შეიძლება, ის იყოს, ცოცხალი, ან გარდაცვლილი. შეიძლება, იყოს თქვენი ნათესავი, მეგობარი, ისტორიული, ან რელიგიური პირი, ან უბრალოდ, წარმოსახვითი ადამიანი. პირველი ათი დღის მეცადინეობის შემდეგ, შეეცადეთ შექმნათ მრჩეველი, რომელიც დაგეხმარებათ. ეს ასე გააკეთეთ:

„წადით“ თქვენს საყვარელ ადგილზე, რომელიც ამოარჩიეთ რელაქსაციისთვის და „მიიპატიჟეთ“ ისინი, ვინც გინდოდათ, რომ გყოლოდათ მრჩევლებად, რათა შემოგიერთდნენ, ახლაც და შემდეგაც, ნებისმიერ დროს, როცა დაგჭირდებათ მათი დახმარება. ახლა „წადით“ საყვარელ ადგილზე და თქვენი მრჩევლები იქ დაგხვდებიან.

სჯობს მრჩევლებად აირჩიოთ მამაკაციც და ქალიც, რომ უფრო ფართო დიაპაზონით მიიღოთ რჩევები. ამ პროგრამის დამუშავებისას, ჩემი შვილების დახმარებით, ვიწყებდი იმით, რომ ჩემს მსმენელებს ვურჩევდი, რომ ჰყოლოდათ ერთი მრჩეველი. მაგრამ, აღმოჩნდა, რომ კაცმა მრჩეველმა უარი თქვა დახმარებაზე, როცა საჭირო იყო ქალის ჯანმრთელობის პრობლემის გადაწყვეტა. მაშინ, მსმენელებს ვურჩიე ჰყოლოდათ ორი მრჩეველი, კაცი და ქალი.

ახლა, მოგცემთ ინსტრუქციას მრჩეველების შექმნისთვის. მიმაჩნია, რომ ამ მომენტისთვის, უკვე დაამთავრეთ ათდღიანი ვარჯიშები. მაგრამ, თუ სურვილი გაქვთ, შეგიძლიათ გადადოთ მრჩეველთა შექმნა, ნებისმიერი ვადით, სანამ არ დახვეწთ ტექნიკას, რომელიც უნდა შეისწავლოთ.

ახლა, იფიქრეთ იმაზე, როგორი მრჩეველი გენდომებოდათ. იფიქრეთ, როგორ გენდომებოდათ, რომ გამოიყურებოდეს. როგორი ადამიანებიც არ უნდა იყვნენ მრჩეველები, რეალური, თუ წარმოსახვითი, თქვენ, ასე თუ ისე, ქმნით მათ. ისინი იქნებიან აზრობრივი წარმოსახვის რეზულტატები. როგორც ასეთი, მრჩეველები არამატერიალურები არიან და ამიტომ, ფლობენ უნარს დაგვაკავშირონ არაფიზიკურ სამყაროსთან, „მეორე მხარესთან“. არ არის საკვირველი, რომ როცა ვეკითხებით რაიმეს, მრჩეველს, მისი პასუხი, ძალიან ხშირად, გენიალურად გამოიყურება, ის ხომ უმაღლესი ინტელექტიდან მოდის, რომელთანაც ვამყარებთ კონტაქტს, მოდუნებით და აზრობრივი ხატებით. მაშინაც კი, თუ მრჩევლად აიყვანთ თქვენს უმცროს ძმას, მისი პასუხები სასარგებლო იქნება თქვენთვის. მრჩეველები არიან „მეორე მხარესთან“ დამაკავშირებელი ხიდები და ამიტომაც, არიან გენიოსები, იმისგან დამოუკიდებლად, თუ ვინ არიან ისინი.

როგორ მოდის პასუხები? როდესად შედიხართ ღრმად მოდუნებულ დონეზე, „მიდიხართ“ რელაქსაციის საყვარელ ადგილზე და აძლევთ შეკითხვას მრჩეველს, ციდან ხმა არ მოგესმებათ, პასუხი გახმოვანებული არ იქნება, ის მოვა მენტალურად, მას შემდეგ, როცა შეკითხვას მისცემთ. აუცილებელია, გამოიცნოთ პასუხი, რომელიც არის აზრობრივი ტელეპატიის მსგავსი, თქვენი მრჩეველის მხრიდან.

 

როგორ შევქმნათ მრჩეველი

ჯერ შექმენით მრჩეველი მამაკაცი. ეს, შეგიძლიათ გააკეთოთ დამჯდარმა.

1.           დახუჭეთ თვალები, ოდნავ ზემოთ ასწიეთ და დაიწყეთ უკუღმა თვლა, 50-დან ერთამდე.

2.           გააღრმავეთ ალფა-დონეზე შესვლა, პრიგრესული რელაქსაციის შემოკლებული ტექნიკის დახმარებით.

3.           ფიქრით გადადით რელაქსაციის საყვარელ ადგილზე.

4.           მიიპატიჟეთ მამაკაცი მრჩეველი, რომ შემოგიერთდეთ. „დაინახეთ“, როგორ გამოჩნდება. შექმენით ის. წარმოიდგინეთ, რომ ის თქვენთან არის, მადლობა უთხარით მოსვლისთვის.

5.           ყოველთვის, როცა „გადახვალთ“ რელაქსაციის საყვარელ ადგილზე, იმისთვის, რომ სთხოვოთ დახმარება თქვენს მრჩეველს, ის ყოველთვის, იქ დაგხვდებათ. გულწრფელად უთხარით მადლობა, აღმოჩენილი დახმარებისთვის.

6.           დაამთავრეთ მეცადინეობა, დათვლით, ერთიდან ხუთამდე, სამის და ხუთის თვლაზე, გაახსენეთ თქვენს თავს, რომ როცა გაახელთ თვალებს, იქნებით სრულიად მხნედ და გექნებათ მშვენიერი გუნება-განწყობა.

მეცადინეობას რომ დაამთავრებთ, შეგიძლიათ, მაშინვე გაიმეოროთ პროცედურა და შექმნათ ქალი მრჩეველი.

 

როგორ გამოვიყენოთ მრჩევლები

თქვენ ვერ შეძლებთ მრჩევლების მომსახურების გამოყენებას, მანამდე, სანამ არ დაამთავრებთ შემდგომ სწავლას და არ განავითარებთ კონტაქტს „მეორე მხარესთან“. ამ წიგნის მეორე ნაწილის წაკითხვის შემდეგ, როცა დაიწყებთ ამ კონტაქტით სარგებლობას, მოგეცემათ შესაძლებლობა, შეაფასოთ თქვენს მიერ შექმნილი გენიოსების ღირსებები.

ამისთვის, შედით ალფა-დონეზე, იმ დროისთვის ეს პროცედურა იქნება უფრო მოკლე. „წადით“ რელაქსაციის საყვარელ ადგილას, სადაც მიიპატიჟებთ ერთ-ერთ მრჩეველს. იქ, მას სთხოვეთ გიპასუხოთ შეკითხვაზე. შემდეგ, დაფიქრდით თქვენს მიერ დასმულ პრობლემაზე, და საძიებელი პასუხი, უბრალოდ, მოგივათ თავში.

ედნა გ-მ შექმნა, ვიზუალიზაციით, კაცი მრჩეველი, თავისი ინგლისური ენის მასწავლებელი, რომელიც უნივერსიტეტში ასწავლიდა. ის დაეხმარა ყველა პრობლემის გადაწყვეტაში, და არა მარტო, თავისი სპეციალობის ჩარჩოებში.

ვიქტორ ჰ-მ შექმნა პროფესიით ექიმი, ქალი მრჩეველი, ამ მრჩეველმა ძალიან კარგი დახმარება გაუწია, არა მარტო ჯანმრთელობის პრობლემებში, არამედ, ფინანსურ საკითხებსა და ადამიანებთან ურთიერთობაშიც.

ბარბარა ბ-მ ამომირჩია მრჩევლად მე. ასევე მოიქცა ბევრი სხვაც. დარწმუნებული ვარ, რომ ჩემი ზეცნობიერება, ხშირად, გამოიყენებოდა ხოლმე, უმაღლესი ინტელექტის არხებით, დღისა და ღამის ყოველ დროს. მაგრამ, ეს, გავლენას არ ახდენდა ჩემს ცნობიერებაზე.

სხვები ირჩევდნენ აინშტაინს, ბუდას, ქრისტეფორე კოლუმბს, იესოს, ბენჯამინ ფრანკლინს და ა.შ. ქალ მრჩევლებად ირჩევდნენ, მადამ კიურის, ღვთისმშობელ მარიამს, გოლდა მეირს და სხვებს.

ცხადია, მრჩევლებად შეიძლება ავირჩიოთ მეგობრები, ან ნათესავები, ცოცხლები, ან გარდაცვლილები. ის ფაქტი, რომ ისინი ცოცხლები არიან, არ ამცირებს მათ კავშირს „მეორე მხარესთან“. სიცოცხლეში, ყველანი დაკავშირებულნი ვართ სულიერ სამყაროსთან. სიკვდილის შემდეგ, უბრალოდ, გადავდივართ იქ .ასეა, თუ ისე, ვიჭერთ ინფორმაციას, რომელიც დაფარულია ჩვენი გრძნობის ორგანოებისთვის. წარმოიდგინეთ, როგორი გიგანტური მოცულობისაა ეს ინფორმაცია. ის ხომ სხვა პლანეტების ინტელექტიდან მოდის, სხვა მზის სისტემებიდან, სხვა გალაქტიკებიდან და შეიძლება, ჩვენი პლანეტისთვის უხილავი სისტემებიდანაც კი.

 

რა ვაკეთოთ დილით მე-11 მე-15 დღეებში

მესამე ხუთდღიურის განმავლობაში, თქვენი დილის მუშაობა უფრო გამარტივდება. ახლა, დაითვლით 25-დან ერთამდე. ეს, შედარებით, მოკლე თვლა უზრუნველყოფს ისეთივე ღრმა რელაქსაციას, როგორსაც აღწევდით პირველ ხუთ დღეს 100-დან ერთამდე დათვლით და, მეორე ხუთ დღეს 50-დან ერთამდე, და შესაძლოა, უფრო მეტსაც.

თქვენი სხეული და გონება სწავლობს მოდუნებას, ამიტომ გჭირდებათ სულ უფრო ნაკლები და ნაკლები დრო უკუღმა დათვლისთვის, რამდენადაც ის წარმოადგენს ჩართვის ფაქტორს. თქვენ ყოველთვის დაგჭირდებათ თვლა. მაგრამ, მე-16 დღიდან დაწყებული, დაითვლით ხუთიდან ერთამდე. ეს გახდება, თქვენთვის, ალფა მდგომარეობაში შესვლის სტანდარტული მეთოდი.

დილის მოქმედებების გეგმა მესამე ხუთდღიურში დარჩა იგივე, რაც იყო მეორე ხუთდღიურში(მე-6 მე10 დღეები), იმ განსხვავებით, რომ შემცირდა თვლა. აი ის, მოკლედ:

1.           საწოლში დაიკავეთ ნახევრადმწოლიარე მდგომარეობა;

2.           დახუჭეთ თვალები, ოდნავ ზემოთ ასწიეთ და დაიწყეთ თვლა ნელა, 25-დან ერთამდე;

3.           გაიმეორეთ: „ყოველთვის, როცა ასეთნაირად ვდუნდები, შევდივარ ალფა-დონეზე, უფრო ღრმად და უფრო სწრაფად“;

4.           „პოზიტიურ აზრებს მოაქვს, ჩემთვის, ყველა სიკეთე და უპირატესობა, როგორსაც ვისურვებ“;

5.           „ერთი, ორი, სამი, როცა თვალებს გავახელ, ხუთის თქმისას, ვიქნები სრულიად მხნედ და ჩემი გუნება-განწყობა იქნება მშვენიერი“;

6.           „ოთხი, ხუთი, თვალები გახელილია. მე სრულიად მხნედ ვარ და თავს ვგრძნობ მშვენივრად!“.

ამ ხუთ დღეს, შეხვალთ ალფა-დონეზე, უფრო ღრმად და სწრაფად, ამიტომ, აუცილებელია, მიაქციოთ ყურადღება მენტალურ მტკიცებას, რომელსაც წარმოთქვამთ სამის თვლაზე და შემდეგ კვლავ, როცა თვალებს გაახელთ, ხუთის თვლაზე: „მე მხნედ ვარ და თავს ვგრძნობ მშვენივრად!“

მიაქციეთ ყურადღება, რომ ამ ფრაზის ბოლოს ვსვამთ ძახილის ნიშანს, ეს იმას ნიშნავს, რომ აუცილებელია მეტი მახვილი ამ ფრაზაზე. რამდენადაც ღრმად შედიხართ ალფა მდგომარეობაში, ეს მახვილი დაგეხმარებათ, რომ მხნედ დაბრუნდეთ ბეტა მდგომარეობაში.

თუ თქვენ ამას არ გააკეთებთ, ალფა მდგომსარეობიდან გამოსვლისას, საშიში არ არის, ეს იქნება იმის ტოლფასი, რომ დილით ადგეთ გამოუძინებელი. აი, სულ გამთქნარებთ: „კიდევ ერთი ფინჯანი ყავა, თუ შეიძლება!“

რა ვაკეთოთ დღისით, მე-11 მე-15 დღეებში

თქვენს საძილე ოთახში არის ფურცლები, ან ბლოკნოტი, სადაც წერდით სიზმრებს, ბოლო ხუთ ღამეს, 6--10 . ის საინტერესოა თქვენთვის, დასაფიქრებლად, შემდეგი ხუთი შუადღის ვარჯიშებისას.

 ალფა-დონეზე, ჩვენ, უფრო შემოქმედნი ვართ. ამის დემონსტრირება გააკეთა ერთ-ერთმა ჩვენმა მასწავლებელმა, მეცადინეობის დროს. მან მისცა წინადადება მსმენელებს, დაეწერათ ნებისმიერი წინადადება, ან ფრაზა, რაც მოუვიდოდათ თავში. შემდეგ მან სთხოვა ალფა მდგომარეობაში შესვლა, თვალის გახელა და კვლავ დაწერა იმისა, რაც მოუვიდოდათ თავში.

ამის შემდეგ, კლასი ისმენდა სტუდენტის მიერ წაკითხულ ორ ფრაზას, იმის დაზუსტების გარეშე, რომელი იყო ალფა დონისა. მსმენელები, თითქმის ყოველთვის, იცნობდნენ ალფა ჩანაწერს, რადგან ის იყო უფრო ფილოსოფიური, შეიცავდა მეტ სიბრძნეს და შემოქმედებას. ალფა ჩანაწრები, საერთოდ, უფრო ღრმაა თავისი მნიშვნელობით, ვიდრე ბეტა მდგომარეობის ჩანაწერები.

ახლა, თქვენ, შეგიძლიათ გამოიყენოთ ალფა-დონის ეს დამატებითი სიბრძნე და შემოქმედებითობა, სიზმრების უკეთესად, აზრიანად გასაგებად. შეგიძლიათ ბეტა-დონეზე გადაიკითხოთ თქვენი სიზმრები. აირჩიოთ ისინი, რომლებმაც მეტი ყურადღება მიიპყრო, და შემდეგ კვლავ წაიკითხოთ ისინი ალფა-დონეზე.

ამით ივარჯიშებთ თავის ტვინის მარჯვენა ნახევარსფეროს გამოყენებაში და ამავე დროს, შეიძლება შეიძინოთ ძვირფასი ცოდნა თქვენს თავზე. ქვემოთ მოყვანილია შემდეგი ხუთი დღის პროგრამა, სადილობის შემდგომი ვარჯიშებისთვის.

მე-11 დღე: შეკრიბეთ ყველაფერი, რაც ჩაიწერეთ გასულ ხუთ დღეში და გქონდეთ თქვენთან ახლოს, შუადღის ვარჯიშისას. შედით ალფა-დონეზე, 25-დან ერთამდე, უკუღმა დათვლით, დახუჭული და ოდნავ ზემოთ აწეული თვალებით. როდესაც მიხვალთ ერთამდე, ფიქრით უთხარით თქვენს თავს: „მე ვახელ თვალებს და გადავიკითხავ ჩემს სიზმრებს. ვიქნები სავსებით კონცენტრირებული და გამჭრიახი. შევეცდები განვსაზღვრო მთავარი ელემენტი, ან თემა, რომელიც შეიძლება ყოფილიყო რამდენიმე სიზმარში“. თქვენ არ უნდა დაამთავროთ ვარჯიში წაღმა თვლით, რადგნ თანდათან გამოხვალთ ალფა-დონიდან, თქვენი ჩანაწერების შესწავლისას. ჩაიწერეთ თემა, რომელიც გამოარკვიეთ.

მე-12 დღე: შედით ალფა-დონეზე, 25-დან ერთამდე, უკუღმა დათვლით. გაახილეთ თვალები და ამოარჩიეთ სიზმრები, რომლებიც უფრო ახლოსაა იმ თემასთან, რაც გუშინ დაადგინეთ. თუ თავს გრძნობთ ძალიან მოდუნებულად, დაითვალეთ წაღმა.

მე-13 დღე: ამოირჩიერთ სიზმარი, რომელიც, როგორც გუშინ განსაზღვრეთ, შეესაბამება საერთო თემას. გადაიკითხეთ ის, შედით ალფა- დონეზე, უკუღმა დათვლით, 25-დან ერთამდე, თვალი გაადევნეთ ამ სიზმრის თავისებურებას, ისე, თითქოს ფილმს უშვებდეთ. როცა ფილმი დამთავრდება, წარმოიდგინეთ, რომ ის გრძელდება. რა შეიძლება მოხდეს შემდეგ? დაამთავრეთ მეცადინეობა, დათვლით, ერთიდან ხუთამდე და ჩაიწერეთ თქვენი დამატებები სიზმარზე და ის ახალი ცნობები, რაც ამ ქმედებამ მოგიტანათ.

მე-14 დღე: გადაიკითხეთ ის, რაც გუშინ ჩაიწერეთ. შედით ალფა-დონეზე, უკუღმა დათვლით, 25-დან ერთამდე. იფიქრეთ ამ ახალ ცნობებზე, რომლებიც ეხება თქვენს გრძნობებს და საქციელს. რის შეცვლა ან კორექტირება შეიძლებოდა? დაამთავრეთ მეცადინეობა, დათვლით, ერთიდან ხუთამდე და სასწრაფოდ ჩაიწერეთ ყველა ის ცვლილება, რომელიც მოიფიქრეთ ალფა დონეზე.

მე-15 დღე: წაიკითხეთ ცვლილებები, რომლებიც გუშინ ჩაიწერეთ. აირჩიეთ ერთი მათგანი, შედით ალფა-დონეზე, უკუღმა დათვლით, 25-დან ერთამდე, „დაინახეთ“ თქვენი თავი ხასიათის არასასურველი ნიშნით, რომელიც გამოიკვლიეთ. ახლა, გააკეთეთ რაიმე, რომ ის გაქრეს: ჩამოიბერტყეთ, ან წაშალეთ ის. ახლა „დაინახეთ“ თქვენი თავი თავისუფალი, ამ არასასურველი მახასიათებლისგან. „დაინახეთ“, რა კარგად გამოიყურებით და როგორ უკეთესად გრძნობთ თავს, ვიდრე ოდესმე. დაამთავრეთ მეცადინეობა.

რამდენიმე სიტყვა სიზმრების გამეორების, ან თემების გამეორების შესახებ, სხვადასხვა სიზმარში. ამ უკანასკნელის მაგალითად გამოდგება სიზმრების ასეთი მიმდევრობა: ერთ სიზმარში იმყოფებით მატარებელში, მაგრამ, მატარებელი არ იძვრის. რამდენიმე დღის შემდეგ, შესაძლოა, დაგესიზმროთ, რომ აპირებთ ცხენით გამგზავრებას, მაგრამ, ცხენი არ მიდის, არ ემორჩილება თქვენს ბრძანებას. კიდევ ერთი სიზმარი, იმავე თემაზე, იქნება, მაგალითად, ის, რომ ძალიან გეჩქარებათ, მაგრამ, ფეხები არ გემორჩილებათ.

ეს სიზმრები, შესაძლოა, მიუთითებდეს იმაზე, რაც თქვენს სტრესს იწვევს. მაშინ, ალბათ, რაიმე უნდა გააკეთოთ.

სადილობის შემდგომი, ხუთდღიანი ვარჯიშების წყალობით, თქვენ უღრმავდებით საკუთარ თავს და სიზმრების დახმარებით, ბევრ ღირებულ რაიმეს გაიგებთ.

მალე, ისწავლით თქვენი თავის მართვას უკეთ, ვიდრე უწინ, ოდესმე.

 

რა ვაკეთოთ საღამოს, მე-11 მე-15 დღეებში

როცა ააქტიურებთ ტვინის მარჯვენა ნახევარსფეროს, მაშინ, ის თვითონ გეხმარებათ, როგორ ისარგებლოთ მისით.

შესაძლებელია, ღირს, რომ გადადოთ, ამ წიგნის მეორე ნაწილის წაკითხვა, სანამ არ დამთავრდება ოცდღიანი პრაქტიკა და სანამ არ ისწავლით სწორად შესვლას ალფა-დონეზე, იქ დარჩენას და ტვინის მარჯვენა ნახევარსფეროთი სარგებლობას. თუ ძალიან გჭირდებათ კითხვის გაგრძელება, ეს მშვენიერია, მაგრამ, გადადეთ გარკვეული პროცედურების შესრულება, რომლებიც დაკავშირებულია პრობლემის გადაჭრასთან, ფულის მოზიდვასთან, ცხოვრების გაუმჯობესებასთან, რომლებიც წიგნის მეორე ნაწილშია. მოიცადეთ, სანამ არ დამთავრდება ოცდღიანი ვარჯიშები.

გზადაგზა, ორი დაბრკოლებაც ჩნდება. ჩვენ მათ გადავლახავთ მე-11 მე-15 დღეების, საღამოს ვარჯიშებისას. ორივე დაკავშირებულია წინააღმდეგობის მოცილებასთან, რათა მთელი სისავსით ფუნქციონირებდეს ტვინის მარჯვენა ნახევარსფერო. ჩვენ ამ წინააღმდეფობებს წლობით ვაგროვებდით. ერთი მათგანი ჩვენს სხეულშია, მეორე, გონებაში.

თუ როდესმე გადაიტანეთ სტრესული ან ტრავმული შემთხვევა, იცოდეთ, რომ დროთა განმავლობაში, მისი დიდი ნაწილი დავიწყებას ეძლევა, მაგრამ, არა ბოლომდე. თქვენს სხეულს „ახსოვს“ ის და ინარჩუნებს დაძაბულობას რომელიმე კუნთში, ქსოვილსა, თუ ორგანოში.

 აი, რამდენიმე მაგალითი სტრესისა, რომლებსაც სხეულის კუნთები, ქსოვილები და ორგანოები ინარჩუნებს:

ავტომობილის ავარია, სიკვდილი ოჯახში, საქმეში წაგება, ქურდობა ან ძარცვა, თავდასხმა ან სხვა დანაშაული, ჩაშლილი ნიშნობა, სამუშაოს დაკარგვა, სერიოზული ავადმყოფობა, სამართლებრივი დევნა, დიდი იმედგაცრუება, ხანგრძლივი უსიამოვნება და ღალატი.

წლობით დაგროვილი ეს ნეგატიური განცდები დამამუხრუჭებელ გავლენას ახდენს მარჯვენა ნახევარსფეროს გააქტიურებისთვის საჭირო რელაქსაციაზე. ის მკვდარი ტვირთია, რომელიც ხელს უშლის სასიამოვნო მოდუნებას.

დაგროვილი სტრესების ტვირთისგან გასათავისუფლებლად, მრავალი თერაპიული მეთოდია მოგონილი, რადგან ეს დაძაბულობა ხელს უშლის, არა მხოლოდ რელაქსაციას, არამედ, ორგანიზმის ნორმალურ პოზიტიურ და ჯანმრთელ ფუნქციონირებას.

ერთ-ერთი თერაპიაა „როლფინგი“, ღრმა მასაჟი. დამუშავებულია იდა როლფის მიერ და დღესაც იყენებენ ნასწავლი როლფერები, ორივე კონტინენტზე. სხვა მეთოდია „ალექსანდერის“ ტექნიკა. ეს არის ფიზიკური ვარჯიშების სისტემა, გაძლიერებული გონებით. ილანა რუბელთელდი ახდენს ამ მეთოდების კომბინირებას.

ეს ყველაფერი, შემოწმებული მიდგომებია, მაგრამ, გამოცდილი თერაპევტის დახმარებას მოითხოვს, საჭირო მიზნის მისაღწევად.

სილვას მეთოდი საშუალებას გაძლევთ, თქვენ თვითონ მიაღწიოთ გამონთავისუფლებას.

აი, რა უნდა გააკეთოთ, მომდევნო ორი საღამოს მეცადინეობისას:

მოდუნდით, შემდეგ წარმოიდგინეთ, როგორ შედიხართ საკუთარი სხეულის შიგნით, უბრძანეთ თქვენი სხეულის სხვადასხვა ნაწილს მოიცილოს უსარგებლო, ნეგატიური მოგონებები. მე მოგცემთ ზუსტ სიტყვებს. ორივე საღამოს „მოინახულეთ“, თქვენი სხეულის სხვადასხვა ნაწილი, სადაც სტრესების დაგროვების ალბათობა ძალიან დიდია.

 

მოქმედების გეგმა, საღამოები 11-12

მე-11 საღამო: დაიწყეთ ვარჯიში სკამზე მჯდარმა და არა, ლოგინში. დაიკავეთ მოხერხებული მდგომარეობა. შედით ალფა-დონეზე, დათვლით 25-დან ერთამდე. წარმოიდგინეთ თავი, თქვენი მარჯვენა ფეხის შიგნით, იქ არის მსხვილი კუნთი. თბილად მიესალმეთ ამ კუნთს, როგორც ძვირფას მეგობარს. შემდეგ, ბრძანების კილოთი უთხარით მას: „განთავისუფლდი ყოველგვარი დაძაბულობის, მყესების დაჭიმულობისა და ნეგატიური მოგონებისგან, და იმუშავე ნორმალური, ჯანმრთელი სახით“. შემდეგ, „მოინახულეთ“ მარცხენა ფეხი. შემდეგ, ორივე ხელის კუნთი, თბილად მიესალმეთ მათ, და მიეცით იგივე განკარგულება. ახლა, „შეიარეთ“ ზურგის, მუცლისა და კისრის კუნთებთან. ინსტრუქციის მიცემის შემდეგ დაუმატეთ: „მე მივმართავ ჩემი სხეულის დანარჩენ კუნთებს, მყესებსა და ქსოვილებს, მოთხოვნით, განთავისუფლდეთ ყოველგვარი დაძაბულობის, დაჭიმულობისა და ნეგატიური მოგონებებისგან, და იმუშაოთ ნორმალური, ჯანმრთელი სახით“. დაამთავრეთ მეცადინეობა, დათვლით, ერთიდან ხუთამდე.

მე-12 საღამო: მოიმოქმედეთ იგივე, რაც წინა საღამოს, ოღონდ, ამჯერად, „მოინახულეთ“ თქვენი გული, ფილტვები და ღვიძლი, და მიეცით მათაც იგივე განკარგულება. შემდეგ, „მოინახულეთ“ ნაწლავები, თირკმელები და რეპროდუქციული არე, და მათაც იგივე ინსტრუქციები მიეცით. ბოლოს, დაუმატეთ: „მივმართავ ყველა დანარჩენ ორგანოს, ჯირკვლებს და ჩემი სხეულის სისტემებს, მოთხოვნით, განთავისუფლდით ყოველგვარი დაძაბულიბის, მყესების დაჭიმულობის და არასასურველი, ნეგატიური მოგონებისგან, და იმუშაოთ ნორმალურად, ჯანმრთელი სახით“. დაამთავრეთ მეცადინეობა.

მე12 საღამოს ბოლოსთვის, მნიშვნელოვნად დაიხსნით თქვენს სხეულს, რელაქსაციისთვის წინააღმდეგობის გაწევისგან. ახლა, როცა შეუდგებით უკუღმა თვლას, ნამდვილად ჩაიძირებით ალფა მდგომარეობაში, სულ უფრო ღრმად და სწრაფად.

ახლა, განვიხილოთ ზოგიერთი დაბრკოლება, რომელიც შენახულია თქვენს გონებაში და ხელს უშლის მარჯვენა ნახევარსფეროს აქტიურ საქმიანობას.

 

მენტალური დაბრკოლების აღმოფხვრა

ტვინის მარცხენა ნახევარს უყვარს კონფლიქტები, გაორება, პოლარულობა. მარჯვენა ნახევარი კი გვერდს უვლის ამ განსხვავებებს და უპირატესობას აძლევს ერთიანობის დანახვას.

ჯონ ვ-ს სძულდა თავისი ძმა. მათი უთანხმოება ორმოც წელიწადს გრძელდებოდა. მათი ოჯახები ერთ ქალაქში ცხოვრობდნენ, ასე, რომ ხშირად იჩენდა თავს, მათ შორის, უკეთური გრძნობები,

ჯონმა გაიარა სილვას მეთოდის შემსწავლელი კურსები, მაგრამ, უჭირდა მოდუნება და უფრო მეტად კი, უძნელდებოდა გადაწყვეტილების პოვნა, მოდუნებულ მდგომარეობაში, აზრობრივი სახეების შექმნის გზით. მან მოინდომა სწავლის კურსის განმეორება, რაც უფასო პრივილეგიაა სილვას მეთოდის შემსწავლელი კურსდამთავრებულისთვის. შესვენების დროს, მან უთხრა მასწავლებელს, რომ არ არის კმაყოფილი თავისი რეზულტატით და ამიტომ, გადაწყვიტა გაიმეოროს კურსი.

– მე ვაპროგრამებ იდეალურ დღეს, მაგრამ, არ გამოდის. – დაიჩივლა ჯონმა.

– რაიმე გტანჯავთ? – ჰკითხა მასწავლებელმა.

– თითქოს, არაფერი – უპასუხა ჯონმა.

– ფულის პრობლება გაქვთ?

– არა, საქმე მშვენივრად მიდის.

– ჯანმრთელობა?

– უკეთესად, არც ვყოფილვარ.

– ინტიმური ცხოვრება?

– უკეთესი, არ არსებობს.

– სულიერი სიმშვიდე?

– რა არის სულიერი სიმშვიდე? – ჰკითხა ჯონმა.

– როცა კეთილგანწყობა გაქვთ ყველასთან და ყველაფერთან, ცხოვრებაში. – განუმარტა მასწავლებელმა.

– ცხადია, სრული სულიერი სიმშვიდე მაქვს. – უპასუხა ჯონმა, მაგრამ, დაფიქრების შემდეგ დაუმატა. – ერთი გამონაკლისის გარდა.

 – წყლის ასამღვრევად ერთი ქვაც საკმარისია, – შენიშნა მასწავლებელმა. – რა გამონაკლისია?

ჯონმა დაიწყო თავისი ძმის ლანძღვა, მასწავლებელმა სწრაფად შეაწყვეტინა და აუხსნა, რომ ნებისმიერი ნეგატიური დამოკიდებულება, სხვა ადამიანის მიმართ, საკუთარი გაორების გამო, ტვინის მუშაობას ამუხრუჭებს, ააქტიურებს მარცხენა ნახევარსფეროს.

– ტვინის მარჯვენა ნახევარსფერო ფუნქციონირებს იმ დონეზე, სადაც ჩვენ ყველანი ერთნი ვართ, ანუ, სუპერცნობიერებაში, კოლექტიურ არაცნობიერში. გათიშულობის ნებისმიერი ურყევი გრძნობა ეწინააღმდეგება ერთობის წარმოშობას. – თქვა მასწავლებელმა.

– როგორ მოვიქცე? – ჰკითხა ჯონმა ეჭვიანად.

– აპატიეთ მას.

– არასოდეს, – ჯონი აშკარად დაიძაბა. – ოღონდ, ამ უსაქმურს, არა.

მასწავლებელმა მოთმინებით აუხსნა, რომ ჯონის ძმა იქცევა ისე, როგორც დააპროგრამა თავისი საქციელი. არა აქვს მნიშვნელობა, რა პროგრამაა. ძმა იქცევა ისე, როგორც მისი აზრით უნდა იქცეოდეს. ჯონის მიერ წარსული წყენის არდავიწყების სურვილი ვნებს, არა მის ძმას, არამედ, თვით ჯონს და დროთა განმავლობაში, შეიძლება გაუტეხოს ჯანმრთელობა და შეუმოკლოს სიცოცხლე.

– მაშ, რა გინდათ, რომ გავაკეთო? – ჰკითხა ჯონმა.

– საქმე ის არ არის, მე რა მინდა, საქმე ის არის, რისი გაკეთება გსურთ თქვენ.

შემდეგ ლექტორმა აუხსნა პროცედურა: ჯონი უნდა შევიდეს ალფა-დონეზე. წარმოიდგინოს თავისი საყვარელი ადგილი, „მიიპატიჟოს“ თავისი ძმა, იქ. წარმოიდგინოს, როგორ გამოჩნდება იგი, შემდეგ სუბიექტური ურთიერთობით, აპატიოს მას და სთხოვოს მას პატიება, თვითონაც.

– იგრძენით, როგორ გადადის და მიიღება პატიება, – ხაზი გაუსვა ლექტორმა. – ფიქრით მოეხვიეთ ძმას. დაამთავრეთ მეცადინეობა. იგრძენით განსხვავება და შეგრძნება, როგორ იზრდება დახმარება „მეორე მხრიდან“.

ჯონმა გააკეთა ეს, დაუყოვნებლივ, შესვენების დამთავრებისთანავე.

რამდენიმე დღის შემდეგ, მან დაურეკა მასწავლებელს:

– დავაპროგრამე იდეალური დღე და ყველაფერი გამოვიდა.

ერთი თვის შემდეგ, პირველად, მრავალი წლის განმავლობაში, ჯონს დაურეკა ძმამ. მან დაპატიჟა ჯონი ოჯახით, ქალიშვილის ქორწილში. ეს აღმოჩნდა სუბიექტური მოქმედების ობიექტური გამეორება.

რასაც ჩვენ ვქმნით სუბიექტურ სამყაროში, ჩვენი წარმოდგენით, მჟღავნდება ფიზიკურ სამყაროში, როგორც რეალობა.

 

აზროვნების წმენდა

ნებისმიერი ნეგატიური გრძნობა, შემორჩენილი რაღაც დროით, ბლოკავს „მეორე მხრიდან“ დახმარებას, ეწინააღმდეგება მარჯვენა ნახევარსფეროს მუშაობას.

აი, ზოგიერთი, ასეთი ნეგატიური ემოცია:

ეჭვიანობა, ზიზღი, დაეჭვება, ბრაზი, სიძულვილი, დადანაშაულება, წუხილი, გულისწყრომა, აღშფოთება, მტრობა, უსიამოვნება, შურისძიება, შიში, გაღიზიანება, უგულებელყოფა, მეტოქეობა.

ყველა ეს გრძნობა უნდა შეიცვალოს ერთადერთით, სიყვარულით. მაგრამ, სიძულვილიდან სიყვარულზე გადასვლა, უნდა მოხდეს პატიების გავლით.

მომდევნო სამ საღამოს სუბიექტურად აპატიებთ ყველას, ვისაც აქვს მნიშვნელობა, თქვენთვის, წარსულში და აწმყოში. ეს თქვენს ცხოვრებას შეცვლის უკეთესობისკენ.

აი, მე-13 – მე-15 საღამოების მოქმედების გეგმა:

მე-13 საღამო: დაჯექით მოხერხებულ სავარძელში, დახუჭეთ თვალები, ასწიეთ ოდნავ ზემოთ და დაითვალეთ უკუღმა, 25-დან ერთამდე. როცა ერთამდე მიხვალთ, ფიქრით გადადით რელაქსაციის საყვარელ ადგილზე. შემდეგ, რიგრიგობით „მიიპატიჟეთ“ ადამიანები, რომელთა სიაც ქვემოთ არის მოცემული. თქვენ მათ აპატიებთ და მათაც სთხოვთ პატიებას. შეიგრძენით, როგორ ხდება ეს. დაინახეთ თქვენი მოქმედება, ხელის ჩამორთმევა, ან მოხვევნა. გაიმეორეთ ეს, ყველასთან, იმის მიუხედავად, ცოცხალია ის, თუ გარდაცვლილი.

პაპა, მამის მხრიდან, დიდედა, მამის მხრიდან, მამა, მეუღლე, ან საყვარელი ადამიანი, ძმები; პაპა, დედის მხრიდან, დიდედა, დედის მხრიდან, დედა, დები, შვილები.

დაამთავრეთ მეცადინეობა, დათვლით, ერთიდან ხუთამდე.

მე-14 საღამო: ამ საღამოს აპატიეთ ყველა ნათესავს. მაგრამ, დროის ეკონომიისთვის, ამოარჩიეთ ბიძაშვილების, დეიდაშვილების, მამიდაშვილების თითო წარმომადგენელი. ასევე ბიძების, დეიდების, მამიდების თითო წარმომადგენელი. იგივე გააკეთეთ სხვადასხვა კატეგორიის ადამიანებთან, რომლებიც არ არიან ნათესავები: მეზობელი, მასწავლებელი, ნათესავი, მეუღლის მხრიდან; მეგობარი, თანამშრომელი.

მე-15 საღამო: ბოლოს, დაგრჩათ ერთი მნიშვნელოვანი ადამიანი, საკუთარი თავი. თქვენ უნდა შეიყვაროთ საკუთარი თავი, უწინ, ვიდრე შეძლებთ სხვების სიყვარულს. „მიიპატიჟეთ“ თქვენი თავი რელაქსაციის საყვარელ ადგილზე, როგორც, სხვა ადამიანი, აპატიეთ მას, როგორც სხვებს, ყველა ნაკლი, რომელიც, თქვენი აზრით, გაქვთ; ყველა შეცდომა, ყველა უსიამოვნო ამბავი, რომლის მიზეზადაც საკუთარი თავი მიგაჩნიათ. „მოეხვიეთ“ თქვენს თავს. დაამთავრეთ მეცადინეობა, წაღმა თვლით.

გასულ ხუთ დღეს თქვენ არამარტო პრაქტიკულად ვარჯიშობდით, არამედ გაიხსენით „მეორე მხარისთვის“ იმით, რომ განთავისუფლდით ფიზიკური და მენტალური წინააღმდეგობისგან. ახლა, მზად ხართ კონტაქტის განხორციელებისთვის.

შემდეგ თავში, ნახავთ ინსტრუქციებს იმის შესახებ, თუ როგორ დაამთავროთ სწავლა.

 

თავი 6

„მეორე მხრიდან“ პასუხების მიღება

ეს თავი შეიცავს ინსტრუქციებს, ბოლო ხუთი დღის მეცადინეობისთვის, რომლის მიზანია მოგცეთ შესაძლებლობა დაამყაროთ კონტაქტი „მეორე მხარესთან“. ეს, ბოლო ხუთი დღე, არის სწავლების ოცდღიანი კურსის დამაგვირგვინებელი. თუ კეთილსინდისიერად მიუდგებით მეცადინეობას, შეიძენთ უნარს, შეანელოთ თქვენი ტვინის ტალღები, ალფა სიხშირის დონემდე, თვალების დახუჭვით, ღრმა ჩასუნთქვით, თვალების ოდნავ ზემოთ აწევით და დათვლით უკუღმა, ხუთიდან ერთამდე. სხვა სიტყვებით, შეგიძლიათ ტვინის მარჯვენა ნაზევარსფერო გაააქტიუროთ, იმაზე ნაკლებ დროში, რამდენიც ამ აბზაცის წაკითხვას მოუნდით.

როცა მარჯვენა ნახევარსფერო აქტიურდება, პრაქტიკულად, ეხებით „მეორე მხარეს“. თქვენი მოწოდება, დახმარებისთვის, უკეთესად „ესმის“ სულიერ სამყაროს, და გაწეული დახმარებაც უკეთესად გადმოგეცემათ.

სწავლის ბოლო ხუთი დღის განმავლობაში დაიწყებთ ალფა დონის შესაძლებლობის გამოყენებას, თქვენს სასიკეთოდ. ეს, ჯერ კიდევ, არ იქნება კარდინალური გადატრიალება, თქვენს ცხოვრებაში, რომელსაც უფრო გვიან მიაღწევთ. მაგრამ, სანამ სიარულს და სირბილს დავიწყებთ, ჯერ საჭიროა, ვისწავლოთ ცოცვა.

 თქვენი გონების უფრო უკეთ გამოყენებით, ვიდრე უწინ იყენებდით, დაიწყებთ სარგებლის მიღებას. როდესაც რომელიმე ავადმყოფობა, მაგალითად, ინსულტი, აზიანებს ტვინის ნაწილს, ეს იწვევს სხვადასხვა სახის დარღვევას. ანალოგიურად, ყველაფერი, რაც ხელს უწყობს ტვინის მუშაობის გაუმჯობესებას, გეხმარებათ თქვენ.

საშუალო ადამიანის აზროვნების, მნიშვნელოვანი ნაწილი, ნეგატიურია. ღელვა, კონფლიქტური სიტუაციები, სიღარიბის შიში, ეს ყველაფერი ზიანს გაყენებთ. წუხილი იმატებს, კონფლიქტები მრავლდება და ჩვენ ბევრს ვკარგავთ. ნეგატიური აზროვნება ახშობს შემოქმედების უნარს და ჩვენს ცხოვრებაში შემოაქვს დესტრუქცია. პროგრესის ნაცვლად, განვიცდით რეგრესს. ეს, ჩვენთვის, სასჯელია. შეიძლება ითქვას, რომ ეს დასჯა გარდუვალია. მაგრამ, მეორე მხრივ, როცა იწყებთ თქვენი გონების უფრო სრულად გამოყენებას, მაშინ, გზას უხსნით პოზიტიურ აზროვნებას, და ჯილდოც გარდუვალია.

 

პოზიტიური აზრობრივი ხატების ძალა

კარლ საიმონტონი ონკოლოგად მუშაობდა, კალიფორნიაში, საჰაერო სამხედრო ბაზაში, ტრევისში. მან გამოიყენა სილვას მეთოდის საკუთარი ვარიანტი, რათა დახმარებოდა თავის პაციენტებს, რათა მათ ესწავლათ მოდუნება და თავიანთი იმუნური სისტემის ხატის შექმნა, კიბოსთან წარმატებული ბრძოლისთვის. შედეგები იმდენად გასაოცარი აღმოჩნდა, რომ როდესაც საიმონტონმა დატოვა საჰაერო ძალები და დაუბრუნდა კერძო პრაქტიკას, ტეხასში, მთელი ქვეყნიდან, მოდიოდნენ მასთან კიბოთი დაავადებულები, რათა ესარგებლათ მისი მეთოდით.

ჩამოსულ პაციენტებს საიმონტონი ესაუბრებოდა, უხსნიდა თავისი მეთოდის არსს. როდესაც ავადმყოფები გებულობდნენ, რომ თვით მათ მოუწევთ მონაწილეობის მიღება თავიან გაჯანსაღებაში, ბევრი მათგანი ბრუნდებოდა შინ. ისინი მზად არ იყვნენ, რომ თავად აეღოთ პასუხისმგებლობა თავიანთ სიცოცხლეზე.

თქვენ მზად ხართ, ეს გააკეთოთ? გარისკავთ, თქვენი გონების დიდი ნაწილი დაუმორჩილოთ, უფრო მეტად მიზანმიმართულ კონტროლს? მიისწრაფვით, სამოთხისკენ, დედამიწაზე? აზრობრივი ხატების ძალა, შემოქმედებითი ძალაა, რომელმაც შექმნა მსოფლიო და აგრძელებს მუშაობას, თქვენთან ერთად. თქვენ შემოქმედებითი გუნდის წევრი ხართ. დიახ, თქვენ, მრავალთაგან, მხოლოდ ერთი ხართ. მაგრამ, რა ემართება გუნდის წევრს, რომელიც განიზრახავს იმოქმედოს თავისებურად? ფეხბურთელს „ჩაძირავენ“ მცველები. პოლიტიკურ მოღვაწეს აღარ აირჩევენ ახალი ვადით.

მენტალური ხატები შესაძლოა იყოს დესტრუქციულიც, და მათი განხორციელება იწვევს ნეგატიურ ამბებს.

აი, მაგალითები:

არტურ ვ. იყო იპოქონდრიკი. მას სულ ეჩვენებოდა, რომ ავად არის, ხან რით, ხან რით, და ხშირად, ის მართლაც იყო ავად. მის ორგანიზმში ვითარდებოდა რეალური სიმპტომები, და მუდმივად საჭირო იყო სამედიცინო ჩარევა. შემთხვევით, არტურმა გაიგო სილვას მეთოდის შესახებ. მან გაიარა სწავლის კურსი და პირველ დღესვე, მიხვდა, თავისი ჯანმრთელობის პრობლემის ჭეშმარიტ მიზეზს. ეს იყო მისივე დესტრუქციული აზროვნება. მეცადინეობის მეორე დღესვე, ავადმყოფობის ყველა სიმპტომი გაქრა.

ჟენევიევა ლ. შიშობდა თავისი სიცოცხლის გამო. რაც უფრო მეტს კითხულობდა გაზეთებში, ბოროტმოქმედებასა და ძალადობაზე, და რაც უფრო მეტს ხედავდა, ამას, ტელევიზორში, მით უფრო დაშინებული იყო. ჟენევიევას აწუხებდა ნერვული აშლილობა. ერთხელ, მისმა მეგობარმა მიუტანა მას წიგნი „სილვას მეთოდით გონებით მართვა მენეჯერთათვის“. ქალი მიხვდა, რასთან შეეძლო მიეყვანა ის, აზრობრივ ნეგატიურ სახეებს: მიეზიდა სწორედ ის, რისი აცილებაც უნდოდა. ჟენევიევამ შეცვალა თავისი აზროვნების სახე და მისი დაბინდული ცხოვრება განათდა.

ბოინგ 747 უნდა დამჯდარიყო ჰონოლულუში. მაგრამ, პილოტმა ვერ შეძლო შასის გამოშვება. მექანიზმი დაზიანდა. მან მოახსენა, ეს პრობლემა, აეროპორტის სამსახურს. მათ უბრძანეს ეტრიალა აეროდრომის თავზე, სანამ დასაჯდომ ბილიკს დაფარავდნენ სპეციალური ქაფით და იქვე, მზადყოფნაში იქნებოდა გადაუდებელი დახმარება. მას შემდეგ, რაც თვითმფრინავი გახოხდა მუცლით, სრულ გაჩერებამდე, მოიტანეს დახრილი გორაკები, რისი დახმარებითაც ხალხი მიწაზე ჩამოვიდა. ორასზე მეტი მგზავრი და თვითმფრინავის მომსახურე ჯგუფი არ დაშავებულა, და არც თვითმფრინავი იყო ძლიერ დაზიანებული.

ერთ-ერთმა მგზავრმა გაზეთის რეპორტიორს უამბო, რომ ფრენის დროს, სალონში, აჩვენებდნენ ფილმს, იმის შესახებ, თუ დაჯდომისას, ერთ-ერთ თვითმფრინავს, როგორ არ გაეხსნა შასი. მას შემდეგ, რაც ეს ამბავი დაიბეჭდა, გაზეთის რედაქტორს მოუვიდა შეკითხვა: შეიძლებოდა, თუ არა, რომ ორასი მოდუნებული გონების მიერ შასის მექანიზმის გაუმართაობის ვიზუალიზაცია, გამხდარიყო მიზეზი, ამ მექანიზმის მოშლისა, სინამდვილეში? არ არის აუცილებელი იყოთ გენიოსი, რომ ამ კითხვას უპასუხოთ:

 – დიახ.

 

ინტუიციის შეძენა

„მეორე მხარეს“ უნდა მივაწეროთ კიდევ ერთი მენტალური უნარი, რომელზედაც ყველანი ვაცხადებთ პრეტენზიას, ეს არის ინტუიცია.

ინტუიციას განმარტავენ, როგორც უნარს, გავიგოთ რაიმე, რაციონალური პროცესების გამოუყენებლად, რაც ახასიათებს თავის ტვინის მარცხენა მხარეს. ინტუიცია, თავისი არსით, არის მარჯვენა ნახევარსფეროს საქმიანობის პროდუქტი, რომელიც „მეორე მხრიდან“ იღებს ცოდნას. მაშასადამე, ინტუიცია არის ინტელექტი, რითაც უზრუნველგვყოფს „მეორე მხარე“.

ყოველი ჩვენგანი ფლობს ინტუიციის უნარს, თუნდაც შეგნებულად არ ააქტიურებდეს ტვინის მარჯვენა ნახევარსფეროს, რადგან მას მთლად არ სძინავს. ის ყოველთვის ფუნქციონირებს. მაგრამ, არა, სრული ძალით. სულიერ მხარეს აქვს მისავალი ჩვენს ინტელექტთან. მას შეუძლია, ნაწილობრივ, შეძვრეს ჩვენს გონებაში. როცა შეშფოთებულნი ვართ, მატერიალური სამყაროს საქმეებით, ბეტა სიხშირეზე მოქმედებისას, ჩვენი ტვინი ასრულებს შესანიშნავ რამეს: ყოველი ორიოდე წამის შემდეგ, ის გადახტება ალფა-დონეზე და ჩერდება იქ, მიკროწამამდე. კონკრეტული ახსნა, ამ მოვლენას, ჯერ-ჯერობით, არა აქვს. მაგრამ, შესაძლოა, ამგვარად ახერხებდეს „მეორე მხარე“ ჩვენს ინტელექტთან მისვლას.

წამის ნაწილი საკმარისი დროა შემოქმედების, ან ინტუიციის უცაბედი გაელვებისთვის. მაგრამ, პრობლემა ის არის, რომ ასეთი შემოქმედებითი გამონათებები, ჩვეულებრივად, რჩება ქვეცნობიერის დონეზე. როდესაც ჩვენ, მართვადი სახით, ვიმყოფებით ალფა-დონეზე, ჩვენს ცნობიერ გონებას ნებას ვაძლევთ დაუკავშირდეს ქვეცნობიერს. ეს მართვადობა გვაიძულებს შევცვალოთ ტერმინოლოგია. ქვეცნობიერი უკვე აღარ არის „ქვე“, ანუ ცნობიერის დონის ქვემოთ, და უფრო ზუსტი იქნებოდა გვეწოდებინა მისთვის შინაგანი ცნობიერება. ის მეტ შესაძლებლობას გვაძლევს მივიღოთ და შევიყვანოთ ინფორმაცია პროგრამირებისას.

ამ მიკროწამიანი ინტუიციის ნაწილის, ცნობიერში გადაყვანისთვის, მეორე წინააღმდეგობაა ტვინის მარცხენა ნახევარი, რომელიც ხშირად ხელს გვიშლის გავიგოთ, რას ამბობს მარჯვენა. გახსოვდეთ, რომ ორივე ნახევარსფერო ურთიერთკავშირშია. ისინი ერთმანეთთან საუბრობენ. მათ შორის გაბმულია შემაერთებელი ძაფები. არანაკლები რაოდენობისა, ვიდრე სატელეფონო ხაზებია დედამიწაზე. მარცხენა ნახევარსფერო ისმენს მარჯვენისას, მაგრამ, აგრძელებს მის იგნორირებას. მოცემული ვარჯიშების ოცი დღე, თქვენი ტვინის ორ ნახევარს, ჩააყენებს უფრო თანაბარ პირობებში.

 

ბავშვად ყოფნა

როდესაც ბავშვი იმყოფება, ჯერ კიდევ, დედის მუცელში, მისი ტვინი გამოსცემს ტალღებს. ტვინის ეს ტალღები მდებარეობს დელტა სიხშირის დიაპაზონში, ნახევრიდან ოთხ პულსაციამდე, წამში. ასეთი დელტა პულსაციები გრძელდება ბავშვის დაბადების შემდეგაც, და დომინანტური რჩება, დაახლოებით, ოთხი წლის ასაკამდე. ეს ის პერიოდია, რომლის განმავლობაშიც ბავშვი იწყებს შეგრძნებების გამოყენების სწავლას. პირველად, შეხება; შემდეგ, ყნოსვა და გემო; მერე, სმენა და დანახვა.

ოთხი წლის ბავშვის ტვინის ტალღები ოდნავ ხშირდება და დომინანტური ხდება თეტა- დონე. ამ სტადიაზე, მისი ტვინი მუშაობს ინდუქციურად. ეს იმას ნიშნავს, რომ ამ დროისთვის, ბავშვი ეცნობა სამ მეოთხედს იმისას, რასაც მთელი ცხოვრების მანძილზე გამოიყენებს. დაახლოებით, შვიდიდან თოთხმეტ წლამდე ბავშვზე შეიძლება ითქვას, რომ ის იმყოფება ალფა მდგომარეობაში, რადგან ამ დროს, მისი ტვინის დომინანტური სიხშირეები ჩქარდება, შვიდიდან თოთხმეტამდე ციკლი, წამში. და მისი ტვინი ფუნქციონირებს დედუქციურად. ბავშვში ვითარდება წარმოსახვა, გამომგონებლობა და შემოქმედება. მის ნერვულ უჯრედებში შემოსული შთაბეჭდილებები, ახლა, კომბინირდება სხვადასხვა ხერხით. ბავშვი წყვეტს პრობლემებს, ჰყავს თამაშის წარმოსახვითი ამხანაგები, გამოთქვამს იდეებს, რომლებიც ხშირად აკვირვებს მის მშობლებს.

ზოგიერთი ბავშვი ფლობს ტელეპატიას. მათ იციან ის, რაც, არ უნდა იცოდნენ. ზოგიერთებს, აურის დანახვაც შეუძლიათ.

– როგორ გაიგე, რომ დღეს ჩამოდის დეიდა ემილი? – შესაძლოა ჰკითხოს გაოცებულმა მშობელმა.

– უბრალოდ, გამოვიცანი. – პასუხობს ბავშვი.

როცა ჩემს შვილებზე ვცდიდი იმას, რაც შემდეგში გახდა გონების მართვის სილვას მეთოდი, ჩემი მთავარი მიზანი იყო დავხმარებოდი მათ, რათა კარგად ესწავლათ და კარგი ნიშნები მიეღოთ სკოლაში. ამიტომ, ვეკითხებოდი, რას სწავლობდნენ გაკვეთილებზე. ზოგჯერ ისინი მპასუხობდნენ კითხვაზე, რომელიც ჯერ არ დამესვა მათთვის.

– რატომ მიპასუხე ამ კითხვაზე, მე ხომ არ მიკითხავს? – მაინტერესებდა მე.

– გამოვიცანი, რომ აპირებდი კითხვას – ყოველთვის იყო ასეთი პასუხი.

თავის ტვინის მარჯვენა ნახევარსფეროს გააქტიურებით, ბავშვები იწყებენ ინტუიციით სარგებლობას.

ინტუიცია შეიძლება ასეც განვმარტოთ: ზუსტად გამოცნობის უნარი. ბევრ თქვენგანს უგრძვნია, ალბათ, ზოგჯერ, თითქოს, ვიღაცამ გიკარნახათ, რა უნდა გააკეთოთ. ტვინის მარჯვენა ნახევარი მოქმედებს, როგორც რადიომიმღები და ჩვენ ვიღებთ ხმამაღალ და გასაგებ შეტყობინებებს.

ცხადია, ინფორმაცია, რომელიც მოდის, ინტუიციურია. მას საერთო არ აქვს გამოცნობასთან. ის მოდის ჩვენთან, ინტელექტთან ჩვენი კავშირის მეშვეობით. ინტელექტთან, რომელიც ჩვენს საკუთარ ინტელექტზე დიდია. და მხოლოდ გვეჩვენება, რომ ჩვენ გამოვიცანით. სინამდვილეში, ასეთია ინტუიციის გრძნობითი გამოვლინება.

როცა ბავშვები მიაღწევენ თოთხმეტ წელს, მათი ტვინი თავის მუშაობას გადააწყობს ბეტა სიხშირეზე, თოთხმეტიდან ოცდაერთამდე ციკლით, წამში. ყურადღების მთავარი ცენტრი ხდება ირგვლივ მყოფი გარემოს კონტროლი, განსჯადობა, ლოგიკურობა და აზროვნების ანალიტიკურობა, ტვინის მარცხენა ნახევარსფერო.

 

ინტუიციის განვითარება სილვას მეთოდის დახმარებით

სილვას მეთოდის შემსწავლელი კურსდამთავრებულები ბავშვებივით არიან. მათი ტვინი უფრო მეტ ტალღებს გამოასხივებს ალფა სიხშირეზე. მათ არ სჭირდებათ უკუღმა დათვლა, იმისთვის, რომ იყვნენ ინტუიციურები, რადგან მათი აზროვნება გახდა ცენტრირებული. სილვას მეთოდის მიმდევრები ავტომატურად ახდენენ თვალების დეფოკუსირებას და ოდნავ ზემოთ სწევენ, როცა წყვეტენ რაიმე პრობლემას. დანარჩენ დროს, ასეთი ადამიანების ტვინის მარცხენა და მარჯვენა ნახევრები თანამშრომლობენ უფრო ეფექტურად.

სილვას მეთოდის მასწავლებელს, ბობ ს-ს ჰქონდა მეცადინეობა ერთ ქალაქში. შესვენების დროს, გადაწყვიტა დაესვენა, სასტუმროს ნომერში, რომელიც იყო სასწავლო აუდიტორიაზე რამდენიმე სართულით ზემოთ. როცა ის წამოწვა საწოლზე, თავში მოუვიდა შემაშფოთებელი აზრი: რაღაც ემუქრება, ჩემს სახელმძღვანელოს.

სახელმძღვანელოს გარეშე კი, შესაძლოა, მეცადინეობა ჩაშლილიყო. ის წამოხტა, გამოვარდა ნომრიდან, ჩავიდა ქვემოთ და შევარდა აუდიტორიაში. სახელმძღვანელო აღარ იდო კათედრაზე, სადაც მან დატოვა.

ბობმა სასწრაფოდ დატოვა აუდიტორია. იგი ეკითხებოდა ყველას, რა იქნა სახელმძღვანელო. ცოტა ხანში, მან აღმოაჩინა, რომ მიდის დერეფანში, მოუხვია კუთხეში და გაჩერდა სასტუმროს ოფისის წინ. ბობი შევიდა ოთახში და დაინახა მაგიდასთან მჯდომი მდივანი. ის მივიდა მდივანთან ახლოს და დაინახა მის ზურგს უკან მდგარი კოპირების აპარატი, რომელშიც იდო მისი სახელმძღვანელო.

– ეს ჩემი წიგნია. – თქვა ბობმა.

ამ დროს ოთახში შემოვიდა მისი ერთ-ერთი მსმენელი. ბობის დანახვაზე, გაფითრდა. შემდეგ გამოტყდა, რომ მან აიღო სახელმძღვანელო, და სთხოვა ბობს პატიება.

– ახლა მჯერა ექსტრასენსული აღქმისა. – თქვა მან.

ბობს არ დასჭირვებია ალფა მდგომარეობაში შესვლა, რომ გაეგო, სად არის სახელმძღვანელო. მისი მარჯვენა ნახევარსფერო, მუდმივი ვარჯიშების შედეგად, აქტიური იყო.

სილვას მეთოდის შემსწავლელი კურსდამთავრებული, ხშირად, გრძნობს დაჟინებულ მოთხოვნილებას, დაურეკოს ვიღაცას და შემდეგ აღმოჩნდება, რომ იმ ადამიანს, მართლაც, სურდა მასთან შეხვედრა. ზოგჯერ, შესაძლოა, გაგიჩნდეს სურვილი წახვიდეთ მანქანით სხვა გზით, ვიდრე თავიდან გეგმავდით, და შემდეგ, აღმოჩნდება, რომ ასცდით ავარიას. უამრავი ასეთი სახის „დამთხვევა“ და სხვადასხვა სახის „შემთხვევითობა“ ხდება მაშინაც კი, როცა ადამიანი არ შედის ალფა მდგომარეობაში. ის თვითონ მოდის, თქვენთან, ბუნებრივი სახით.

აქ, ცხადად იგრძნობა ინტელექტის გავლენა, რომელიც ყოველთვის მუშაობს თქვენთვის. მაგრამ, ცუდი კავშირი, ხშირად, არ გაძლევთ საშუალებას, რომ ისარგებლოთ მის მიერ გადმოცემული სიკეთით. ყოველ ადამიანს აქვს ინტუიცია. მაგრამ, ადამიანთა უმრავლესობისთვის, რომლებიც თავიანთი აზროვნებით ექსცენტრულები არიან, მისი ჩუმი ხმა გაუგებარი რჩება. როდესაც მათი აზროვნება გახდება ცენტრირებული, ინტუიციის „ხმა“ უფრო „მაღალი“ იქნება.

 

აზროვნების ცენტრირება

დილის, შუადღის და საღამოს ვარჯიშები, მე-16 დან მე-20 დღემდე, შეგაძლებინებთ გააკონტროლოთ თქვენი ტვინის ორივე ნახევარსფერო.

– და მერე, რა? – იკითხავთ თქვენ.

– ამით ახდენთ თქვენი აზროვნების ცენტრირებას. – გიპასუხებთ მე

– ეს რას მიშველის? – ინტერესდებით თქვენ

– სინათლე მოგეფინებათ.

– აგვიხსენით, რას ნიშნავს ეს.

– თქვენი ცნობიერი გონება იწყებს თანამშრომლობას, თქვენს ზეცნობიერ გონებასთან, რომელიც უმაღლესი ინტელექტის ნაწილია. – მოთმინებით გიხსნით მე.

– ნიშნავს, თუ არა ეს, რომ მე გავხდები ღმერთის ნაწილი? – თქვენი შეკითხვები ხდება კადნიერი.

– თქვენ უკვე ხართ ღმერთის ნაწილი, და მხოლოდ ამის დემონსტრირება მოხდება თქვენს ცხოვრებაში. – მაიძულებთ დავიკავო ფილოსოფოსის ადგილი.

– მე პრაგმატიკოსი ვარ, რა შეიცვლება პრაგმატულად? – თქვენ ირჩევთ ბიზნესმენის სავარძელს

– უპირველესად, გახდებით სრულყოფილი პიროვნება, აღარ გექნებათ შინაგანი კონფლიქტები. თქვენთვის ადვილი შეიქნება გადაწყვეტილების მიღება, აიმაღლებთ ცნობიერების დონეს, რაც მოგცემთ სხვა ადამიანებთან ერთიანობის შეგრძნებას. – მეუფლება შეგრძნება, რომ ჩემი პასუხი მეტისმეტად პრაგმატულია.

– ერთიანობის? არ მესმის რა სარგებლობას მომიტანს ეს, მე.

მე მართალი აღმოვჩნდი, ოდნავ ზემოთ ვიხედები და ველოდები, როდის მოვა პასუხი.

– თქვენ მოგეცემათ ძალა, რომელიც საჭიროა იმისთვის, რომ იმოქმედოთ სხვა ადამიანებზე, საკუთარი თავისა და მათ სასიკეთოდ, და სიბრძნე, რომ ეს ძალა გამოიყენოთ კაცობრიობისთვის.

თქვენ თავს მიქნევთ. მე ჩუმად ვამბობ მადლობას, თქვენ კი, განაგრძობთ შეკითხვებს.

შემდეგი სამი დილის ვარჯიშისთვის, გაღვიძების შემდეგ, ადექით და დაჯექით სკამზე. დახუჭეთ თვალები, ოდნავ ზემოთ ასწიეთ, ღრმად ჩაისუნთქეთ და ამოსუნთქვისას, მოადუნეთ სხეული. შემდეგ, დათვალეთ უკუღმა, ხუთიდან ერთამდე, იმისთვის, რომ შეხვიდეთ ალფა-დონეზე, როცა იქ აღმოჩნდებით, წარმოთქვით ჩვეული მტკიცებულებები. ხოლო შემდეგ, დაუმატეთ: „ყოველდღიურად ვხდები უკეთესი, უკეთესი და უკეთესი, ყოველმხრივ“. შემდეგ, დათვალეთ, ერთიდან ხუთამდე.

გასხვავება, წინა დილების ვარჯიშებისგან, არის შემოკლებული უკუღმა დათვლა, და ის, რომ ზიხართ სკამზე და არა საწოლში, აკეთებთ ღრმა ჩასუნთქვას თვალდახუჭული და წარმოთქვამთ მტკიცებულებას: „უკეთესი, უკეთესი და უკეთესი“.

კიდევ ერთი განსხვავება გამოჩნდება, ამ ხუთდღიურის ბოლო ორი დღის ვარჯიშში. მეცადინეობის დროს, „იქითა მხრიდან“ მოგეცემათ დახმარება, მოწოდებით: დაე, იყოს ეს დღე, თქვენთვის, იდეალური.

თქვენ არ გაიგეთ შეცდომით. არა, ჩვენ მეტისმეტად არ ვჩქარობთ. თქვენ გაქვთ კონტაქტი თქვენს უმაღლეს მესთან. ის კი „მეორე მხარის“ მეშვეობით დაკავშირებულია ყველა ადამიანის უმაღლეს მესთან, რომლებიც თავიანთ როლს ითამაშებენ თქვენს იდეალურ დღეში.

ნუ შეგექმნებათ შთაბეჭდილება, რომ რაკი ეს პირველი ცდაა, შესაძლოა, მოხდეს მხოლოდ წვრილმანი გაუმჯობესებები, თორემ მიეჩვევით შეზღუდული დახმარების თხოვნას. მიუშვით ეს, თვითდინებაზე და ღმერთის ნებაზე.

დაელოდეთ საოცრებებს.

 

რა გავაკეთოთ დილით, მე-16 მე-20 დღეებში

მე-20 საუკუნის დასაწყისში, ერთი ფრანგი, სახელად ემილ ვუე, ასწავლიდა ადამიანებს ეცქირათ სარკეში და სულ ემეორებინათ: „ყოველდღე ვხდები სულ უკეთესი და უკეთესი, ყოველმხრივ“.

ამ სიტყვებს თუ შეადარებთ ახალ მტკიცებულებას, რომელსაც დაურთავთ დილის დავალებას, შესაძლოა, მოგეჩვენოთ, რომ მე ვუეს გავასწარი მხოლოდ ერთი „უკეთესით“, სამჯერ გამეორება, ორის ნაცვლად. მაგრამ, ჩემი მტკიცებულება ეფექტურია. ალფა-დონეზე გასვლა ასჯერ უკეთესია, ვიდრე სარკეში ცქერა. ალფა-დონეზე, მოცემული მტკიცებულება, ხვდება თქვენს მენტალურ კომპუტერში და აპროგრამებს მას, გაგხადოთ თქვენ უკეთესი, უკეთესი და უკეთესი.

დილის ვარჯიშების ცვლილებები იმსახურებს, რომ სრულად დაიმახსოვროთ მთელი პროცედურა. ერთხელ და სამუდამოდ რომ დაისწავლით, აღარ შეწყვეტთ რელაქსაციას, იმისთვის, რომ ჩაიხედოთ წიგნში.

 

დღეები მე-16 მე-18

1.      ლოგინიდან ადგომის შემდეგ, დაჯექით მოხერხებულ სკამზე;

2.      დახუჭეთ თვალები, ასწიეთ ოდნავ ზემოთ, ღრმად ჩაისუნთქეთ და ამოსუნთქვისას, სრულიად მოადუნეთ სხეული;

3.       ნელა დათვალეთ უკუღმა, ხუთიდან ერთამდე;

4.      ფიქრით გაიმეორეთ, შემდეგი სამი მტკიცებულება: „ყოველთვის, როცა ასეთნაირად ვდუნდები, ალფა მდგომარეობაში ვიძირები, სულ უფრო ღრმად და სწრაფად“, „პოზიტიურ აზრებს მოაქვს ჩემთვის ყველა ის სიკეთე და უპირატესობა, რაც მსურს“, „ყოველდღიურად ვხდები უკეთესი, უკეთესი და უკეთესი, ყოველმხრივ“;

5.      დაამთავრეთ მეცადინეობა, ჩვეულებრივ, დათვლით, ერთიდან ხუთამდე, მხნედ და მშვენიერი გუნება-განწყობით.

გადაიკითხეთ ეს ხუთი ნაბიჯი კიდევ, შემდეგ, გადადეთ წიგნი. წარმოიდგინეთ, რომ ახლა დილაა და ახლახანს გაიღვიძეთ.

გაიარეთ ყველა ეს ნაბიჯი.

 

დღეები 19-20

შეასრულეთ 1-4 ნაბიჯი, როგორც ზემოთაა აღწერილი, მაგრამ, ვიდრე გამოხვიდოდეთ, გაითამაშეთ ფილმი, იდეალურად გასულ დღეზე. მოდით, მოვიფიქროთ ამ ფილმის სცენარი. აქ, თქვენ იქნებით სცენარისტიც და რეჟისორიც, მე კი, მხოლოდ, კონსულტანტი.

ერთ-ერთი ხერხია, აზრით „დანახვა“, როგორ გადის დღე. ამისთვის, ფილმში საათის ჩართვაა საჭირო. მაგალითად, თქვენ იცით რის გაკეთებას აპირებთ, დილის ცხრა საათზე. „დაინახეთ“ როგორ აკეთებთ ამას. მაგალითად, ხართ სამუშაო ადგილზე. თქვენს ირგვლივ სრული წესრიგია, ყველაფერი კონტროლის ქვეშაა.

„დაინახეთ“ საკუთარი თავი სამუშაოთი ბედნიერი და კმაყოფილი. თუ თქვენ გიხდებათ სხვა ადამიანებთან მუშაობა, „დაინახეთ“, როგორ მოდიან და მიდიან ისინი, სასიამოვნო განწყობილებით. ყველა მუშაობს ეფექტურად და პროდუქტიულად.

ახლა, გადავიყვანოთ საათის ისრები ათზე. თქვენ წინ წაიწიეთ საქმიანობაში. შესაძლოა, მოიტანეს ფოსტა და მასში, მხოლოდ კარგი ამბებია.

ახლა თერთმეტი საათია. დაე, მოხდეს ის, რასაც თქვენთვის „კარგი დღე“ ჰქვია. ტელეფონის ზარები, ვიზიტები, გაყიდვები, კლიენტები, ეს ყველაფერი, თქვენს სარგებელს ემსახურება.

გააგრძელეთ საათის ისრების წინ გადაწევა. „ნახეთ“, როგორ ხდება სასიამოვნო ამბები. დაამთავრეთ აზრობრივი ფილმი საკუთარი თავის მსხვილი პლანით, რომელიც ასხივებს სიხარულს, იდეალური დღის ბოლოს. დაამთავრეთ მეცადინეობა, დათვლით, ერთიდან ხუთამდე, მხნედ, კარგი გუნება-განწყობით და სასწაულებრივი დღის მოლოდინით,

 

რა გავაკეთოთ დღისით, დღეები 16-20

თქვენთვის ყველაზე მნიშვნელოვანი „მე“-სთვის ხმის მიცემა რომ შეგეძლოთ რომელ „მე“-ს აირჩევდით, ფიზიკურს, მენტალურს, თუ უმაღლესს?

მოდით, მოვუსმინოთ, ამ შეკითხვას, როგორ უპასუხებდა, თითოეული „მე“.

ფიზიკური „მე“: მე შენი სხეული ვარ, უჩემოდ ვერ შეძლებდი სიცოცხლით ტკბობას, მე შენთვის აუცილებელი ვარ.

მენტალური „მე“: მე ვმართავ შენს სხეულს, უჩემოდ არ გექნებოდა ასეთი შესანიშნავი სხეული. გარდა ამისა, მე სიხარულის მიღებისა და გამოხატვის საშუალება ვარ. გონება ინტელექტია, მე ნამდვილი შენ ვარ.

 უმაღლესი „მე“: მე შენი გონების ინტელექტის ერთი წყაროთაგანი ვარ. შენი სიცოცხლის წყარო ვარ, შენი კავშირი ვარ იმ სამყაროსთან, საიდანაც შენ მოხვედი. უჩემოდ, შენ ყველას ერთიანობას გამოეყოფოდი. იქნებოდი ეული, დაბნეული, არარაობა.

არ ვიცი, თქვენ როგორ, მაგრამ, მე ხმას მივცემდი ჩემს მენტალურ „მე“-ს. სამიდან თითოეული სასიცოცხლოდ მნიშვნელოვანია. მაგრამ, მენტალური „მე“ საშუალებას გვაძლევს მივწვდეთ დანარჩენ ორს და ამით, სრულად გამოვიყენოთ ჩვენი პოტენცია.

ბოლო ხუთი დღის მეცადინეობის დამთავრებით, ჩვენ ვხსნით მენტალურ „მე“-ს, ფიზიკური და უმაღლესი „მეები“-სთვის, შედეგად, მენტალური „მე“ შეძლებს უკეთ მართოს სხეული და უკეთესად მიიღოს ინტელექტი უმაღლესი „მე“-სგან.

ჩვენ შევძლებთ სამივე „მე“-სგან საუკეთესოს დაუფლებას, ორივე სამყაროდან, აქედან და „მეორე მხრიდან“, უფრო ფასეულის მიღებას.

შემდეგი ხუთი დღის მეცადინეობისას, თქვენ შეადგენთ პროგრამას, მთელი კაცობრიობის სასიკეთოდ, ანუ შეეცდებით გააუმჯობესოთ სამყარო.

რა არის სამყარო, რომლისკენაც უნდა მივისწრაფვოდეთ?

ვფიქრობ, ყველა დამეთანხმება, რომ მსოფლიო უკეთესი იქნებოდა, ომების, ნარკომანიის, ალკოჰოლიზმის, ავადმყოფობათა გარეშე.

არის კიდევ, რამდენიმე გაუმჯობესების საჭიროება, რომელზედაც შეიძლება დამეთანხმოთ ან, არ დამეთანხმოთ. შეეცადეთ, მათ დაუმატოთ, რაიმე თქვენიც. მაგალითად:

საავადმყოფოები, რომლებიც გამოიყენებენ, ტრადიციულ მიდგომასთან ერთად, მკურნალობის ფსიქოსომატურ მეთოდებსაც;

სკოლები, სადაც სტუდენტებს ასწავლიან ცენტრირებულ აზროვნებას;

დიპლომატები, რომლებიც უფრო გამოცდილები იქნებიან ურთიერთობაში;

დანაშაულების შემცირება;

უფრო ნატურალური საკვები;

ტყის შენახვა და ეკოლოგიის კონტროლი;

სახელმწიფოებში, სადაც იზღუდება უფლებები, ადამიანთა თავისუფლების მოპოვება;

ტოლერანტობასა და ურთიერთგაგებას დაპირისპირებული წინასწარგანწყობისა და მიკერძოებულობის შემცირება;

სიუხვე, მსოფლიოს ყველა ხალხისთვის.

ზემოჩამოთვლილი ყველა სიკეთე სარგებლიანია მთელი კაცობრიობისთვის. მაგრამ, ამის დაპროგრამირებით, თქვენ არ უნდა მიიჩნიოთ თავი მსოფლიო მწყალობლად. შესაძლოა სრულიად ეგოისტიც იყოთ, რადგან თქვენც ხომ კაცობრიობის ოჯახის წევრი ხართ და ამ სიკეთეს თქვენთვისაც მოაქვს სარგებელი. თუ თქვენ ამ სიით დაიწყებთ და კიდევ დაუმატებთ რაიმე პირადულს, პროგრამირებისთვის გექნებათ ბევრი მასალა. რა პრობლემაც უნდა ამოარჩიოთ, პროცედურა იქნება ზუსტად ასეთივე.

 

დღეები 16 – 20

დაჯექით მოხერხებულ სკამზე. დახუჭეთ თვალები და ღრმად ჩაისუნთქეთ. ამოსუნთქვისას, მოადუნეთ სხეული და დახარეთ თავი. გაიმეორეთ დღის ორი მტკიცება: „პოზიტიურ აზრებს მოაქვს ჩემთვის ყველა სიკეთე და უპირატესობა, რომლებიც მე მსურს“ და „ყოველდღე, მე ვხდები უკეთესი, უკეთესი და უკეთესი, ყოველმხრივ“. გაითამაშეთ აზრობრივი ფილმი, ერთ-ერთ მსოფლიო პრობლემაზე. ფილმი იწყება იმის ჩვენებით, თუ რა მდგომარეობაა ახლა, შემდეგ, „ნახეთ“, როგორ უმჯობესდება და სულ უკეთესად და უკეთესად მიდის საქმე. დაე, თქვენს ფინალურ სცენაში, პრობლემა გაქრეს მხედველობიდან. დაამთავრეთ მეცადინეობა, დათვლით ერთიდან ხუთამდე, მშვენიერი გუნება-განწყობით. მომდევნო ოთხი დღის მეცადინეობისას, ყველაფერი ასევე გააკეთეთ, სხვადასხვა მსოფლიო პრობლემაზე.

 

როგორ განვიცადოთ კავშირი ჩვენს უმაღლეს „მე“-სთან

ასტრონავტი ედგარ მიტჩელი, თავის მრავალ სტატიაში, ჩანაწერებსა და გამოსვლებში აღწერს განცდებს, რომელიც მას ჰქონდა მთვარიდან დაბრუნებისას, როცა პლანეტა დედამიწას ხედავდა, ეს იყო დიდებული და შემძრავი სანახაობა, რომლის წყალობითაც მან „გაიგო“, რომ სამყაროს აქვს გონება, რომელიც მას აძლევს აზრსა და მიმართულებას. იმის მსგავსად, როგორი აზრი და მიმართულებაც ჰქონდა, იმ კოსმოსურ ხომალდს, რომლითაც ისმოფრინავდა.

მიტჩელი აღწერს, რომ ამ ცოდნამდე ის მივიდა, არა ლოგიკური აბსტრაქციების გზით, ან დისკუსიური მსჯელობებით, არამედ, ჭეშმარიტება მას გაეხსნა ანაზდად. ის უცებ მიხვდა, რომ არსებობს რაღაც, რაც აძლევს სამყაროს გონივრულ ჩანაფიქრს, ცხოვრებას კი, გონივრულ მიზანს.

მთვარეზე მოგზაურობა აფართოებს ცნობიერებას. ის აძლევს ბიძგს წარმოსახვას, ააქტიურებს ტვინის მარჯვენა ნახევარსფეროს და ამით „ჩართავს“ კავშირს უმაღლეს ინტელექტთან. მიტჩელის ცოდნა გახდა ზეცნობიერი. მან შეიცნო „მეორე მხარე“ და ამან შეძრა იგი.

საბედნიეროდ, ჩვენ არ გვჭირდება მთვარეზე გაფრენა, იმისთვის, რომ მსგავსი ამღელვებელი, გასაოცარი რამ განვიცადოთ. არის ამისთვის სხვა ხერხებიც, ერთ-ერთი ასეთი ხერხია სილვას მეთოდი, ნაკლებად შთამბეჭდავი და სწრაფი, მაგრამ, ისიც, იქ მიგიყვანთ.

თქვენ უკვე იქ ხართ.

შესაძლოა, თქვენ არ განიცადოთ მიტჩელის მიერ აღწერილი სასიამოვნო აღელვება, მაგრამ, თქვენს ცხოვრებაში მომხდარი ამბები მიგახვედრებთ, რომ არსებობს უმაღლესი ინტელექტი, რომელიც ერევა თქვენს ცხოვრებაში. თქვენ შენიშნავთ „დამთხვევებს“, სინქრონულობას, იღბლიანობას. ამაზე მეტი ამაღელვებელი, რა უნდა იყოს?

მიმდინარე დღის ვარჯიშების შესრულებისას, მე გთხოვეთ თავის დახრა. ნება მომეცით, აგიხსნათ, რატომ. ასეულობით რთულ შემთხვევებზე მუშაობისას, მე ვაღწევდი უკეთეს შედეგებს, როცა თავს ვხრიდი, როგორც ლოცვის დროს. დავფიქრდი, რატომ ხდება ეს, და აღმოვაჩინე, რომ თავის დახრით ვუტოლდები წყაროს ცენტრს, უმაღლეს ინტელექტს.

როდესაც ვურჩიე სხვებსაც თავის დახრა, გაუმჯობესებამ არ დააყოვნა. ამან მომცა კიდევ ერთი გასაღები, იმის გამოსაცნობად, რა ხდებოდა. „მეორე მხარე“ ეხმარება მხოლოდ მათ, ვინც უპირველესად, თვითონ ცდილობს დაეხმაროს საკუთარ თავს.

როგორც ჩანს, თავის დახრით, ჩვენი მცდელობის რეგისტრირებას ვახდენთ დიდ კომპუტერში და როცა ვითხოვთ დახმარებას, უმაღლესი ინტელექტი გვეხმიანება. ხოლო, თუ დიდ კომპუტერში არ არის აღნიშნული, ასეთი მცდელობა, დახმარება არ მოდის. მეორე მხრივ, როცა კომპუტერი უჩვენებს, რომ ვიღაც მრავალჯერ ცდილობდა პრობლემის გადაჭრას, თავისი ძალებით, წარმატებით, ან თუნდაც, წარუმატებლად, მაშინ ეს ადამიანი იღებს დახმარებას „მეორე მხრიდან“.

არ არის საკვირველი, რომ საუკუნეთა სიღრმიდან, ჩვენამდე მოვიდა ანდაზა: „ღმერთო, მიშველეო, და ხელი გაანძრიე და გიშველიო“. არის გამონაკლისებიც. ადამიანებს, რომელნიც საიმედონი არიან, ჩანს, შეუძლიათ მიიღონ დახმარება „მეორე მხრიდან“, იმის მიუხედავად, „დარეგისტრირებულია“, თუ არა, მათი მცდელობა. როგორც ჩანს, ყოველ ჩვენგანს, აქვს პერსონალური ფაილი დიდ კომპუტერში. და თუ ის, ჩვენი საქციელის ისტორიაში, ასახავს საიმედოობის მაგალითს, მაშინ ვფლობთ დიდ უპირატესობას, „მეორე მხრიდან“ დახმარების მიღებისთვის.

 

ტეხასელი მკვლელი

1970-იანი წლების დასაწყისში, საკმაოდ რეგულარულად, დავიწყე სილვას მეთოდის სწავლება, ტეხასის ერთ-ერთ ქალაქში. ადგილობრივი უნივერსიტეტის ფსიქოლოგიის კათედრის გამგემ მთხოვა ჩამეტარებინა მეცადინეობები, ფსიქოლოგიის შემსწავლელ სტუდენტებთან, რათა შემდეგ, მათ შესძლებოდათ ემსჯელათ აუდიტორიაში, ამ მეთოდზე.

რამდენიმე ხნის შემდეგ, ერთ-ერთ ლაბორატორიაში, მოკლეს ქალი, რომელიც უნივერსიტეტში მუშაობდა დამლაგებლად. რამდენიმე თვის ძიების შემდეგ, ვერაფერი გაირკვა. ფსიქოლოგიის კათედრის გამგის წინადადებით, პოლიციამ მომმართა მე. ორმა ოფიცერმა მკითხა, შესაძლებელია, თუ არა, რომ მე აღმოვაჩინო რაიმე ინფორმაცია მკვლელის პიროვნებაზე.

– კი, – ვუპასუხე – შესაძლებელია. ნათელმხილველს შეუძლია თავისი დონიდან დაიხიოს უკან, დროის ღერძზე, და გაიგოს, როგორ იქნა მოკლული ადამიანი და აღწეროს მკვლელი.

– გააკეთებთ, ამას ჩვენთვის? – მკითხეს მათ.

– არა. – ვუპასუხე, მე და თან ავუხსენი, რომ არ ვიყენებ სილვას მეთოდს ვინმესთვის ზიანის მისაყენებლად.

ისინი მეკამათებოდნენ და მიმტკიცებნენ, რომ ეს ჩემი ვალია, საზოგადოების წინაშე. მე მათ შევთავაზე, რომ თვითონ შეესწავლათ მეთოდი და ამით დახმარებოდნენ თავიანთ თავს. ამისთვის, მათ დრო არ ჰქონდათ. ასე რომ, ამით დამთავრდა საქმე.

ერთი თვის შემდეგ, როცა დავბრუნდი ტეხასის ამ ქალაქში, სასტუმროს საფოსტო ყუთში მიცდიდა დიდი კონვერტი. იქ იყო მოკლული ქალის ფოტოსურათი, უნივერსიტეტის გეგმა, მკვლელობის ადგილის მითითებით და ბარათი: „გთხოვთ , გააკეთეთ, რაც შეგიძლიათ, რომ დაგვეხმაროთ“.

მიუხედავად ჩემი მრწამსისა, გადავწყვიტე მიმემართა უმაღლესი ინტელექტისთვის. იმ საღამოს შევედი ალფა-დონეზე, დავხარე თავი და უმაღლეს ინტელექტს წარვუდგინე მკვლელობის ფაქტები.

მართალია, გამონათება არ განმიცდია, მაგრამ, პასუხი მოვიდა საკმაოდ სწრაფად, სხვა ფორმით. გვიან ღამით, ან დილაადრიან, ვიღაცამ შეაღწია ერთ-ერთი პროფესორის კაბინეტში. გამომძიებლებმა ივარაუდეს, რომ ეს იყო, მომავალი გამოცდებისთვის მომზადებულ შეკითხვებზე, პასუხების მოპოვების მცდელობა. შემდეგ ღამეს, შენობის დასაცავად დააყენეს დეტექტივი, მაგრამ, კაბინეტში შეღწევის მცდელობა განმეორდა. ამას მოჰყვა ნამდვილი სატელევიზიო სანახაობა, დევნა, მრავალი საპოლიციო მანქანით. პოლიციამ დაიჭირა გაქცეული პირი, ქალაქის განაპირას. მას აღმოაჩნდა გასაღები, რომელიც მოკლულ ქალს ეკუთვნოდა. ეჭვნიტენილმა აღიარა მკვლელობა და იქნა გასამართლებული. ამგვარად, გაჭიანურებული საქმე გადაწყდა, 36 საათზე ნაკლებ დროში, უმაღლესი ინტელექტის დახმარებით.

 

რა გავაკეთოთ საღამოს, დღეები 16-20

ღმერთმა შეგვქმნა მის ხატად და მსგავსად. ხატი, ადამიანური ინტელექტია. როდესაც ვიყენებთ ჩვენს ინტელექტს, სხვადასხვა პრობლემის გადასაწყვეტად, ვემსგავსებით ღმერთს, რომელსაც შეუძლია ყველა პრობლემის გადაჭრა.

პრობლემა არის ის, რაც ზიანს აყენებს შემოქმედის ქმნილებას. როცა ვწყვეტთ რომელიმე პრობლებას, მაშინ ვეხმარებით შემოქმედს, ვართ შემოქმედის მხარეს.

თუ ვიწვევთ პრობლემებს, ამით ვშორდებით მას. ადამიანს შეუძლია გაცილებით ახლოს იყოს შემოქმედთან.

ყოველდღიურად, სულ უფრო და უფრო მეტი პასუხის პოვნით, შეკითხვებზე, სრულვყოფთ ჩვენს გამოცდილებას, პრობლემების გადაჭრისათვის. როცა მივაღწევთ იმ მდგომარეობას, რომ გადავწყვეტთ ყველა პრობლემას, რომელიც წარმოიშობა პლანეტაზე, ჩვენ გავხდებით ამ პლანეტის ღმერთები.

ახლა, თქვენ სწავლობთ იმ პრობლემების გადაწყვეტას, რაც წინათ არ გემორჩილებოდათ.

შეგიძლიათ შეხვიდეთ ალფა-დონეზე და გამოასწოროთ თქვენი ჯანმრთელობა, გააკონტროლოთ საკუთარი ქცევა, გაიუმჯობესოთ გუნება-განწყობა და მომარაგდეთ ენერგიით.

თქვენი ვარჯიშები დღისით, ბოლო ხუთი დღის მანძილზე, მიძღვნილი იყო პრობლემების ალტრუისტული გადაწყვეტისადმი. საღამოს მეცადინეობებით კი,  შეძლებთ პირადი საქმეების მოგვარებას .

პრობლემების უმრავლესობა, ასე, თუ ისე, დაკავშირებულია სხვა ადამიანებთან. ადამიანებთან ურთიერთობა, შესაძლოა იყოს წყარო, ერთი შეხედვით, გადაულახავი წინააღმდეგობისა. როგორც ორი ცხენ-ირემი იბრძვის რქებით, უპირატესობისთვის, ჩვენც, ასევე, მუდმივად, ვერკინებით „რქებით“ სხვა ადამიანებს. თქვენი ნება, მათი ნების წინააღმდეგაა; თქვენი პრინციპები, მათ პრინციპებს უპირისპირდება; თქვენი მოქმედების სახე, მათი მოქმედების საწინააღმდეგოა. ობიექტური მიდგომები, ზეპირი, ან წერილობითი, მხოლოდ აუარესებს საქმეს. გახეთქილება ღრმავდება, პრობლემა კი რჩება.

სუბიექტური მიდგომები აუმჯობესებს საქმეს. სუბიექტურ დონეზე, მიდგომა კონფლიქტებს იცილებს. ამავე დროს, ის ინარჩუნებს ერთიანობას იმით, რომ  არ დაეძებს, ვინ არის მართალი. უმაღლესი ინტელექტისადმი მიმართვისას, თქვენი ინდივიდუალობა იხსნება მასში. იმის მაგიერ, რომ იყოთ მეტოქეები, დაიხარჯოთ სიტყვიერ ფარიკაობაში, ორივენი დგებით შემოქმედის მხარეს.

პრობლემა გადაჭრილია.

მომდევნო ორი საღამო, ივარჯიშებთ სუბიექტურ მიდგომაში, ვინმესთან ურთიერთობის გაუმჯობესებისთვის. შემდეგ, ბოლო სამ საღამოს, გადაერთვებით საკუთარი თავის დასახმარებლად, სილვას მეთოდის სხვა დამატებების გამოყენებაზე.

ქვემოთ მოყვანილია ადამიანთა შორის რთული ურთიერთობის მაგალითები, რომლიც იმსახურებს თქვენს სუბიექტურ მიდგომას:

·         უსიამოვნება საყვარელ ადამიანთან, ან მეუღლესთან;

·         თქვენი ბავშვების მიდრეკილება, გაგიწიონ წინააღმდეგობა, ან არ გაგიგონონ;

·         ცუდი ურთიერთობა მეზობლებთან;

·         თანამშრომლის საქციელი, რომელიც იწვევს განხეთქილებას;

·         მეგობრის, ან ოჯახის წევრის, შეხედულებების მიუღებლობა.

ეს სია შეიძლება უსასრულოდ გაგრძელდეს. უდავოდ, თქვენ გექნებათ ადამიანებთან ურთიერთობის რამდენიმე სიტუაცია, რომელთა გაუმჯობესებაც შეიძლებოდა. ამ პრობლემებზე მუშაობისას, გახსოვდეთ, ორი წესი. თქვენი სუბიექტური საუბარი უნდა იყოს:

1.      მოსიყვარულე. თუკი თქვენ გრძნობთ ყველაფერს, გარდა სიყვარულისა, თავდაპირველად, ივარჯიშეთ პატიებაში.

2.      ურთიერთსასარგებლო. შეეცადეთ, რომ თქვენი მუშაობა იყოს სასარგებლო, არა მხოლოდ თქვენთვის, არამედ, მეორე ადამიანისთვისაც.

მე-16 და მე-17 საღამოები

ყოველ საღამოს, იმუშავეთ სხვადასხვა პრობლემაზე.

დაჯექით მოხერხებულ სკამზე, დახუჭეთ თვალები და დახარეთ თავი. ღრმად ჩაისუნთქეთ და ამოსუნთქვისას, სრულად მოადუნეთ სხეული. ფიქრით დათვალეთ, უკუღმა, ხუთიდან ერთამდე. „დახატეთ“ იმ ადამიანის გამოსახულება, ვისთანაც დაძაბული ურთიერთობა გაქვთ. გამოხატეთ სიყვარული, ან სინაზე, ამ ადამიანის მიმართ. მოხაზეთ თქვენი საერთო პრობლემა. მოიყვანეთ რაიმე გადაწყვეტა, ორივესთვის მისაღები. შეიგრძენით სიახლოვე, ამ ადამიანთან და დაამთავრეთ მეცადინეობა, დათვლით, ერთიდან ხუთამდე. იგრძენით თავი მშვენივრად.

ამის შემდეგ, როცა კი გაიხსენებთ ამ სიტუაციას, იფიქრეთ მასზე, არა როგორც პრობლემაზე, არამედ, როგორც ნაპოვნ გამოსავალზე.

უკანასკნელი სამი საღამოს მეცადინეობისას, ძილის წინ, ლოგინში, შედით ალფა-დონეზე. ყოველ საღამოს შეეცადეთ გამოიყენოთ ალფა-დონე, სხვადასხვა სახის პირადი კეთილდღეობისთვის. მაგალითად: ღრმა ნეგატიური განწყობისგან გასათავისუფლებლად, ჯანმრთელობის გაუმჯობესებისთვის და გონების დიდი ნაწილის მუშაობაში ჩასართავად.

აი, ინსტრუქციები, ყოველი საღამოსთვის:

მე-18 საღამო: ღრმა ნეგატიური გუნება-განწყობისგან განთავისუფლება.

ამოარჩიეთ რომელიმე ნეგატიური განწყობა, რომლის შეცვლასაც ისურვებდით. ძილის წინ, შედით ალფა-დონეზე. გაიხსენეთ ის ნეგატიური განწყობა, რომელიც ამოირჩიეთ, აღიარეთ, რომ მისი მოშორება გსურთ და გამოხატეთ ეს სურვილი. თქვით: „როცა თვალებს გავახელ ხუთის თქმისას, აღარ მექნება ნეგატიური განწყობა, არამედ ის შეიცვლება პოზიტიურით“. შემდეგ, ნელა დათვალეთ, ერთიდან სამამდე, გაიმეორეთ ეს მტკიცებულება. გააგრძელეთ თვლა ხუთამდე, გაახილეთ თვალები და თქვით: „მე აღარ მაქვს ნეგატიური შეგრძნება, ის შეიცვალა პოზიტიურით“.

აი, ზოგიერთი მაგალითი:

მტრობა – შემწყნარებლობა; ეჭვიანობა – ურთიერთგაგება; დეპრესია – მხნეობა; უიმედობა – იმედი.

დასაძინებლად დაწოლის წინ, კიდევ ერთხელ გადაიკითხეთ ეს ინსტრუქციები.

მე-19 საღამო: საკუთარი ჯანმრთელობის გაუმჯობესება.

ამოარჩიეთ ჯანმრთელობის, რომელიმე, პატარა პრობლემა, რომლისგანაც გსურთ გათავისუფლება. მაგალითად: კანის დაავადება; კუჭის მჟავიანობა; მსუბუქი ხველა, რისთვისაც არ ისურვებდით ექიმის შეწუხებას. ძილის წინ, შედით ალფა-დონეზე, ჩვეულებრივი სახით. წარმოიდგინეთ, რომ შეგიძლიათ შეხვიდეთ საკუთარ სხეულში. „ეწვიეთ“ იმ არეს, სადაც წარმოიშვა პრობლემა. გაჯანსაღდით თქვენს წარმოდგენაში. დაე, თქვენს წარმოსახვაში, მოცემული არე, იყოს იდეალურ ფორმაში. დაიძინეთ ამ დონიდან.

დასაძინებლად დაწოლის წინ, კიდევ ერთხელ, გადაიკითხეთ ეს ინსტრუქციები.

მე-20 საღამო: თქვენი გონების დიდი ნაწილის ჩართვა სამუშაოდ.

დაძინებამდე, შედით ალფა-დონეზე. შეაერთეთ, ერთ ხელზე, სამი თითი: ცერი, საჩვენებელი და შუა თითი და ფიქრით თქვით: „ ყოველთვის, როცა ამ სამ თითს ვაერთებ, ჩემი გონება მუშაობს ცნობიერების უფრო ღრმა დონეზე“. გაიმეორეთ ეს ფრაზა, კიდევ ორჯერ. დაიძინეთ ამ დონიდან.

სანამ დაწვებოდეთ დასაძინებლად, სამჯერ გადაიკითხეთ ეს ინსტრუქცია.

მეორე დილიდან დაწყებული, როცა დაგჭირდებათ იყოთ უფრო მობილიზებული, საქმიანი შეხვედრის დროს, გადაწყვეტილების მიღებისას, ან მნიშვნელოვან ადამიანთან საუბრისას, შეაერთეთ ეს სამი თითი.

 

გილოცავთ! თქვენ უკვე განავითარეთ კონტაქტი და აითვისეთ „მეორე მხრიდან“ დახმარების მიღების უნარი, თქვენთვის და თქვენი სამყაროსთვის. ისწავლეთ სწრაფად და ღრმად მოდუნება და შეიძინეთ უნარი, აზრით გამოხატოთ პრობლემა და მიიყვანოთ ის გადაწყვეტამდე.

წიგნის მეორე ნაწილის წაკითხვისას, შეძლებთ კონტაქტის გამოყენებას, თქვენთვის და თქვენი ახლობლებისთვის, ცხოვრების გასაუმჯობესებლად. ისწავლით, რომ ეს ცოდნა გამოიყენოთ ცხოვრების კონკრეტული პრობლემების მოსაგვარებლად.

ახლა, თქვენ, ფლობთ დახმარების ძალიან ძლიერ, უხილავ საშუალებას, და დადგა დრო, რომ ისარგებლოთ ამით.

 

რეკომენდაცია:

კარგი იქნება, თუ ცალკე რვეულში, ან ფურცლებზე ამოწერთ, თითოეული დღის სამოქმედო გეგმას.

სანიმუშოდ წარმოგიდგენთ, პირველი ხუთი დღის, დილის ვარჯიშების გეგმას:

 

1.    გაღვიძების შემდეგ, წამოჯექით, დაიდეთ ზურგს უკან ბალიში;

2.    დახუჭეთ თვალები, ოდნავ ზემოთ აწევით;

3.    დათვალეთ, ასიდან ერთამდე;

4.    ერთზე რომ მიხვალთ, იფიქრეთ: „ყოველთვის, როცა ასე ვდუნდები, შევდივარ ალფა მდგომარეობაში, სულ უფრო ღრმად და სწრაფად“;

5.    დაამთავრეთ ვარჯიში დათვლით, ერთიდან ხუთამდე. გაჩერდით სამზე და იფიქრეთ: „როცა გავახელ თვალებს, მე ვიქნები მხნედ და თავს ვიგრძნობ მშვენივრად“;

6.    ხუთის თქმისას, გაახილეთ თვალები და უთხარით საკუთარ თავს: „მე სრულიად მხნედ ვარ და თავს ვგრძნობ მშვენივრად“.

 

ასეთი წესით, შეგიძლიათ, შეადგინოთ ყოველი დღის, დილის, შუადღისა და საღამოს გეგმა, რათა არ მოგიხდეთ ყოველთვის წიგნში ძებნა.

 

პირველი ნაწილის დასასრული.

 

ნაწილი  II

კონტაქტის გამოყენება

თავი 7

სანამ ვითხოვდეთ დახმარებას 

ფიზიკურ სამყაროში, დახმარების მიღებისთვის, ჩვენ მივმართავთ იმ სპეციალისტს, რომელიც გვჭირდება: ბანკირს, ექიმს, ფსიქოლოგს, ადვოკატს, არქიტექტორს, მოანგარიშეს და ა.შ.

ფიზიკური სამყარო არის განხეთქილებისა და განშორების სამეფო. ეს ძალიან მიმზიდველია ტვინის მარცხენა ნახევარსფეროსთვის, რადგან იგი იფურჩქნება დეტალებისა და წვრილმანების კვლევისას.

„მეორე მხრიდან“ დახმარების მიღებისთვის, ყველაფერი სხვაგვარად ხდება. არაფიზიკურ სამყაროსთან კონტაქტისთვის, ჩვენ ვიყენებთ თავის ტვინის მარჯვენა ნახევარსფეროს. აქ ყველაფერი იმართება ერთიანობით და ერთობით. ამიტომაც, მარჯვენა ნახევარსფერო დახმარების ერთადერთი წყაროა. თუმცა, დახმარება შეიძლება მოვიდეს სხვადასხვა ფიზიკური არხით.

გახსოვდეთ, მოლოდინი და რწმენა მწვანე შუქია, რომელიც უხსნის გზას თქვენს ტვინს. რელაქსაციაც აუცილებელია „მეორე მხარესთან“ კონტაქტის დასამყარებლად.

თქვენ უკვე მიიღეთ პირველი ინსტრუქციები და უკვე ითხოვეთ დახმარება. და ეს დახმარება ან უკვე მოვიდა, ან გზაშია.

ვგულისხმობ, იმ ვარჯიშებს, რომლებსაც ასრულებდით, ბოლო ხუთ დღეს. თქვენ ითხოვდით დახმარებას „მეორე მხრიდან“, როცა გაითამაშეთ მენტალური ფილმი, იდეალურად გავლილ დღეზე; მაშინაც, როცა გქონდათ სუბიექტური საუბარი სხვა ადამიანთან, საერთო პრობლემის გადასაწყვეტად; ასევე, ბოლო ვარჯიშებისას, როცა აპროგრამებდით თქვენთვის რაიმეს. ყველა ეს ვარჯიში, რაღაც ხარისხით, დაკავშირებულია ზეცნობიერთან. თქვენი წარმოსახვა ჩართავს რა მარჯვენა ნახევარსფეროს, უკავშირდება თქვენს უმაღლეს „მეს“, რომელიც, ნაწილობრივ მაინც, იმყოფება „იქითა მხარეს“.

ასე, რომ, თქვენ უკვე გადალახეთ უღელტეხილი და დაიწყეთ „ მეორე მხარესთან“ კონტაქტის გამოყენება. ეს იყო ძალიან მარტივი. არავითარი მახე, არავითარი ეჭვი, არავითარი „იქნებ“, ან „რომ არ“.

რაც უფრო მეტს აკეთებთ პრაქტიკულად, მით უკეთესად გამოგდით. რაც უფრო სხვადასხვა გზით აკეთებთ აზროვნების ცენტრირებას, პრობლემის გადასაწყვეტად, მით უფრო მეტი ახალი გზა იხსნება თქვენს წინაშე.

ეს არის, ამ წიგნის, მეორე ნაწილის, საფუძველი და ამიტომაც, ავირჩიე მისთვის ასეთი სათაური: „კონტაქტის გამოყენება“.

მე გიწვევთ თქვენ, ახლავე შეუდგეთ საქმეს და არც კი შეშფოთდეთ, თქვენი უნარის გამო. თქვენ უკვე შეამოწმეთ ის. იყავით დარწმუნებული წარმატებაში, ის უკვე იწყებს გამომჟღავნებას!

 

თქვენ საუკეთესო პროგრამისტი ხართ

ახლა, როცა გაიგეთ, როგორ დაამყაროთ კავშირი „მეორე მხარესთან“, შეძლებთ სხვადასხვაგვარად გამოიყენოთ უმაღლესი ინტელექტის პოტენცია. მაგრამ, მოდით, თავდაპირველად, ვისაუბროთ შესაძლო ნაკლოვანებებზე.

თუ თქვენი ტვინის დიდი ნაწილი გახსნილია აქტიური აზროვნებისთვის, ის ადვილად პროგრამირდება. შეგიძლიათ ისარგებლოთ ამ უპირატესობით, როცა შეისწავლით პოზიტიურ პროგრამირებას, რომელიც მოცემულია შემდეგ თავებში.

მაგრამ, თქვენი ტვინი , ამასთან ერთად, იქნება, უფრო ღია, ნეგატიური აზროვნებისთვის, და ადვილი იქნება მისი დაპროგრამება, არასასურველი სახით. თუ თქვენ ადამიანთა უმრავლესობას ეკუთვნით, ალბათ, მრავალი წელი, აზროვნებდით ნეგატიურად.

პროგრამირება ხორციელდება სიტყვებით და სახეებით. რელაქსაციის მდგომარეობაში, როცა სიტყვები სულ მეორდება და მეორდება, ხოლო სახეები ინახება თქვენს აზრობრივ ეკრანზე, ჩვენ ვპროგრამირდებით მათზე. მოდით, ვნახოთ, როგორ ხდება ნეგატიური პროგრამირება სიტყვებით. მეტყველების ზოგიერთმა სახემ, შესაძლოა, დააპროგრამოს არასასურველი ანომალია, თქვენს ორგანიზმში, რომელიც ადრე ნორმალურად მუშაობდა. აი, მაგალითები: „მისგან მე თავი მტკივა“, თუ აგტკივდათ თავი, გაიხსენეთ „მიზეზი“.

 „მაგისგან გული მერევა“, ეს უფრო ზოგადი ფრაზაა. ეს იგივეა, რომ გამოაცხადო „ღია კარის დღე“ გულისრევისთვის, როცა მასთან ხართ.

არის სია, ზოგიერთი სხვა გავრცელებული გამოთქმისა, ნეგატიური პროგრამირებით:

„ის მაბრაზებს, ან მანაღვლიანებს“ , შედეგი: ნაღვლის ბუშტის პრობლება.

„მან გული გამიტეხა“ : გულის პრობლემები.

„მისი ატანა არ შემიძლია“: ფეხების ტკივილი.

„მე მისგან...მტკივა“: ბუასილი.

„ვერ ვინელებ“: მოუნელებლობა.

მიაქციეთ ყურადღება თქვენს მიერ წარმოთქმულ სიტყვებს. ის ხვდება თქვენს კომპუტერში, რომელიც მართავს თქვენს სხეულს, ავტომატურად. მას არ შეუძლია თქვას: „ო, მას ეს არ ჰქონდა მხედველობაში“. თქვენი კომპუტერს არა აქვს კრიტიკული აზროვნება, ის არ იტყვის: „ის ხომ უბრალოდ, ხუმრობს“, მას არა აქვს იუმორის გრძნობა.

თუ დაიჭირეთ თავი ნეგატიურ სიტყვებზე, ჯერ კიდევ ყველაფერი დაკარგული არ არის. შეგიძლიათ ამოშალოთ ისინი თქვენი კომპუტერიდან, მანამდე, სანამ მოხვდება მეხსიერებაში, მომდევნო პროგრამირებისთვის, თუ სწრაფად იტყვით: „წაშლილია, წაშლილია“. შემდეგ, შეცვალეთ ის, რაც ახლახანს თქვით, პოზიტიური ფრაზით.

მაგალითად, დაიჭირეთ თავი, რომ თქვით: „მე არ შემიძლია ამის ცქერა“, სწრაფად წარმოთქვით: „წაშლილია, წაშლილია“, და წარმოთქვით: „ვიწყებამ ყველაფრის დანახვას, უკეთ და უკეთ“.

დაიმახსოვრეთ, რომ აზრობრივი სახეები უფრო ადვილად გადაკეთდება ან გარდაიქმნება მენტალურ პროგრამად, ვიდრე სიტყვები.

გახსოვთ, როცა,თქვენ ბოლოს უთხარით ბავშვს: „არ მიაჯახუნო კარი“ და ამას მოჰყვა, უეჭველად: „ბუხ“? ან: „არ დაღვარო რძე“, და იქვე, გუბე. ბავშვი ღებულობს იდეას, როგორც სახეს. სახე ხდება ცხადი, სხვაგვარად, არც შეიძლება, ეს არის შემოქმედების საფუძველი.

იდეა არის ის, რომ გამოიყენოთ სახე, რომელიც გინდათ ნახოთ განხორციელებული, იმის ნაცვლად, რის განხორციელებაც არ გსურთ. „დახურე, გეთაყვა, კარი, ფრთხილად“; „დალიე რძე, წყნარად“.

ნეგატიური ფიქრებიდან პოზიტიურზე გადასვლისთვის, საკმარისია, ურალოდ, წარმოდგენა. მაგალითად, ფიქრის ნაცვლად: „როგორ გადავიხადო ეს გადასახადი?“ „დაინახეთ“ თქვენი თავი, ფულით ხელში, გადახდის პროცესში.

ცუდი ის არის, რომ ჩვენ მივეჩვიეთ ნაგატიურ აზროვნებას. სილვას მეთოდის დახმარებით, შეგიძლიათ გამოიყენოთ პროგრამირება, რამდენიმე გზით. ეს გზები, ზოგჯერ, არ არის დაკავშირებული „მეორე მხარესთან“, მაგრამ, გამზადებთ უფრო იოლი კონტაქტისთვის.

·         თქვენ შეგიძლიათ ნეგატიური აზრების გამოდევნის და პოზიტიურის შეყვანის დაპროგრამება;

·         შეგიძლიათ, დესტრუქციული გრძნობებისა და ემოციების გაქრობის და პოზიტიურით დამუხტვის დაპროგრამება;

·         შეგიძლიათ, არასასურველი ჩვევებისგან განთავისუფლებისა და სასურველი ჩვევების შეძენის დაპროგრამება.

თუ თქვენ ნეგატურად აზროვნებთ, გაქვთ დესტრუქციული გრძნობები და მთელი რიგი ცუდი ჩვევებისა, ამით შორდებით თქვენს წყაროს. ისე, რომ დახმარების მისაღებად, მასთან კონტაქტი ნელდება. ხოლო თუ აზროვნებთ პოზიტიურად, განიცდით დადებით ემოციებს და გაქვთ კარგი ჩვევები, მაშინ იმყოფებით წყაროსთან ახლოს, და დახმარება, რომელსაც საჭიროებთ, ადვილად მოდის.

მომდევნო თავებში, გაიგებთ, როგორ მიიღოთ დახმარება პრობლემის გადასაწყვეტად.

მალე შეისწავლით აუცილებელი ინსტრუქციების გამოყენებას, როგორც გამოცდილი დურგალი, რომელიც ხისგან საოცარ ნაკეთობებს ამზადებს. მაგრამ, რამდენად კარგი შეიძლება იყოს დურგალი, რომელსაც ზედმეტად ბევრი სძინავს, ან ბევრს სვამს, ან ავადმყოფია, ან რაღაც მიზეზით, მოკლებულია შრომის უნარს?

უპირველეს ყოვლისა, თქვენ უნდა გამოიყენოთ პროგრამირება ნეგატიური აზრების, გრძნობებისა და საქციელის ცვლილებისთვის.

არ იფიქროთ, რომ მოგელით ხანგრძლივი, მტანჯველი პროცესი. ეს ასე არ არის. პროგრამირება შესაძლოა წამიერად.

 

პერმანენტული კონტაქტის დაპროგრამება

არტურ კ. იყო მეტისმეტად წუწუნა. იგი არ წავიდოდა სადმე, დაძაბული საგზაო მოძრაობის გამო, შემდეგ კი ნანობდა, რომ ასე მოიქცა. გამოტოვებდა გასართობ სანახაობას, იმ მიზეზით, რომ, შესაძლოა, მოსულიყო წვიმა, ან ვერ მოენახა სადგომი ადგილი ავტომანქანისთვის. მოკლედ, ყოველთვის პოულობდა რაიმე მიზეზს წუწუნისთვის.

სილვას მეთოდის კურსის გავლის შემდეგ, არტური მიხვდა, რომ ის იყო პესიმიზმისა და მოუსვენრობის ტყვეობაში. მან, ასევე, გააცნობიერა, რომ ამ მდგომარეობის შეცვლა მის ხელთაა.

არტური შევიდა ალფა-დონეზე, უკუღმა დათვლის დახმარებით და გამოუტყდა თავს სისუსტეში: „მე პესიმისტი ვარ და ბევრს ვშფოთავ“. შემდეგ, მან დააპროგრამა ამ ნაკლისგან განთავისუფლება: „როდესაც მე დავითვლი ხუთამდე და გავახელ თვალებს, აღარ ვიქნები პესიმისტი, ვიქნები ოპტიმისტი; აღარ ვიშფოთებ შესაძლო უიღბლობაზე, ყოველთვის მექნება კარგი შედეგის მოლოდინი“. არტურმა დაიწყო თვლა: „ერთი, ორი, სამი“, შემდეგ გაიმეორა თავისი პროგრამა და გააგრძელა: „ოთხი, ხუთი“. ხუთის შემდეგ, მან გაახილა თვალები და თქვა: „მე აღარ ვარ პესიმისტი და მშფოთვარე ადამიანი. ვარ ოპტიმისტი და ველი წარმატებას. ამის შემდეგ, არტური გახდა უფრო გაწონასწორებული და მოიზიდა პოზიტიური ამბები.

მახსოვს, ჩემი განწყობა სამოციანი წლების ბოლოს და სამოცდაათიანების დასაწყისში, როცა ვიწყებდი სილვას მეთოდის სწავლებას ტეხასში, ხოლო შემდეგ, მთელ ქვეყანაშიც. პრესა, როგორც წესი, გვაიგნორირებდა. შემდეგ, გამოჩნდა პირველი ცნობა, ჩვენს შესახებ, ქვეყნის მასშტაბით. ეს იყო სტატია ყოველკვირეულში, ის იყო ნეგატიური, მე გავღიზიანდი, პრესის მიმართ. ისინი წერდნენ ისე, თითქოს იცოდნენ რაზე წერდნენ, იმის მიუხედავად, რომ საერთოდ ვერ ერკვეოდნენ ამ მეთოდში. არც ერთ ჟურნალისტს არ გაუვლია სილვას მეთოდის კურსები.

როდესაც „ბოსტონ გლობში“ დაიწერა სტატია, სადაც ვიღაც ქალი ლაპარაკობდა, რომ ჩვენ, ადამიანებს თავგზას ვუბნევთ, და გვიწოდებდა ეშმაკის მოციქულებს, ჩემი გაღიზიანება, აღშფოთება და მტრობა, უფრო მეტად გაიზარდა. მივხვდი, რომ ეს ჩემი პრობლემაა,  ნეგატიური გრძნობებით გამოწვეული და მივეცი ჩემს თავს ინსტრუქცია, რომ ვყოფილიყავი გულისხმიერი და პოზიტიური. დავიწყე დათვლა...

მაშინვე მომივიდა აზრი, გავფრენილიყავი ბოსტონში და შევხვედროდი ზემოაღნიშნული გამოცემის რედაქტორს. მის კაბინეტში შესვლისთანავე, მივუთითე სტატიაზე.

– ეგ ქალი, ჩვენ გვიწოდებს მატყუარებს. მისულიყო ტელეფონთან, დაერეკა ვინმესთვის, ვინც გვიცნობს და იცის, ჩვენი მეთოდი. მას განუმარტავდნენ, ვართ, თუ არა მატყუარები. ხოლო, ჩვენს თანამშრომლობაზე ეშმაკთან, რა გითხრათ? ვეჭვობ, რომ იგი თავად ეკონტაქტება მაგ ეშმაკს.

რედაქტორი დამეთანხმა, რომ სტატია იყო არასწორი.

 მან თქვა, რომ შეცდომის გამოსწორების საუკეთესო ხერხია, სხვა ჟურნალისტის გაგზავნა, რომელიც გაივლის ვარჯიშებს და დაწერს ჩვენს საქმიანობაზე.

– ეს დაგაკმაყოფილებთ? – მკითხა რედაქტორმა.

მე ვუპასუხე:

– ეს იდეალური გამოსავალია, სტიპენდიასაც გამოვუყოფ, იმ ჟურნალისტს.

– არა, გაზეთი გადაიხდის სწავლების თანხას. – თქვა რედაქტორმა. – არ მსურს, რომ ჟურნალისტი თქვენგან დავალებული იყოს. ის ყველაფერს გვაცნობებს, რასაც თავისი თვალით ნახავს. თანახმა ხართ?

ვუპასუხე:

– სრულიად.

ჟურნალისტი იყო რობერტ ტეილორი და მის მიერ დაწერილი სტატია, სათაურით: „ჩაძირვა ალფაში“, აღმოჩნდა ერთ-ერთი საუკეთესო მასალა, რაც კი ყოფილა სილვას მეთოდზე დაწერილი. ჩვენ რამდენჯერმე გადავბეჭდეთ ის, რამაც შეგვძინა მრავალი ახალი ადამიანი.

მე რომ დავშვებულიყავი, იმ ჩვეულებამდე, რომ პრესა განმეხილა, როგორც მტერი, ის მართლაც, ძალიან ადვილად, გახდებოდა ასეთი. ნეგატიური აზროვნება იწვევს ნეგატიურ შედეგებს; პოზიტიური, პოზიტიურს.

აი, ზოგიერთი მოქმედება, რომელიც შეგიძლიათ შეასრულოთ ახლავე, რომ თქვენი ცხოვრება გახდეს პოზიტიური:

1.      აირჩიეთ ერთი, ან რამდენიმე არასასურველი, ნეგატიური მახასიათებელი, თქვენს აზროვნებაში, ჩვეულებებში, ან საქციელში. დაწერეთ ქაღალდზე, პარალელურ სვეტში ჩამოწერეთ ის ვარიანტები, რომლებიც გენდომებოდათ, რომ გქონოდათ;

2.      აიღეთ პირველი ნეგატიური მახასიათებელი და დააპროგრამეთ მისი მოშორება. მოდუნდით და ჩაიძირეთ ალფა მდგომარეობაში, უკუღმა დათვლით. აღიარეთ პრობლემის არსებობა, დაასახელეთ გადაწყვეტა. დათვალეთ წაღმა. ხელახლა დაამტკიცეთ გადაწყვეტა სამ თვლაზე, და ხუთზეც, როცა გაახელთ თვალებს;

3.      ყოველდღე აიღეთ ახალი მახასიათებელი, თქვენი სიიდან და გარდაქმენით ნეგატიურიდან პოზიტიურად. როცა სია ამოიწურება, საჭიროებისდა მიხედვით, განამტკიცეთ პოზიტიური ჩვევები.

მილიონობით ადამიანმა მიიღო სარგებლობა ასეთი პროგრამირებით. ის არ შეიძლება იყოს წარუმატებელი, რადგან დაფუძნებულია ჭეშმარიტების მყარ საფუძველზე.

 

სილვას მეთოდის ფესვები

სილვას მეთოდის შექმნა, შვიდი სხვადასხვა პირველწყაროს შესწავლის შედეგია. თითოეული მათგანის განხილვა დაგეხმარებათ, რომ უკეთ გაიგოთ სილვას მიდგომა.

1.      ბიბლიის, ძველი და ახალი აღთქმის შესწავლა.

ყოველთვის, როცა კვლევის დროს წავაწყდებით რაიმეს, რომელმაც, შესაძლოა, ადამიანებს სარგებლობა მოუტანოს, და ვფიქრობთ, რომ ეს უნდა შევიტანოთ სილვას მეთოდის შემადგენელ ნაწილად, ჩვენ ვამოწმებთ, ხომ არ ეწინააღმდეგება ეს ბიბლიის ძველი და ახალი აღთქმის პრინციპებს;

2.      მსოფლიოს დიდი რელიგიების საწყისებისა და ეკლესიების შექმნის ისტორიის შესწავლა.

ფსიქომეტრიის სფეროს კვლევისას, მე დავინტერესდი ტაძრების არქიტექტურით. ეს მოხდა ორი მიზეზის გამო. პირველი, ყოველი ადამიანი, გარემოცულია ენერგეტიკული სფეროთი, რომელსაც აურა ეწოდება და განფენილია ყველა მიმართულებით, არანაკლებ, ოცდახუთი ფუტის მანძილზე. ყველაფერი, რასაც კი შეეხება ადამიანის ენერგიის ეს ველი, ავტომატურად პროგრამირდება. პროგრამაში ვგულისხმობთ იმას, რომ აურა, რაღაც ხარისხით, ცვლის მატერიის მდგომარეობას, მოცემული ადამიანის აზრების და გამოცდილების შესაბამისად.

ტაძრის კედლები გაჟღენთილია მილიონი ადამიანის აზრებით. ეს ადამიანები შემოქმედთან კავშირის სურვილით შედიან იქ. თქვენ შეგიძლიათ გჯეროდეთ, ან არ გჯეროდეთ რაბინის, მღვდლის, ან პასტორისა, რომლებიც იქ მოღვაწეობენ. ისინი მოდიან და მიდიან. მაგრამ, ნაგებობა დგას და აგრძელებს ათასობით ადამიანის მიღებას, რომლებიც ასხივებენ ენერგიას, და ყოველი მტკაველი ქვის, ხის, რკინის პროგრამირდება შემოქმედთან დაკავშირების სურვილით. ეს გვიადვილებს ჩვენ, მათ შემდგომ, ტაძარში შემავალთ, შემოქმედისკენ მიმავალი არხის მოძებნას. ბევრი იდეა მომივიდა მე, ეკლესიაში ყოფნისას;

3.      იესო ქრისტეს მოძღვრების შესწავლა.

 ქრისტეს მოძღვრება ჩვენს მონაპოვართან მჭიდრო კავშირშია. ეს გვეხმარება, რომ განვავითაროთ ტექნიკა, რომელსაც ადამიანები გამოიყენებენ სასიკეთოდ;

4.      გონების შემსწავლელი მეცნიერების სფეროში უდიდესი ოსტატების ნაშრომთა შესწავლა.

მათი სია გრძელია. დაწყებული წარსულის მეტაფიზიკოსებიდან, ჰიპნოზიორებიდან, თანამედროვე ფსიქოლოგებით, ფსიქიატრებით, ფიზიკოსებით დამთავრებული;

5.      ფსიქოლოგიის, ჰიპნოზის, პარაფსიქოლოგიის, ელექტროენცეფალოგრაფიის, ფიზიკის, ელექტრონიკის, ფსიქოტრონიკის შესწავლა.

ფსიქოლოგიის შესწავლა გვეხმარება უკეთ გავუგოთ ადამიანებს. ჰიპნოზის შესწავლას მივყავართ ჩვენი გონების ძალის შეცნობამდე. პარაფსიქოლოგიის შესწავლა გადაგვიშლის, ამ სფეროში, სხვა ადამიანების მიღწევებს. ელექროენცეფალოგრაფიის შესწავლა გვეხმარება განვსაზღვროთ განსხვავება, ადამიანის ტვინს, გონებასა და ინტელექტს შორის. ფიზიკის შესწავლა უფრო და უფრო მნიშვნელოვანია ცნობიერების უკეთ გააზრებისთვის.

ჩვენ ადამიანის ინტელექტს აღვიქვამთ იმად, რასაც რელიგიაში უწოდებენ სულს და განვასხვავებთ მას ცხოველური, ანუ ბიოლოგიური ინტელექტისგან.

ასევე, ადამიანის ტვინს წარმოვიდგენთ, როგორც ბიოლოგიურ კომპუტერს, რომელიც მართავს სასიცოცხლო ენერგიას, ან როგორც ზოგიერთი მეცნიერი უწოდებს მას, ფსიქოტრონულ ენერგიას და რომელიც შეიძლება დაპროგრამდეს ადამიანის ინტელექტით და იმუშაოს ავტომატურად, ნახევრადავტომატურად, ან მექანიკურად.

ხოლო, ადამიანის გონებას აღვიქვამთ, არა როგორც ცალკე ფენომენს, არამედ, როგორც ადამიანის ინტელექტის მახასიათებელს, რომელიც არის არაფიზიკურ გაზომილებაში და აეწყობა ტვინის განსაზღვრულ უბანზე, რომელიც ფიზიკურ სამყაროშია.

რამდენადაც ამ ნაშრომის მნიშვნელოვანი ნაწილი დაკავშირებულია ელექტო-ქიმიურ- მაგნიტურ ენერგიათა ურთიერთქმედებაზე, ძალიან მნიშვნელოვანია ელექტრონიკის შესწავლა.

6.      ე.წ. არაორთოდოქსული მედიცინის შესწავლა, როგორიც არის, მაგალითად, მკურნალობა რწმენით, ფსიქიკური და სულიერი მკურნალობა. ეს ყველაფერი მეტად საინტერესო და სასარგებლო აღმოჩნდა. ყველაზე უფრო შთამბეჭდავია არაორთოდოქსული მეთოდით მკურნალობა. ქრონიკული, უკურნებელი ან შეუქცევადი ავადმყოფობებისა, როგორიც არის ართრიტი, დიაბეტი, გლაუკომა, კიბო, ლეიკემია, ალერგია, შაკიკი.

არაორთოდოქსული მედიცინის იმდენად ბევრი მიღწევა ვიხილეთ, რომ ვვარაუდობთ, ალბათ, ბოლოს და ბოლოს მოიცლის ვინმე და ოფიციალურად დააარსებს მედიცინის დარგს, რომელიც გააერთიანებს ყველა მეთოდს, ქრონიკული და უკურნებელი ავადმყოფობების სამკურნალოდ.

სილვას მეთოდის შექმნაზე მუშაობისას, ჩვენ ჩავრთეთ მასში ელემენტები, რომლებიც მკურნალობის პროცესში შეიტანენ პაციენტის რწმენისა და მენტალური განწყობის საკუთარ სისტემას. ადამიანს, რომელიც სწავლობს სილვას მეთოდს, ეს სისტემა აქცევს იდეალურ პაციენტად, რომელიც სწრაფად ეხმიანება მკურნალობის ნებისმიერ მეთოდს.

7.      ონტოლოგიის შესწავლა. ეს არის ფილოსოფიის შტო, რომელიც დაინტერესებულია ყოფით, ანუ არსებობით. ამან მიგვიყვანა იმის გაგებამდე, რომ ჩვენ ვართ უმაღლესი ინტელექტის წარმომადგენლები. მას შეგვიძლია ვუწოდოთ, ღმერთი, შემოქმედი, უზენაესი, და გვჯერა, რომ ჩვენი ვალია ხელი შევუწყოთ შემოქმედებას, იქ, სადაც ვარსებობთ.

ჩვენ მხოლოდ ახლა ვიწყებთ გაცნობიერებას, რომ შეგვიძლია, ამ სამყაროში, შევასრულოთ ის, რასაც შემოქმედი ასრულებს მთელ თავის საუფლოში. გვჯერა, რომ უმაღლეს ინტელექტს სჭირდება არსებანი, რომლებიც იზრუნებენ მისი შემოქმედების ამ ნაწილზე, და ამიტომაც ვართ შექმნილები.

იმისთვის, რომ წარმატებით შევასრულოთ ჩვენი მისია, უნდა გავაკეთოთ ყველაფერი, რაც შეგვიძლია, რათა მოვსპოთ ბარიერები, რომელიც ეღობება შემოქმედებით პროცესს.

ჩვენ გვჯერა, რომ ღმერთი გვევლინება უმაღლეს ინტელექტად, მას შეუძლია ყველა პრობლემის მოგვარება.

როდესაც ხელს ვუშლით შემოქმედებით პროცესს, ვმოქმედებთ ღმერთის წინააღმდეგ, ხელს ვუშლით დამბადებლის შემოქმედებას.

გვჯერა, რომ ადამიანები, რომლებიც ხელს უწყობენ შემოქმედებით პროცესს, უახლოვდებიან ღმერთს და ეს ერთობა, შესაძლოა, იყოს მექანიზმი, რომლითაც უმაღლესი ინტელექტი გვეხმარება. როცa პრობლემების გადასაჭრელად ვითხოვთ შველას შემოქმედებითად, მივმართავთ ღმერთს. სილვას მეთოდი არის დახმარებისთვის მიმართვის შემოქმედებითი ხერხი, რომელიც გვჭირდება „მეორე მხარესთან“ სასიცოცხლო კონტაქტის დასამყარებლად.

 

გაუხსენით გზა სიუხვეს

სცადეთ, თქვენ თვითონ გაუხსნათ კარი სიუხვეს. თუ არ გემორჩილებათ, დახმარება მოვა „მეორე მხრიდან“ .

როგორ გააღებს „მეორე მხარე“ კარს?

არსებობს ბევრი შესაძლებლობა, მაგრამ, ყველა არ გამოგადგებათ. არის რამდენიმე ფაქტორი, რომელიც აკავებს თქვენსკენ სიუხვის დინებას. ჯერ ჩამოვთვლით მათ, ხოლო შემდეგ სათითაოდ განვიხილავთ:

1.      რასაც ქმნით, არავის სჭირდება;

2.      თქვენი ძალისხმევა, რაიმეს შესაქმნელად, არასაკმარისია;

3.      თქვენ არ ხართ შემოქმედი;

4.      ფიქრობთ, რომ არ ხართ შემოქმედი;

5.      ფიქრობთ, რომ რასაც ქმნით, არ არის ფასეული.

განვიხილოთ თანმიმდევრობით:

ვერვინ შექმნის სიუხვეს, ყინულის მიყიდვით ესკიმოსებისთვის, ან ქვანახშირის გაყიდვით ნიუკასიუში(ქვანახშირის წარმოების ცენტრი, ინგლისში). იმ ყველაფერზე, რასაც ვქმნით, უნდა იყოს მოთხოვნა. მოთხოვნის დაკმაყოფილებით, ჩვენ ვხდებით შემოქმედნი. თუ ეს გაცვეთილ ჭეშმარიტებად ჟღერს, მხოლოდ და მხოლოდ იმიტომ, რომ ის ასეთია. სილვას მეთოდი არ უარყოფს ძველ ჭეშმარიტებას, პირიქით, მოითხოვს მათ გათვალისწინებას.

მეორე შეცდომა, რომელიც ხშირად მოგვდის, არის ის, რომ ჩვენ თავს მივიჩნევთ შემოქმედად, როცა მხოლოდ დილეტანტები ვართ. მაქსს მოსწონდა ლექსების წერა . დაახლოებით, თვეში ერთხელ წერდა ახალ ლექსს. მისი პოეზიის დაბეჭდვას კი არავინ ჰკიდებდა ხელს, და მას უკვირდა, რატომ? შემთხვევით მაქსი მოხვდა პოეზიის საღამოზე, სადაც ცნობილი პოეტი კითხულობდა თავის ლექსებს. და იგი მიხვდა თავის შეცდომას. ნამდვილი პოეტი დღეში ექვს-რვა საათს ხვეწს, აუმჯობესებს თავის შემოქმედებას, მაქსი კი თვეში, მხოლოდ რამდენიმე საათს უძღვნიდა, არც თუ ჭეშმარიტად შემოქმედებით პროცესს.

შემოქმედების მიმართ შეცდომების მესამე ტიპია, ისეთ საქმიანობაში მონაწილეობა, რომელიც შესაძლოა, აღმოჩნდეს მომგებიანი, მაგრამ, სამყარო ამით არ უმჯობესდებოდეს. ადამიანი, რომელიც თავისი დროის დიდ ნაწილს ხარჯავს ფეხბურთის ან კალათბურთის მატჩების შედეგებზე ფსონების დადებაზე, შესაძლოა, სწრაფად იშოვნოს ფული, მაგრამ, რეალურად, ის არაფერს ქმნის. ანალოგიურად, ფასიანი ქაღალდების ბირჟაზე მოთამაშე ადამიანმა, შეიძლენა მიაღწიოს ფინანსურ წარმატებას, მაგრამ, მისი კავშირი, „მეორე მხარესთან“, წააგებს.

მეოთხე დაბრკოლებაა ის, რომ ზოგიერთი შემოქმედი ადამიანი უარს ამბობს თავის საქმიანობაზე, რადგან თავისი საქმე მიაჩნია არასაკმარისად შემოქმედებითად. შელი მუშაობდა ოფიციანტად, რადგან სხვა სამუშაო ვერ იშოვნა. მას სძულდა თავისი საქმე და ფიქრობდა, რომ ტყუილად კარგავს თავის შემოქმედებით უნარს. ერთ საღამოს, სილვას მეთოდის ერთ-ერთმა კურსდამთავრებულმა გაახსენა მას, რომ საჭიროა ადამიანმა იაზროვნოს პოზიტიურად და მნიშვნელოვანია, ყველა საქმეში, რასაც აკეთებს, მოძებნოს შემოქმედებითი მხარე. მალე შელიმ დაიწყო მომსვლელების უკეთ მომსახურება, გაეზარდა შემოსავალიც და ისწავლა თავისი საქმიანობით სიხარულიც. დროთა განმავლობაში, ის გახდა მენეჯერის თანაშემწე. შემდეგ კი გააგრძელა მუშაობა მეზობელ სასტუმროში, საზოგადოებრივი კვების განყოფილებაში, უმცროს მენეჯერად.

დაბოლოს, არიან ადამიანები, რომლებიც აღიარებენ თავიანთ შემოქმედებითობას. მაგრამ, ამცირებენ იმის ფასს, რასაც ქმნიან.

რენე მუშაობდა სუნამოების წარმოებაში. გადაწყვიტა გაეხსნა საკუთარი საქმე. იგი არ იყო დარწმუნებული თავისი საქონლის ხარისხში და ამიტომ, დაადო მცირე ფასი. ამის გამო, პირველი პარტია უცბად შეისყიდეს მსხვილმა მყიდველებმა, ბითუმად. მაგრამ, სუნამოები ეწყო თაროებზე და იმტვერებოდა. მისი საქმიანი პარტნიორები მიიჩნევდნენ, რომ სუნამოები იყო საუკეთესო. მაგრამ, გაყიდვა ფერხდებოდა. რენე შევიდა ალფა-დონეზე და დაფიქრდა თავის პრობლემაზე. მან ჰკითხა თავს, რა არ გააკეთა ისე, როგორც საჭირო იყო. და დაიჭირა საკუთარი თავი იმაში, რომ ის ფიქრობს თავისი პროდუქციის ძალიან დაბალ ფასზე, რომელიც არ გამოხატავს მის ნამდვილ ხარისხს. სუნამოები იყო სანიმუშო. სინამდვილეში, ბევრად ძვირად ღირებული. რენემ ერთ-ერთ უნივერმაღს მისცა წინადადება, გაესამმაგებინა ფასი, და გაყიდვის დონე უცბად ავარდა ზევით. სხვა მაღაზიებმაც მიბაძეს ამ რჩევას და გააძვირეს. რენემ წარმატებას მიაღწია მხოლოდ იმის შემდეგ, რაც მან გაზარდა იმის შეფასება, რასაც ქმნიდა.

არის ხუთი დახურული კარი. ისინი უნდა გაიღოს, „მეორე მხიდან“ დახმარების მიღებამდე. სილვას მეთოდს შეუძლია დაგეხმაროთ ამ კარების გაღებაში და აი, რა სახით.

 

ხუთი მტკიცებულება

როდესაც ამ კარებს გააღებთ, „მეორე მხრიდან“ დახმარება დაიწყებს თქვენთან მოსვლას. ეს ისევე მართალია, როგორც ის, რომ ეს წიგნი დაეცემა, თუ მას ხელიდან გაუშვებთ. როგორც კი კარებს გააღებთ, თქვენი შემოქმედების თესლი შეძლებს გაზრდას და აყვავებას. თქვენ მას დათესავთ, მოუვლით და დატკბებით მისი ნაყოფით.

სიმბოლოების საქმედ გადაქცევით, დაინახავთ თქვენს მიზანს ალფა-დონეზე. ანაზდად და ცხადად ჩნდება იდეები, ადამიანები და გადაწყვეტები. აღწევთ თქვენს მიზანს და იღებთ კმაყოფილებას.

ახლა, თქვენ გელით ამ კარების გაღება. აღმოაჩენთ, რომ ისინი რაბის(ნაგებობა გემების გადასაადგილებლად) კარებია, შემოქმედებისა და „მეორე მხრიდან“ დახმარების შემოდინებისთვის.

აი, როგორ გააკეთებთ ამას. თავდაპირველად, გიამბობთ ზოგადად, შემდეგ კი, დეტალურად აგიწერთ პროცედურას.

შეხვალთ ალფა-დონეზე, როგორც აკეთებდით, დილის ვარჯიშებისას. ოღონდ, ამჯერად, წარმოიდგენთ კარს, დიდი ხუთიანით და ფიქრით გააღებთ მას. როცა მიხვალთ ოთხ თვლაზე, წარმოიდგენთ სხვა კარს, ციფრით ოთხი და ისევ ფიქრით გააღებთ მას. გააგრძელებთ უკუღმა თვლას, გზადაგზა ყველა კარის გაღებით.

ყველა კარი გადის დიდ საბაღე ნაკვეთზე. მასზე, ჯერ-ჯერობით, არაფერი იზრდება. ეს ნაკვეთი აღნიშნულია წარწერით: ჩემი პირად შემოქმედება.

ფიქრით წარმოიდგინეთ, რომ მიდიხართ ამ ნაკვეთში, თესლებით ხელში.

რა გენდომებოდათ, რომ დაგეთესათ? რის შექმნას ისურვებდით? დიდ ოჯახს? გაფურჩქნულ ბიზნესს? ახალ პროდუქტს? უფრო დიდ სახლს?

ბაღის ცენტრში მდგარმა, თქვენს ირგვლივ მიმოაბნიეთ თესლები, შემდეგ, გადით განზე და უთვალთვალეთ.

„დაინახეთ“, როგორ იწყება აღმოცენება იმისა, რაც დათესეთ. თუ აირჩიეთ დიდი სახლი, გამოჩნდეს მისი სახურავი, კედლები, საძირკველი. თუ გაინტერესებთ დიდი ოჯახი, აი, ისინი, თქვენი მშვენიერი ბავშვები.

ახლა წარმოთქვით ხუთი მტკიცებულება შექმნილის თაობაზე:

1.      რასაც ვქმნი, აუცილებელია;

2.      ვქმნი საჭირო რაოდენობით;

3.      ვარ შემოქმედი;

4.      მაქვს შექმნის უნარი;

5.      რასაც ვქმნი, უნივერსალური ფასეულობაა.

შემდეგ, ამთავრებთ ვარჯიშს, დათვლით, ერთიდან ხუთამდე. გრძნობთ თავს მშვენივრად და იცით, რომ რაბის ალაყაფის კარები ღიაა და შემოქმედება ღვარად შემოედინება.

ადამიანმა, რომელსაც მეტისმეტად დაბალი წარმოდგენა აქვს თავზე, დროდადრო უნდა გაიმეოროს ეს ვარჯიშები.

შესაძლოა, ეს მოგეჩვენოთ გრძელ პროცედურად. მაგრამ, სინამდვილეში, თქვენ მცირედ ზრდით ალფა-დინეზე შესვლის დროს, უბრალოდ, თითო თვლაზე, თითო კარის დამატებით. შემდეგ თესავთ იმას, რისი გაზრდაც გსურთ და წარმოქვამთ ხუთ მტკიცებულებას. შემდეგ კი გამოდიხართ.

ეს ხუთი მტკიცებულება უნდა გახსოვდეთ. მაგრამ, შეიძლება გაიადვილოთ ეს ამოცანა. თუ პირველი ასოებით დაიმახსოვრებთ. მაგალითად, არშუფ: ა – აუცილებელია, რ – რაიდენობით, შ – შემოქმედი, უ – უნარი, ფ – ფასეულობა.

გავიმეოროთ აუცილებელი ნაბიჯები დეტალურად:

1.      დაჯექით მოხერხებულ სკამზე, დახუჭეთ თვალები, ასწიეთ ოდნავ ზემოთ, ღრმად ჩაისუნთქეთ და ამოსუნთქვისას, მთლად მოადუნეთ სხეული;

2.      ნელა დათვალეთ უკუღმა, ხუთიდან ერთამდე, თან ყოველი ციფრი დაინახეთ კარზე და გააღეთ კარი, ვიდრე გადახვიდოდეთ შემდეგ ციფრზე;

3.      აზრით წარმოიდგინეთ, რომ შედიხართ დიდ საბაღე ნაკვეთში. გახსოვდეთ, რომ ეს არის თქვენი პირადი შემოქმედების ბაღი;

4.      გადაწყვიტეთ, რისი შეცვლა გსურთ ცხოვრებაში. დადექით ბაღის ცენტრში და მიმოაბნიეთ, თქვენს ირგვლივ, თესლები ამ შემოქმედებისთვის;

5.      დაინახეთ, როგორ იზრდება ბაღში ის, რისი შექმნაც გსურთ;

6.      წარმოთქვით ხუთი მტკიცებულება – არშუფ;

7.      დაამთავრეთ მეცადინეობა, დათვლით, ერთიდან ხუთამდე. თავს გრძნობთ მხნედ და უკეთესად, ვიდრე უწინ.

ახლა, სწორედ დროა ამ ვარჯიშის შესრულებისა. გადაიკითხეთ ინსტრუქცია და დაიმახსოვრეთ ხუთი მტკიცებულება. გადადეთ წიგნი და შეასრულეთ ვარჯიში.

 

პროგრამირება

თქვენ გსურთ წარმატებას მიაღწიოთ „მეორე მხრიდან“ დახმარების მიღებაში. მეც მინდა, რომ მიაღწიოთ. „მეორე მხარესაც“ სურს თქვენი წარმატება, რამდენადაც მას სჭირდებით თქვენ, როგორც თანაავტორი.

მაგრამ, ჩვენგან ერთს აქვს „თუ“ და „მაგრამ“, რომელთაც შეუძლია ხელი შეუშალონ დახმარების მიღებას. გარწმუნებთ, რომ ეს მე არ ვარ, და იმაშიც ეჭვს ვერ შეიტანთ, რომ ეს „მეორე მხარეა“. მიუხედავად იმისა, რომ თქვენ მიისწრაფვით წარმატებისკენ, შესაძლოა გქონდეთ დარჩენილი დაბრკოლებები, რომლებსაც შეუძლია გაწყვიტოს „მეორე მხარესთან“ თქვენი კომუნიკაციის ხაზები.

 მე მოგითხრობთ, რა დაბრკოლებები შეიძლება იყოს, და გირჩევთ მეთოდოლოგიას, რომლითაც თქვენ უკვე სარგებლობდით და რომელსაც შეგიძლიათ მიმართოთ, დაბრკოლებებისაგან გათავისუფლებისთვის. თქვენ თვითონ გადაწყვიტეთ, გჭირდებათ, თუ არა, ამ სამუშაოს რაიმე ნაწილის შერულება, თუ უკვე იდეალურად მომზადებული ხართ „მეორე მხრიდან“ დახმარების მიღების საუკეთესო შედეგებისთვის.

ამ თავში უკვე გესაუბრეთ, როგორ გათავისუფლდეთ ზოგიერთი ასეთი დაბრკოლებისგან, კორექტურული პროგრამის დახმარებით. ვგულისხმობდი ისეთ პროგრამებს, როგორიცაა:

1.      ნეგატიური პროგრამირება მეტყველებაში;

2.      ნეგატიურობა აზრებში;

3.      დესტრუქციული გუნება-განწყობა, გრძნობები და მოქმედებები;

4.      სურვილის უქონლობა, იმის კეთებისა, რაც უნდა გაკეთდეს;

5.      შეზღუდული აზრი, ვინმეს შემოქმედებით უნარზე;

6.      ურთიერთობა სხვა ადამიანებთან;

7.      ურთიერთობა საკუთარი თავთან;

8.      ურთიერთობა „მეორე მხარესთან“.

ბოლო სამი პუნქტი, ურთიერთობის შესახებ, საჭიროებს გულდასმით შესწავლას, და თუ კორექტირება აუცილებელია, უნდა გააკეთოთ პროგრამირება, ალფა-დონეზე.

მოდით, ახლა, განვიხილოთ ეს სამი პუნქტი, მეტი ყურადღებით. ამით ჩვენ არ ვცვლით თქვენს თვითშემეცნებას. უფრო ხშირად, ბიძგს ვაძლევთ მას.

ჯერ, თქვენს ურთიერთობაზე სხვა ადამიანებთან.

აზიის ბევრ ქვეყანაში, ერთი ადამიანი ესალმება მეორეს, ხელისგულების ერთმანეთზე მიწყობით, ლოცვის მსგავსად და თავის მოხრით. ამ ჟესტის მნიშვნელობა არის: „ღვთიუირობა ჩემში, სცნობს ღვთიურობას შენში“. ეს იგივეა, რაც ტვინის მარჯვენა ნახევრების ხელის ჩამორთმევა.

შეადარეთ ეს, იმას, თუ როგორ ვესალმებით ჩვენ, სხვას: „როგორ ხარ?“ თარგმანი: „ეს მე ყველაზე ნაკლებად მაინტერესებს“. „როგორ არის საქმეები“? თარგმანი: „ჩემი პრობლემებიც მეყოფა“. „გამარჯობა“, თარგმანი: „გაიარე“.

მატერიალურ სამყაროში ხშირად ვამცირებთ სხვა ადამიანებს, საკუთარი თავის ამაღლებისთვის. მაგრამ, ეს ჩვენს საწინააღმდეგოდ მოქმედებს. სხვისი დამცირებით, თქვენ იმცირებთ თავს, რადგან, დაკავშირებული ხართ ამ ადამიანთან. აამაღლეთ ის, ამით აიმაღლებთ თქვენს თავს. ნუ იქნებით მათ რიცხვში, ვინც ამბობს: „მიყვარს კაცობრიობა, მაგრამ, მძულს ადამიანები“. შეეცადეთ, იყოთ მომთმენი და გამგები. ნუ მიაქცევთ ყურადღებას განსხვავებულობას, მოძებნეთ საერთო მნიშვნელი.

შეთავაზება: შედით ალფა-დინეზე და წარმოიდგინეთ, რომ ხედავთ თქვენს ანარეკლს, წყნარ ტბაში. უთხარით: „მე შენ მიყვარხარ“. თუ არიან ადამიანები, რომელთა მიმართ საჭიროა გრძნობების მოწესრიგება, გაიმეორეთ ეს ვარჯიში პატიებით, იმ კონკრეტული ადამიანების მიმართ, რომელთა აღქმაც სიყვარულით გიჭირთ. ალფა-დონეზე მიიპატიჟეთ ისინი, თქვენს საყვარელ ადგილზე, და წარმოიდგინეთ ურთიერთპატიება.

მოდით, ახლა მივხედოთ თქვენს მიმართებას საკუთარი თავისადმი. ხართ თუ არა ღირსი მიიღოთ დახმარება „მეორე მხრიდან“? დარწმუნებული იყავით, რომ დიახ. თქვენ ხართ სამყაროს ცენტრი. თუ ღირსად არ მიგაჩნიათ თავი, იმიტომ, რომ სხვებმა დაგაპროგრამეს ასე.

აი, ასეთი პროგრამის ზოგიერთიწყარო:

ცუდი ნიშნები სკოლაში;

ცუდი ბალანსი ბანკში;

დაბალი ხელფასი;

შეუსაბამო განათლება;

უარყოფა საწინააღმდეგო სქესის მხრიდან;

აბუჩად აგდება თანატოლებისგან;

უკუგდება უფროსების მხრიდან;

არაადეკვატური ათლეტური უნარები.

შეთავაზება: შედით ალფა-დონეზე. მიიწვიეთ თქვენი თავი რელაქსაციის საყვარელ ადგილზე და აპატიეთ მას.

დაბოლოს, მოდით, განვიხილოთ თქვენი ურთიერთობა „მეორე მხარესთან“. „მეორე მხარისგან“ განცალკევებულობის შეგრძნება მჭიდროდ არის დაკავშირებული საკუთარი თავისადმი თქვენს მიმართებასთან. თუ რეალურ სამყაროში თავს გრძნობთ რაიმეს უღირსად, მაშინ შესაძლოა უღირსად იგრძნოთ თავი, რათა მიიღოთ დახმარება „მეორე მხრიდან“, ე.წ. ციური წყაროებიდან.

თქვენი თავისადმი მოთმინებისა და უფრო მეტად დაფასების მეოხებით, ისე, როგორც ზემოთ იყო ნათქვამი, იგრძნობთ „მეორე მხარესთან“ უფრო ნაკლებად დაშორებას. დანაშაულის გრძნობა, მოუსვენრობა და სხვა თავის დამამცირებელი ემოციები გაიფანტება და თქვენი ურთიერთობა „მეორე მხარესთან“ გაუმჯობესდება. მაგრამ, ამ პროცესის დასაჩქარებლად, შეგიძლიათ გამოიყენოთ სხვა ნაბიჯებიც.

ა. გაიმეორეთ ექვსპუნქტიანი ვარჯიშები, გადმოცემული მეორე თავის ბოლოს. რომლიც აღწერს საკუთარ უმაღლეს „მესთან“ მისალმებას. შედით ალფა-დონეზე და „დაინახეთ“, როგორ ელოდებით საკუთარ თავს რელაქსაციის საყვარელ ადგილას. თქვენ ასხივებთ სიცოცხლეს. ნაზად მიესალმეთ თქვენს უმაღლეს „მეს“

ბ. გაიმეორეთ ვარჯიში, რომელსაც ადრე ასრულებდით, სადაც „დაინახეთ“ თქვენი სახლი და თეთრ სინათლეში „გახვიეთ“.

გ. შედით ალფა-დონეზე და გააღრმავეთ ის, ათიდან ერთამდე, უკუღმა დათვლით. შეიცანით „მეორე მხარე“, გაუგზავნეთ მას თქვენი სიყვარული. დაამთავრეთ ვარჯიში ჩვეულებისამებრ.

შეიგრძენით სიყვარული, რომელსაც „მეორე მხარე“ გიბრუნებთ თქვენ.

 

 

თავი 8

 

დახმარება, ადამიანებთან ურთიერთობისას წარმოშობილი პრობლემების გადასაწყვეტად

„მეორე მხარეს“, სულიერ სამყაროს, უყვარხართ თქვენ. მას იმდენად უყვარხართ, რომ პატივს სცემს თქვენს სურვილს, იმოქმედოთ მარტომ. ახლა, ის მიესალმება თქვენს დაბრუნებას მასთან. თქვენ და „მეორე მხარე“, მოწოდებული ხართ, იყოთ ერთი გუნდი. ეს განზრახვა, ახლა მიღწეულია. მაგრამ, ეს იმას არ ნიშნავს, რომ თქვენი ყველა პრობლემა უკან რჩება, არამედ ნიშნავს მხოლოდ იმას, რომ დღეიდან თქვენს ცხოვრებაში წარმოშობილი ნებისმიერი პრობლემა გადაწყვეტილი იქნება სწრაფად და ადვილად. თქვენ და „მეორე მხარე“ დაუმარცხებელი გუნდი ხართ.

ადამიანის ცხოვრებაში შექმნილი პრობლემების უმრავლესობა წარმოიშობა სხვა ადამიანებთან ურთიერთობისას. ეს პრობლემები თუ დარჩა გადასაწყვეტი, შესაძლოა, მან მიგვიყვანოს ფულთან დაკავშირებულ სიძნელეებთან, ჯანმრთელობის და სხვა უფრო ჩახლართულ სიტუაციებთან.

ამ თავში გაიგებთ, როგორ გაუკეთოთ ორგანიზება თქვენი „გუნდის“ მუშაობას, იმისთვის, რომ გადაწყვიტოთ ადამიანებთან ურთიერთობის ზოგადი პრობლემები. შემდეგი თავი ეძღვნება ჯანმრთელობას. ამას კი, მოჰყვება თავი ფულის შესახებ. ხოლო შემდეგ, თავი, რთულ პრობლემებზე.

აქამდე გირჩევდით წაგეკითხათ წიგნი თანმიმდევრობით, რადგან ყოველი ახალი ნაწილი დაფუძნებული იყო წინამავალზე. ახლა, თქვენ შეგიძლიათ, გადახტეთ და აირჩიოთ, რომელიც გსურთ.

თუ თქვენთვის ყველაზე მნიშვნელოვანი პრობლემა ჯანმრთელობაა, გამოტოვეთ ეს თავი და გადადით, პირდაპირ მეცხრე თავზე. ამ თავს, შეგიძლიათ, დაუბრუნდეთ მოგვიანებით. ასევე, შეგიძლიათ დაიწყოთ მეათე თავის შესწავლა, ფულის პრობლემების შესახებ. ან შეისწავლოთ მეთერთმეტე თავი, რთული და ძნელი პრობლემების თაობაზე. მე მაინც გირჩევთ, წაიკითხოთ ყველა თავი, იმისთვის, რომ იცოდეთ, როგორ მიიღოთ დახმარება, ნებისმიერი პრობლემის გადასაწყვეტად.

ამ თავში შეისწავლით ადამიანებთან სხვაგვარ მოქცევას.

მატერიალურ სამყაროში, ჩვენ განცალკევებულნი ვართ დროით და სივრცით. აქამდე, აუცილებელი იყო გაგვეთვალიწინებინა ეს განცალკევება. აქამდე, გვიხდებოდა ადამიანებთან ურთიერთობა ისე, თითქოს ისინი წამოადგენენ, მხოლოდ, ერთმანეთისგან დაშორებულ სხეულებს. მაგრამ, ადამიანი, სხეულის იდენტური კი არ არის, არამედ გონებისა. გონებები კი განცალკევებული არ არის. არის ადგილი, სადაც ისინი ერთმანეთს უერთდებიან. ეს ადგილი არის „მეორე მხარე“ და გონების ნაწილს, რომელიც შეერთებულია სხვებთან, ეწოდება უმაღლესი მე. თქვენთვის ოდესმე უსწავლ;ებიათ, ეს სკოლაში? მასწავლებლებს, რომლებსაც შესწავლილი აქვთ სილვას მეთოდი, და ასეთები ათასობით არიან, შეიძლება არ ჰქონდეთ საშუალება, შეიტანონ ეს მეთოდი სასწავლო პროგრამაში. მაგრამ, ისინი წარმატებით იყენებენ თვითონ. მასწავლებელთა მიერ სილვას მეთოდის ერთ-ერთი პოპულარული გამოყენებაა, გაკვეთილებზე დისციპლინის გაუმჯობესება.

გრეის ჰ. ასწავლიდა საშუალო სკოლაში, მაღალ კლასებში, მისი მოწაფეები იყვნენ ისეთ ასაკში, როცა თავს მოზრდილებად მიიჩნევენ. მაგრამ, ასეთი ცხოვრებისთვის მზად არ არიან. ამის შედეგია ჰიპერაქტიურობა, დეზორგანიზებული და უმართავი საქციელი. გრეისი იყო კარგი მასწავლებელი, მაგრამ, არ ჰქონდა საკმაო გამოცდილება. მან შეისწავლა სილვას მეთოდი, რომ გამკლავებოდა სტრესს. და მიიღო დამატებითი საჩუქარიც. ერთ საღამოს, ის შევიდა ალფა-დონეზე და წარმოიდგინა თავისი კლასი სიყვარულით. ის ესაუბრა თავის მოწაფეებს, სწავლის პროცესის გაუმჯობესების გზებზე, რათა ორივე მხარისთვის სასარგებლო ყოფილიყო. მეორე დღეს, კლასის ყოფა-ქცევაში შესამჩნევი გაუმჯობესება შეინიშნებოდა. ის, მიღწეულ წარმატებას ყოველ საღამოს აძლიერებდა. გაუმჯობესება გრძელდებოდა. ახლა, მას ჰყავდა, მთელ სკოლაში, ყველაზე უკეთესი კლასი. მალე, სხვა მასწავლებლები დაინტერესდნენ ამ მოვლენით. და მან სიამოვნებით გაუზიარა კოლეგებს თავისი წარმატების საიდუმლო, სუბიექტური ურთიერთობის ტექნიკა.

 

სუბიექტური ურთიერთობის გამოყენება

ამ მომენტში ჩემი ურთიერთობა თქვენთან ობიექტურია. ჩემი ტვინის მარცხენა ნახევარი დაკავებულია სიტყვების ქაღალდზე გადატანით. თქვენი ტვინის მარცხენა ნახევარი ჩართულია ამ სიტყვების კითხვაში. მე რომ თქვენთან ზეპირად ვსაუბრობდე, ეს მაინც იქნებოდა ჩვენი მარცხენა ნახევარსფეროების საქმიანობა.

მაგრამ, მე შემეძლო მესაუბრა სუბიექტურადაც, თუ გამოვიყნებდი ტვინის მარჯვენა ნახევარს. შემეძლო მოვდუნებულიყავი და წარმომედგინა, რომ თქვენ გხედავთ. თუ თქვენთან ჩავატარებდი წარმოსახვით თავაზიან საუბარს, რომელიც მიმართული იქნებოდა საერთო პრობლემების გადაჭრისკენ, თქვენ მიიღებდით ჩემს გზავნილს, მაგრამ, ცოტა სხვა გზით. ურთიერთობის ობიექტური მეთოდები, რითაც ყოველდღე ვსარგებლობთ, მიმდინარეობს ფიზიკური გზით, ცნობიერის შეგრძნების გზით.

ურთიერთობის სუბიექტური მეთოდები, რომლის გამოყენებასაც ახლა ვსწავლობთ, მიმდინარეობს არაფიზიკური გზით, ის გადადის ცნობიერი გონების საზღვარს. სუბიექტური კავშირი გადის „მეორე მხარეს“, სადაც მისთვის არ არსებობს მანძილი. მისი სფეროა იქ, სადაც არ არის სივრცე და სადაც ყველაფერი ერთიანია. კავშირის მარშრუტი დაახლოებით ასეთია: გამგზავნის ცნობიერი გონება –> გამგზავნის ზეცნობიერი გონება –> მიმღების ზეცნობიერი გონება –> მიმღების ცნობიერი გონება.

მოდით, განვიხილოთ ეს გზა, უფრო დაწვრილებით.

გამგზავნის ცნობიერი გონება. თქვენ ფიქრობთ პრობლემაზე და გესმით, რომ ობიექტური საშუალებები არ გშველით. ამიტომ, ღებულობთ გადაწყვეტილებას, გამოიყენოთ სუბიქტური მეთოდები.

გამზავნის ზეცნობიერო გონება. თქვენ დუნდებით, ღრმად ჩაისუნთქავთ, დახუჭულ თვალებს ოდნავ ზემოთ ასწევთ, დაითვლით უკუღმა, ხუთიდან ერთამდე. თქვენი ტვინის მარჯვენა ნახევარი აქტიურდება, რითაც შეღწევადს ქმნის ზეცნობიერ გონებას.

მიმღების ზეცნობიერი გონება. თქვენ ხატავთ მიმღების გამოსახულებას. თქვენი ტვინის ნეირონები დაუყოვნებლივ უკავშირდება მიმღების ნერვულ უჯრედებს. თქვენი ზეცნობიერი და მიმღების ზეცნობიერი ერთიანია და შეადგენს „მეორე მხარის“ საზიარო ერთობის ნაწილს. სანამ თქვენი ურთიერთობა თავაზიანია, და ვარაუდობს ურთიერთსასარგებლო გადაწყვეტას, კავშირი რჩება და თქვენი გზავნილი გადაეცემა.

მიმღების ცნობიერი გონება. მიმღები თქვენს გზავნილს ღებულობს ისე, თითქოს, თვითონ მოიფიქრა ეს იდეა. მიმღები დგამს ნაბიჯს თქვენსკენ.

ამ მეთოდმა, შესაძლოა, ერთდროულად იმუშაოს რამდენიმე ადამიანთან. თუ საუბარია ორ ადამიანზე, ისინი დაკავშირებულნი არიან ერთიანობაში, ზეცნობიერის დონეზე. იგივე სამართლიანია, სამი, ოთხი, ხუთი და ასი ადამიანისთვისაც კი. სანამ თქვენ გაქვთ უნარი ფიქრით დახატოთ ადამიანის გამოსახულება, შეგიძლიათ მიაღწიოთ სუბიექტურ ურთიერთობას.

გრეისმა შეძლო წარმოედგინა თავისი მოწაფეები.

თქვენ შეგიძლიათ წარმოიდგინოთ, თქვენი თანამშრომლები, ან თუ საჭიროა, მეზობლის ოჯახი, ან ფეხბურთის გუნდი, ან თქვენი კლუბის წევრები. სუბიექტური ურთიერთობის დახმარებით, შეძლებთ შეხებას სხვა ადამიანებთან, საერთო მიზნის განსახორციელებლად, როგორც ეს გააკეთა გრეისმა თავის კლასთან.

შეგიძლიათ მიაღწიოთ იუნგის კოლექტიურ არაცნობიერს, ან შელდრეიკის მორფოგენეტიკურ ველს, ან იმას, რასაც მე ვუწოდებ უმაღლეს ინტელექტს. მთავარია, არა სახელწოდება, არამედ ის, რომ ეს თქვენია და შეგიძლიათ მისი გამოყენება. თქვენ მისი ნაწილი ხართ, ის კი, თქვენი.

აი, კონკრეტული ნაბიჯები:

1.       დაჯექით მოხერხებულ სკამზე, დახუჭეთ თვალები, ასწიეთ ოდნავ ზემოთ, ღრმად ჩაისუნთქეთ და ამოსუნთქვისას, მთლად მოადუნეთ სხეული;

2.       წარმოიდგინეთ ჯგუფი, რომელთანაც გსურთ დაკავშირება;

3.       თავაზიანად მიესალმეთ მათ;

4.       ფიქრით იმსჯელეთ მათთან საქმეზე, რომლის მოგვარებაც გსურთ, შესთავაზეთ უთანხმოების ისეთი გადაწყვეტა, რომელიც მათთვისაც სასარგებლო იქნება.

5.       დაამთავრეთ ვარჯიში, დათვლით, ერთიდან ხუთამდე. იგრძენით თავი მხნედ და უკეთესად, ვიდრე უწინ.

 

სუბიექტური კავშირის გამოყენება მსოფლიო პრობლემების გადასაწყვეტად

 

ამ წიგნის დაწერის დროს, მე ვთხოვე სილვას მეთოდის შემსწავლელ კურსდამთავრებულებს, ყოველ საღამოს, ალფა-დონეზე შესვლა და შემდეგის დაპროგრამება:

·         სულ უფრო მეტ ექიმებს ემუშავათ, მხარდამხარ, სულიერ მკურნალებთან ერთად;

·         სულ უფრო მეტ სკოლაში გამოეყენებინათ სილვას მეთოდი, როგორც სასწავლო პროგრამის რეგულარული ნაწილი;

·         ხანგრძლივი მშვიდობა ცენტრალურ ამერიკაში;

·         საკმარსი რაოდენობის საჭმელი, მთელი მსოფლიოს მშიერთათვის.

ეს მხოლოდ მცირე ნაწილია, მსოფლიო პრობლემებისა, რომლებზედაც მათ უხდებათ მუშაობა. ბევრი პრობლემა, დროთა განმავლობაში, შეიქნა ნაკლებად მწვავე, ანდა საერთოდ გაქრა.

ეს არ ნიშნავს იმას, რომ თითქოს ადამიანთა მცირე რაოდენობას შეეძლოს ზემოქმედება მოახდინოს ბევრზე. მცირე რაოდენობას აქვს კრიტიკული მასა, მხოლოდ მაშინ, როცა სასწორის ჯამები გაწონასწორებულია. მაგრამ, ზოგჯერ, რამდენიმე ადამიანსაც კი შეუძლია შეიტანოს წვლილი, იმ პროცესების გადაწყვეტაში, რომლებიც აღელვებს ბევრ ადამიანს და დააჩქაროს პრობლემის გადაწყვეტა.

როგორ შეძლებთ პროგრამირებას, რათა ექიმებმა, რომლებსაც თქვენ არ იცნობთ, და ამიტომ არ შეგიძლიათ ვიზუალიზაცია, მჭიდრო თანამშრომლობა დაამყარონ სულიერ მკურნალებთან?

ერთ-ერთი ხერხია სუბიექრური კავშირი. შეგიძლიათ უბრძანოთ თქვენს ნერვულ უჯრედებს, მოძებნონ ექიმები, შეერთებული შტატების რომელიღაც ნაწილში, ანდა, სულაც მთელ ქვეყანაში. თქვენმა ნეირონებმა იციან, ვინ, ვინ არის და შეძლებენ დაკავშირებას ექიმებთან, უმაღლესი ინტელექტის დონეზე, ანუ „მეორე მხარეს“.

თქვენ გსურთ დაარწმუნოთ თქვენი თემი, რომ თქვენს რაიონში, რომელიღაც სამრეწველო საწარმოს მიერ დაწყებული მშენებლობა, შეიძლება საშიში იყოს? გააგრძელეთ კრებებზე დასწრება, გამოიყენეთ პრესა, ზეპირი და წერილობითი ფორმებით, ობიექტური კავშირისა. მაგრამ, დაუმატეთ ამას დახმარემა „მეორე მხრიდან“. ისარგებლეთ სუბიექტური კავშირით. ჩართეთ ამ საქმეში უმაღლესი ინტელექტი. თუ ქარხნისთვის შეიძლება მოიძებნოს რომელიმე ნაკლებად დასახლებული ადგილი, ყველაფერი უფრო სწრაფად მოგვარდება.

აზრობრივად, როგორ წარმოვიდგინოთ ალფა-დონეზე თქვენი თემის მთელი მოსახლეობა? წარმოიდგინეთ, რომ ყველანი შეიკრიბნენ სკოლის სპორტულ ზეიმზე, ან შეისწავლეთ თქვენი რაიონის გეგმა და შემდეგ, გაიხსენეთ ის, როცა შეხვალთ ალფა-დონეზე. თან „გააცოცხლეთ“ ადამიანები, ან თქვენი რამდენიმე მეზობელი, რომელთა ვიზუალიზაციაც შეგიძლიათ. დაე, ისინი იყვნენ მთელი თემის წარმომადგენლები.

ეს მიდგომები დაგეხმარებათ სუბიექტურად გადაუგზავნოთ თქვენი შეტყობინება სხვა სიტუაციებშიც, როდესაც გსურთ, მაგალითად:

1.       მოიპოვოთ მეტი ხმა არჩევნებზე;

2.       გაყიდოთ მეტი საქონელი, ან მომსახურება;

3.       გაანელოთ გამძაფრებული კამათი;

4.       მიიღოთ მხარდაჭერა საქველმოქმედო აქციაში;

5.      მიიღოთ პეტიციაზე მეტი ხელმოწერა.

ასევე სასარგებლოა გახსოვდეთ, მსოფლიო პრობლემები, იმის მსგავსი, რის გადასაწყვეტადაც ვთხოვეთ მონაწილეობის მიღება კურსდამთავრებულებს; და აგრეთვე, ისინი, რომლებზეც ვარჯიშობდით ბოლო ხუთ დღეს, შუადღის ვარჯიშებისას(იხ. პირველი ნაწილი).

სამწუხაროდ, ჩვენს პლანეტაზე, უამრავი პრობლემაა, რომლებიც გამოწვეულია ადამიანთა აზროვნების ექსცენტრულობით. თქვენ ყოველთვის გექნებათ მოქმედების ფართო არეალი, ისეთ საკითხებზე, როგორიცაა სიღარიბე, შიმშილი და ომები.

გახსოვდეთ ორი წესი:

1.      ურთიერთობა სიყვარულით,

2.      მთავარია, არა ის, ვინ არის მართალი, არამედ ის, რა არის სწორი.

სუბიექტური კავშირის გამოყენება ერთ ადამიანთან

პრობლემის გადაწყვეტა უნდა დაიწყოთ თქვენი პირადი ურთიერთობით. პირადი სიძნელეები შესაძლოა წარმოგეშვათ:

მეუღლესთან, ბავშვებთან, მშობლებთან, მეუღლის ნათესავებთან, სამართალდამცავ ორგანოებთან, სამუშაოს მომცემთან, თანამშრომლებთან, მეზობლებთან, მეგობრებთან.

განსაკუთრებით ეფექტურია სუბიექტური კავშირი ერთი-ერთთან, რადგან, იმის მაგიერ, რომ გააბნიოთ თქვენი გზავნილი, თქვენ გაქვთ ფოკუსში მოქცეული მიზანი, ერთი-ერთთან კავშირით. ამ დროს, თქვენ არამარტო გენახებათ ობიექტური კომუნიკაციის ყველა უპირატესობა, იმით, რომ ფიქრით „საუბრობთ“, აგრეთვე იმითაც, რომ გეხსნებათ პროგრამირების სხვა ტიპებიც, რომლებსაც ქვემოთ აღვწერ.

თქვენ უკვე ვარჯიშობდით სუბიექტურ კავშირზე, მე-16 და მე-17 საღამოს.

თუ შედეგი უცბად არ მოჰყვება, დაიცადეთ მცირე ხანს. თუ ძვრა კვლავ არ არის, გაიმეორეთ სუბიექტური კავშირი. აუცილებლად შეასრულეთ ორი წესი:

1.      ურთიერთობა სიყვარულით;

2.      გამორკვევა იმისა, რა არის სწორი.

თუ შედეგი მაინც არ გამოჩნდა, ეს შესაძლოა, გამოწვეული იყოს შემდეგი მიზეზებით:

1.       საკმაოდ ღრმად არ დუნდებით;

2.       არ ხატავთ ამ ადამიანს;

3.       არ გაქვთ შედეგის მოლოდინი;

4.      არ გიყვართ ეს ადამიანი;

5.       თქვენი წინადადება ორმხრივად სასარგებლო არ არის და პრობლემას უქმნის ამ ადამიანს.

აი, ჩამოთვლილი დაბრკოლებების გამაბათილებელი საშუალებანი:

1.       გამოიყენეთ უფრო ღრმა ტექნიკა რელაქსაციისთვის, მაგალითად, უკუღმა დათვლა, ოცდახუთიდან ერთამდე, და პროგრესული რელაქსაცია, თქვენი სხეულის ყველა ნაწილის მოდუნებისთვის, ან რელაქსაციის საყვარელი ადგილის ვიზუალიზაცია რამდენიმე წამით;

2.       ჩვენ ხშირად გვექმნება პრობლემა, ადამიანის წარმოსახვისას, ვის სახესაც მუდმივად ვხედავთ. მას ვღებულობთ, როგორც მოცემულობას. შემდეგში, როცა ნახავთ ამ ადამიანს, ყურადღებით შეისწავლეთ მისი ნაკვთები, თმები, კონტურები და კანის ფერი, იმისთვის, რომ შემდეგ, ეს დეტალები ადვილად გაიხსენოთ. ან შეისწავლეთ ამ ადამიანის ფოტო

3.       სკეპტიციზმი ყოველთვის თქვენს წინააღმდეგ მუშაობს. ეს არის წითელი შუქი, რომელიც თქვენს ტვინს უბრძანებს, უარყოს ის, რასაც აკეთებთ, რადგან ეს, თითქოს, უსარგებლოა. გახსოვდეთ, რომ თქვენი ცნობიერება გემორჩილებათ. მოლოდინი, ამ დროს, თქვენს სასარგებლოდ მუშაობს. ის, თქვენს ტვინს უნთებს მწვანე შუქს. იფიქრეთ, რა მოაქვს თქვენთვის სკეპტიციზმს? მაშინ როცა სხვები წარმატებულნი არიან, თქვენ მათ ჩამორჩებით.

4.       როცა მეორე ადამიანის მიმართ ნეგატიური გრძნობები გაქვთ, ძნელია დაემორჩილოთ პირველ წესს, ესე იგი სიყვარულით მოექცეთ ამ ადამიანს იმისთვის. რომ გადახვიდეთ მტრობიდან სიყვარულზე, უნდა დაძლიოთ შუალედური სტადია, პატიება. შედით ალფა-დონეზე და მოიწვიეთ ეს ადამიანი რელაქსაციის საყვარელ ადგილზე, აპატიეთ მას, და სთხოვეთ მას პატიება.

5.       ეჭვი არ არის, რომ ცვლილებები, რომლის მიღწევაც გსურთ, სასარგებლოა თქვენთვის. მაგრამ, სარგებლიანია, თუ არა ის მეორე ადამიანისთვის? თუ, არა, მას უქმნით პრობლემას და მეთოდი არ იმუშავებს. გადასინჯეთ თქვენი წინადადება და შეცვალეთ ის ისე, რომ გაკმაყოფილებდეთ ორივეს.

გათიშულობა „ამ მხარეს“

სუბიექტური კავშირი მუშაობს. თქვენ არასოდეს „აკრეფთ ნომერს შეცდომით“. უთანხმოება წესრიგდება, ურთიერთობა უმჯობესდება.

სემ ტ-მ წარმატებით გამოიყენა ის, თავისი შფოთიანი ცხენის მიმართ. ინდიელები ხშირად იყენებენ სუბიექტურ კავშირს გარეულ ცხენებთან. ახერხებენ მათ მოთვინიერებას და მათზე ჯდომას დეზების გარეშე.

მორტონ მ-მ სუბიექტური კავშირი გამოიყენა თავის საქმიან პარტნიორთან, მას მოუწოდა მეტი ყურადღება მიექცია ბიზნესისთვის, რათა გაეზარდა შემოსავალი და მიეცა მეტი თავისუფალი დრო კომპანიონებისთვის. და ამან იმუშავა.

სუბიექტური კავშირი ეფექტურია, ის მუშაობს, რათა მსოფლიო გახადოს უკეთესი და თუ მას წარმატებით გამოიყენებთ, მისით სარგებლობა შეუძლია მთელ ერს. წარმოიდგინეთ, როგორ დაეხმარებოდა დიპლომატებს მეტი ურთიერთგაგებისთვის, სახელმწიფოების ხელმძღვანელებს, დაძაბულობის შესამსუბუქებლად, მტრული დამოკიდებულების შეცვლისა და ომების თავიდან ასაცილებლად.

„მეორე მხარეს“ ახასიათებს ერთიანობა, ჩვენს სამყაროს კი, გათიშულობა. რაც უფრო სუსტია გათიშულობის შეგრძნება, მით უკეთესი. როცა გრძნობთ ერთიანობას რაიმესთან, თქვენ იწყებთ მოძრაობას უპირატესობის გრძნობით და უმეტეს წილად, იმარჯვებთ. სხვა სიტყვებით, ფიზიკურ სამყაროში, აუცილებელია მოვიქცეთ, რაც შეიძლება უფრო, სულიერად. უნდა შევეცადოთ ვიცხოვროთ გათიშულობის და პოლარულობის ტენდენციის საწინააღმდეგოდ. უნდა გავაკეთოთ ის, რაც სწორია, მთელი ჩვენი ძალისა და უნარების გამოყენებით. უნდა ვიყოთ უფრო სრული ადამიანები.

რას ვგულისხმობთ, როცა ვამბობთ, რომ გავხდეთ უფრო მეტად ადამიანები? იგულისხმება, თუ არა, მორალი და ეთიკური სტანდარტები, რომლებიც დადგენილია ხელისუფლებისა და რელიგიის მიერ, პოლიტიკოსებისა და მღვდლების მიერ? საუკუნეების მანძილზე ქცევის ნორმები იცვლებოდა. ძველი აღთქმა გვეუბნება: თვალი, თვალისა წილ; კბილი, კბილისა წილ. ახალი აღთქმის მიხედვით კი, ეს წესები არ გამოიყენება. და ჩვენ ბოროტებაზე უნდა ვუპასუხოთ სიკეთით, ერთიანობით.

ჩვენს დროში, იქმნება კანონები, რომლებიც თავისებურად ხსნის სიტყვების მნიშვნელობას: „სწორია“ და „არასწორია“. თითქოს, არც ეს იყოს საკმარისი, სასამართლო სისტემასაც შეაქვს თავისი კორექტივები. მაშ, როგორღა გავარჩიოთ სწორი, არასწორიასგან? უნდა ვენდოთ, თუ არა, ადამიანებს, რომლებიც აცხადებენ თავს, ჩვენს მორალურ ლიდერებად, როდესაც ვხედავთ, რამდენ ასეთ, თვითგამოცხადებულ, ლიდერს, უკანასკნელ წლებში, მოუხდენია საკუთარი თავის დისკრედიტირება? ვის ვენდოთ?

არსებობს კი ეტალონი, რომელიც დაგვეხმარება განვსაზღვროთ, რა არის სწორი, რა უნდა გავაკეთოთ, ამა თუ იმ პრობლემის გადაწყყვეტისას? ჩვენ აღმოვაჩინეთ მხოლოდ ერთი საიმედო ტესტი, რომლითაც შეგვიძლია ვისარგებლოთ, გადაწყვეტილების მიღებისას, და ეს ტესტია, ჰკითხო თავს: შეძლებს, თუ არა შემოთავაზებული გადაწყვეტა არსებული პრობლების გამოსწორებას, ისე, რომ არ წარმოქმნას ახალი. როცა გიხდებათ რთული გადაწყვეტილების მიღება, დაუსვით თქვენს თავს ეს შეკითხვა. თუ თქვენ გიხდებათ ასეთი გადაწყვეტილების მიღება, რომელიც გეჩვენებათ შეუძლებლად, შედით ალფა-დონეზე და ეს დაგეხმარებათ. შემდეგ, გააანალიზეთ პრობლემა ალფა-დონიდან, შეგიძლიათ დაინახოთ პრობლემა უფრო მაღალი პერსპექტივიდან და შეძლებთ გათავისუფლდეთ შიშის, გაღიზიანებისა და ბრაზისგან.

გაითვალისწინეთ, რომ უნდა იქნეს ნაპოვნი ყველასთვის უკეთესი გადაწყვეტა. მიიღეთ გადაწყვეტილება ალფა-დონეზე, დარწმუნებულმა, რომ თქვენ აკეთებთ ყველაფერს, რათა ჩვენი პლანეტა გადავაქციოთ სამოთხედ. ეცადეთ იყოთ, არა პრობლემის ნაწილი, არამედ გადაწყვეტის ნაწილი.

 

პასიური და დინამიური მედიტაცია

ამ წიგნში, მე გაძლევთ ხერხებს, „მეორე მხარესთან“ დასაკავშირებლად, კონკრეტული მიზნებისთვის. მაგრამ, ასევე, შესაძლებელლია კონტაქტის დამყარება, უბრალოდ, კონტაქტისთვის, კავშირის შენარჩუნების მიზნით. ყველაფერი, რაც ამისთვის გჭირდებათ, არის ალფა-დონეზე შესვლა და ერთხანს იქ დარჩენა.

როგორც ვთქვით, ალფა-დონეზე შესვლით მიღწეული მედიტაცია საუკეთედო ხერხია უმაღლეს „მესთან“ კონტაქტის დასამყარებლად. ამისთვის, ორი მიზეზია:

1.       გადასვლა ალფაში მედიტაციისთვის, ააქტიურებს ჩვენი ტვინის მარჯვენა ნახევარსფეროს, ჩვენს უმაღლეს „მე“-სთან დაკავშირების საშუალებას;

2.       ალფაში გადასვლა აადვილებს კავშირს უმაღლეს „მე“-სა და ჩვენს ცნობიერ გონებას შორის.

ამიტომ, მედიტაცია ალფაში გადასვლის საშუალებით, სასიკეთოა მაშინაც, თუ იქ შედიხართ, არა იმიტომ, რომ რაღაც გააკეთოთ, არამედ, იმისთვის, რომ იყოთ იქ, ერთხანს.

ადამიანთა ნახევარიც კი, რომელიც მედიტირებს, ვერ აღწევს ალფა-დონეს. ისინი იყენებენ ყველა შესაძლებელ ხერხს, რომ მიაღწიონ მედიტაციურ მდგომარეობას. უსმენენ ხმას, ან იმეორებენ სიტყვებს, რომელიც იწოდება მანტრად, ან აკმევენ საკმეველს, ან სხედან სტატუის ფეხებთან. ის მიდგომებიც კი, რომლებიც გულისხმობს ფიზიკურ და სულიერ რელაქსაციას, მიბმული აქვთ რაიმე აქტთან. მაგალითად, თვალმოუშორებლად უყურებენ ანთებულ სანთელს, ან ერთ, რაიმე აზრზე არიან კონცენტირებულნი.

ჩემი გამოცდილებით, არ არის საჭირო, იყურებოდე სადღაც, არც კონცენტრირება, რადგან ამით, უფრო მეტად ხდება რელაქსაციიდან ყურადღების გადატანა.

მედიტაციისთვის ეფექტურ ხერხს პოულობენ ის ადამიანები, რომლებმაც იციან ალფაში შესვლა და ერთხანს იქ დარჩენა.

ნებისმიერი მედიტაცია, ალფაში ჩატარებული, რეგულარულად, ამდიდრებს გონებას, ნათელს ხდის ცნობიერებას, ბიძგს აძლევს შემოქმედებას. აძლიერებს იმის ცოდნას, რა არის სწორი და რა აკავშირებს დედამიწასთან მიბმულ „მე“-ს, უმაღლეს „მე“-სთან.

მოცემული წიგნი გაჯერებულია ცხოვრების გაუმჯობესების ხერხებით, ალფა-დონის განსაკუთრებული გამოყენების გზით. ეს არის, სწორედ, დინამიური მედიტაცია. ის, არ არის პასიური მედიტაციის შემცვლელი, უფრო სწორად, ავსებს მას. თუ თქვენ აკეთებთ მედიტაციას, გააგრძელეთ. ის კვებავს პიროვნების ზრდას და სულიერებას.

შემდეგ კი, გამოიყენეთ დინამიური მედიტაცია, პრობლემების გადასაწყვეტად, მიზნების მისაღწევად, ადამიანთა ურთიერთობის განსამტკიცებლად, ჯანმთელობის გასაუმჯობესებლად და სიუხვით დასატკბობად.

ამ წიგნის წაკითხვამდე, თუ არასოდეს მედიტირებდით, და ახლა სწავლობთ სილვას მეთოდს, მიზნების მისაღწევად, კარგი იქნება, თუ დროდადრო შეხვალთ ალფა-დონეზე და დაჰყოფთ იქ, მცირე ხანს. შეგიძლიათ, ამ დონეზე, რამდენიმე წუთიანი პასიური მედიტაცია გააკეთოთ. უბრალოდ, იმისთვის, რომ დატკბეთ ამით.

 

არასასურველი საქციელის გამოსწორება

სუბიექტური კავშირი კარგ შედეგს იძლევა, მაშინ, როცა ობიექტური ურთიერთობა შესაძლოა, აღმოჩნდეს წარუმატებელი. მაგალითად, ობიექტურმა ურთიერთობამ, საეჭვოა, გვიშველოს მაშინ, როცა ადამიანი ვერ სწავლობს სწრაფად სამუშაოს შესრულებას.

– გამოცოცხლდი! – დაჟინებით მოითხოვთ თქვენ.

– რაც შემიძლია, ვაკეთებ.

– ეს საკმარისი არ არის!

დაანებეთ თავი უნაყოფო ძალდატანებას, შეცვალეთ ის პირდაპირი პროგრამირებით.

როგორ დავაპროგრამოთ პირდაპირ?

1.       შედით ალფაში;

2.       წარმოიდგინეთ ადამიანი(შესაძლოა ეს თქვენ ხართ, ან ვინმე სხვა), პრობლემასთან ერთად;

3.       გადაიტანეთ სურათი ოდნავ მარცხნივ და „დაინახეთ“ ეს ადამიანი, მდგარი, გაზიანი წყლის ავტომატთან, ან საღეჭი რეზინის ღეჭვისას, ან დაკავებული, რაიმე სხვა საქმით, რომელსაც ის ხშირად ასრულებს. ახლა, „დაინახეთ“, რომ სამუშაოს უკეთ ასრულებს;

4.       გადაიტანეთ სურათი კიდევ მარცხნივ და „დაინახეთ“ ეს ადამიანი, სამუშაოს შესრულებისას. ახლა ის ასრულებს სამუშაოს ოსტატურად;

5.       დაამთავრეთ მეცადინეობა.

ახლა, აგიხსნით, ამ ნაბიჯების მნიშვნელობას.

წაიკითხეთ ეს ახსნა, ვიდრე დააპროგრამებდეთ თქვენს თავს, ან სხვას.

როცა გესმით, რას აკეთებთ, იღებთ ტვინის მარცხენა ნახევრის თანხმობას და მხარდაჭერას. თუ არა და, თქვენმა მარცხენა ნახევარსფერომ, თავისი ლოგიკით, შესაძლოა, ხელი შეგიშალოთ და ამით, თქვენი რწმენის და მოლოდინის დონე დასწიოს.

პირველი და მეხუთე ნაბიჯები, გასაგებია, ეს უნდა გახდეს თქვენთვის ისევე ბუნებრივი, როგორც, სუნთქვა. მაგრამ, მეორე, მესამე და მეოთხე ნაბიჯებს შემოჰყავს სამი ახალი ფაქტორი: მენტალური სახე, გადაადგილება მარცხნივ და რაიმე საქმიანობა, რომელსაც ეს ადამიანი, დღეში რამდენჯერმე, უთუოდ, ასრულებს.

ჩვენ ვიყენებთ სამ სახეს, რამდენადაც უნდა მოვახდინოთ პრობლემის იდენტიფიცირება. ამას ვაკეთებთ პირველი სურათის დახმარებით, რითაც მენტალური კომპუტერის ყურადღებას ვიპყრობთ მომავალი ამოცანისთვის. ასევე, აუცილებლად უნდა შევიტანოთ ცვლილება და მიზეზობრივი ფაქტორი, ასეთი ცვლილებისა. ამას ვაკეთებთ, მეორე სურათის დახმარებით. ვხედავთ, როგორ იწყება გამოსწორება, იმისა რასაც ეს ადამიანი აკეთებს. დაბოლოს, უნდა დავინახოთ გადაწყვეტა, მიზანი, რომლის მიღწევაც გვსურს: ადამიანის არასასურველი მოქმედება გამოსწორებულია.

მიზეზი იმისა, რომ ხატს გადავაადგილებთ ოდნავ მარცხნივ, არის ის, რომ მარცხენა მხარე განასახიერებს მომავალს, მარჯვენა, წარსულს. როდესაც ადამიანი ჰიპნოთერაპიის დროს რეგრესირდება წარსულში, მას აქვს ტენდენცია, გადაიხაროს მარჯვნივ, სკამზე. როცა ვატარებდი ცდას ჩემს შვილებზე, ისინი ყოველთვის იხრებოდნენ მარჯვნივ, წარსულში ყურებისას. ზოგჯერ ისინი გადამყავდა მომავალში, და მაშინ, ისინი იხრებოდნენ მარცხნივ. ამიტომ, სურათს გადავაადგილებთ ოდნავ მარცხნივ, როდესაც გვსურს მივიღოთ შედეგი, უახლოეს მომავალში.

ახლა, წყლის სმის, რეზინის ღეჭვის, ან სხვა საქმიანობის შესახებ: ამ სახით ვაძლევთ გაუმჯობესების ბრძანებას, ჩვენს მენტალურ კომპუტერს, ყოველთვის, როცა ამ კონკრეტული საქმიანობით არის დაკავებული ადამიანი. გაზიანი წყლის ავტომატი გამშვები ფაქტორია, რეზინის ღეჭვასაც შეუძლია ემსახუროს ბიძგს. უნდა დაუკვირდეთ ადამიანს და გამოარკვიოთ, მისთვის ყველაზე უკეთესი გამშვები მექანიზმი. ეს შესაძლოა იყოს:

წყლის სმა; გაზეთის კითხვა; ტელევიზორთან ჯდომა; დაბანა; დავარცხნა; კოსმეტიკის დადება.

ახლა, როცა პროცედურა გასაგებია, თქვენ მზად ხართ წარმატებით გამოიყენოთ ის. გახსოვდეთ, პროგრამირება მუშაობს, მხოლოდ პრობლემის გადაწყვეტაზე, და არა მის შექმნაზე. მაგალითად, ის არ იმოქმედებს ადამიანის სიგარეტის, ალკოჰოლის, ან ნარკოტიკებისკენ მიდრეკილებაზე, რამდენადაც, ამ საქმეში ჩართული ქიმია წარმოშობს პრობლემებს.

 

უკეთესი დროის შერჩევა სხვა ადამიანის დაპროგრამებისთვის

თქვენი თავი შეგიძლიათ დააპროგრამოთ ნებისმიერ დროს, ის ყოველთვის ხელსაყრელი იქნება. როცა შედიხართ ალფა-დონეზე, თქვენი კომპუტერი, ამისთვის, მზად არის. ხოლო, თქვენი ტვინის მარჯვენა ნახევარი გაფრთხილებულია, რომ აუცილებლად დააკავშიროს თქვენი კომპუტერი, „მეორე მხარის“ დიდ კომპუტერთან.

მაგრამ, სხვა ადამიანის დაპროგრამებისას, რომელიც თქვენგან რაღაც მანძილზეა, და დაკავებულია რაიმეთი, საქმე სხვაგვარადაა. გაიხსენეთ დაკავშირების გზა: თქვენი ცნობიერი გონება –> თქვენი ზეცნობიერი გონება –> მიმღების ზეცნობიერი გონება –> მიმღების ცნობიერი გონება. თუ ეს სხვა ადამიანი საქმიან შეხვედრაზეა, არემონტებს მანქანას ან კამათობს ვინმესთან, მისი ტვინის მარჯვენა ნახევარი აქტიური არ არის, და შესაბამისად, არც პროგრამირებაა ეფექტური.

ჩვენ აღმოვაჩინეთ, რომ სხვა ადამიანის დაპროგრამებისთვის უკეთესი დრო ღამეა. მაინც, ღამის რომელ დროს? ეს იცის თქვენმა მარჯვენა ნახევარსფერომ, უმაღლესი „მე“-ს მეშვეობით, ასე, რომ მას მიანდეთ.

 როგორ მივეხმაროთ მარჯვენა ნახევარსფეროს მიიღოს გადაწყვეტილება? დააპროგრამეთ შემდეგი ნაბიჯები:

1.       დასაძინებლად დაწოლის შემდეგ, შედით ალფა-დონეზე;

2.       ფიქრით უთხარით თავს: „მინდა გავიღვიძო საუკეთესო დროს, რათა დავაპროგრამო (სახელი), და მე გავიღვიძებ ამ დროს“;

3.       დაიძინეთ ალფა-დონიდან;

4.      როცა გაიღვიძებთ ღამე, პირველად, ეს იქნება საუკეთესო დრო. შედით ალფაში და შექმენით სამი სურათი;

5.       კვლავ დაიძინეთ ალფა-დონიდან.

საქციელის ზოგიერთი დამახასიათებელი ღრმად არის ჩამჯდარი ადამიანის ხასიათში და შესაძლოა, მოითხოვის განმეორებითი დაპროგრამება. საკმარისია პროგრამირება ჩატარდეს, ღამეში ერთხელ, რამდენიმე ღამის განმავლობაში.

 

უნდა ვთხოვოთ თუ არა ნებართვა, ვიდრე დავეხმარებოდეთ სხვა ადამიანს

ბევრი ადამიანი ეჭვობს, სხვა ადამიანისთვის დახმარების გაწევის ეთიკურობაზე, იმ ადამიანის წინასწარი თანხმობის გარეშე. ისინი ამბობენ, რომ ცვლილებები და კორექტივები, სხვა ადამიანის სხეულში, რაზეც შემდეგ თავში გვექნება საუბარი, ან მის გონებაში, არის თავისებური ცდა, რომელიც ამ ადამიანს უკარგავს შანსს, ისწავლოს საკუთარი ცხოვრების გამოსწორება.

ჩვენს მიერ ათწლეულობის მანძილზე ჩატარებული გამოკვლევები მოწმობს, რომ ჩვენი მიზანი, ამ პლანეტაზე, არის შემოქმედების დასრულებაში დახმარება.

თუ შემოქმედება უნდა იქნეს დამთავრებული, თუ ჩვენი პლანეტა უნდა გადაიქცეს სამოთხედ, ამაში ჩვენ უნდა მივიღოთ მონაწილეობა. ადამიანები ლოცულობენ დახმარებისთვის, ობიექტურად და სუბიექტურად. ჩვენ გაცნობიერებული გვაქვს მათი გაჭირვება, პირდაპირ, ან ირიბად, თვით მათგან, ან სხვა ადამიანებისგან გადმოცემით. ნუთუ ამ დროს უნდა ვთქვათ: არა, დაეხმარეთ თქვენს თავს თვითონ! იმისთვის, რომ ჩვენ თავზე მოვიწიოთ ზუსტად ასეთივე პასუხი, როცა ჩვენ დაგვჭირდება დახმარება?

ჩვენ ყველანი, ერთ ადამიანურ ოჯახს შვადგენთ, ყველანი მჭიდროდ ვართ დაკავშირებულნი. რომ შეგეძლოთ შეიმეცნოთ, რამდენად მჭიდროა ეს კავშირი, დაინახავდით, რომ სხვების დახმარებით, ეხმარებით თქვენს თავს. ჩვენ ერთ მთელს შევადგენთ.

ჩვენ არ შეგვიძლია ვავნოთ ადამიანს, დახმარებით.

ზიანის მიყენება შეუძლია ფიზიკურ ძალას. მენტალურად კი, ვიყენებთ სულიერ ძალას. მას მხოლოდ დახმარება შეუძლია. ჩვენ მეცნიერულად დავამტკიცეთ, რომ სუბიექტურად ფოკუსირებული ენერგია არის შემოქმედი და არა, დამანგრეველი. სულიერი ძალა არ აზიანებს, მას მხოლოდ სიკეთე მოაქვს.

ეს სამართლიანია, როგორც მათ მიმართ, ვისაც ეხმარებიან, ასევე, მათ მიმართაც, ვინც ეხმარება. სილვას მეთოდის შემსწავლელთა მილიონობით კურსდამთავრებულებზე დაკვირვებით, ვხედავთ, რომ ადამიანები, რომლებიც მეტად ეხმარებიან, თვითონაც მეტად იფურჩქნებიან.

თუ მაინც ეჭვი გეპარებათ, გთავაზობთ, არ დააპროგრამოთ ადამიანი მისი თანდასწრებით, გააკეთეთ ეს, რაღაც მანძილიდან. ამ მანძილს დავაზუსტებთ შემდეგ თავში, ჯანმრთელობის კორექტირების შესწავლისას. იმისთვის რომ არ შეშფოთდეთ, პროგრამირების დასაწყისში, ფიქრით განაცხადეთ: დაე, შესრულდეს, ის რაც საუკეთესოა, ან, დაე, იყოს ნება ღვთისა.

 

„ჭიქა წყლის“ ტექნიკა

შეგიძლიათ დააპროგრამოთ სხვა ადამიანები, ცხოველები და უსულო საგნებიც კი. თქვენი სახლის კედლები თქვენი და თქვენი ოჯახის წევრების ვიბრაციების მიმღებია. თქვენი ენერგეტიკული ველი, ანუ აურა, თქვენს ვიბრაციებს გადასცემს კედლებს, ავეჯს და სხვა საოჯახო ნივთებს. შედით უცხო სახლში და მაშინვე იგრძნობთ განსხვავებას.

ცხოვრების ყველა დონის და ფიზიკური მატერიის პროგრამირების უნარი, ამ პლანეტაზე, მხოლოდ ადამიანებს გააჩნიათ. მაშასადამე, ივარაუდება, რომ ჩვენ გამოვიყენებთ მას.

ჩვენ ვიპოვეთ ამ უნარის გამოყენების ერთი ხერხი, უსულო საგნის მიმართ, რთული პრობლენის გადაწყვეტისას. ამას ვუწოდებთ, ჭიქა წყლის ტექნიკას. ჯერ აგიხსნით, როგორ კეთდება ეს. შემდეგ კი, გიამბობთ, თუ რატომ ვფიქრობთ, რომ ეს მეთოდი მუშაობს.

საღამოს დასაძინებლად დაწოლის წინ, აავსეთ ჭიქა, წყლით; დახუჭეთ თვალები, ასწიეთ ოდნავ ზემოთ და მოსვით ნახევარი ჭიქა წყალი. ამასთან, ფიქრით თქვით: სულ ეს არის, რაც საკმარისია, რათა გადავწყვიტო პრობლემა, რომელიც მტანჯავს. დადგით ჭიქა მაგიდაზე და დააფარეთ. დაწექით და დაიძინეთ. დილით, გაღვიძებისთანავე, გაიმეორეთ პროცედურა და დალიეთ წყალი, ბოლომდე.

ამ დროს, თქვენ არ გჭირდებათ ალფა-დონეზე შესვლა.

პასუხი შეიძლება მოვიდეს ძილში, იმავე ღამეს. თუ ასეა, მაშინ დარჩენილი წყლის დალევისას, გადაიხადეთ მადლობა. შეიძლება, პასუხი მოვიდეს, მეორე დღეს, უეცარი გაელვების სახით, ან თქვენ შეხვდებით თქვენთვის საჭირო ადამიანს.

როგორ მუშაობს ეს? ამის შესახებ, მკვლევართა შორის, სრული თანხმობა არ არის. ფსიქოლოგები ვარაუდობენ, რომ როდესაც დახუჭული თვალებით სვამთ წყალს, ტვინი აღეგზნება, დამცავი მექანიზმი ყურადღებას ამახვილებს, რათა განსაზღვროს, რა ხდება, რა გადაყლაპა სხეულმა, ეს ხსნის გონებას ეფექტური პროგრამირებისთვის.

ჰერმესი, ცნობილი სახელია ძველბერძნულ და ეგვიპტურ ისტორიაში. მისი სწავლებანი ისეთი გულმოდგინებით ინახებოდა, რომ ახლაც კი გამოიყენება, მის მიერ შემოღბული ტერმინები. მაგალითაად, „ჰერმეტულად დაბეჭდილი“. ორივე გაჯიბრებული კულტურა ჰერმესს აღიარებს ღმერთად. ჰერმესის ერთ-ერთი სწავლება, რომელიც მიზნის მისაღწევად, ან გადაწყვეტილების მოსაძებნად გამოიყენებოდა, იყო ღვინით სავსე ჭურჭლის ხელში აღება და ფიქრით „დახატვა“, მიზნის, ან გადაწყვეტის გზის. ამის შემდეგ, დალეულ ღვინოს ეს ფიქრი მიჰქონდა ტვინის უჯრედებთან.

ზოგიერთ მეცნიერს სჯერა ის, რაც სჯეროდა ჰერმესს. ღვინო პროგრამირდება, ისე, რომ გაახსენოს ტვინის მარჯვენა ნახევარს, რათა მან გააგრძელოს პრობლემის გადასაჭრელად აუცილებელი ინფორმაციის ძიება, იმისგან დამოუკიდებლად, ღვიძავს ადამიანს, თუ სძინავს.

განსვენებულ ოლგა უორელს, სულიერ მკურნალს, რომელიც სიცოცხლის ბოლო წლებში ბევრ დროს უთმობდა პრესტიჟულ კვლევით ინსტიტუტებთან თანამშრომლობას, ჰქონდა უნარი, ხელისგულებში დაჭერილი წყლისთვის შეეცვალა სპექტოგრაფული მახასიათებლები, ანუ ზემოქმედებდა წყლის მოლეკულურ სტრუქტურაზე.

ღირს იმაზე დაფიქრებაც, რომ ჩვენი ორგანიზმის, დაახლოებით, სამი მეოთხედი წყალია . ასე, რომ მასთან მჭიდრო კავშირი გვაქვს.

ფსიქიკური უნარების დემონსტრირება, წყლის მიმართ, უფრო ადვილია. ამერიკის შეერთებულ შტატებში, ლერწით წყლის მძებნელი ათასამდე ადამიანია, რომლებსაც შეუძლიათ მიწის ქვეშ წყლის მოძებნა, ორ ტოტად გაყოფილი ლერწის დახმარებით. მათ წინ უჭირავთ ლერწი და მიაბიჯებენ ნელა. ამ მეთოდით აგნებენ მიწის ქვეშ დამალულ წყალს. თუ ხვდებით, როგორ მუშაობს ეს მეთოდი, მაშინ ნაწილობრივ მაინც გაიგებთ, როგორ მუშაობს „ჭიქა წყლის“ ტექნიკა.

არის ამ საკითხისადმი რამდენიმე უფრო მეცნიერული მიდგომაც, რომელსაც ახლა, აქ არ განვიხილავთ.

ჩააწვეთეთ წყლიან ჭიქაში ლიმონის წვენის რამდენიმე წვეთი. დაიკავეთ ჭიქა ორივე ხელის საჩვენებელი თითებით. დანარჩენი თითები კი ოდნავ გაშალეთ. ამ დროს „ჭიქა წყლის“ ტექნიკა უფრო ეფექტურად მუშაობს.

ლიმონის წვენი მჟავაა და წყალს ხდის უფრო მაღალი ხარისხის ელექტროლიტად, ეს იმას ნიშნავს, რომ წყალი უკეთ ატარებს ენერგიას. ეს ენერგია ფსიქოტროპულია, ცნობიერების ენერგიაა, რომელიც გამოიყენება პროგრამირებისას და პროექტირდება თქვენი საჩვენებელი თითებით. თუ ჭიქა წყალი გიჭირავთ ერთი ხელით, მშვენიერია, მაგრამ, ორი ხელით, უკეთესია. ხოლო, როცა შლით თითებს, ამით მეტი რაოდენობის ენერგიას გადასცემთ წყალს.

„ჭიქა წყლის“ ტექნიკა ერთ ჯერზე, მხოლოდ ერთი ამოცანისთვის გამოიყენეთ. როცა მოვა პასუხი, მაშინ შეგიძლიათ გამოიყენოთ ის, სხვა პრობლემისთვისაც.

თუმცა, ამ ტექნიკას მრავალმხრივი გამოყენება აქვს, ის განსაკუთრებით ღირებულია ადამიანთა ურთიერთობისთვის. ხდებით უფრო შორსმჭვრეტელი და უნარი შეგწევთ მიიღოთ სწორი გადაწყვეტილებები, რაც გეხმარებათ გააუმჯობესოთ ადამიანებთან ურთიერთობა.

 

დაწყებითი გეგმა

მოგიწოდებთ, მიჰყვეთ ამ თავში გადმოცემულ ინსტრუქციებს და გამოიყენოთ ყველა შესაძლებლობა, ადამიანებთან ურთიერთობის გასაუმჯობესებლად. ნუ გააღრმავებთ და გაართულებთ პრობლემებს. გადაწყვიტეთ, სანამ პატარაა და ადვილია, მათი აღმოფხვრა.

იყავით მაქსიმალურად სულიერი და, რამდენადაც შეგიძლიათ, კარგი ადამიანი. ხოლო, შემდეგ, სუბიექტური კავშირის დახმარებით, ან პირდაპირი პროგრამირებით, შეასწორეთ არასასურველი სიტუაციები. არ დაგავიწყდეთ „ჭიქა წყლის“ ტექნიკაც.

 ბიბლიის შესაქმის ისტორიის ჩემეული ინტერპრეტაციით, მოხდა ისე, რომ, რაც დაგეგმილი იყო, შექმნილია, მაგრამ, ყველაფერი, რაც შექმნილია, არ არის დამთავრებული.

შემოქმედმა გააკეთა სამუშაოს ექვსი ნაწილი და დაამზადა ნედლეული, რომლისთვისაც შეეძლოთ მიეცათ ფორმა, განვითარებად არსებებს. სახელდობრ, მათი დანიშნულებაა დაამთავრონ სამუშაოს მეშვიდე ნაწილი, იმისდა მიხედვით, როგორ დახვეწენ თავიანთ შემოქმედებით უნარებს.

და თქვა შემოქმედმა: მე არ მივატოვებ ამ განვითარებად არსებებს, მაგრამ, არ შევასრულებ სამუშაოს, მათ ნაცვლად, რადგან მათ უნდა ისწავლონ გააკეთონ თვითონ, რათა მომავალ საუკუნეებში გახდნენ ჩემი დამხმარეები.

მაგრამ, ყველაფერი არ იყო კარგად, რამდენადაც განვითარებად არსებათა უმრავლესობა მეტისმეტად მიჯაჭვული აღმოჩნდა მასზე, რაც იყო შექმნილი და არ ავითარებდა თავის თავში უნარს, არსებულის სრულყოფისთვის და ამით, თავისი თავის განვითარებისთვის.

და მაშინ, შემოქმედმა, მსოფლიოში დასახლებულ არსებებს, გაუგზავნა ინსტრუქციები და ურჩია მათ მოეძებნათ სხვა საჩუქრებიც, რომლებიც დაუშვა მათთვის, რომ ისინი, ასე არ ყოფილიყვნენ მინებებული ფიზიკურ სამყაროს, რომ არ დაევიწყებინათ თავიანთი წმინდანობის შესახებ, ანუ კავშირი უხილავ, სულიერ შემოქმედთან.

– ეძიეთ სულიერ სამყაროში, – ურჩია მათ შემოქმედმა. – დახუჭეთ დროდადრო, თვალები, რათა ფიზიკური სამყაროს მიმზიდველობამ არ დაგაბრმაოთ. და ამით, აღმოაჩინეთ თქვენი ჭეშმარიტი ბუნება, რომელიც უხილავია, სულიერია, წმინდაა. რომელზედაც ნათქვამია: წარმოქმნილია ღვთიურისგან და ეკუთვნის ღვთიურს.

და მოხდა ისე, რომ უფრო მეტმა განვითარებადმა არსებამ დაიწყო შესვლა უხილავ, სულიერ სამყაროში, სადაც მათ აღმოაჩინეს თავიანთი ჭეშმარიტი ბუნება, თავიანთი სიწმინდე, შემოქმედებითი უნარები.

და სულ უფრო მეტი, განვითარებადი არსებებისა, ახლა იწყებს თავის შემოქმედებითი უნარების გამოყენებას, რითაც ეხმარება შექმნილის სრულყოფას. ამით, მათ შეუძლიათ აიღონ პასუხისმგებლობა და გახდნენ შემოქმედის დამხმარეები, როგორც ეს იგეგმებოდა.

როცა შემოქმედი დაინახავს, რომ ეს იწყება, ის დაუშვებს მადლს, სამყაროზე, და დალოცავს მათ საქმიანობას, ვინც ცხოვრობს ისე, როგორც ეს თავდაპირველად იგეგმებოდა.

მე აღფრთოვანებული ვარ თქვენით, რადგან თქვენ სწავლობთ საკუთარი თავისა და სხვების მიმართვას, ჯანმრთელობისა და სიცოცხლის წყაროსკენ.

 

თავი 9

დახმარება „მეორე მხრიდან“, ჯანმრთელობის გასაუმჯობესებლად

„ის მხარე“ არის სიცოცხლის წყარო. „ ეს მხარე“, სიცოცხლის შემოკლების წყარო, რამდენადაც აქ არის ავადმყოფობები, დაბერება და სიკვდილი. ამგვარად, სიცოცხლე ფიზიკურ სამყაროში, ფატალურია. მაგრამ, მაინც, ჩვენ შეგვიძლია გადავდგათ ნაბიჯები, რომლებიც აგვაცილებს ავადმყოფობებს, ან შეამცირებს მათ რიცხვს და გააუმჯობესებს ჯანმრთელობას. ეს თავი მოგითხრობთ, როგორ გააკეთოთ ეს.

ფიზიკურ სამყაროში არის ერთი მტერი, რომელიც დროთა განმავლობაში, ჩვენ გამოგვწოვს სიცოცხლის წვენს. ის უფრო მეტად იწვევს ავადმყოფობებს, ტანჯვას და სიკვდილს, ვიდრე სხვა რაიმე. ის ანგრევს ურთიერთკავშირს, ბადებს ფსიქიკურ და ემოციურ დარღვევბს, ზღუდავს უნარს, ეწინააღმდეგება წარმატებას და ხელს უწყობს ჯანმრთელობის მრავალ პრობლებას. თუ ცდილობთ ამ მტერთან ბრძოლას, მასთან ომს, ამით მას აძლევთ მეტ ძალას. მაგრამ, მისი დამარცხება შეიძლება ყოველგვარი ძალის გარეშე, მოდუნებით. ეს მტერი სტრესია. ანუ უფრო ზუსტად, დისტრესი, ე. ი. გადაღლა, გამოფიტვა, შეუძლოდ ყოფნა, დაქანცვა.

ექიმებმა აღმოაჩინეს, რომ უზომო სტრესი ბევრი ავადმყოფობის საფუძველია. ამიტომ, სილვას მეთოდი დამუშავებული იქნა, როგორც სტრესთან ბრძოლის, ერთ-ერთი, უფრო მეტად ეფექტური, საშუალება.

პირველი ხუთი დღის ვარჯიშებისას, თქვენ ისწავლეთ მოდუნება. როცა წარმოიდგენდით-ხოლმე, თუ როგორ გადის დაძაბულობა თქვენი სხეულის სხვადასხვა ნაწილიდან, იხსნიდით სტრესს. სხეულს აიძულებდით მოდუნებას, რელაქსაციის საყვარელი ადგილის გახსენებით.

როცა აკეთებთ რაიმეს, თქვენი ტვინი იმახსოვრებს მას. და როცა ისევ გაიხსენებთ ამ ქმედებას, ტვინი აღადგენს პირობებს, რომელიც იყო მაშინ. თუ იხსენებთ ადგილს, სადაც დუნდებოდით, ამით იხსნით დაძაბულობას.

მოდუნებას ეხმარება ღრმა სუნთქვა. ჩაისუნთქავთ ღრმად, რითაც სხეული ივსება ჟანგბდის ენერგიით, ხოლო ამოსუნთქვისას, დუნდებით. შეიძლება, ითქვას, რომ შვებით ამოისუნთქავთ. როცა მოდუნებული ხართ, შეგიძლიათ თავი გაართვათ ნებისმიერ სიტუაციას. არ არის საჭირო გადმოღვაროთ გაღიზიანება, თქვენს სხეულზე, სხვა ადამიანსა, თუ საზოგადოებაზე.

 

დღეში, თხუთმეტი წუთი

სტრესი განიხილება, როგორც ჩვენი ცხოვრების წესი, თითქოს, ასეც უნდა იყოს. ჩვენ გვჭირდება დრო, რომ გავიგოთ, სად მივდივართ, და გავაკეთოთ ის, რაც უნდა გაკეთდეს. დრო ელასტიური არ არის. ყოველთვის არის საშიშროება, რომ რაღაც საქმისთვის დრო არ გვეყოფა. დავარქვათ ამ საშიშროებას, სტრესი.

ცხოვრებაში, ყოველთვის, გვაკლია სიყვარული.

არ გვყოფნის ფული.

ყოველთვის, გვაკლია ცოდნა და სიმშვიდე. ვეძებთ მეტს, მეტს და მეტს.

სტრესი, სტრესი, სტრესი...

ხანგრძლივი, მკვეთრი სტრესი იწვევს სისხლის თეთრი უჯრედების რიცხვის შემცირებას და აქვეითებს ორგანიზმის წინააღმდეგობის გაწევის უნარს ავადმყოფობის მიმართ. რისკენ მივყავართ ამას? შორიახლოს, რაღაც ვირუსი გამოჩნდა და ყველა დაავადდა.

ბევრმა ადამიანმა არ იცის, რომ ავად არის სტრესისგან. ისინი შესაძლოა, გარდაიცვალონ ისე, რომ არც კი იცოდნენ მათში დაგროვილი დაძაბულობის შესახებ.

რა არის სტრესის ნიშნები? მიეცით თქვენს თავს რამდენიმე კითხვა: გღლით თქვენი სამუშაო? აღარ გაქვთ ენთუზიაზმი? თქვენი ურთიერთობა სხვა ადამიანებთან თავისუფალია, თუ არის მძაფრი უთანხმოებანი? ძნელად იხსენებთ, მნიშვნელოვან ინფორმაციას? გაძრწუნებთ, რაიმე ახლის დაწყების ფიქრიც კი?

ზოგჯერ, სტრესი ისე გაგვიჯდება, ნელ-ნელა, რომ ვერც კი ვამჩნევთ, ისეთი ხალისიანი რომ აღარ ვართ, როგორც უწინ. სრულიადაც არ უნდა იგრძნოთ თავი მოხუცად, ორმოცი, ორმოცდაათი, სამოცი და სამოცდაათი წლისამაც კი. ხოლო, თუ ასეა, ეძებეთ უზომო სტრესი, შემდეგ კი, მიიღეთ ზომები.

სტიუარტ ჯ, დაწყებითი სკოლის დირექტორი, მომხრე იყო თავისი სკოლის მასწავლებლების მიმართ სამხედრო მიდგომისა. ის ხშირად ატარებდა თათბირებს, გამოსცემდა, მკაცრ დირექტივებს და გამოდიოდა მოთმინებიდან, როცა რაიმე მოულოდნელი ხდებოდა. თანდათან, მისი ჯანმრთელობა უარესდებოდა. სისხლის წნევა იმდენად აეწია, რომ ხელი ეშლებოდა ნორმალურ მუშაობაში.

სტიუარტმა შეისწავლა სილვას მეთოდი და გადაწყვიტა შეეცვალა თავისი ქცევები. უწინ, ის ადრე მიდიოდა სკოლაში, რომ დაეწერა ბრძანებები. ახლა, მან გამოიყენა, ეს დრო, ალფა მდგომარეობაში შესასვლელად, თხუთმეტი წუთით. მისი ჯანმრთელობა გაუმჯობესდა, წნევა შესამჩნევად დაეცა. მასწავლებლები კი გახდნენ უფრო პასუხისმგებლიანნი და თანამშრომლობისთვის მონდომებულნი.

შედით, ყოველდღე, ალფა მდგომარეობაში, თხუთმეტი წუთით და მოდუნდით. ეს ვარჯიში მოხსნის სტრესს.

თუ იმდენად დაკავებული ხართ, რომ ვერ მოიცლით, ყოველდღე თხუთმეტი წუთით ალფაში შესვლისთვის, მაშინ, თქვენთვის უფრო მეტად საჭიროა მოძებნოთ დრო ამისთვის, რამდენადაც იმყოფებით მუდმივ მოუსვენრობაში, იმყოფებით უფრო დიდ სტრესში, ვიდრე ჩვეულებრივად, და გჭირდებათ ალფაში ყოფნის დროის გაზრდა.

ბოლოს და ბოლოს, როცა სტრესი დაგიზიანებთ სხეულს, მოგიხდებათ დროის მონახვა, რომ დაწვეთ საავადმყოფოში. როცა იღებთ მცდარ გადაწყვეტილებას, თქვენზე ზეწოლის გამო და იმის გამო, რომ არ შეგიძლიათ დროზე გაიხსენოთ მნიშვნელოვანი ინფორმაცია, სტრესის გამო, მოგიხდებათ დროის გამონახვა საკუთარი შეცდომების გამოსასწორებლად.

სასწრაფოდ შეუდექით მოქმედებას. თხუთმეტი წუთის დახარჯვა მცირე საფასურია, კარგი ჯანმრთელობის, აზროვნების პროდუქტული მუშაობისა და ადამიანებთან კარგი ურთიერთობისთვის.

ალფაში ყოფნისას, შეგიძლიათ შეასრულოთ გაღრმავებული ვარჯიშები, უკუღმა დათვლით და წარმოიდგინოთ მშვიდობიანი სცენები. ეს გაზრდის ალფას სარგებლიანობას, ხელს შეუწყობს რელაქსაციას ღრმა დონეზე, ანუ ტვინის ტალღების სიხშირეს წამში ათი ციკლით, ან ნაკლებით.

ასეთი ვარჯიშებისას დასაშვებია სიტუაციის პროგრამირება. ფიქრი პრობლემის გადაწყვეტის ხერხებზე. მაგრამ, უკეთესია, თხუთმეტი წუთის განმავლობაში, უბრალოდ, პასიურად დარჩენა. პასიური მედიტაცია აქტიური კონცენტრაციის სტრესისგან იზოლაციაა. დატკბით პასიური, მშვიდობიანი სცენებით.

ალფა-დონეზე მტკიცედ ხართ დაკავშირებული თქვენს წყაროსთან, ადგილთან, საიდანაც მოედინება სასიცოცხლო ენერგია, გამაჯანსაღებელი და კარგი ჯანმრთელობის ენერგია.

 

„სამი თითის“ ტექნიკა სტრესის აცილებისთვის

ყველა სტრესული სიტუაცია იწვევს ნეგატიურ პროგრამირებას. დღეში თხუთმეტი წუთი ყოფნა, ალფა მდგომარეობაში, ემსახურება კარგ დაცვას. მაგრამ, ამ დაცვას ადვილად გაარღვევს, უფროსის მხრიდან თავს დატეხილი უსიამოვნება, ჩხუბი მეუღლესთან, ცხარე კამათი მეზობელთან. ასეთ დროს, რაღაც უნდა იღონოთ, რომ აიცილოთ სტრესი. სამწუხაროდ, ყოველთვის არ შეგვიძლია ვთქვათ: „უკაცრავად, ერთი წუთით“, დაჯდეთ, დახუჭოთ თვალები და მოდუნდეთ. მაგრამ, სრულიად ადვილია შეაერთოთ ცერი, საჩვენებელი და შუა თითები და შეეცადოთ პრობლემის გადაწყვეტას. ეს მარტივი მოქმედება ასრულებს გამშვები მექანიზმის როლს, იმისთვის, რომ უზრუნველყოს თქვენი გონების ეფექტური მუშაობა. ეს მოგცემთ საშუალებას, გქონდეთ ცივი გონება და ფხიზელი აზრები შემოქმედებითი გადაწყვეტილების მისაღებად.

თუ უკვე იცნობთ „სამი თითის“ ტექნიკას და უკვე დააპროგრამეთ, რომ როცა შეაერთებთ სამ თითს, ნებისმიერ ხელზე, თქვენი გონება ფუნქციონირებს ცნობიერების უფრო ღრმა დონეზე. ეს დონე არის საღი აზროვნების და შემოქმედებითი გადაწყვეტილებების წყარო, მაგრამ, ის ყოველთვის ვერ უზრუნველყოფს, რომ აუღელვებლად გავემიჯნოთ სტრესს. ამისთვის, დაგჭირდებათ სამი თითის ტექნიკის პროგრამირებას დაუმატოთ ფრაზა: „მე ვარ მშვიდად და ვაკონტროლებ თავს“.

ეს, ასე უნდა კააკეთოთ:

1.      დაჯექით მოხერხებულად და შედით ალფაში;

2.      გააღრმავეთ დონე უკუდათვლით, ან რელაქსაციის საყვარელი ადგილის წარმოდგენით, ან ორივეთი ერთად;

3.      შეაერთეთ ერთ-ერთი ხელის ცერი, საჩვენებელი და შუა თითები, და ფიქრით თქვით: „ყოველთვის, როცა ვაერთებ ამ სამ თითს, ჩემი გონება მუშაობს უფრო ღრმა დონეზე და მე ვარ მშვიდი, აუღელვებელი და სრულიად ვაკონტროლებ თავს“;

4.       დაამთავრეთ მეცადინეობა ჩვეულებრივად.

ცხადია, იმისთვის, რომ შეასრულოთ ეს პროგრამირება, არ უნდა დაელოდოთ სტრესულ სიტუაციას. გააკეთეთ ეს, ახლა. მაშინ, მზად იქნებით ყველა მოულოდნელობისთვის.

ყურადღება გადაიტანეთ, ორიოდე წუთით, გადადეთ წიგნი და მოამარაგეთ თქვენი თავი სიცოცხლის გახანგრძლივების ამ ხერხით.

გამოიყენეთ „სამი თითის“ ტექნიკა, საჭიროებისამებრ, მაგრამ, არასოდეს გამოტოვოთ ალფაში ყოფნის თხუთმეტი წუთი, დღეში.

 

როგორ გავთავისუფლდეთ თავის ტკივილისგან

თავის ტკივილი არის ერთ-ერთი მსუბუქი, გამაფრთხილებელი სიგნალი, იმისა რომ სტრესში ხართ. თავის ტკივილები, შესაძლოა, იყოს ძლიერი და მოგაყენოთ მნიშვნელოვანი ტანჯვა. მაგრამ, ხშირად, მისგან ადვილია განთავისუფლება, პოზიტიური პროგრამის დახმარებით.

გარდა ამისა, ამ თავში, აგიხსნით, აგრეთვე, როგორ შეიძლება გამოვიყენოთ სილვას მეთოდი, ისეთ სერიოზულ ავადმყოფობებთან საბრძოლველად, როგორიც არის დიაბეტი, გულის დაავადება და კიბოც კი.

უკუბიოკავშირის კონსულტაციებისას, შაკიკით გატანჯულ ადამიანებს, ასწავლიან ტკივილის შემცირებას, რამდენიმე გრადუსით ხელების გათბობით. ამის მიღწევის პოპულარული ხერხია წითელი ხელების ვიზუალიზაცია. ხმოვანი სიგნალი შეატყობინებს პაციენტს, როცა ხელების ტემპერატურა აიწევს, რაც საშუალებას მისცემს მას, ისწავლოს წარმოსახვის ეფექტური გამოყენება. ამ ვარჯიშის მიზანია, ხელებში სისხლის მიმოქცევის გაუმჯობესება. ეს იწვევს სისხლის წნევის დაწევას თავში, რაც შესაძლოა, იყოს ტკივილის მთავარი მიზეზი.

ეს ტექნიკა პრობლემის გადაჭრის შემოვლითი გზაა. რატომ არ ვიმოქმედოთ, არა ხელებზე, არამედ, უშუალოდ, ტვინზე? ახლა, აგიხსნით, როგორ გააკეთოთ ეს? მაგრამ, შესაძლოა არ გქონდეთ ხელთ ეს წიგნი, როცა თავი აგტკივდებათ, ამიტომ, სჯობს, რომ წაიკითხოთ ინსტრუქციები და ზუსტად იცოდეთ, ამ დროს, რა ზომები უნდა მიიღოთ.

გააკეთეთ შემდეგი:

1.      შედით ალფაში და შეაერთეთ სამი თითი;

2.      უთხარით თავს, რომ როცა სამ თვლაზე გაახელთ თვალებს, წაიკითხავთ ინსტრუქციებს, თავის ტკივილის შეწყვეტისთვის, იქნებით მაქსიმალურად კონცენტრირებული. ხმაური არ შეგიშლით, პირიქით, დაგეხმარებათ მოდუნებაში. გაიხსენეთ ეს ინსტრუქციები ნებისმიერ დროს, როცა დაგჭირდებათ, თან უბრალოდ, შეაერთეთ სამი თითი;

3.      დაითვალეთ სამამდე, გაახილეთ თვალები, წაიკითხეთ შემდეგი ნაბიჯები. გააკეთეთ ეს, ახლავე;

4.       თუ თავი გტკივათ გადაღლისგან, შედით ალფაში და ფიქრით თქვით: „მე მტკივა თავი, ვგრძნობ ამ ტკივილს, არ მინდა, რომ მტკიოდეს, არ მინდა ვგრძნობდე ამ ტკივილს. მე დავითვლი ერთიდან ხუთამდე, ხუთის თვლაზე გავახელ თვალებს და თავს ვიგრძნობ მხნედ და ჯანმრთელად. შემიწყდება თავის ტკივილი“;

5.       შემდეგ, ფიქრით ითვლით ერთიდან სამამდე, და სამის თვლაზე, იტყვით: „ხუთის თვლაზე, გავახელ თვალებს და თავს ვიგრძნობ მხნედ და ჯანმრთელად. აღარ ვიგრძნობ დისკომფორტს“. მიაქციეთ ყურადღება, რომ სამის თვლაზე შეცვალეთ სიტყვა „ტკივილი“, „დისკომფორტით“. ტკივილი უკან დარჩა;

6.       შემდეგ, აგრძელებთ თვლას, ნელა, ხუთამდე. ხუთის დათვლისას გაახელთ თვალებს, ფიქრით იტყვით: „მე თავს ვგრძნობ მხნედ და ჯანმრთელად, არ ვგრძნობ დისკომფორტს თავში. და ეს ნამდვილად ასეა“.

და თავის ტკივილი მყისიერად გაქრება.

გახსოვდეთ, სხეულს მართავს გონება.

თუ ჯანმრთელობის პრობლემები გაქვთ, სილვას მეთოდი გამოიყენეთ ექიმის მეთვალყურეობით. თქვენი ექიმი თქვენთვის არის ხილული დამხმარე საშუალება. მაგრამ, ალფა-დონის და ტვინის მარჯვენა ნახევრის აქტივიზაციის წყალობით, თქვენ იმავდროულად, იძენთ უხილავ დამხმარე საშუალებასაც, მკურნალობის წყაროს.

 

როგორ გავთავისუფლდეთ დაღლილობისგან

სხეული ენერგიის უზარმაზარი რეზერვუარია. მაგრამ, ენერგიის დინება, ამ რეზერვუარში, შესაძლოა შეწყვიტოს სტრესმა. ყველაზე უმნიშვნელო ამბებიც კი, სახლში მომხდარი, თუ სამუშაოზე, შესაძლოა აღმოჩნდეს სტრესული, გადაკეტოს ენერგიის დინება და გამოიწვიოს დაღლილობა.

ჩვენ მოგვდის შეცდომა და ვგრძნობთ დანაშაულს. დანაშაულის შეგრძნება წინააღმდეგობას უწევს ენერგიის შემოდინებას. ჩვენ ვკარგავთ რაიმეს, საგანს, საქმეს, მეგობარს, და ვგრძნობთ, როგორ მოგვწყდა რაღაც. ვუყურებთ საათს და ვხედავთ, რა ცოტა დრო დარჩა იმისთვის, რომ გავაკეთოთ დაგეგმილი საქმე. ვიძაბებით. ვიღაც ლაპარაკობს კრიტიკულს ან ნეგატიურს ჩვენი მისამართით, ვბრაზობთ. ეს ყველაფერი, ცალ-ცალკე წვრილმანია, მაგრამ, ყველა ერთად, გამოიხატება დიდ სტრესში და ენერგიის მნიშვნელოვან დაკარგვაში.

თუ გრძნობთ დაღლილობას და გსურთ მისგან გათავისუფლება, მიგყავთ მანქანა, ან აგრძელებთ მუშაობას, აი, რა უნდა გააკეთოთ. ცხადია, თუ საჭესთან ხართ, გადაიყვანეთ მანქანა და გამორთეთ ძრავა.

1.       შედით ალფაში;

2.      ფიქრით თქვით: „დავიღალე და მეძინება. მაგრამ, არ მინდა ვიყო დაღლილი და ძილმორეული, მინდა ვიყო მხნედ, ენერგიით სავსე, ჯანმრთელი, მქონდეს მშვენიერი გუნება-განწყობა. დავითვლი ერთიდან ხუთამდე. ხუთზე გავახელ თვალებს და ვიქნები მხნედ, ენერგიით სავსე და მშვენიერი განწყობით“;

3.      ფიქრით დათვალეთ: ერთი, ორი, სამი. სამის თქმისას, გაახსენეთ თავს: „ხუთზე გავახელ თვალებს და ვიქნები მხნედ, ენერგიით სავსე, ჯანმრთელი და მშვენიერ გუნებაზე“;

4.       შემდეგ ნელა დათვალეთ: ოთხი, ხუთი. გაახილეთ თვალები და გაიმეორეთ: „მე მხნედ ვარ, ენერგიით სავსე, ჯანმრთელი და მშვენიერ გუნებაზე“.

შეიგრძენით, როგორ ხდება ეს და თქვენ იქნებით შუშა კიტრივით.

არის კიდევ, სხვა უარყოფითი გრძნობები, რომლებიც შეგიძლიათ შეცვალოთ დადებითით, იგივე მეთოდის გამოყენებით.

შეგიძლიათ, დილის მოთენთილობა გადააქციოთ ელვისებურ ენერგიად;

შეგიძლიათ პესიმიზმი აქციოთ ოპტიმიზმად;

შეგიძლიათ მოუსვენრობა შეცვალოთ სიდინჯით;

შეგიძლიათ უიმედობა გადააქციოთ იმედად;

რატომ უნდა მისცეთ უფლება სტრესს, გამოგწოვოთ ენერგია და თვით სიცხოცლეც კი?

შედით ალფაში და გაუხსენით თქვენს თავს სასიცოცხლო ენერგიის უშრეტი წყარო, „მეორე მხარე“.

 

გათავისუფლდით შეუძლოდ ყოფნისგან

არსებობს სწრაფი საშუალება ფიზიკურად შეუძლოდ ყოფნისგან გათავისუფლებისა. უქეიფობა, ხშირად, გამოწვეულია ენერგიის ნაკლებობით. ჩვენ გვაქვს ჯირკვალი, რომელიც მართავს დანარჩენ ჯირკვლებს და სისტემებს. ეს არის ჩიყვის ჯირკვალი, ანუ ტიმუსი. ჩვენ აღმოვაჩინეთ, რომ ტიმუსის მსუბუქი სტიმულაციის დროს, გუნება შესაძლოა, გაუმჯობესდეს.

შესაძლებელია, მსუბუქი თავბრუსხვევა, შეუძლოდ ყოფნა, ან რომელიმე სხვა არასასურველი ფიზიკური სიმპტომი იწყებს თქვენი განწყობის დარღვევას. და არ იცით, როგორ დაეხმაროთ თავს, ამ დროს.

მსუბუქი დაკაკუნება ჩიყვის ჯირკვალზე, ხშირად, ნორმალურს ხდის ორგანიზმის მდგომარეობას. წარმატების რწმენა და უკეთესის მოლოდინი, შესაძლოა, იყოს უფრო სწრაფი გაუმჯობესების კატალიზატორი. ტიმუსი განთავსებულია ყელზე. საჩვენებელი თითით მოძებნეთ რბილი ქსოვილი., იქ, სადაც იწყება მაგარი მკერდის ძვალი. ტიმუსი მოთავსებულია ერთი დუიმით ქვემოთ.

შედეგს შესაძლოა მივაღწიოთ შუა თითით მასზე, უბრალოდ, დაკაკუნებით. მაგრამ, გირჩევთ, წარმატების გარანტიისთვის, სილვას მეთოდის ზოგიერთი პრინციპის გამოყენებას

1.      უკაკუნეთ მასზე სამი თითით, იხ. „სამი თითის“ ტექნიკა;

2.       გააკეთეთ ათი დარტყმა, წამში, ალფა-დონის შესაბამისი;

3.      აკეთეთ ეს ღიმილით.

როცა აკაკუნებთ სამი შეერთებული თითით, მუშაობს ნერვული უჯრედების დიდი რაოდენობა. თქვენ უკვე დააპროგრამეთ ეს, „სამი თითის“ ტექნიკის დაპროგრამებისას.

როცა აკაკუნებთ წამში, ათი დარტყმის სიხშირით, ამ ზონაში იზიდავთ ტვინის ალფა ტალღებს. წამში ათი ციკლი, ეს როგორც ჩანს, უნივერსალური განმკურნებელი სიხშირეა. ტესტების ჩატარებამ გამოარკვია, რომ სულიერი მკურნალები მუშაობენ ტვინის სწორედ ამ სიხშირეზე. ასეთი სიხშირით რომ აკაკუნოთ, უნდა ივარჯიშოთ ხელის ვიბრირებაში.

ღიმილი იგივეა, რაც ძაღლისთვის კუდის ქნევა. მრავალი წლის განმავლობაში ვამტკიცენდი, რომ ღიმილი იწვევს, ორგანიზმში, პოზიტიურ ცვლილებებს. ამჟამად, ფსიქოლოგები მიიჩნევენ, რომ როცა, თუნდაც, ძალდატანებით იღიმებით, შინაგანი რეაქცია გაძლევთ რაღაცას, რაც გამოიწვევს სრულიად გულწრფელ ღიმილს.

 

„მეორე მხრიდან“ დახმარების მიღება, თქვენი ექიმისთვის

ამ თავის დარჩენილი ნაწილი მიეძღვნება საკუთარი თავისა და სხვების მკურნალობის საკითხებს. ის რაც შეგიძლიათ გააკეთოთ თქვენთვის, შეგიძლიათ გააკეთოთ სხვებისთვისაც, დიდ მანძილზეც, კი. იმისთვის, რომ თქვენი ტვინის მარცხენა ნახევარმა გაიგოს და მიიღოს, ეს, ერთი შეხედვით, დაუჯერებელი რამ, უნდა გაახსენოთ თავს, რომ გაქვთ ზეცნობიერება, რომელიც აქტიურდება ალფაში შესვლით და რომელიც, აქტიურ მდგომარეობაში, მონაწილეობას იღებს ყველასთვის საერთო, უნივერსალურ ცნობიერებაში. ეს არის უჭკნობი სიბრძნის ფაქტი, აღმოჩენილი შამანიზმში, რომელიც ანთროპოლოგების აზრით, ითვლის ათასწლეულებს. ეს, აგრეთვე, არის ინდურ ტრადიციებში, კაბალაში და მსოფლიოს სხვა დიდ რელიგიებში.

ის მეცნიიერებიც კი, რომლებიც ცდილობენ რელიგიური კონცეფციებისგან, რაც შეიძლება, შორს დაიჭირონ თავი, საკუთარი გამოკვლევების საფუძველზე , იძულებულნი არიან აღიარონ, რომ არსებობს მატერიალური სამყაროს სულიერი ბაზისი.

იმედი მაქვს, რომ თქვენც იზიარებთ ამ თეორიას. ეს ადვილი არ არის. ჩვენ ხომ, თითქოს, ფიზიკური სამყაროთი ჰიპნოზირებულნი ვიყავით, რომელიც გვაიძულებდა გვერწმუნა, რომ ის ასეთია, როგორიც გვეჩვენება. დააკაკუნეთ სავარძლის სახელურზე, რომელშიც ზიხართ. მაგარს ჰგავს, ხომ ასეა? თუმცა, ის სავსეა ცარიელი სივრცით. ატომის ბირთვსა და მის ირგვლივ მბრუნავ ელექტრონებს შორის, შეფარდებითი სივრცეც არ არის ნაკლები, ჩვენს მზესა და პლანეტებს შორის სივრცეზე. ჩვენ ხომ არ შეგვიძლია ვთქვათ, რომ მზის სისტემა მყარი სხეულია?

ხედავთ, ამ მწვანე კედელს? ის სრულიადაც არ არის მწვანე. სინამდვილეში, ის, რაგინდარა ფერია, ოღონდ, არა მწვანე. ჩვენ ვხედავთ მას ასეთად, რადგან ის, ერთადერთი ფერია, რომელსაც კედელი არ შთანთქავს. სინათლის ყველა ტალღის სიგრძე, რომელიც მწვანე ფერს შეესაბამება, ირეკლება კედლიდან და ამიტომ, ის მწვანედ გვეჩვენება.

ფიზიკურმა სამყარომ დაგვაჰიპნოზა ჩვენ. გვაიძულა გვეფიქრა, რომ ის რეალურია. სინამდვილეში, ის ილუზიაა, რომლის იქითაც სხვა რეალობა იმალება. ფიზიკოსები სწავლობენ ამ რეალობას. ბევრ მათგანს ესმის, რომ უნდა გადახედონ თავიანთ ფილოსოფიას, რათა ახსნან მონაცემები, რომლებსაც ღებულობენ. მათ ფეხდაფეხ მიჰყვებიან ექიმები.

დოქტორი ლარი დოსი, ავტორი წიგნისა, „სივრცე, დრო და მედიცინა“, ამტკიცებს, რომ ნებისმიერი, ვინც გაცნობილია მედიცინის უკანასკნელ ტენდეციებს, გაიგებს, რომ თანამედროვე ექიმები, ისევე, როგორც, მათზე ადრე, ფიზიკოსები, ურთიერთობენ ენერგიის სულ უფრო და უფრო ფაქიზ ფორმებთან, როგორც დიაგნოსტიკისას, ასევე, ადამიანის მკურნალობისას.

თავის წიგნში, „ვიბრაციული მედიცინა“, დოქტორი, რიჩარდ გერბერი განმარტავს, რომ ავად გახდომა, ნიშანია შემოქმედებითი ცნობიერებისა და სიცოცხლის ენერგიის ბუნებრივი ნაკადის გადაკეტვისა.

სხვა წიგნი, მრავალი თვის მანძილზე, ბესტსელერების სიაში რომ იყო, ასევე, მიუთითებს ჯანმრთელობისთვის ცნობიერების ენერგიის მნიშვნელობაზე. დოქტორი ბერნი ს. სიგელიასი, წიგნში, „სიყვარული, მედიცინა და საოცრებანი“, ძლიერ აქცენტს აკეთებს კავშირზე, ცნობიერებასა და მკურნალობას შორის. წინასიტყვაობაში ავტორი წერს: „არ დაგავიწყდეთ, რომ რასაც ერთი თაობა მიიჩნევს საოცრებად, შემდეგი თაობისთვის შესაძლოა, იყოს მეცნიერული ფაქტი... ეს საოცრებანი ხდება შინაგანი ენერგიის დახმარებით, რაც ჩვენთვის, ყველასთვის, მისაწვდომია“.

ახლა, თქვენ გაქვთ უნარი მართოთ ეს ენერგია. შეგიძლიათ გამოიყენოთ ის, თქვენთვის და სხვებისთვის. ეს ენერგია ზემოქმედებას მოახდენს მატერიალურ სამყაროზე. როცა იყენებთ მას თქვენთვის, ან სხვებისთვის, ეხმარებით მკურნალ ექიმებს, რადგან ამარაგებთ მათ შემოქმედებითი ენერგიით. მისი წყარო, სწორედ, შემოქმედებითი, ანუ მატერიის შექმნის წყაროა. შინაგან ენერგიას შეუძლია ანომალია აქციოს ნორმად, აღადგინოს სტრესის დამარგრეველი შედეგები, განკურნოს.

 

როგორ წყვეტენ ჯანმრთელობის პრობლემებს სილვას მეთოდის მიმდევრები

სილვას მეთოდით გონების მართვის შემსწავლელი 32-საათიანი კურსები, ბოლო საათებში, ყურადღებას ამახვილებს ფიზიკური დარღვევების გამომჟღავნებასა და გამოსწორებაზე. ჯანმრთელობაზე ასეთი აქცენტის მიზეზია ის, რომ სხეული ყველაზე ადვილი ადგილია  გონების გამოსაყენებლად, რათა ფიზიკურ სამყაროში განვახორციელოთ ცვლილებები. ჩვენ მუდმივად ვზემოქმედებთ გარემოზე, როგორც მენტალური, ასევე, ფიზიკური ხერხებით, მაგრამ, რამდენადაც ჩვენი ტვინისთვის უმთავრესი პრიორიტეტი გადარჩენაა, ჩვენი ცნობიერებისათვის ყველაზე ადვილია იმუშაოს პრობლემებზე, რომლებიც დაკავშირებულია სერიოზულ დაავადებებთან. ჯანმრთელობასთან დაკავშირებული პრობლემების გადაწყვეტა უფრო ადვილია, ვიდრე, მაგალითად, დაკარგული საგნის პოვნა, შესაფერისი სამუშაოს მოძებნა, ან მანქანის დაზიანების მიზეზის პოვნა.

ჩვენ ვიწყებთ, შედარებით, მარტივი პრობლემებით და ვაწარმოებთ წარმატებების დღიურს, რათა ავიმაღლოთ მოლოდინისა და რწმენის დონე, ვიდრე გადავიდოდეთ უფრო რთულ საკითხებზე.

აი, სილვას მეთოდით ტიპიური მეცადინეობის ილუსტრაცია, იმ დროს, როცა შესწავლა დამთავრებულია და მსმენელები დაყოფილნი არიან ორ-სამ კაციან ჯგუფებად, თავიანთი მენტალური შესაძლებლობების გამოსაცდელად.

ყოველმა მსმენელმა თან „მოიყვანა“, მინიმუმ, ერთი პაციენტი, რომელიც რაღაცითაა ავად, და რომელსაც მსმენელი იცნობს. ფურცლის ერთ გვერდზე მსმენელი წერს ამ ადამიანის სახელს, მისამართს, ასაკს და სქესს. მეორე გვერდზე იძლევა მის მოკლე აღწერას. მაგალითად, რასაც წერენ მართვის მოწმობაში. აგრეთვე, ავადმყოფობებს, რაც მას აწუხებს.

წყვილიდან, ერთი მსმენელი, რომელსაც ვუწოდებთ მედიუმს, შედის ღრმა ალფაში, შემდეგ მეორე, რომელსაც ვუწოდებთ ორიენტოლოგს, ამბობს თავისი პაციენტის სახელს, მისამართს, ასაკს და სქესს.

მედიუმი წარმოიდგენს ამ ადამიანს, აღწერს მას და მის ძირითად ფიზიკურ მონაცემებს. ჩვეულებრივ, აღწერა, საოცრად ზუსტი გამოდის. შემდეგ, მედიუმი, თავის წარმოსახვაში, ახდენს ამ ადამიანის სკანირებას, სანამ მისი ყურადღება არ შეჩერდება პაციენტის სხეულის რომელიმე ნაწილზე.

– პრობლემა თირკმელების არეშია. – ამბობს მედიუმი.

– სრული სიმართლეა. – უდასტურებს ორიენტოლოგი.

რამდენიმე წამის შემდეგ, მედიუმი ამბობს:

– კენჭებია, ერთ-ერთ თირკმელში. ერთი წუთით, ვიწყებ მათ დაშლას. – პაუზა. – ყველაფერი რიგზეა, დავფშვენი ისინი და დავინახე, როგორ გაიხსნა შარდში. მე ვამთავრებ.

მედიუმი ბრუნდება ბეტა მდგომრეობაში და ორივენი იწყებენ გაცხოველებულ მსჯელობას. ორიენტოლოგს შეუძლია, მეორე დღეს, დაურეკოს ავადმყოფს და მოისმინოს, როგორ ეტყვის ის:

– დღეს დილით, კენჭები გამოვიდა.

ამ სცენას წინ უძღვის დიდი, გულმოდგინე მზადება, რომელსაც, ჩვეულებრივ, იძლევიან კურსებზე. მაგრამ, მე აგიწერთ, ამ მზადებას, და შემდეგ, გირჩევთ ალტერნატიულ გზებს, რომლითაც თქვენ შეძლებთ მიაღწიოთ ანალოგიურ შედეგებს, საკუთარი თავისა და სხვების მკურნალობისას.

 

როგორ მოვამარაგოთ მარჯვენა ნახევარსფერო მაჩვენებელი სვეტებით

მარჯვენა ნახევარსფერო შეიძლება გავააქტიუროთ, მაგრამ, ის ვერ იმუშავებს ისევე ეფექტურად, როგორც მარცხენა, სანამ არ გადავწყვეტთ ერთ ფარულ დაბრკოლებას. მარცხენა ნახევარსფეროს აქვს ათვლის წერტილები, რომლებიც შექმნილია გამოცდილებით და განათლებით, ფიზიკურ სამყაროში. მარჯვენას, ასეთი ათვლის წერტილები ძალიან ცოტა აქვს. მას არა აქვს მაჩვენებლები, გზები, ფიზიკური მახასიათებლები, რომლებსაც გამოიყენებდა მიმართულების განსაზღვრისთვის.

სილვა მეთოდით ვარჯიშების ათ საათზე მეტი, დათმობილი აქვს ამ მდგომარეობის გამოსწორებას. ათვლის წერტილები, მარჯვენა ნახევარსფეროში, დგინდება მზადების ხანგრძლივი ციკლებით, რომელთა პროცესში მასწავლებელი მსმენელს ავარჯიშებს უამრავ წარმოსახვაში. ყველა ეს მეთოდი აღებულია ჩვენი გამიცდილებიდან და ვრცელდება ახალ განზომილებაზე.

მაგალითად, ერთ-ერთი ვარჯიშისას, მსმენელი თავის ინტელექტს აპროექტებს თავისი სახლის კედელში. და წარმოიდგენს, რას ჰგავს ის, კედლის შიგნით ყოფნა. რამდენად განათებულია შიგნით? როგორი ტემპერატურაა იქ, გარე ტემპერატურასთან შედარებით? როგორი სუნია იქ? როგორია კედლის მასალის სიმაგრე? სიმაგრე შესაძლოა განისაზღვროს მუშტის დარტყმით, წარმოსახვითი კედლის შიდა მხრიდან, ისე, რომ „გაიგო“ არეკლილი ხმა.

მზადების ციკლებში შეიძლება ხელების გამოყენების წახალისება, რამდენადაც ეს ეხმარება მარჯვენა ნახევარსფეროს, მიიღოს მხარდაჭერა, მარცხენა ნახევარსფეროსგან.

 ამ ათი საათის განმავლობაში, სუბიექტურად დგინდება ასეულობით ათვლის წეტილი, რომლებიც მეხსიერებაში პროგრამირდება, შემდეგში გამოყენებისთვის. მაგრამ, არის ათასი სხვა ათვლის წერტილი, რომლის თანადროულ ასოცირებას აკეთებს მარცხენა ნახევარსფერო. მსმენელები სწავლობენ ოთხ მეტალს, ტყვია, უჟანგავი მეტალი, სპილენძი და თითბერი, იმის მსგავსად, როგორც აქამდე სწავლობდნენ კედელს. ლოგიკურად, ჩვენ გვესმის, რომ მეტალები ერთმანეთთან დაკავშირებულია, ამიტომ ყოველი მათგანი ხდება ათვლის წერტილი დანარჩენებისთვის. ამგვარად, ოთხ მეტალთან დაკავშირებული წარმოსახვითი ვარჯიშის გამოყენებით, დგინდება ათვლის წერტილები, მარჯვენა ნახევარსფეროსთვის, რომლებიც ვიცით, მარცხენა ნახევარსფეროს მეშვეობით.

რამდენადაც, მასწავლებელს აჰყავს კლასი ევოლუციის კიბეზე, უსულო მატერიიდან, მეტალებიდან, მცენარეებამდე, ცხოველებამდე და ბოლოს, ადამიანამდე, მარჯვენა ნახევარსფერო ითვისებს მარცხენა ნახევარსფეროს ყველა უპირატესობას. რაც მისცემს მას საშუალებას, ისეთივე საიმედოობით იმოქმედოს.

 

წარმოსახვითი ადგილის შექმნა

შემდეგი, რასაც ვაკეთბთ მეცადინეობებისას, წარმოსახვითი ადგილის მდებარეობის განსაზღვრაა, სადაც შეგვეძლება შემოქმედება. ეს კვლავ ხდება მარცხენა ნახევარსფეროს გამოცდილების წაბაძვით.

ფიზიკურ სამყაროში გვაქვს ადგილი, სადაც ვამზადებთ საჭმელს, ანუ სამზარეულო; ადგილი ძილისთვის; ადგილი, სადაც ვუყურებთ ტელევიზორს; გვაქვს სამუშაო ადგილი, იქნება ეს, კაბინეტი, მაღაზია, ქარხანა თუ სხვა.

სილვას მეთოდის მიხედვით, ჩვენ ვქმნით წარმოსახვით ლაბორატორიას. მასწავლებელი ეხმარება მსმენელებს, რათა ისინი შევიდნენ უფრო ღრმა ალფაში, დამატებითი უკუდათვლის გზით. შემდეგ, სთხოვენ მათ, შექმნან იქ ოთახი, მოწყობილი, ნებისმიერი სტილით, სკამით, მაგიდით და ყველა სხვა ინვენტარით, რომელიც. ჩვეულებრივ, არის ლაბორატორიაში, კარადების , კომპუტერების, ინსტრუმენტების და წამლების ჩათვლით.

აზრობრივი წარმოსახვა შეივსება ლაბორატორიის ერთ კედელზე, ეკრანით; დაბოლოს, ორი მრჩევლის შექმნით. რამდენადაც მრჩევლები ყოველი მსმენელის ინტელექტის ნაყოფია, ისინი არიან მისი კავშირები, ყველაფერ ამასთან, არა მხოლოდ ფიზიკურში, არამედ სულიერ განზომილებაში. ეს მრჩევლები ეხმარებიან მსმენელს პრობლემების გადაწყვეტაში და შემოქმედებითი იდეების განვითარებაში. ის ეკითხება თავის მრჩევლებს აზრს და თვითონ იწყებს წარმოსახვას, როგორი შეიძლება იყოს მათი პასუხები, და პასუხები მოდის.

თქვენ უკვე შექმენით თქვენი მრჩევლები რელაქსაციის საყვარელ ადგილზე. არ დაივიწყოთ ეს გენიოსები, როცა დაგჭირდებათ დახმარება.

მსმენლები მუშაობენ წარმოსახვით სამყაროში, სუბიექტურ განზომილებაში, თავდაჯერებულნი და ბუნებრივად, თუ თავს დაირწმუნებენ, რომ იმყოფებიან ნაცნობ გარემოში. ლაბორატორია, სწორედ, ასეთ გარემოს უზრუნველყოფს. მეგობარი მრჩევლებიც ამაგრებენ მას.

წარმოსახვითი ადგილის შექმნა მომზადების ფაქიზი ასპექტია. ეს ხომ უჩვეული პროცედურაა, მასწავლებელი უნდა იყოს სავსებით მომზადებული თეორიაშიც და პრაქტიკაშიც, რათა პასუხი გასცეს ყველა შეკითხვას, რომლიც უცილობლად წარმოიშობა ასეთ მომენტში, და უნდა გააკეთოს ეს, დამაკმაყოფილებლად, უფრო მეტად, ლოგიკაზე ორიენტირებული მსმენელისთვის.

მკითხველი არამომგებიან მდგომარეობაშია, რადგან წიგნის ტექსტს არ ძალუძს მოიცვას ყველა შეკითხვა. ამიტომ, თქვენ გჭირდებათ გაიაროთ ეს სწავლება. მაგრამ, „მეორე მხროდან“ დახმარების მიღების საუკეთესო შედეგებისთვის, უნდა გქონდეთ ლაბორატორია და აგრეთვე, კავშირი, თქვენს მრჩევლებთან.

ამიტომ, ამის შემდეგ, მე თქვენ გნიშნავთ საკუთარი თავის მასწავლებლად. გადაიკითხეთ მეხუთე თავის დასაწყისი, სადაც ვსაუბრობდით მრჩევლების თაობაზე და სადაც მოცემული გქონდათ მათი შექმნის ინსტრუქციები, რელაქსაციის საყვარელ ადგილზე. გარდა ამისა, გადაიკითხეთ ბოლო რამდენიმე გვერდი, სადაც დაწვრილებით არის აღწერილი ლაბორატორიის და მრჩევლების შექმნა. შემდეგ, მე გირჩევთ მნიშვნელოვან შემოქმედებით პროცედურას: შექმნათ ლაბორატორია, და ხელახლა შექმნათ, იქ, მრჩევლები. მე შეგახსენებთ ნაბიჯებს, რომლებიც უნდა შეასრულოთ. მაგრამ, მანამდე, კიდევ ერთხელ, აგიწერთ, რა ხდება სწავლების ბოლო საათებში.

დაბეჭდილი სიტყვების წაკითხვისას, მოდუნებულ მდგომარეობაში, თქვენ, ხელახლა, განიცდით, ამ ყველაფერს, და შეგიძლიათ პროგრამირების პროცედურის შესწავლა, რაც ცოტას შეგიმსუბუქებთ მეცადინეობებზე არდასწრებას.

 

სილვას მეთოდის სემინარზე

მეცადინეობებზე, ჩვეულებრივ. კლასი იყოფა, ორ-სამ კაციან ჯგუფებად. ყოველი მსმენელი, რიგ-რიგობით წარმოადგენს პაციენტს და შემდეგ, პაციენტთან მომუშავეს. ის, ვინც პაციენტია, იწოდება ორიენტოლოგად. ის, ვინც შედის ლაბორატორიულ დონეზე და მუშაობს პაციენტთან, იწოდება მედიუმად.

ორიენტოლოგი ასახელებს თავის ნაცნობის სახელს, მისამართს, ასაკს და სქესს, რომელიც ავადაა ფიზიკურად, ან ფსიქიკურად, ან ადამიანი, რომელმაც გადაიტანა ქირურგიული ოპერაცია.

ორიენტოლოგი სთხოვს მედიუმს, შევიდეს ლაბორატორიულ დონეზე, მიესალმოს თავის მრჩევლებს, მათთან ერთად ილოცოს და შემდეგ, მოახსენოს მზადყოფნის შესახებ. მოდით, ახლა, განვიხილოთ ჰიპოტეტური სიტყუაცია.

_– მე მზად ვარ – მედიუმს თვალები დახუჭული აქვს, სავსებით მოდუნებულია, მაგრამ, შეუძლია ისაუბროს ამ მდგომარეობაში.

ორიენტოლოგი იწყებს ნელ-ნელა თვლას, ათიდან ერთამდე, თან განმარტავს:

– ეს იმისთვის, რომ თქვენი გონება შეერწყას იმ დონეს, სადაც იმუშავებთ ზუსტად და სწორად.

– სამ თვლაზე, თქვენს ეკრანზე გამოჩნდება ჯონ სმიტის სხეულის გამოსახულება, მეინსტრიტი, ცინცინატი; მამაკაცი; 38 წლის. ორიენტოლოგი ითვლის სამამდე, თითებს გაატკაცუნებს და გაიმეორებს ინფორმაციას.

– ამ მამაკაცის სხეულის გამოსახულება თქვენს ეკრანზეა. გააკეთეთ მისი სკანირება, თქვენი ინტელექტით, ზევით და ქვევით, სანამ თქვენს ყურადღებას არ მიიპყრობს, რომელიმე ზონა ან ზონები.

მედიუმი იწყებს მუშაობას. ის „ხედავს“ ამ ადამიანს, მაგრამ, ის დარწმუნებული არ არის, ვის ხედავს. მას სურვილი აქვს აღწეროს ეს ადამიანი. მაგრამ, ის ფიქრობს, რომ ეს მხოლოდ ვარაუდია. ჩვენ ხომ გვასწავლიდნენ, არ ვიმკითხაოთ. ამიტომ ის დუმს.

ორიენტოლოგი ცდილობს აალაპარაკოს ის.

– ეს პრაქტიკული მეცადინეობაა, სიზუსტე მოდის პრაქტიკით, თქვენ, შესაძლოა, გქონდეთ ისეთი შეგრძნება, თითქოს, თქვენ იგონებთ ამას.

მედიუმი ჩუმად ამბობს:

– ის მაღალია, შეასაძლოა, ექვსი ფუტის სიმაღლის...

– დასაწყისი კარგია.

ორიენტოლოგს ჯონ სმიტის აღწერილობა დაფიქსირებული აქვს ქაღალდზე, რომელსაც მედიუმს აჩვენებს მოგვიანებით. მედიუმი ისევ ჩუმდება. ორიენტოლოგი აგრძელებს მის წახალისებას:

– თქვენ ყველაფერს მშვენივრად აკეთებთ. გააგრძელეთ ლაპარაკი, შესწავლის მიხედვით, მოყევით თქვენს შთაბეჭდილებს. – მოითხოვს ის.

– ის მოხრილია, ჩემი ყურდღება მიიპყრო მისმა ზურგმა. მსურს შევამოწმო მისი ხერხემალი.

კვლავ დუმილი. კიდევ ერთი რჩევა, ილაპარაკოს.

– დიახ, პრობლმა ხერხემალშია, – ამბობს მედიუმი. – ვფიქრობ, ეს არის დისკის გადანაცვლება. ვაპირებ საქმის გამოსწორებას.

ახლა დუმილს თან სდევს ხელების მოძრაობა, იგი წარმოიდგენს, რომ დარღვევას ასწორებს. მალე ის ამბობს:

– მე ვხედავ მას ჯანმრთელს. მე ვამთავრებ.

– კარგია, – ამბობს ორიენტოლოგი. – ყოველთვის, როცა თქვენ შედიხართ ალფა განზომილებაში, გულწრფელი სურვილით, რომ დაეხმაროთ კაცობრიობას, ეხმარებით საკუთარ თავს და ყოველთვის, ხდებით სულ უფრო ზუსტი.

მედიუმი მადლობას უხდის თავის მრჩევლებს. ამბობს გამოსამშვიდობებელ ლოცვას და გამოდის. შემდეგ, ის და ორიენტოლოგი გაცხოველებით განიხილავენ ამ შემთხვევას.

რამდენიმე დღის შემდეგ, ორიენტოლოგს შეუძლია დაურეკოს თავის მეგობარს, ცინცინატში, და მოისმინოს, როგორ ეტყვის ის: „გახსოვს,პრობლემა მქონდა წელზე. ჰოდა, ბოლო დღეებში, თითქოს, თავისით გაქრა“.

აუხსნის, ორიენტოლოგი ჯონს, რა მოხდა და რომ ის დაეხმარა მას? არამც და არამც, იმიტომ, რომ...

მას დაეხმარა „მეორე მხარე“.

 

დახმარება მკურნალობაში

ჩვენ, კურსდამთავრებულთ ვურჩევთ, რომ ვიდრე დაიწყებდნენ სხვა პრობლემებზე მუშაობას, როგორებიცაა ფული, სიყვარული, იმუშაონ ჯანმრთლობაზე. მიზეზი, როგორც უკვე ითქვა, არის ის, რომ თვითგადარჩენა ტვინის უმაღლეს პრიორიტეტია. მისი ყურადღება მიპყრობილია სიცოცხლისთვის საშიში ფიზიკური პრობლემებისადმი.

ამიტომ, თავი ჯანმრთელობაზე, პირველია. მისი გამოსწორება უფრო ადვილია, ვიდრე სხვა რამის.

შეგიძლიათ, თქვენი ლაბორატორიის ეკრანზე გამოსახოთ თქვენი თავი და განკურნოთ, ზუსტად ისე, თითქოს, თქვენ იყოთ სხვა ადამიანი.

როცა პრაქტიკულად იმუშავებთ, რამდენიმე ათეულ პაციენტთან, და ისწავლით ზუსტად განსაზღვროთ მათი პრობლემები, შეიძენთ უფრო მეტ თავდაჯერებულობას. ამას მივყავართ სიზუსტემდე. შეძლებთ უკეთ იმუშაოთ, უფრო რთულ პრობლემებზე და დარწმუნებული იყავით იმაში, რომ მოიპოვებთ ზუსტ ინფორმაციას, და არა, თქვენ თხზავთ მას.

მოგვიანებით, შეძლებთ გადასვლას სხვა შემთხვევებზე, რომლებიც ეხება მცენარეებს, ცხოველებს და უსულო საგნებსაც კი.

ყოველთვის, იმუშავეთ რეალურ, და არა, გამოგონილ, პრობლემებზე. თქვენი ნეირონები გრძნობენ განსხვავებას, ისინი არ თამაშობენ.

როგორ გავუმკლავდეთ ჯანმრთელობის რეალურ პრობლემას?

 ნებისმიერი ხერხით, რომელიც თავში მოგვივა. შეგიძლიათ, თითებით დაფშვნათ ქვები, გაკეროთ ჭრილობა. ფილტვები გარეცხოთ ლაქებისგან. უკანასკნელი აზრობრივი ნაბიჯი, ყოველთვის უნდა იყოს სხვა ადამიანის, ან თქვენი თავის გამოსახულება, რომელსაც აქვს მშვენიერი ჯანმრთელობა, პრობლემის ყოველგვარი ნიშნების გარეშე, ე. ი. ადამიანი უნდა გამოიყურებოდეს სრულიად ჯანმრთელად.

ის, რასაც თქვენ „ხედავთ“, თქვენს ლაბორატორიაში, არაფიზიკური, უფრო, ენერგეტიკული სხეულია და შესწორება შეგაქვთ ამ ენერგეტიკულ სხეულში. რამდენადაც, ის წარმოადგენს ფიზიკური სხეულის შაბლონს, თქვენს მიერ შეტანილი ცვლილებები შეეხება თვით სხეულს. მიზეზის შეცვლით შეიცვლება შედეგიც, „მეორე მხარის“ მეშვეობით.

 

ისწავლეთ მკურნალობა

მკურნალობის სწავლა, სილვას მეთოდით, გონების მართვის პროგრამის ნაწილია, რაც ყველაზე რთულია თვითგანსწავლისთვის. მაგრამ, ისტორია სავსეა ამბებით, უდიდესი მკურნალების შესახებ, რომლებიც სწავლობდნენ დამოუკიდებლად. განკურნების უნარი ბუნებრვი ნიჭია, რომელსაც ყველანი ვფლობთ, როცა ვაკეთებთ ჩვენი აზროვნების ცენტრირებას. ის ბუნებრივია, იმიტომ, რომ ჩვენ, ყველანი, ვართ შემოქმედის თანაავტორები. და რაღა შემოქმედება იქნებოდა, თუ გამუდმებით გავაფუჭებდით ჩვენს ჯანმრთელობას ნეგატიური და სტრესული აზროვნებით? თუკი ვერ გავარემონტებდით მას, პოზიტიური და შემოქმედებითი აზროვნებით?

მე გირჩევთ ფორმალური სწავლების საუკეთესო შემცვლელს. გადაიკითხეთ მეხუთე თავის პირველი ნაწილი, სადაც ლაპარაკია მრჩეველთა შექმნაზე. აგრეთვე, გადაიკითხეთ, ეს თავი, ჯანმრთელობის პრობლემებზე. ეს გადაკითხვა, თავის მხრივ, იქნება თქვენთვის გამეორება საკმაო რიცხვჯერ. გამეორება, მოდუნებულ მენტალურ მდგომარეობაში, ემსახურება პროგრამირების პროცესის დაწყებას და გეხმარებათ ვარჯიშში.

ახლა, მოკლედ გადმოგცემთ იგივეს, დიდი ნაბიჯების სახით. ეს არ არის ნაბიჯ-ნაბიჯ ინსტრუქცია, ეს უფრო ლექციების კონსპექტია, რაკი ახლა თქვენ ხართ საკუთარი თავის მასწავლებელი.

როცა დაამთავრებთ გადაკითხვას, ივარჯიშეთ შემდეგნაირად: გამოყავით დროის საკმარისი რაოდენობა, ყოველი მათგანისთვის და არ გადახვიდეთ შემდეგზე, სანამ არ დაკმაყოფილდებით შედეგით.

1.      მოდუნდით და შეასრულეთ წარმოსახვითი მოგზაურობები იმ ადამიანის წარმოსახვით სხეულში, ვისი სახეც შეგიძლიათ ადვილად გაიხსენოთ. შეისწავლეთ ძვლები, ტვინი, გული ღვიძლი, კუჭქვეშა ჯირკვალი, თირკმელები და სხვა, სასიცოცხლოდ მნიშვნელოვანი ორგანოები. გაიმეორეთ ვარჯიში რამდენჯერმე.

2.      მოდუნდით და გააღრმავეთ რელაქსაცია. შესაძლოა, დაგჭირდეთ დათვლა, ათიდან ერთამდე, ან ოცდახუთიდან ერთამდე. მოგვიანებით, გაიმეორეთ მეთოდი, რომელსაც იყენებთ რელაქსაციის გასაღრმავებლად, ლაბორატორულ დონეზე შესვლისას. რადგან ახლა, თქვენ შექმნით ლაბორატორიას. დაიწყეთ ოთახით, რომელიც მოწყობილია თქვენი სურვილის მიხედვით. დააყენეთ აზრობრივი ეკრანი, რომელზეც შეისწავლით თქვენს თავს, ან სხვებს, კედელზე, რომელსაც მიიჩნევთ სამხრეთად. დაგჭირდებათ მაგიდა და სავარძელი, საათი, მუდმივი კალენდარი, სხვადასხვა ინსტრუმენტები და მოწყობილობები. აგრეთვე, სხვადასხვაგვარი ქიმიური ნივთიერებები და წამლები.

3.      თუ უკვე შექმენით მრჩევლები, ისე, როგორც მეხუთე თავში გასწავლეს, ახლა გადმოიყვანეთ ისინი თქვენს ლაბორატორიაში. თუ არ შეგიქმნიათ, გადაწყვიტეთ, ვის ისურვებდით მრჩევლებად, ერთ მამაკაცს და ერთ ქალს, ნებისმიერ ადამიანს, წარსულიდან ან აწმყოდან, რომელსაც პატივს სცემთ. ან შეიძლება, წარმოსახვითი პერსონაჟიც იყოს. შექმენით კარი, რომელიც ჩადის იატაკში და შეგიძლიათ მართოთ ღილაკის დახმარებით, ის მოთავსებულია სავარძლის იდაყვქვეშა ადგილას. ნელა გააღეთ კარი და შემოიპატიჟეთ მამაკაცი მრჩეველი, შექმენით და წარმოიდგინეთ ის. იგივე გააკეთეთ ქალ მრჩეველზეც.

4.      იმუშავეთ პაციენტებზე, ლაბორატორიაში ყოფნისას. მრჩევლებთან მისალმებისა და მისასალმებელი ლოცვის წარმოთქმის შემდეგ, წარმოსახეთ ეკრანზე ადამიანი, რომელიც საჭიროებს თქვენს დახმარებას, განსაზღვრეთ პრობლემა და გადაწყვიტეთ ის. მადლობა გამოხატეთ მრჩევლებისადმი, წარმოთქვით გამოსამშვიდობებელი ლოცვა. დაითვალეთ წაღმა, იმდენჯერვე, რამდენჯერაც დაითვალეთ უკუღმა.

გილოცავთ, თანაავტორის სტატუსის შეძენას! „მეორე მხარეც“, ალბათ, გილოცავთ. მას მოემატა ერთი ადამიანი, რომელიც დაეხმარება სამყაროს გაუმჯობესებაში.

 

თავი 10

დახმარება საქმეში წარმატებისთვის

საქმიან ადამიანებს შეუძლიათ მიიღონ დახმარება „მეორე მხრიდან“, სიფხიზლეშიც და ძილშიც. პასუხები მოდის, გადაწყვეტილებები ღებულობს ფორმას. ადამიანები ხდებიან უფრო შრომისუნარიანნი. იზრდება გამომუშავება, უკეთესდება ხარისხი, იზრდება შემოსავლები. თუ გღვიძავთ, ცვლილებები ხდება, როცა გამოიყენებთ სილვას მეთოდს, როგორც ამას აღვწერთ ამ თავში. ძილში კი, ეს ხდება, როცა თქვენ შეუკვეთავთ ძილს, დამხმარეს, რათა გამოხვიდეთ არასასურველი მდგომარეობიდან. სულ ერთია, როგორ მოხდება ეს, მღვიძარებაში, თუ სიზმარში, თქვენ მიხვდებით ამას. უცბად აღმოაჩენთ, რომ ამბობთ, ან ფიქრობთ: „აჰა!“.

საქმიანი ადამიანები მზად არიან გამოიყენონ თავიანთი გონების მნიშვნელოვნად დიდი ნაწილი.

სულიერ მეცნიერებათა ინსტიტუტმა, ერთ-ერთ თავის გამოკვლევაში, აღმოაჩინა საქმიან ადამიანებს შორის გაზრდილი გულახდილობა, „ჯიუტებს“ შორისაც კი, ინტუიციის როლის თაობაზე სწორი გადაწყვეტილების მიღებაში

 ამ ცვლილებას ექოსავით გამოეხმაურა მენეჯმენტის საერთაშორისო ინსტიტუტი. ეს ინსტიტუტი სპონსორობდა მრგვალ მაგიდას, რომელიც გაიმართა ჟენევაში, 1988 წელს. დოქტორ ხუან ფ. რადამ, ინსტიტუტის გენერალურმა დირექტორმა, განაცხადა: „ჩვენ გვსურს გამოვარკვიოთ, რა არის ინტუიცია, რა როლს თამაშობს ის, ბიზნესში, შეიძლება, თუ არა, მისი განვითარება, და შეუძლია თუ არა, მას, დაეხმაროს მენეჯერებსა და კორპორაციებს“.

შეხვედრას ესწრებოდა მრავალი მსხვილი კომპანიის დირექტორი, აგრეთვე, სილვას მეთოდის ორგანიზაციის წარმომადგენელი, რომელსაც შეეძლო გაეზიარებინა მათთვის ამ მეთოდის გამოცდილება, განსაკუთრებით, თავისი სპეციალობის, ფსიქოლოგიის თვალსაზრისით.

პირველი მრგვალი მაგიდის მუშაობის შედეგი გახდა საყოველთაო საკვლევი პროგრამა, რომელიც მიეძღვნა ინტუიციის ბუნების შესწავლასა და მის როლს, საქმიანი გადაწყვეტილების მიღებაში. ამ პროგრამაში ჩართულია ათი ათასზე მეტი ბიზნესმენი. პროგრამას მხარს უჭერს მრავალი კომპანია და მოსალოდნელია, რომ ისინი გამოიყენებენ ნეირომეცნიერების, ფსიქოლოგიის, მედიცინის, ფილოსოფიის, ჰუმანიტარული მეცნიერების მონაცემებს.

პირველი მრგვალი მაგიდის მუშაობის პროცესში, მონაწილეებმა მოისმინეს სხვადასხვა „აუხსნელი“ შემთხვევა, რომლებსაც თან ახლდა ანაზდეული გაელვება. მონაწილეების მიერ ინტუიცია კვალიფიცირდებოდა, ერთი მხრივ, როგორც უნარი, რომელიც შეიძლება განვავითაროთ, მეორე მხრივ, როგორც „ყოფითი მდგომარეობა, ცნობიერების დონე“.

საკმარისია ითქვას, რომ ბიზნესმენები იწყებენ გაგებას, რომ აზროვნების ტრადიციული ხერხები და ურთიერთობები, მომავალში, შესაძლოა, არასაკმარისი იყოს და რომ მუშაობის გაუმჯობესებისთვის სანდო პასუხს იძლევა ინტუიცია.

 

კოლექტიური ბრმა ლაქა

1970-იან წლებში ჩატარებული იყო გამოკითხვა, ამერიკელების ცხოვრების ხარისხზე. ერთ-ერთი კითხვა ასეთი იყო: „ოდესმე გიგრძვნიათ სიახლოვე ძლიერ სულიერ ძალასთან, რომელიც, თითქოს, აგწევდათ თქვენი სხეულის ზემოთ?“

ასეთი გაცდა ჰქონიათ რესპოდენტების 40%, ერთხელ მაინც; რამდენჯერმე, 20%; ხშირად, 5%.

შემდეგი გამოკითხვებისას, ეს ადამიანები აღიარებდნენ, რომ თითქმის არასოდეს, უთქვამთ ეს, მღვდლისთვის ან რაბინისთვის. მათი უმრავლესობა გრძნობდა, რომ ისინიც კი, მათ მიიჩნევდნენ გიჟებად. ამას შეიძლება, პირობითად, ვუწოდოთ ბრმა ლაქა. შესაძლოა, ამან ახსნას, თუ რატომ გაჩნდა დიდი ინტერესი სპირიტიზმისადმი. სულ უფრო მეტი ადამიანი რწმუნდება, რომ მათ შეუძლიათ „გაიგონ“ რაღაც ხმა „მეორე მხრიდან“. ეს ხმა თითქოს პასუხობს კითხვაზე, სანამ მედიუმი ტრანსშია. უცილობლად, წარმოიშობა კამათი მედიუმის მოქმედების გულწრფელობაზე.

სკეპტიკოსებთან კამათი, ჩვენი ღვთიური წარმოშობის შესახებ, საჭირო არ არის. საერთოდაც, არ არის საჭირო ამაზე ლაპარაკი. შეგიძლიათ გვერდი აუაროთ კოლექტიურ ბრმა ლაქას და იყოთ „ბრძენი სენაკში“, და მუდმივად შეხვიდეთ ალფაში.

ერთ-ერთ კურსდამთავრებულს ჰქონდა ისეთი დაძაბული ცხოვრება, ოჯახში და სამსახურში, რომ ვერსად გაექცეოდა სკეპტიკოს თანამშრომლებსა და ოჯახის წევრებს. ალფა-დონეზე შესვლისთვის, მას უხდებოდა აბაზანაში დამალვა. ეს იყო ერთადერთი ადგილი განმარტოებისთვის.

რელიგიური გალობანი, სპირიტუალური სეანსები და სხვა მიდგომები, შესაძლოა მოვიდეს და წავიდეს, ხოლო ალფა-დონე, მისავალი ტვინის მარჯვენა ნახევართან, იარსებებს მუდმივად. ალფა-დონე თქვენი საიმედო კონტაქტია უმაღლეს ინტელექტთან, რომელიც ყველა პრობლემას მოგიგვარებთ.

 

სილვას კურსის დასაწყისი

სილვას მეთოდის გამოკვლევები დავიწყე 1944 წელს. პირველი კომერციული მეცადინეობა ჩავატარე, მხოლოდ, 1966-ში. ამ ხანში, გავშალე შემოსავლიანი ელექტრონული ბიზნესი, რომელიც, უმეტესად, დაფუძნებული იყო მზარდ სატელევიზიო ინდუსტრიაზე, და სატელევიზიო ანტენების მოთხოვნაზე.

პირველი მეცადინეობა, მოხდა შემთხვევით, იმის შემდეგ, რაც, რამდენიმე ლექცია წავიკითხე ფსიქოლოგიაში, ტეხასის კოლეჯში, დამირეკა, ვინმე დოქტ. დორდ ფიცმა, და მიმიწვია ჩავსულიყავი ამარილიოში, ხელოვნების ადგილობრივი ასოციაციის წევრებთან სასაუბროდ. მას გაეგონა ტეხასის კოლეჯში ჩემი ლექციების შესახებ და უნდოდა, რომ მის სტუდენტებს, რომლებიც სწავლობდნენ ხელოვნებას, მოესმინათ ამ გამოკვლევებზე. მან შემომთავაზა, გადაეხადა, მხოლოდ, ჩემი ხარჯები. მე დავთანხმდი. ჩვენ მოვილაპარაკეთ 1966 წლის ოქტომბერზე.

ინტუიციით ვგრძნობდი, რომ მხატვრებს, რომლებიც, უფრო მეტად იყენებენ ტვინის მარჯვენა ნახევარსფეროს, ვიდრე ადამიანების უმრავლესობა, აქვთ ჩემი მეთოდის შესწავლის საუკეთესო პერსპექტივა. ჩემს მეცადინეობას ესწრებოდა ოთხმოცდაათამდე კაცი, თითქმის ყველამ გადაწყვიტა გაევლოთ სწავლება და გადაეხადათ გარკვეული საფასური.

ამარილიოში დავიწყე მეცადინეობა 1966 წლის ოქტომბერში და სწავლება წარმატებით დასრულდა 1967 წლის იანვარში.

მას შემდეგ, რაც დავასრულე პირველი კომერციული კურსი, ჩემი რამდენიმე კურსდამთავრებული გახდა ინსტრუქტორი და ზოგიერთი მათგანი აქამდე აქტიურად აგრძელებს ჩვენს დახმარებას.  

როგორც კი დავამთავრე მეცადინეობა პირველ ჯგუფთან, მათი მეგობრებისა და ნათესავებისგან შედგა კიდევ ერთი ჯგუფი. ბევრს გაეგონა ჩვენი კურსის შესახებ და სურდათ, აგრეთვე, ეცადნათ. ასე, რომ დავიწყე ამარილიოში ჩასვლა თვეში ორჯერ. შემდეგ სწავლა მოინდომეს ლაბოკის მცხოვრებლებმა და დავიწყე რეგულარული მგზავრობა იქ. წარმოიშვა ბიზნესი.

ყველაზე ბედნიერი მხარე, ამ ყველაფრისა, იყო, არა ფული, არამედ, კმაყოფილებას მგვრიდა ადამიანების გაცისკროვნებული სახეები, როცა ისინი უეცრად ხვდებოდნენ: „შესრულდა!“. მე დღემდე განვიცდი სიხარულის ამ განსაკუთრებულ სახეს, რომელიც ძნელი გასაგებია მისთვის, რომელსაც ეს არ განუცდია. როცა ვხედავ მსმნელებს, როგორ ეცვლებათ სახის გამომეტყველება. ისინი აღწევენ იმ წერტილს, როცა უშუალოდ, საკუთარი გამოცდილებით იგებენ, რომ შეუძლიათ განახორციელონ უდიდესი სულიერი საქმეები.

ასეთია ფაქტები. როგორც ნახეთ, აქ არ იყო ჩვეულებრივი „ბიზნეს-გეგმა“. არ იყო ბაზრის გამოკვლევა-შესწავლა, არ ყოფილა რეკლამის კამპანია, არავითარი ჩვეული ნაბიჯები, რომელსაც ასრულებს სტანდარტული მეწარმე. ამ ალბათ, აღმოვჩნდი ნათელმხილველი. ჩემი გამოცდილება არ არის არგუმენტი, ბიზნესისთვის გულმოდგინე მომზადების წინააღმდეგ. ეს არგუმენტია ტვინის მარჯვენა ნახევარსფეროს მონაწილეობის სასარგებლოდ. ორი ნახევარსფერო შეადგენს მშვენიერ საქმიან წყვილს. და ამ თავში, არაფერი უნდა მიიღოთ, თუ შეიძლება ასე ითქვას, როგორც ბიზნესის ანტიჰარვარდული სკოლა. ამ სწრაფადცვალებად სამყაროში, საქმიან ადამიანებს აუცილებლად სჭირდებათ, ტვინის ორივე ნახევარსფეროს შეთანხმებული მუშაობა.

 

სილვას მეთოდის გამოყენება ბიზნესში

ერთი ინჟინერ-ქიმიკოსი ცდილობდა სინთეტიკური სისხლძარღვის შექმნას, რომელსაც ადამიანის ორგანიზმი მიიღებდა. მრავალი თვის ცდებისა და შეცდომების შემდეგ, მან პრობლემის გადასაჭრელად შეუკვეთა სიზმარი და ნახა სიზმარში ფორმულა, ჩაიწერა ის და აღმოჩნდა წარმატებული.

დაზღვევის ერთი აგენტი ვერ ახერხებდა კლიენტთან ხელმეორე შეხვედრას. მან გამოიყენა სუბიექტური ურთიერთობა, რათა დაერწმუნებინა კლიენტი და მისი „მზრუნველი“ მდივანი, რომ შეხვედრა სასარგებლო იქნებოდა თვით კლიენტისთვის. შემდეგ, მან დარეკა კომპანიაში, მიაღწია დაუყოვნებლივ შეთანხმებას და დადო ხელშეკრულება.

საფირმო ქსელის ერთ-ერთი ფილიალის მენეჯერი ესწრებოდა ამ ქსელის სხვა მენეჯერთა თათბირს. მსჯელობდნენ ყველასთვის საერთო პრობლემაზე, ისეთ მდგომარეობაზე, როცა „ცუდია, თუ გააკეთებ და ცუდია, თუ არ გააკეთებ“. მენეჯერმა სამი თითი შეაერთა და წამოაყენა წინადადება. ის მიიღეს ერთხმად და წარმატებულიც აღმოჩნდა.

სიზმრით მართვა, სუბიექტური ურთიერთობა და „სამი თითის ტექნიკა“, მხოლოდ ეს არის ბიზნესში სილვას მეთოდის შესაძლებლობა? არა. სილვას მეთოდის ყველა ტექნიკას აქვს გამოყენება ბიზნესში. ამ თავში განვსაზღვრავთ თქვენთვის უკვე ნაცნობი ხერხების საქმიან გამოყენებას. მოგცემთ ამ ხერხების მოკლე მიმოხილვას და ამავე დროს, მათი გამოყენების ახალ ჰორიზონტებს გავშლით.

რა ხდება კონკურენციის დროს? მეკითხებიან ხშირად. რა მოხდება, თუ ორი ადამიანი აპროგრამებს ერთიდაიგივეს? მაგალითად, კონკურენტული პროდუქტების გაყიდვას? რით განისაზღვრება, ვინ გაიმარჯვებს? თუ ორივე გულწრფელია და აპროგრამებენ ალფა-დონის თანაბარ სიღრმეზე, მენტალურ გამოსახულებაზე, აგრეთვე მოლოდინისა და რწმენის თანაბრობისას, მე მგონია, გაიმარჯვებს ის, ვინც ამას უფრო მეტად იმსახურებს. ეს იქნება, ის, ვინც ხშირად, წყვეტს პრობლემებს და არა, იწვევს მათ. და ვინც უფრო მეტად მიისწრაფვის, რათა უკეთესი გახადოს ქვეყანა.

ჩვენ მოვიპოვებთ პატივისცემას, როცა ვეხმარებით პრობლემის გადაწყვეტაში, როგორც ცალკეულ ადამიანებს, ისე, მთელ ჩვენს პლანეტას. ეს იმას ჰგავს, როგორ აპროგრამებენ ადამიანები ლატარეაში მოგებას. ბევრი დებს პირობას, რომ მოგების ნახევარს ქველმოქმედებისთვის გაიღებს. მაგრამ, ისინი ვერ ხედავენ უფრო მნიშვნელოვანს: რას აკეთებდნენ ისინი წინათ, იმ ფულით, რომელიც უკვე მიიღეს?

დაპირება არ არის ის, რაც მოქმედება. „ისინი იცნობიან ნაყოფის მიხედვით“, ამბობს ბიბლია. ჩვენ განვისჯებით ქმედების მიხედვით. ამიტომ, თუ თქვენ ახლა პირდაპირ დაიწყებთ, რაც შეგიძლიათ, იმის კეთებას, რათა ჩვენი ქვეყანა გახდეს უკეთესი, იზრდება ალბათობა იმისა, რომ უფრო წარმატებულნი იქნებით მომავალში, რადგან მიიღებთ დამატებით დახმარებას „მეორე მხრიდან“.

 

სილვას მეთოდის წარმატების ისტორია

სიტყვას გადავცემ ერთ-ერთ კურსდამთავრებულს. თავის ისტორიას, მოგვითხრობს ქ-ნი პოლეტ ტ. ოკლაჰომადან:

„სანამ დავიწყებდი მუშაობას ინკასატორად, წმ. ანტონის საავადმყოფოს საქმიან ოფისში, რამდენიმე წელიწადს ვიმუშავე პარიკმახერად. ერთად-ერთი, რაც აკავშირებს პარიკმახერისა და ინკასატორის პროფესიებს, არის ურთიერთობა ადამიანებთან. ამას ვახსენებ იმიტომ, რომ ვფიქრობ, ეს მნიშვნელოვანია ჩემი წარმატების ისტორიაში.

1980 წლის ივნისში დავიწყე მუშაობა საავადმყოფოში. ჩემი მოვალეობის მიხედვით, საქმე მქონდა პაციენტებთან, რომლებიც უნდა გაეწერათ. ვადგენდი სხვაობას, მათ საერთო გადასახადსა და იმ თანხას შორის, რაც ანაზღაურდებოდა დაზღვევით, პლუს კიდევ, ბევრი სხვა.

არავის მოსწონს, როცა მათგან მოითხოვენ ფულს. მით უმეტეს, როცა ისინი ავად არიან და იტანჯებიან. ასე, რომ ადვილად წარმოიდგენთ, რა დღეში ვიყავი.

სილვას მეთოდის ლექციების კურსის მოსმენის შემდეგ, დავიწყე „სულის სარკის“ ტექნიკის გამოყენება და ყოველი პაციენტის წარმოდგენა, რომელიც გარემოცული იყო სიყვარულით. შემდეგ, წარმოვიდგინე საკუთარი თავი, რომელიც პაციენტს სთხოვდა გადაეხადა დარჩენილი თანხა.

პაციენტთა უმრავლესობა მპასუხობდა კეთილად და თანხმობით. ამის შემდეგ, ჩემს მიერ შეკრებილი თანხა გაიზარდა და მე დამაწინაურეს. 1983 წლის აგვისტოში გავხდი ინკასატორი და დავიწყე მთელი ჩემი ტექნიკის გამოყენება ახალ სამუშაოზე. ინკასატორად მუშაობა უზარმაზარი პასუხისმგებლობა იყო.

პასუხს ვაგებდი დაახლოებით ასი ათას დოლარზე. ჩემი სამუშაო იყო ის, რომ ამეკრიფა ფული, იმის შემდეგ, რაც უკვე გახდილი იყო დაზღვევა და სხვა შეღავათები, და პაციენტმა დატოვა საავადმყოფო. სამუშაო, ძირითადად სრულდებოდა ტელეფონით და მიხდებოდა ვყოფილიყავი მუდმივ მზადყოფნაში, მომეგვარებინა სხვადასხვაგვარი რთული სიტუაციები.

ყოველთვის, როცა ვიღებდი ყურმილს, რომ დამერეკა გადახდის თაობაზე, ვიყენებდი „სულის სარკის“ ტექნიკას. ლურჯჩარჩოიან სარკეში წარმოვიდგენდი თავს, რომელიც ათვალიერებს საქმეს და არჩევს მიზეზს, თუ რატომ წარმოიშვა დავალიანება, თან ვქმნიდი სასურელ აზრობრივ სახეს. შემდეგ, მარცხნივ, თეთრჩარჩოიან სარკეში, ვხედავდი გადაწყვეტას, რომელიც მომცემდა საშუალებას, დამეხურა პაციენტის საქმე და გამეუქმებინა მისი დავალიანება სავსებით.

სულ შვიდიოდე თვის შემდეგ, არავითარი გამცდილების მქონე, ყოველთვიურად გასაოცარ წარმატებას ვაღწევდი. ჩემმა უფროსმა დამიბარა თავის კაბინეტში და გამოთქვა აღტაცება ჩემი მუშაობით“.

 მალევე, მას შემდეგ რაც ეს დაიწერა, ქ-მა პოლეტ ტ-მ მიიღო ახალი დაწინაურება. ვინ არის ამ დაწინაურების მიზეზი, მისი ხელმძღვანელი, თუ „მისი ხელმძღვანელი, იქიდან“?

 

ნეგატიური აზროვნების შეცვლა პოზიტიურით

როდესაც თესავთ სუბიექტურ განზომილებაში, მოსავალს ფიზიკურ განზომილებაში იღებთ.

ვიცით, რომ სტაფილოს თესლიდან, სტაფილო ამოვა, ბარდის თესლიდან კი, ბარდა.

როცა თქვენს მედიტაციას უძღვნით პრობლემებზე ფიქრს, რას თესავთ?

სწორია, თქვენი მოსავალი, ფიზიკურ სამყაროში იქნება იგივე პრობლემები, რომელზედაც ფიქრობდით.

თქვენს შემოქმედებით ენერგიას იყენებთ არასასურველი სიტუაციების გასაძლიერებლად.

ჩემთვის ადვილია გიჩიოთ, გადააბრუნოთ თქვენი აზროვნება, იმისთვის, რომ დაიწყოთ პოზიტიური აზროვნება და მედიტაცია. მაშინ შექმნით უფრო მომგებიან სიტყუაციებს. წარმოიდგინეთ, როგორი ცვლილებები მოხდება შემოსავლის და გასავლის ბალანსში.

მაგრამ, მე ტყუილად დავკარგავდი დროს მსგავს რჩევებზე, რამდენადაც თქვენ დაპროგრამებულნი ხართ იმ აზროვნებაზე, რომელიც გაქვთ. თქვენ ვერ შეძლებთ შეცვალოთ ის, უბრალოდ, ამის სურვილით.

თქვენ უნდა გადაპროგრამირდეთ.

სილვას მეთოდში არის, ერთი, მეტად გამორჩეულად წარმატებული ტექნიკა, რომელსაც სულის სარკე ეწოდება. „სულის სარკე“ პროგრამირების სამსახოვან მეთოდს ამოკლებს ორსახოვნამდე. მაგრამ, ამატებს ახალ მახასიათებელს, ეს არის წარმოსახვითი სარკე. როდესაც შედიხართ ალფაში და „ხედავთ“ ამ სარკეს, შეგიძლიათ, საჭიროების მიხედვით, წარმოიდგინოთ სხვადასხვა ზომისა, ისე, რომ მოთავსდეს ერთი ადამიანი, ან ბევრი; პატარა სცენა, ან დიდი. ამ სარკეს აქვს ჩარჩო, რომელსაც შეუძლია შეიცვალოს ფერი, მუქი ლურჯიდან, თვალისმომჭრელ თეთრამდე.

სარკე, ლურჯი ჩარჩოთი, გამოიყენება პრობლემის იდენტიფიკაციისთვის, თეთრი ჩარჩოთი, გადაწყვეტის დასაკვირვებლად, ან მიზნის მიღწევის დასანახად.

აი, პროცედურა ნაბიჯ-ნაბიჯ:

1.       შედით ალფაში, ჩვეულებრივად;

2.       წარმოიდგინეთ, რომ ხედავთ ლურჯ ჩარჩოში პრობლემას. მოკლედ შეისწავლეთ ის;

3.       წაშალეთ პრობლების სახე, გადასწიეთ სარკე, ცოტა მარცხნივ და შეცვალეთ ჩარჩოს ფერი თეთრით;

4.       წარმოიდგინეთ, რომ ხედავთ თეთრჩარჩოიან სარკეში გადაწყვეტილ პრობლემას, ანუ მიღწეულ მიზანს;

5.       დაამთავრეთ მეცადინეობა ჩვეულებრივად;

6.       ამის შემდეგ, როცა იფიქრებთ თქვენს პროექტზე, დაინახავთ მას, როგორც გადაწყვეტად, თეთრ ჩარჩოში.

3, 4 და 6 ნაბიჯების კომენტირება

მესამე ნაბიჯზე გთხოვენ სარკის ოდნავ მარცხნივ გადაწევას, როგორც უკვე ითქვა, ჩვენ აღმოვაჩინეთ, რომ ალფაში მყოფი ადამიანების ბუნებრივი ტენდენციაა წარსული დაინახონ მარჯვნივ, მომავალი კი, მარცხნივ.

მეოთხე ნაბიჯზე გთხოვენ დაინახოთ პრობლემა გადაწყვეტილი, ანუ მიზანი მიღწეული. ეს უნდა იქნას გაკეთებული იმდენად ფართოდ, რამდენადაც შესაძლებელია. თქვენ არ გჭირდებათ პროგრამირება, რომ პრობლემა გადაწყვეტილი იყოს რაღაც განსაკუთრებული სახით. რაც თქვენ გჭირდებათ, ეს არის წარმოიდგინოთ გადაწყვეტა.

მაგალითად, თუ ხართ უძრავი ქონებით ვაჭრობის აგენტი, და თქვენი პრობლემაა სახლის გაყიდვა, არ გჭირდებათ ვიზუალიზება, მისტერ და მისის ჯონსებისა, რომლებსაც, თითქოს, უნდოდათ სახლის შეძენა. უკეთესი იქნება საძიებელი გადაწყვეტა წარმოიდგინოთ, ამ სახლზე წარწერის სახით: „გაყიდულია“, თქვენი სახელის მიწერით, როგორც აგენტის.

თქვენ ხელებს უკრავთ უმაღლეს ინტელექტს, როცა ზედმეტად ავიწროებთ მიზნის მიღწევის გზას. უბრალოდ, წარმოიდგინეთ გადაწყვეტა. დაე, „მეორე მხარემ“ თვითონ „იპოვნოს“ გზა. კიდევ არის ერთი მიზეზი, რატომ არ უნდა გამოვიყენოთ კონკრეტული სახე. თქვენი პრობლემის გადაჭრის ნებისმიერი ასეთი პროგრამირება, არ უნდა ქმნიდეს პრობლემას ვინმესთვის. თქვენი სახლი შესაძლოა, იყოს მეტისმეტად დიდი, ან მეტისმეტად პატარა, ან მეტისმეტად ძვირი, კონკრეტული პირისთვის. სილვას მეთოდის დახმარებით, არ უნდა შევქმნათ პრობლემები, ჩვენ მხოლოდ მათ გადაჭრას ვუწყობთ ხელს.

 

„სიკვდილის სურვილი“ და როგორ მოვიშოროთ ის

ბ. ჯ-ს მამა იყო მთავრობის მაღალი ჩინოვნიკი, თავის ქვეყანაში. თვითონ ბ. ჯ. იყო გამორჩეულად წარმატებული ფერმერი, მაგრამ, შემდეგ, მან გადაწყვიტა ემიგრირება აშშ-ში. ძალიან მოკლე ხანში, გახდა მდიდარი მეწარმე. მაგრამ, შემდეგ, კომპანიის ხელმძღვანელობა მიანდო სხვას და იმ კაცმა სრულიად გააკოტრა ის.

შემდეგ, ბ. ჯ-მ დაიწყო უძრავი ქონებით ვაჭრობა. მის მუშაობას თან სდევდა წარმატება. რამდენიმე ხნის შემდეგ, დასჭირდა ისეთი მამულის გაყიდვა, რომელზეც ადამიანებს მხოლოდ ოცნება შეუძლიათ. მარტო საკომისიო მილიონ დოლარს შეადგენდა. ბ. ჯ-მ აღმოაჩინა, რომ მის წინადადებას შეუძლია დაღუპოს გარიგება. მაშინ, მან გადაწყვიტა გაევლო სილვას მეთოდის სწავლების კურსები, რადგან მიხვდა, რომ სჭირს, თავისებური, სიკვდილის სურვილი ბიზნესში. ის მიეჩვია პროგრამირებას წარუმატებლობაზე.

ალფა-დონეზე როცა შევიდა, მას გაახსენდა, როგორ უწოდებდა მამა „უხეიროს“, და სხვა საწყენ სახელებს. მან დროულად გადააპროგრამა თვითშეფასება და საკუთარი ღირსების შეგრძნება, რათა გადაერჩინა ეს შემოსავლიანი გარიგება.

ადამიანებს ხშირად აქვთ ისეთი გრძნობა, თითქოს, ისინი სინამდვილეში, არ იმსახურებენ თავიანთი წარმატების ნაყოფს. ისინი გაუცნობიერებლად აგებენ ბარიერებს აღიარების გზაზე, ფულის და სხვა ჯილდოების გზაზე, რომლებიც თან სდევს მათ წარმატებას. არასაკმარისი თვითშეფასება ციხესავითაა, რომელიც საკუთარი ხელითაა შექმნილი. ამ ციხის საშენი მასალაა მშობლების მხრიდან დამცირება, ცუდი ნიშნები სკოლაში, დაბალი საბანკო ანგარიშები, და სხვა შემზღუდველი ფაქტორები, ფიზიკურ სამყაროში.

ადამიანების უმრავლესობა, მთელ თავის ცხოვრებას ატარებს ამ ციხეში. მაგრამ, შემდეგ, ვინმე გაივლის სილვას მეთოდის კურსებს და აღმოაჩენს, რომ ციხის კარები არასოდეს ყოფილა დაკეტილი, და მას შეუძლია გამოვიდეს ჯანმრთელობის, სიმდიდრის, სიყვარულის და სიხარულის ახალი ჰორიზონტების სამყაროში.

როგორ გამოვიყენოთ სილვას მეთოდი, რათა მოვიშოროთ სიკვდილის სურვილი და სხვა დამამცირებელი შეზღუდვები?

პასუხი ნათელია: მოექეცით თავს კარგად. იგრძენით, რომ ღირსი ხართ სიუხვისა და იცოდეთ, რომ იმსახურებთ ყველაზე საუკეთესოს, ცხოვრებაში.

ერთხელ, ვნახე კარიკატურა, სადაც ფსიქიატრი ეუბნება პაციენტს: თქვენ განიცდით არასრულფასოვნების კომპლექსს, რადგან ხართ არასრულფასოვანი. ეს მხოლოდ კარიკატურაა. ჩვენ ყველანი ვფლობთ ხელშეუხებელ პოტენციას, რომელიც უცდის, როდის აღმოაჩენენ. სილვას მეთოდი გვეხმარება მის ამოყვანას ზედაპირზე. აი, რამდენიმე პოზიტიური ნაბიჯი, რომლითაც შეგიძლიათ დაიწყოთ და ამით დააჩქაროთ წარმატება თქვენს ბიზნესში:

1.       კიდევ ერთხელ, შეასრულეთ ვარჯიში, თავის პატიებისა. მოიპატიჟეთ თქვენი თავი მყუდრო ადგილზე, აპატიეთ თავს შეცდომები და მოჩვენებითი ნაკლოვანებები;

2.       შეასრულეთ, რაც შეიძლება, ბევრი „კარგი საქმე“, რომლებიც რეკომენდებულია მეშვიდე თავში. როცა ეხმარებით სხვებს, ამით ეხმარებით თქვენს თავს. თქვენ ამახვილებთ საკუთარი ღირსების გრძნობას;

3.      გამოიყენეთ „სულის სარკე“. დაინახეთ თავი ლურჯ ჩარჩოში ისეთი, როგორიც ხართ, შეულამაზებლად, წაშალეთ გამოსახულება, სარკე ცოტა მარცხნივ გადააადგილეთ, შეცვალეთ ჩარჩოს ფერი თეთრით და დაინახეთ თქვენი თავი ბიზნესის წარმატებულ გენიოსად. ამის შემდეგ, როცა რაიმეთი შეწუხებული, ან აფორიაქებული იქნებით, „იხილეთ“ თქვენი თავი, როგორც წარმატების განსახიერება, თეთრ ჩარჩოში;

4.       ყოველდღე შედით ალფაში და შთააგონეთ თავს, რომელიმე პოზიტიური მტკიცებულება, თქვენი სიტუაციის შესაბამისი. ან ისარგებლეთ სილვას უნივერსალური ფორმულით: „ყოველდღე ვხდები უკეთსი, უკეთესი და უკეთესი, ყოველმხრივ“.

 

„სამი თითის“ ტექნიკის გამოყენება ბიზნესში

არი,ს თუ არა, ცნობიერების უფრო ღრმა დონე, კაპიტალდაბანდება, ბიზნესში? „შეღებეთ“ ის მწვანედ, როგორც ფული.

თქვენ ეძებთ ხარისხის დარღვევის ფარულ წყაროს? შეაერთეთ სამი თითი, ძიების დროს.

თქვენ უნდა გადაწყვიტოთ, ვის გადააბაროთ, გარკვეული პასუხისმგებლობა? შეაერთეთ სამი თითი, ამაზე ფიქრისას.

წიგნის გამოცემის წინ, კორექტურის კითხვისას, გეჭიროთ სამი თითი ერთად.

ექსტრემალურ სიტუაციაში მოხვედრისას, წამიერი გადაწყვეტილების მიღებისთვის, შეაერთეთ სამი თითი.

შეგიძლიათ გააძლიეროთ „სამი თითის“ ტექნიკა, განსაკუთრებული შემთხვევებისთვის, როცა მათ შესახებ წინასწარ იცით. შეგიძლიათ, ფრაზას: „ჩემი გონება მუშაობს უმაღლეს დონეზე“, დაუმატოთ ასეთი მიზანმიმართული წინადადებები:

„...რომ წარმოვთქვა თათბირზე საჭირო სიტყვები, საჭირო დროს“;

„...რომ ვიყო უფრო კონცენტრირებული, როცა წავიკითხავ ამ მოხსენებას და შემეძლოს, მომავალში გავიხსენო, ყველაფერი საჭირო, სამი თითის დახმარებით“;

„...რომ სწორი არჩევანი გავაკეთო, როცა დავიწყებ ნიმუშების შესწავლას“.

შეგიძლიათ გამოიყენოთ „სამი თითის“ ტექნიკა, ალფა დონეზე მუშაობის ჩვევების განვითარებისთვის. საღამოს, ძილის წინ, დააპროგრამეთ ავტომატურად გაღვიძება, პროგრამირებისთვის იდეალურ დროს, დარჩით ამ დონეზე და დაიძინეთ. როცა გაგეღვიძებათ ღამე, ან დილით, ისევ შედით ალფაში და შეაერთეთ სამი თითის წვერები, ორივე ხელზე. შემდეგ, დააპროგრამეთ, რომ როცა ამას აკეთებთ, უკეთ იმუშავებთ ალფაში და მიიღებთ ინფორმაციას, სუბიექტური განზომილებიდან, რომელიც დაგეხმარებათ პრობლემის გადაწყვეტაში.

რაც უფრო მეტს ივარჯიშებთ ალფა-დონეზე შესვლაში, ასეთი სახით, მით უფრო ეფექტურად იმუშავებთ და მიაღწევთ დიდ წარმატებებს.

ბ.ს. გაემგზავრა ათენში, საბერძნეთში. და რადგან მას მოუწევდა იქ ყოფნა, თვეზე მეტ ხანს, შეუკვეთა, ავეჯით გაწყობილი ბინა. მაგრამ, როცა ნახა ეს ბინა, არ მოეწონა, რადგან ბინა იყო ბნელი და პატარა, ჭუჭყიან, პატარა ქუჩაზე. მან უარი თქვა ამ ბინაზე. შემდეგ, შევიდა ალფა-დონეზე, შეაერთა სამ თითი და დააპროგრამა: „მე გავაკეთებ ყველაფერს, რათა ვიპოვო შესაფერისი ბინა, 24 საათის განმავლობაში“. და მან იპოვა შესანიშნავი ბინა, გამწვანებულ, წყნარ ქუჩაზე, რომელიც ეკუთვნოდა სილვას მეთოდის კურსდამთავრებულს. და მასაც, ამ დროს, სამი თითი ეკავა ერთად, რათა ეპოვა კარგი დამქირავებელი. დამთხვევაა, თუ დახმარება „მეორე მხრიდან“?

 

საქმიან სამყაროში, ბუნებრივი გზით, ალფა-დონისგან სარგებლობის მიღება

ვირტუალურად, შეგიძლიათ შეისწავლოთ მოქმედება ალფა-დონეზე და დარწმუნებული იყოთ, რომ თქვენი გადაწყვეტილებების უმრავლესობა აღმოჩნდება სწორი, თუ მიჰყვებით ერთ მარტივ ფორმულას. ჯერ აგიხსნით და შემდეგ მოგცემთ ამ ფორმულას. დღის განმავლობაში, თქვენი ტვინი იძირება ალფაში, საშუალოდ, 30-ჯერ, წუთში. ეს ხდება ბუნებრივად, და როგორც ჩანს, ნებისმიერ ადამიანთან. მაგრამ, ალფაში ყოფნის დრო ძალიან მცირეა. ის შეადგენს მიკროწამებს. ტვინი იმყოფება ალფა-დონეზე, ყოველი წამის ხუთ-ხუთ მიკროწამს. სწორედ ამ მომენტებში, ადამიანებს შეუძლიათ იყვნენ დარწმუნებულნი, რომ იღებენ სწორ გადაწყვეტილებას.

ამიტომაც, საშუალო ადამიანი, რომელმაც არ იცის ალფაში ცნობიერად მუშაობა, მხოლოდ 20%-ში ირჩევს სწორ გამოსავალს რთული სიტუაციიდან. როცა შეისწავლით სილვას მეთოდს, მიიღებთ სწორ გადაწყვეტილრბას, უფრო ხშირად, ალბათ, ხუთიდან ოთხ შემთხვევაში.

ყოველთვის არ ხერხდება მყუდრო ადგილის მონახვა, სადაც შეგეძლებოდათ მოდუნება და შესვლა ალფაში. მაგრამ, საბედნიეროდ, მაინც მოახერხებთ, გაზარდოთ ალფას უპირატესობების გამოყენების ნიჭი, თუ გაქვთ გამოცდილება მასში ცნობიერი მუშაობისა, მენტალური და ფიზიკური მოდუნებისას. აგრეთვე გააფართოებთ თქვენს ნიჭს, რომ სწორად იმოქმედოთ, მთელი დღის განმავლობაში. თანდათან შეძლებთ, უბრალოდ, გააღვიძოთ ეს გრძნობა. და მაშინ, შეძლებთ ჩართოთ მუშაობაში ალფა-დონე, ბეტა მდგომარეობაში ყოფნის დროსაც კი. თქვენი მენტალური დონე ექვივალენტური იქნება ტვინის სიხშირისა, 10 ციკლი, წამში. სხვა სიტყვებით, თქვენ მოქმედებთ სულიერ სამყაროში, თითქოს, თქვენი ტვინის სიხშირე შეადგენს 10 ციკლს წამში, რამდენადაც იპოვეთ კარი და ცნობიერად ივარჯიშეთ მის გაღებაში.

გაუვარჯიშებელი ადამიანი მცირე სარგებლობას ღებულობს, ამ 30 მცირევადიანი გასვლით ალფაში, ერთი წუთის განმავლობაში. ნავარჯიშევი კი, ღებულობს უფრო მეტ სარგებლობას „მეორე მხრიდან“, ინტუიციურად.

შეგიძლიათ შეგნებულად დარჩეთ ალფაში, დიდი ხნით, როცა მოინდომებთ პრობლემების ანალიზს, სხვადასხვა კუთხით და გადაწყვეტის დაპროგრამებას. მაგრამ, ხშირად, არ გვჭირდება დიდი დრო ამ პროცესისთვის. როცა ვინმეს ესაუბრებით, შეგიძლიათ, უბრალოდ, ისურვოთ, იყოთ უფრო ამთვისებელი და გახდებით ასეთი, თუ ვარჯიშობდით და ავითარებდით ამ უნარს.

აი, მარტივი ფორმულა, ამ უნარის განვითარებისთვის:

პირველი, ისწავლეთ ცნობიერად შესვლა ალფაში და მუშაობა იქ. მეორე, გამოიყენეთ თქვენი უნარები, დაეხმაროთ ჩვენს პლანეტას, რათა უკეთესი გავხადოთ ის.

სანამ ასრულებთ ამ ორს, დატკბებით, სულ უფრო და უფრო, მეტი აყვავებით, ცხოვრების ყველა სფეროში.

 

სუბიექტურობით მიღებული სარგებლობა, ბიზნესში

სუბიექტური ურთიერთობა, ანუ საუბარი ვინმესთან უსიტყვოდ, გამოიყენება ყოველდღიურ ცხოვრებაში. ეს არ ნიშნავს იმას, რომ იგი ცვლის ობიექტურ ურთიერთობას: საუბრებს, ტელეფონის ზარებს ან წერილებს. მაგრამ, წარმოადგენს მნიშვნელოვან დამატებას.

სუბიექტური ურთიერთობას არ სჭირდება დრო და სივრცე, იმ პირობით, რომ ის უნდა გამოვიყენოთ სხვების მიმართ თანაგრძნობით. როდესაც ბიზნესმენები გებულობენ სუბიექტური ურთიერთობის შესაძლებლობაზე, მათ თვალები უბრწყინავთ, წინასწარი სიხარულით, რომ შეძლებენ კონტროლს, პოტენციურ კლიენტებზე, წარმატებულ კონკურენტებსა და არაკეთილსინდისიერ კოლეგებზე. მაგრამ, შემდეგ, ხდება იმედის გაცრუება, როცა ვეუბნებით: იმისთვის, რომ სუბიექტურმა ურთიერთობამ იმუშაოს, ის უნდა გამოვიყენოთ სიყვარულით და თანაგრძნობით. და მაშინ, ბევრი კარგავს მის მიმართ ინტერესს.

სინამდვილეში, იმედი არ უნდა გაგვიცრუვდეს. თქვენსა და თქვენს კლიენტებს შორის, ან კონკურენტებთან, ან კოლეგებთან არ არსებობს პოლარულობა, ადამიანი. რომელიც თავს გრძნობს განცალკევებულად, თვითონვე ქმნის თავის იზოლაციას და საქმიანი ცხოვრება ივსება კამათებით, ურთიერთსაწინააღმდეგო ქმედებებით, შლაგბაუმებით, წინააღმდეგობებით და მანკიერი წრეებით.

როცა აფართოებთ თანაგრძნობას და განიხილავთ თქვენს თავს და სხვებს, საქმიან სამყაროში, როგორც ერთ დიდ ოჯახს, თქვენი საქმიანი ცხოვრება ნაკლებად ემსგავსება გაუთავებელ, ძმათა მკვლელობისკენ სწრაფვას, თუ შეიძლება ასე ითქვას. ამის ნაცვლად, დატკბებით, უფრო ჰარმონიული ურთიერთობებით და საქმეები გაკეთდება, უფრო უკეთესად.

ნაკლები გაორებულობა და მეტი ერთიანობა ნიშნავს მარცხენა ნახევარსფეროს როლის შემცირებას და მარჯვენის გაზრდას, აზროვნების პროცესში. როდესაც ააქტიურებთ ტვინის მარჯვენა მახევარს და აკეთებთ აზროვნების ცენტრირებას, იძენთ ახალ პარტნიორს, უმაღლეს ინტელექტს.

რა მოხდება, თუ შეხვალთ ალფაში, წარმოიდგენთ თქვენს შეურიგებელ კონკურენტს და ფიქრით ეტყვით: ძმაო, ორივესთვის უკეთესი არ იქნება, თუ შევწყვეტთ ერთმანეთის წყევლას და საქონლის კრიტიკას? დიახ, ორივესთვის უკეთესი იქნება და მართლაც, ორივეს საქმე გაუმჯობესდება.

როდესაც შრომის ორგანიზაციის პრობლემა წარმოიშობა, რატომ არ ვისარგებლოთ ჩვენი უმაღლესი მეების ურთიერთობით? თუ ეძებთ, რა არის სწორი, და არა, ვინ არის მართალი, უფრო სწრაფად მიხვალთ პრობლემის გადაჭრამდე.

არსებობს, თუ არა, მომგებიანი ხერხები, სუბიექტური ურთიერთობისა, უფროსთან ან ქვეშევრდომებთან? ყოველთვის.

არ არის საჭირო ჩაღრმავება დაწვრილებით, რადგან ყველა ვარიანტის განხილვა შეუძლებელია. ყველა ობიექტური ურთიერთობისთვის, როცა მას არ მოაქვს სასურველი შედეგი, არსებობს სუბიექტური მიდგომა, რომელიც აუცილებლად მიგვიყვანს წარმატებამდე.

ახლახანს, მექსიკაში მიღებული იქნა სუბიექტური კავშირის არსებობის მეცნიერული დასაბუთება. ადამიანთა რამდენიმე წყვილზე, რომლებიც დაშორებულნი იყვნენ, გარკვეული მანძილით, ჩაატარეს ცდა, მათ სთხოვეს ურთიერთობა მდუმარედ, ფიქრით წარმოდგენა პარტნიორის იქ ყოფნისა.

მკვლევარებმა დააფიქსირეს გამოსაცდელების ტვინის მარცხენა და მარჯვენა ნახევარსფეროების უფრო მეტი სინქრონულობა, ვიდრე ჩვეულებრივ არის. აღნიშნული იყო, აგრეთვე, გამოსაცდელი წყვილების ტვინის ტალღების გრაფიკების მსგავსებაც. ელექტოენცეფალოგრაფის შესწავლისას, 70% შემთხვევაში შეძლეს პარტნიორების ამოცნობა.

როცა დუნდებით და ვინმეს წარმოიდგენთ, თქვენი მარჯვენა ნახევარსფერო შედის კონტაქტში მარჯვენასთან. თვით მარშრუტი, მათი შეხებისა, ძნელი მისადევნებელია ჩვენთვის, ის გადის უმაღლეს მეზე, არაფიზიკური სამყაროს გავლით. უმაღლეს მეებს შორის კავშირი შეიძლება აღვიქვათ, როგორც თავისებური სულიერი ტელეფაქსი.

 

მენტალური ლაბორატორიის გამოყენება მუშაობაში

საქმიან ადამიანებს, რომლებიც სერიოზულად მიიღებენ მენტალური ლაბორატორიის შექმნას, ელით პრობლემის გადაჭრის პოტენციისა და შემოსავლის მკვეთრი ზრდა. თვით ფაქტი, მრჩევლების შექმნის, ან მათი გადაყვანისა ლაბორატორიაში, გაგიხსნით მისასვლელს გენიალურ კონსულტანტებთან, რომლებსაც აქვთ უნარი, თვალის დახამხამებაში, მოგცენ აღმაფრთოვანებელი რჩევა.

თუ რთულ სიყუაციაში ჩართულნი არიან მამაკაცები, დახმარება სთხოვეთ მამაკაც მრჩეველს, თუ ქალები, მიმართეთ ქალს. თუ ორივე სქესია ჩართული, სთხოვეთ დახმარება ორივეს, რიგრიგობით. თუ პრობლემა ადამიანებთან არ არის დაკავშირებული, მაშინ ჰკითხეთ ნებისმიერ მრჩეველს.

კითხვა ისე მიეცით, რომ პასუხი ერთი-ორი სიტყვა იყოს. კითხვის დასმის შემდეგ, თვითონ დაიწყეთ ფიქრი, შესაძლებელ გადაწყვეტაზე. პასუხი მოვა, მას აღიქვამთ, როგორც  მიხვედრას. საიდან იღებთ პასუხს? ცხადია, „მეორე მხრიდან“.

ვთქვათ, თქვენი მრჩეველი მედდაა, და გინდათ იცოდეთ, როგორი ქვედა კაბები უნდა დაამზადოთ, მომავალი სეზონისთვის, გრძელი, თუ მოკლე. შეიძლება, ის ერკვეოდეს მოდაში? შეიძლება, რადგან თქვენ შექმენთ ის, როგორც კავშირი უმაღლეს ინტელექტთან, სადაც არის ყველა პასუხი. მაგრამ, თუ ფიქრობთ, რომ მას რაღაც არ შეუძლია, თქვენი აზრი შეიტანს მნიშვნელოვან წვლილს საერთო სურათში. მაშინ, უმჯობესია შექმნათ სხვა მრჩეველი, რომელსაც ენდობით. გააკეთეთ ეს შემდეგნაირად.

თქვენ არ უნდა ჩამოიშოროთ ძველი მრჩეველი, ამის ნაცვლად, შეგიძლიათ, თქვენს ლაბორატორიაში, მოიწვიოთ დროებითი მრჩეველი, რომელსაც უნარი აქვს გადაწყვიტოს მოცემული, კონკრეტული პრობლემა, არჩევანი თქვენზეა.

კავშირის გასაუმჯობესებლად, გამოუცდელ მრჩეველთან, შესაძლოა დაგჭირდეთ სილვას მძლავრი ტექნიკის გამოყენება. მიეცით შეკითხვა, შემდეგ მრჩეველს „მოხსენით“ თავი და „დაიდეთ“ თქვენს თავზე, როგორც შლემი. აზრები და გრძნობები, რომელსაც შეიგრძნობთ, გამოსული იქნება თქვენი მრჩეველისგან. შემდეგ, არ დაგავიწყდეთ ამ შლემის მოხსნა, ის მაშინვე დაბრუნდება თავის ადგილზე.

შეგიძლიათ, წარმოიდგინოთ, ყველა ცოდნა და გამოცდილება, რომელთანაც გაქვთ წვდომა? თქვენს სამსახურში არიან მენეჯმენტის საუკეთესო სპეციალისტები, ფინანსური ჯადოქრები, იურისპრუდენციის არწივები, თქვენი კონკურენტებიც კი. შეიძლება იკითხოთ, ეთიკურია ეს? ვფიქრობ, რომ კი, რაკი უნდა ვიცხოვროთ ერთობით, ყველაფერი, რასაც ვაკეთებთ, ამ სამყაროში, რაც ამ ერთობით აირეკლება, სწორია.

გრანდიოზულ ახალ სავაჭრო ცენტრში, ფეხსაცმლის მაღაზიის მფლობელმა წაგება განიცადა. იგივე დაემართათ, ამავე ცენტრში, მის მეზობლებს, რომელთა მაღაზიებიც დაიკეტა. როცა ამ ადამიანმა შეიტყო, რომ რომელიღაც ფირმამ გადაწყვიტა განთავისუფლებული შენობა დაეკავებინა ფეხსაცმლის მაღაზიისთვის, მან კინაღამ დაანება თავი საქმეს. როგორ იარსებებს სამი მაღაზია, როცა ერთს ძლივს უდგას სული? როცა მის პირდაპირ გახსნეს, კიდევ ორი მაღაზია, მისდა გასაოცრად, საქმე გამოსწორდა. სამივეში ვაჭრობა გაუმჯობესდა. გაყიდვების მოცულობა, გასამკეცდა. სამი, გვერდიგვერდ მდგარი მაღაზია მაგნიტივით მოქმედებდა, იზიდავდა უფრო მეტ მყიდველს.

თავსებადობა ბუნებრივია, ეს არის „მეორე მხარის“ პრინციპი.

 

ბიზნესში დახმარების მიღების სხვა გზები

ჯეკ კ. სამსახურიდან სახლში დაბრუნებისას, უსმენდა ნელ კლასიკურ მუსიკას. რამდენადაც მას და მის ცოლს უფრო მოსწონდათ პოპულარული მუსიკა, ვერ გაეგო, რატომ უსმენდა კლასიკურს. მაგრამ, ჯეკმა იცოდა, რომ ეს მუსიკა ეხმარებოდა მას მიხვედრილობაში და დამახსოვრებაში. ეს ბუნებრივია. ნაზი ჰარმონიები ასტიმულირებენ ტვინის მარჯვენა ნახევარსფეროს.

თქვენ გაქვთ საუკეთესო ხერხი მარჯვენა ნახევარსფეროს სტიმულირებისა, ეს არის ალფა-დონე. წიგნის კითხვისას გამოდიხართ ალფადან. მაგრამ, შეგიძლიათ დააპროგრამოთ ალფას შენარჩუნება, სამი თითის შეერთებით. გამოიყენეთ „სამი თითის“ ტექნიკა თქვენს საქმიან ცხოვრებაში. მაგალითად, როცა წერთ ანგარიშს და წააწყდებით ისეთ სიძნელეს, რომ ვერ იძვრით ადგილიდან, შეაერთეთ სამი თითი და თქვენს წინ გზა გაიწმინდება. თუ გამოდიხართ ადამიანების წინაშე, შეაერთეთ სამი თითი და თქვენი სიტყვები გახდება წონადი, და საჭირო აზრები ამოვა ზედაპირზე. ალფაში შესვლა, სამუშაო მაგიდასთან, მალე აღარ მოითხოვს ღრმა სუნთქვას და უკუდათვლას, მისი ჩართვისთვის მხოლოდ თვალების დეფოკუსირება იქნება საკმარისი, ანუ ვიზუალური სტიმულის მოშორება, მათი ოდნავ ზემოთ აწევით. წარმოსახვებს შეუძლია ალფას ჩართვა.

ალფა-დონეზე ყოფნის წამები, სამუშაო მაგიდასთან, უტოლდება ბეტა-დონეზე საათობით ჯდომას. თქვენ გახდებით ზეიდეათა გენერატორი. სახუმარო სიმბოლო, „გენიოსი მუშაობს“, ფაქტად იქცევა. თქვენ გაქვთ უნარი გახდეთ ნათელმხილველი, რათა გაუმკლავდეთ მომავალ გაუთვალისწინებელ შემთხვევებს. შექმნათ აუცილებელი მარაგი, გადალახოთ ყოველდღიური დაბრკოლება. ყველა უნარი, რომელსაც თქვენ გაწერდით, უბრალოდ, მჟღავნდება თქვენში. თქვენ გაქვთ, მხარდაჭერის უხილავი საშუალება, უხილავი პარტნიორისა.

თქვენი აზრით, მთელი დღის განმავლიბაში, როდის არის ორიოდე, პოტენციურად ყველაზე მომგებიანი წუთი? პასუხი: როდესაც დილით, ფეხს დგამთ იატაკზე, დღის დასაწყისი, სწორედ, ეს არის ყველაზე საუკეთესო დრო იდეალური დღის დაპროგრამებისთვის, რადგან ჯერ კიდევ, იმყოფებით მოდუნებულ მდგომარეობაში. ჩამოჯექით საწოლზე, შედით ალფაში, ჩვეულებრივად. დაინახეთ თქვენი სამუშაო ადგილი. წარმოისახეთ საათი. ის უჩვენებს რვას, ან სხვა დროს, როცა იწყებთ სამუშაო დღეს. გაითამაშეთ აზრობრივი ფილმი: ყველაფერი კარგად მიდის. თანამშრომლები კარგ ხასიათზე არიან, დღე იწყება კარგად.

აზრით გადაიყვანეთ დრო, ერთი საათით წინ, თქვენს აზრობრივ ფილმში უწყვეტი პროგრესია. გრაფიკზე საქმე წინ მიდის, ახალი კონტაქტები წარმატებულია. გააგრძელეთ ისრების გადაყვანა წინ, იმ დროზე, როცა თქვენი ფილმი უჩვენებს წარმატებულ ამბებს, ნაყოფიერ ტელეფონის ზარებს და იდეალურ დღეს.

ეს ორი წუთი ყველაზე სარგებლიანია, იმიტომ, რომ ის ახორციელებს იმას, რაც თქვენ წარმოიდგინეთ.

 ეს წუთები აპროგრამებს იმას, რაც ჩაიფიქრეთ. ტეხასის შტატში, ლარედოში, სილვას შტაბ-ბინაში, ვიცით, როგორ მუშაობს ეს და ვაკეთებთ ამას.

სანამ ადამიანი, თავის ბაღში, გაახარებს მშვენიერ ვადებს, უწინარესად, მან უნდა გაახაროს ისინი გონებაში.

სანამ არქიტექტორი დააპროექტებს დიდებულ შენობას, მას გონებაში უნდა ჰქონდეს ის.

სანამ მხატვარო დახატავს სურათს, მან აზრით უნდა დაინახოს ის.

იმისთვის, რომ რაიმე ამბავი მოხდეს მატერიალურ სამყაროში, თქვენს ოფისში, მაღაზიაში, ქარხანაში, ჯერ, ის უნდა მოხდეს თქვენს გონებაში.

 

თავი 11

დახმარება, უფრო რთული, ცხოვრებისეული პრობლემების გადასაჭრელად

ახლა, თქვენ უკვე ყველაფერი იცით. მე თქვენთვის არ დამიმალავს არც ერთი მნიშვნელოვანი ელემენტი. ახლა, შეგიძლიათ მოიმკათ ცენრირებული აზროვნების ნაყოფი. დარჩა, მხოლოდ, პროგრამირების ეფექტურობის საკითხი, რათა „მეორე მხარის“ დახმარებით, თავი გაართვათ გაუთვალისწინებელ კრიტიკულ სიტუაციას, და სხვა უკიდურესობებს.

 ახლა, შევეხებით ამ თემასაც. ბოლო თავში ვისაუბრეთ იმაზე, როგორ დავაკაოთ ცხოვრების გემი საჭირო კურსზე და ვმართოთ უმაღლესი ინტელექტის ძლიერი ხელის დახმარებით.

თქვენ გელით კიდევ, ბევრი თავი, მაგრამ, ალბათ, არა, ამ წიგნში, და ალბათ, არა, ჩემს მიერ დაწერილი. ჩვენ მხოლოდ ვიწყებთ გარღვეულის გამთელებას, რომელიც წარმოქმნილია ჩვენსა და ჩვენს წყაროს შორის. ის, რასაც მოიტანს კვლევა, რა ახალ ცოდნასაც მოგვიტანს ცდები, ბევრი ახალი წიგნის ფურცლებზე გადმოვა. შესაძლებელია, მათი შესწავლა დაიწყონ სკოლებში. საგნის სახელწოდება წარმოგიდგენიათ? მაგალითად, „მუშაობა უმაღლეს ინტელექტთან“.

ჯანმრთელობის დაცვის სფეროში მიღწეული წარმატებები გვაჩვენებს, რამდენად სწრაფად მივდივართ წინ, ამ მიმართულებით. შემდეგ, უნდა დავასახელოთ ეკოლოგია. მსვლელობა, ალბათ, დამთავრდება პოლიტიკით და დიპლომატიით. ძნელი არ არის, მოვიყვანოთ კონფერენციების მაგალითები, ჯანმრთელობის პრობლემების საკითხების ირგვლივ, რომლებზედაც ხდება მონაცემების გულმოდგინე შესწავლა, ადამიანის ტვინისა და სხეულის შესახებ, რათა როგორმე გააერთიანონ თავსატეხი საკითხები. ერთ-ერთი მსგავსი კონფერენცია შედგა 1988 წელს, ლას-ვეგასში, სადაც შეხვდნენ ერთიმეორისგან დაშორებული მეცნიერები, როგორებიც იყვნენ, ალერგიის მკურნალობის სფეროს გერმანელი სპეციალისტები; უარყოფითი იონების რუსი მკვლევარები; აღმოსავლელი ფსიქონეიროიმუნოლოგები; აფრიკული სამკურნალო ბალახების ექსპერტები; ექიმები, რომლებიც იყენებენ ჩინური ტრადიციული მედიცინის მეთოდებს, ისინი ვინც აღიარებს ვიბრაციულ თერაპიას, ჰომეოპათიას, ნემსის ჩხვლეტისა და ბიოენერგეტიკულ თერაპიას. როდესაც ისინი შეკრებენ თავსატეხის ყველა ნაწილს ერთად, საინტერესოა, საერთო სურათი ხომ არ აღმოჩნდება ღმერთის სახე?

უინსტონ ჩერჩილმა, როგორღაც თქვა: „ადამიანები, ზოგჯერ, წაბორძიკდებიან ჭეშმარიტებაზე, მაგრამ, მათი უმრავლესობა წამოხტება ფეხზე და მიიჩქარის იქით, თითქოს არაფერი მომხდარა“. ალფა-დონე გადაწყვეტის გასაღებია. მე ვერ გამიგია, მსოფლიოში ხალხმა, რატომ ადრე არ აღმოაჩინა, ეს პანაცეა, ყველა მიწიერი პრობლემისთვის.

შედით ალფა-დონეზე და შეუერთდით, ამ პლანეტის შემქმნელს. რა არის ამაზე ადვილი?

 

როგორ მოვერიოთ საყვარელი ადამიანის დაკარგვას

ერთ-ერთი უძიმესი დარტყმა, რომელიც შეიძლება თავს დაგვატყდეს, არის ადამიანის დაკარგვა, რომელიც გვიყვარს. ეს შეიძლება იყოს განშორება შეყვარებულთან ან მეუღლესთან; სიკვდილი ახლო მეგობრის, ან ოჯახის წევრის.

პირველი, რისკენაც ვიხრებით, ვგრძნობთ თავს მსხვერპლად, ან წამებულად. გეცოდებათ თავი და ხდებით საცოდავები. ამის ნაცვლად, უნდა იფიქროთ, როგორ აღიდგინოთ თქვენი ცხოვრების სავსება, შეცვალოთ ნეგატიური აზრები, პოზიტიურით.

არსებობს სილვას მეთოდის ტექნიკა, სახელდობრ, ასეთი სიტუაციებისთვის, „სულის სარკე“. ძალა არ გამოიყენოთ, არ იჩქაროთ, მაგრამ, შეიმეცნეთ თქვენი აზრები. სწორედ, ასე შეგიძლიათ სძლიოთ თქვენს უბედურებას. როდესაც გადახედავთ თქვენს აზრებს, მიხვდებით, რომ ისინი შავბნელია, ნეგატიურია, უსარგებლოა. გონება ამაზე მაღლაა და როდესაც ის ხედავს, თავის თავს, თქვენი ცნობიერების სარკეში, ძლიერდება პოლუსების შეცვლის სურვილი და ეს პროცესი იწყება თქვენი სურვილით, მისცეთ თავისუფლება გონებას, შემდეგ, იწყება შემობრუნება, აზროვნების კონსტრუქციული შეცვლისკენ. ამ გამარჯვებას აღწევთ, როცა ხვდებით, რომ ცხოვრება უნდა გაგრძელდეს.

ახლა, თქვენ გაქვთ უნარი, დაინახოთ, რა მიმართულებით უნდა წახვიდეთ. იცით მიზნის წარმოსახვა თეთრჩარჩოიან სარკეში. ასევე, გაქვთ უნარი, თქვენი აზრები მიმართოთ სიტუაციის პოზიტიური ასპექტის კალაპოტში. სილვას მეთოდმა გასწავლათ, როგორ გაუმკლავდეთ უბედურებას. საშუალება მოგცათ, უკეთესად გაეცნოთ საკუთარ თავს და გაიგოთ, მსგავს სიტუაციებში, სხვა ადამიანების ტკივილი. ის, აგრეთვე, დაგეხმარათ გაზრდაში, და უფრო მეტად, იმ ადამიანად გადაქცევაში, როგორიც უნდა იყოთ.

გადაიკითხეთ, ეს აბზაცი, კიდევ ერთხელ, გადადეთ წიგნი, შედით ალფაში და დაე, თქვენს წარმოსახვაში წარმოჩნდეს თქვენი დანაკარგის პოზიტიური შედეგების სახეები. ალბათ, დაგჭირდებათ, პოზიტიური მტკიცებულება, იმისთვის, რომ დააპროგრამოთ, რომ ნელ-ნელა გამოხვიდეთ სასტიკი გამოცდიდან.

თუ საუბარია, თქვენთვის ძვირფასი ადამიანის სიკვდილზე, შეგიძლიათ, გამოიყენოთ, ასეთი სიტყვები: „მე შემწევს ძალა დავძლიო ეს უბედურება. ყოველდღე, ყოველმხრივ ვხდები ძლიერი და ვმოქმედებ, უკეთესად და უკეთესად“.

თუ გსურთ, შეიძლება, სცადოთ ასეთი ფრაზა: „წარსული წავიდა, წინ არის მომავალი, მე მაქვს თავისუფალი არჩევანი, მრავალი შესაძლებლობიდან, ჩემი ცხოვრება გავხადო შემოქმედებით სავსე, პროდუქტიული და სასიხარულო“.

ან ასეთი: „ მე მშვიდი ვარ, ძლიერი და მტკიცე. მე გადავიტან ამ დანაკარგს, რადგან ვმართავ ჩემს თავს. მე უვნებელი, ბედნიერი და ჩემს თავში დარწმუნებული ვარ“.

თუ დანაკარგი დაკავშირებულია საყვარელი ადამიანის განშორებასთან, მაშინ შეგიძლიათ გამოიყენოთ, ასეთი სახის მტკიცებულება: „თუ შენ შეგიძლია, გაძლო უჩემოდ, მეც შემიძლია გავძლო, უშენოდ. ამის შემდეგ, ყოველი წუთი ხურავს, ერთ კარს და აღებს მეორეს“.

ყველაზე კარგი მტკიცებულება ის არის, რომელსაც თქვენ შექმნით, თქვენს სიტუაციაში. თქვენი მტკიცებულება უნდა იყოს პოზიტიური, მოწესრიგებული და მიღწევადი.

ზოგჯერ, ჩვენ ვნაწყენდებით ადამიანის წასვლით, სიკვდილითაც კი. წყენა, შეიძლება, დაგაწვეთ მძიმე ტვირთად. განთავისუფლდით ამ გრძნობისგან, ალფაში შესვლით და ერთიმეორის პატიების მიღწევით. პატიება არასოდეს არის გვიან.

 

როგორ მოვერიოთ შიშს

საყვარელი ადამიანის დაკარგვას შეუძლია, თქვენი ცხოვრება, გახადოს უფერული, ქვეყანა კი, დაცარიელებული. მაგრამ, ერთი წლის შემდეგ, ნაღველი უკან რჩება და ცხოვრება კვლავ იძენს ფერადოვნებას. შიშთან საქმე სხვაგვარადაა. თუ დარდი, დროთა განმავლობაში, გაქარწყლდება, შიში პირიქით, შეიძლება გაძლიერდეს. ცხოვრებაში ბევრნაირი შიშია. საზოგადოდ, ყველას გვეშინია სიღარიბის, წარუმატებლობის, მარტოობის, ხიფათის, ცუდის მოლოდინის, უფროსების და ა.შ. ასევე, შეიძლება, დაგვეუფლოს შიში, თვითმფრინავით გაფრენის წინ. არსებობს შიში ლიფტების, ჩაკეტილი სივრცის, მწერების, ჭუჭყის, სიბნელის, საზოგადოების წინაშე გამოსვლის, სიმაღლის, ძაღლების. განიხილავენ, ასზე მეტ, გავრცელებულ შიშს, რომელთაც შესაბამისი, მეცნიერული სახელწოდება აქვთ.

შიში ახშობს სიხარულს. ყველაფერი, რაც სიცოცხლის სიხარულს გვიკარგავს, სერიოზული პრობლემაა. აი, სამი ნაბიჯი, რომელიც უნდა შევასრულოთ, რათა გავფანტოთ შიში:

1.      გამოვტყდეთ ამაში;

2.      გავიგოთ ის;

3.      გადავაპროგრამოთ.

მოდით, განვიხილოთ ეს ნაბიჯები რიგრიგობით.

1.      ჩვენ მიდრეკილნი ვართ ჩავიძიროთ შიშში, თითქოს ეს ნამდვილი მუქარაა. მოდუნდით, შეხედეთ სახეში ამ, ე.წ. მუქარებს, და მიეცით მათ სახელი, გამოტყდით, რომ გეშინიათ;

2.      უკეთ რომ გაიგოთ თქვენი შიში, მოძებნეთ მისი მიზეზი. თქვენ შეგიძლიათ იყოთ საკუთარი ფსიქოანალიტიკოსი. შედით ალფაში და ჰკითხეთ თავს: რა არის მიზეზი ამ ნეგატიური აზრებისა? დაე, თქვენმა გონებამ იხეტიალოს, სადაც უნდა. მას შეუძლია დაგაბრუნოთ იმ დროში, როცა ძია ედიმ ჩაგაყურყუმალავათ ტბაში, პატარობისას. გეგონათ, იძირებოდით. მაგრამ, ძია ედის უნდოდა ესწავლებინა თქვენთვის ცურვა და იმ დროიდან, გეშინიათ წყლის.

3.      გაგებიდან იწყება გადაპროგრამება. ზემოთ მოყვანილ მაგალითში, თქვენი ტვინის მარჯვენა ნახევარსფერო რეაგირებს, ამ გაგებაზე და გეუბნებათ: „ჩვენ ეს ჩავწერეთ სხვა ფაილში, გადავწეროთ ეს, თვითგადარჩენის ინსტინქტიდან, მეხსიერებაში. ახლა, მზად ხართ, შეცვალოთ თქვენი შიში, პოზიტიური მტკიცებითი პროგრამის დახმარებით. შედით ალფაში და მიეცით თავს, ახალი ინსტრუქციები. ზოგიერთი, ამ ახალი ინსტრუქციებიდან, მოყვანილია ქვემოთ. შეგიძლიათ გამოიყენოთ, ერთ-ერთი მათგანი, პირდაპირ, ან შეათავსოთ თქვენს სიტუაციასთან.

ახალი ადამიანების გაცნობის შიში. „შეხვედრა ახალ ადამიანებთან გასართობია, მე ვიძენ ბევრ ახალს, მათთან შეხვედრით, მე სრულიად მშვიდი ვარ, როცა ვხვდები ახალ ადამიანებს“.

ლიფტის შიში. „ვიცი, რომ ლიფტი გადაადგილების საშუალებაა და მშვიდად ვსარგებლობ მისით“.

სიმაღლის შიში. „მე ვკონცენტრირდები იმ ადგილის გამძლეობასა და სიმტკიცეზე, სადაც ვდგავარ. სიმაღლე აფართოებს ჩემს ჰორიზონტს და ზრდის მხედველობის არეს. მე მიმაჩნია ეს საინტერესოდ და მყუდროდ ვგრძნობ თავს“.

მღრღნელებისა და მწერების შიში. „მწერებს და მღრღნელებს ჩემი ეშინიათ, ისინი მერიდებიან მე“.

სიღარიბის შიში. „ჩემს ირგვლივ არიან ადამიანები, რომლებიც ზრუნავენ ჩემზე. ყოველთვის მექნება ცხოვრებაში ის, რაც აუცილებელია. მე მყავს უხილავი დამხმარე“.

შედით ალფაში დღეში ერთხელ, ერთიდაიგივე, არჩეული მტკიცებულების სამჯერ გამეორებით, სანამ პრობლემა არ გაქრება.

თუ გსურთ, რაიმე თქვენეული მტკიცებულება, მისდიეთ სამ მარტივ წესს:

1.      ინსტრუქციები, რომლებსაც აძლევთ თავს, უნდა იყოს პოზიტიური;

2.      მოახდინეთ ფაქტის კონსტატაცია, რომელიც აბათილებს თქვენს შიშებს, ან რამენაირად ძირს უთხრის მათ ძალას;

3.      განამტკიცეთ მშვიდი რწმენა, საკუთარ თავში.

შეამოწმეთ, ზემოთ მოყვანილი მაგალითები აკმაყოფილებს, თუ არა, ამ წესებს. ეს დაგეხმარებათ მტკიცებულების შედგენაში, რომელიც დამიზნებული იქნება თქვენს შიშზე და მაშინ, პრობლემა სწრაფად გადაწყდება.

შიშის გარეშე ცხოვრება მშვენიერია!

 

როგორ გავარღვიოთ მანკიერი წრე

თუ ღრმად მოდუნდებით და რეალისტურად წარმოისახავთ...

თუ დარწმუნებული ხართ სილვას მეთოდში და იცით, რომ წარმატებით აპროგრამებთ...

თუ საკუთარი პრობლემების გადაწყვეტისას, სხვა ადამიანებსაც ეხმარებით...

თუ არ ინახავთ არაკეთილმოსურნეობას, სიძულვილს, ან მტრობას ვინმეს მიმართ და პატიობთ ყველას, წარსულ და აწმყო ცხოვრებაში...

თუ შეიგრძნობთ უმაღლესი მეს არსებობას, თუნდაც ბუნდოვნად, და უმაღლესი ინტელექტის არსებობას...

მაშინ, შეძლებთ, ფიზიკური სამყაროს ყველა პრობლემის დაძლევას.

თქვენთვის, არ არსებობს გადაუწყვეტელი პრობლემა, ან მიუღწეველი მიზანი. ბევრი განუკურნებელი სენი ემორჩილება „საოცრებებს“. ბევრი მოსისხლე მტერი ხდება თქვენი უახლოესი მეგობარი. ბევრი, თითქოს, მიუღწეველი მწვერვალი, მოულოდნელად გემორჩილებათ. პრობლემა იძულებულია უკან დაიხიოს, „მეორე მხარის“ ინტელექტით, ძლიერებით და სიხარულით.

ძნელი პრობლემების გადასაწყვეტად, რომელი ტექნიკაა თქვენთვის ხელმისაწვდომი?

როდესაც ხვდებით ისეთ სიტუაციაში, სადაც საჭიროა დიდი ყურადღება და გაგება, გამოიყენეთ, „სამი თითის“ ტექნიკა. წინასწარ დააპროგრამეთ, ასე: „როდესაც ვაერთებ ამ სამ თითს და ვფიქრობ(პრობლემის დასახელება), ჩემი გონება მუშაობს ცნობიერების უფრო ღრმა დონეზე, რათა მივაღწიო(პოზიტიური შედეგის დასახელება).

რთულ სიტუაციებში, რომლებიც ძნელად ექვემდებარება ხატოვან აზროვნებას, გამოიყენეთ, „ჭიქა წყლის“ ტექნიკა.

როცა არ იცით, რომელი ტექნიკა გამოიყენოთ, ან წინასწარ ვერ საზღვრავთ, როგორი გადაწყვეტა შეიძლება იყოს, გამოიყენეთ, სიზმრების მართვის ტექნიკა.

ადამიანებთან ურთიერთობის გართულებისას, გამოიყენეთ, სუბიექტური კავშირი.

ნებისმიერ, სასწრაფო შემთხვევისას, გამოიყენეთ ალფა-დონე(არაფორმულირებული ტექნიკა), თქვენი თავისთვის პოზიტიური მტკიცებულებების შეგონებით.

ყოველი ეს ხერხი, შეიძლება, შესრულდეს კრიტიკულ მდგომარეობაში. მოდით, კიდევ ერთხელ, გავიაროთ ეს სია, იმის მითითებით, თუ როგორ შეგვიძლია დავაჩქაროთ უკუგება, ექსტრემალურ, ან სასწრაფო სიტუაციებში.

„სამი თითის“ ტექნიკა. როდესაც წინასწარ აპროგრამებთ ამ ტექნიკას, მოსალოდნელი სირთულის ასარიდებლად, შეარჩიეთ ამისთვის, საუკეთესო დრო. თუ გახსოვთ, ჩვენ ავხსენით, როგორ განვსაზღვროთ დრო: საღამოს, ძილის წინ, შედით ალფაში და ფიქრით უთხარით თავს: „მე ამაღამ, გავიღვიძებ პროგრამირებისთვის საუკეთესო დროს“ და ამ დონეზე ჩაიძინეთ. თქვენ გაგეღვიძებათ საჭირო დროს. დაბრუნდით ალფაში და შეასრულეთ „სამი თითის“ დაპროგრამება. „სამი თითის“ ტექნიკის წამიერი გაძლიერების მეორე ხერხი დაკავშირებულია სუნთქვასთან. თუ მოხვდით კრიტიკულ სიტუაციაში და გადაწყვიტეთ გამოიყენოთ ეს ტექნიკა, იმისთვის, რომ თქვენი აღქმა, ასწიოთ ზეცნობიერის დონემდე, შეაეთეთ სამი თითი, ღრმად ჩაისუნთქეთ და შეაჩერეთ სუნთქვა, რამდენიმე წამით. სუნთქვის შეკავება ჩართავს თვითგადარჩენის რეაქციას, და მუშაობას იწყებთ, ცნობიერების უფრო მაღალ დონეზე.

„ჭიქა წყლის ტექნიკა. ჩააწვეთეთ ლიმონის რამდენიმე წვეთი წყალში და დაიჭირეთ ჭიქა ორივე ხელის საჩვენებელი თითებით. შეაერთეთ ორივე ხელის თითები, დახუჭეთ თვალები, ასწიეთ ოდნავ ზემოთ და ფიქრით თქვით: „სულ ეს არის საკმარისი, იმ პრობლემის გადასაჭრელად, რომელიც მე მტანჯავს“. მოსვით ნახევარი ჭიქა. დილით კი, დაამთავრეთ პროგრამირება, იგივე მოქმედების გამეორებით.

მართვა სიზმრებით. ეს ტექნიკა არ გამოამჟღავნებს მთელ თავის ეფექტურობას, თუ არ იმახსოვრებთ ყველა სიზმარს. მაშინაც კი, თუ ამას აკეთებთ, შესაძლოა. რომ ღირდეს გაიაროთ, ჯერ, ერთი სიზმრის დამახსოვრების პროგრამირება, შემდეგ, ყველა სიზმრისა(იხ. მე-11 და მე-16 საღამოები). როცა გაიღვიძებთ, ჩაიწერეთ თქვენი სიზმრები, რაც შეიძლება, დაწვრილებით, და როცა დაიწყებთ მათ განხილვას, ერთი მცირე დეტალი, შესაძლოა, აღმოჩნდეს ის გასაღები, რომელსაც ეძებთ.

სუბიექტური კავშირი. როდესაც გაქვთ სერიოზული პრობლემა ადამიანებთან ურთიერთობაში, თქვენთვის აუცილებელია, ახლოს იყოთ „მეორე ,მხარესთან“. სუბიექტური ურთიერთობა ალფა-დონეზე კარგია, მაგრამ, სუბიექტური ურთიერთობა ლაბორატორიულ დონეზე, უკეთესია. ამ დონეზე, უფრო ახლოს ხართ, „იმ მხარესთან“.

 

პროგრამირება ალფა-დონეზე, როცა საქმე ძნელად გამოდის

თუ აპროგრამებთ, პირდაპირ ალფა-დონეზე, რომელიმე ტექნიკის გარეშე, უნდა იცოდეთ პროგრამირების გაძლიერების ხერხები. აი, ზოგიერთი მათგანი:

სერიოზული პრობლემა საჭიროებს უფრო ღრმა ალფა-დონეს. თქვენ იცით, როგორ გააღრმაოთ დონე, უკუდათვლით; შეგიძლიათ, ეს გააკეთოთ რელაქსაციის საყვარელ ადგილზე გადასვლით.

დონის გაღრმავების კიდევ ერთი ხერხი, პროგრესული რელაქსაციაა. ალბათ, გახსოვთ, როგორ აკეთებდით ამას, პირველ დღებში: თავიდან დაწყებული, ფეხის თითებამდე, სხეულის ყველა ნაწილის მოდუნებით. ცხადია, ამ ვარჯიშების შემდეგ, შეიძლება ჩაიძიროთ უფრო ღრმად, ლაბორატორიულ დონეზე გადასვლით, თუ მიგაჩნიათ, რომ ეს აუცილებელია.

როცა აღმოჩნდებით ღრმა ალფაში, ისარგებლეთ სამი სურათით. პირველად, განსაზღვრეთ პრობლემა, უშუალოდ, თქვენს წინაშე სურათის „დახატვით“. შემდეგ, მეორე სურათზე, სიტუაცია შეიცვალოს უკეთესობისკენ, რომელიც უნდა გადააადგილოთ, ცოტა მარცხნივ, მომავალში. ბოლოს, „დაინახეთ“ მესამე სურათზე, მიზანი. ეს სურათი კიდევ უფრო მარცხნივ იყოს გადაწეული. მეორე სურათის შექმნისას, სასარგებლოა გამოიყენოთ გამშვები მექანიზმი: „ყოველი ნაბიჯით წინ“, ან „წყლის ყოველი ყლუპით“.

სურათები საკმაოდ ბევრია, ისინი გამოხატავს შემოქმედებითი ენერგიის მუშაობას. წარმოადგენს „იმ მხარის“ ენას. სიტყვებიც შეიძლება იყოს მძლავრი იარაღი, თუ იყენებთ დამაჯერებელ მოსაზრებას. როგორც ვიცით, სიძნელეების დასაძლევად, აუცილებელია შეუპოვრობა.

როდესაც ვმუშაობთ პრობლემების გადაწყვეტაზე, ჩვენი მტკიცებულებები უნდა იყოს შეურყეველი, როგორც ჯონ ბუნიანმა თქვა, ვინც ქვემოთაა, მას არ ეშინია ჩამოვარდნის“. არ არის საჭირო, ვიყოთ ზომიერნი და ვიაროთ პრობლემის ირგვლივ, როცა გჭირდება დახმარება „მეორე მხრიდან“, სერიოზულ საქმეში.

მოვიყვან შესაძლო გამონათქვამის, რამდენიმე მაგალითს:

„ველი და წინასწარ განვსაზღვრავ შედეგს“;

„მჯერა მტკიცე პროგრესისა, მიუხედავად იმისა, ვხედავ თუ არა მას, ჩემი მოლოდინი და რწმენა ოპტიმისტურია“;

„მაქვს მიზნის მიღწევის მძაფრი სურვილი“;

„მივდივარ წინ, ენერგიულად და შეუპოვრად. ჩემი გენიალურობა, ენთუზიაზმი და კეთილი ნება მიაღწევს სხვების მხარდაჭერას“;

„ყოველდღიურად, მე ვხდები ძლიერი და ვაჟკაცური, ვხედავ საგნებს ისეთს, როგორიც არის; მიზნის მიღწევის მიმართ ოპტიმისტური განწყობა მაქვს. ვმუშაობ ენერგიულად, მიზანდასახულად და შემოქმედებითად“.

 

როგორ განვავითაროთ ჩვენი უნარები

1967 წელს, როცა ვავრცელებდი სილვას მეთოდს, ტეხასში, ამარილიოში მხატვრებმა მკითხეს, როგორ შეეძლოთ გამოეყენებინათ ის, თავიანთი სამხატვრო უნარების ასამაღლებლად. მე ავირჩიე ერთი ქალი, რომელიც ჩემს პირდაპირ იჯდა.

– მადამ, – ვუთხარი. – გამოდით და დაჯექით ჩემს სკამზე.

ის გამოვიდა და დაჯდა სკამზე, პირით კლასისკენ. შემდეგ, ამ ქალს ვთხოვე, რომ შესულიყო ალფაში, რათა შემძლებოდა მასთან საუბარი, იქ.

როდესაც მანიშნა, რომ შევიდა ალფაში, ვკითხე:

– რა გქვიათ?

– მისის ფ.

– მისის ფ, ვის მსგავსად გინდოდათ გეხატათ?

– ვან-გოგივით. – მიპასუხა.

– წაგიკითხავთ, ვან-გოგის ბიოგრაფია?

– კი.

– მისის ფ. რაკი მხატვარი ხართ, უნდა ფლობდეთ კარგ ვიზუალიზაციას და წარმოსახვას. შეძლებთ, ვან-გოგის მსგავსება შექმნათ, პირდაპირ ახლა, ამ დონეზე?

– მხედველობაში გაქვთ, რაღაც, ძეგლის მსგავსი?

– დიახ.

– კი, შემიძლია. – თქვა მან.

მაშინ, მას ვუთხარი დაეწყო ვან-გოგის მთელი სხეულის ასლის შექმნა. მან დაიწყო მოძრაობა ხელებით, თითქოს, თავის მარჯვნივ ქმნიდა სკულპტურას. კლასში, ყველა თვალს ადევნებდა მის ქმედებას.

როდესაც დაამთავრა, მას ვუთხარი, რომ დღეიდან, როცა ის დახატავს ალფა-დონიდან, და დაებადება პროფესიული კითხვა, მას დასჭირდება მხოლოდ სამი თითის წვერის შეერთება, კონცენტრირება ვან-გოგის შექმნილ ხატებაზე და შეკითხვის მიცემა.

– პასუხს მიიღებთ ვან-გოგისგან. – დავარწმუნე ის.

შემდეგ ვთხოვე, გამოსულიყო ალფადან და დაეხატა რაიმე. მისის ფ-მ დათვალა, ერთიდან ხუთამდე და გაახილა თვალები. შემდეგ, მან დადგა მოლბერტი, ტილო, განალაგა საღებავები, ფუნჯები და დაიწყო ხატვა. საკმაოდ ხშირად აერთებდა სამ თითს, აკეთებდა პაუზას, შემდეგ, განაგრძობდა.

  მან დახატა ლარნაკი, ყვავილებით. ყველა იქ მყოფი განცვიფრდა, რამდენადაც მისის ფ. იყო ახალბედა. ის ხატვის მხოლოდ რამდენიმე გაკვეთილს ესწრებოდა. შემდეგ, კლასში შემოვიდა ხატვის მასწავლებელი, რომელმაც არ იცოდა, რა მოხდა. ის გაჩერდა სურათთან და დაიწყო მითითება ნახატის ვან-გოგთან მსგავსებებზე. მოგვიანებით, მეცადინეობებზე, მონაწილეები ამბობდნენ, რომ არ სურთ ისარგებლონ ამ მეთოდით, რადგან არ აქვთ სურვილი აკეთონ სხვათა ნამუშევრების ასლები.

მე ავუხსენი მათ, რომ არაფერია ცუდი იმაში, რომ დაიწყონ დიდი ოსტატების იმიტაციით.

– სხვა სიტყვებით, – ვუთხარი. – აგრძელებთ იმას, რაზეც დიდი ოსტატები გაჩერდნენ. შემდეგ, შევახსენე, რა თქვა მასწავლებელთა მასწავლებელმა ქრისტემ: „ვისაც ჩემი სწამს, საქმეებს, რომელსაც მე ვქმნი, ისიც შექმნის, და იმაზე მეტსაც შექმნის“.

შემდეგ, მე გადავასხვაფერე ეს, ასეთნაირად: თქვენ, ვისაც გჯერათ ვან-გოგის, საქმეს, რომელსაც ის ქმნიდა, თქვენც შექმნით, და იმაზე მეტსაც შექმნით.

ამის შემდეგ, მხატვართა ყურადღება მივაქციე ფრაზაზე: „იმაზე მეტსაც შექმნით“, ეს ნიშნავს იმას, რომ შეგიძლიათ იყოთ, არა მხოლოდ, არანაკლები დიდ ხელოვანებზე, არამედ მოიაზრებით, უფრო დიადი საქმეების შემსრულებლებად.

– სხვა სიტყვებით, – ვთქვი ბოლოს.– თქვენ გახდებით უკეთესებზე უკეთესები. ეს იქნება თქვენი წვლილი, მსოფლიო ხელოვნებაში.

მას შემდეგ, ბევრმა მხატვარმა და სხვა შემოქმედმა ადამიანმა გაიუმჯობესა უნარები და გადაჭრა კარიერის საკითხი, სილვას მეთოდის დახმარებით.

მოდით, გავიაროთ, კიდევ ერთხელ, ეს ნაბიჯები:

1.      ალფა დონეზე, წარმოსახეთ წარმატებული ადამიანი, რომლის მიბაძვაც გსურთ;

2.      ფიქრით უთხარით თავს: „ნებისმიერ დროს, როცა მჭირდება გავიგო, რა გავაკეთო, რომ გავხდე უკეთესი, საკმარისია, შევაერთო სამი თითი, ნებისმიერ ხელზე, ყურადღება მოვიკრიბო და წარმოვისახო ეს წარმატებული ადამიანი. პასუხები, რომლებსაც მივიღებ, იქნება მისგან”;

3.      დაამთავრეთ მეცადინეობა და კვლავ დაუბრუნდით სამუშაოს;

4.      როცა წარმოიშობა სიძნელე, შეაერთეთ სამი თითი.

პრობლემებს წყვეტს გონება

სანამ იწერება ეს წიგნი, ერთ იაპონელ მეწარმეს მიზნად აქვს დასახული, ჩადოს 80 მილიონი დოლარი იმისთვის, რომ მიიწვიოს ასი მეცნიერი, რომლებიც იკვლევენ ტვინს. ფული გამოყენებული იქნება, ორმოცი აკრის ფართობზე კომპლექსის მშენებლობისთვის, რომელიც დროის სხვადასხვა პერიოდში ოც-ოც მეცნიერს მიიღებს. ისინი შეისწავლიან ტვინს და ისეთ სპეციფიკურ პრობლემებს, როგორიც არის დაბერება. ერთმა მეცნიერმა განაცხადა, რომ ეს პროექტი უნიკალური შანსია, იმისთვის რომ „დავაკვირდეთ აქტიურად მომუშავე თავის ტვინს, რომელიც ჩაკეტილი, თავის სქელ, ძვლოვან გარსში, აქამდე, კვლევისთვის ძნელად მისაწვდომი იყო“.

ტვინის შესწავლის, მსგავსი პროექტი, უეჭველად, საინტერესოა. რაც უფრო მეტი ვიცით ტვინის შესახებ, მით უკეთესი, მაგრამ, ჩვენი აზროვნების პროცესის შესწავლა ტვინის გამოკვლევის დახმარებით, იგივეა, რაც ლიტერატურის შესწავლა, სიტყვების ასო-ასო წაკითხვით. აზროვნების პროცესი გაცილებით მეტია, ვიდრე სქელ, ძვლოვან გარსში ჩაკეტილი სამი ფუნტი ტვინი. ამ პროცესს წარმართავს გონება.

არსებობს ენერგეტიკული ველი, რომელიც მოიცავს ტვინს, და ფაქტობრივად, ფარავს მთელ სხეულს. თითქოს, იგი ქმნის ფორმას, ფიზიკური სხეულისთვის. ის, რასაც უწოდებენ ენერგეტიკულ ველს, სინამდვილეში, ინტელექტის მუშაობაა, რომელიც მართავს ჩვენს უჯრედებს, ორგანოთა სისტემებს. ეს ველი მოთავსებულია, სქელი ძვლოვანი აგრსის გარეთ. და წარმოადგენს, ჩვენი საერთო ინტელექტის ნაწილს.

და ეს მხოლოდ, დასაწყისია.

ენერგეტიკულ ველს მიუმატეთ ინტელექტის სხვა ველებიც, რომლებსაც ვიყენებთ და მივხვდებით, რომ გონება უსაზღვრო ფენომენია. ჯერ კიდევ, 1940-იან წლებში, იელის უნივერსიტეტის ნეიროანატომმა, ჰაროლდ ბერიმ შეისწავლა ენერგეტიკული ველი, მცენარეთა და ცხოველთა ირგვლივ და აღმოაჩინა, რომ სალამანდრის პაწია შვილს აქვს, დაახლოებით, მოზრდილი ცხოველის ფორმის ენერგეტიკული ველი. ამ ველის ღერძი, შეიძლება, აღმოვაჩინოთ ჩანასახშივე, ჯერ კიდევ, კვერცხში. ნერგების შესწავლისას, მან აღმოაჩინა იგივე მოვლენა, ენერგეტიკული ველი, ყლორტის ირგვლივ, რომელიც ფორმით მოგაგონებდათ გაზრდილი მცენარის ირგვლივ მყოფს.

ენერგია, მსოფლიოს შემოქმედებითი ძალაა. ტვინი ფიზიკური ნივთიერებაა. ენერგია კი, დამაკავშირებელი რგოლია არაფიზიკურ სამყაროსთან.

მაშასადამე, გონება, და არა უბრალოდ, ტვინი, არის ის იდუმალი „ორგანო“, რომლის შესახებაც, კაცობრიობამ უნდა იცოდეს, უფრო მეტი. ჩვენ აუცილებლად გვჭირდება გამოვარკვიოთ, კიდევ რა ენერგეტიკული ველებით არის გარშემორტყმული ადამიანი. გვჭირდება მეტი გავიგოთ იმის შესახებ, რასაც დოქტორი რუპერტ შელდრეიკი უწოდებს მორფოგენეტიკურ ველს; და იმის შესახებ, რასაც დოქტორი პიტერ რასელი უწოდებს გლობალურ ტვინს.

როდესაც საუბარია სხვადასხვა ცხოვრებისეული პრობლემის გადაწყვეტაზე, ჩვენთვის აუცილებელია ვისარგებლოთ ტვინის ორივე ნახევრით, რაც მუშაობაში ჩართავს, მეტ გონებას; განსაკუთრებით, იმ ნაწილს, რომელიც დაკავშირებულია „მეორე მხარის“ ინტელექტთან.

რთული ცხოვრებისეული პრობლემების გადაჭრის დროს, შეიძლება გამოვიყენოთ ნებისმიერი ხერხი, რომლის მეშვეობითაც ვუკავშირდებით უმაღლეს ინტელექტს.

ერთ-ერთი, ამ ხერხთაგანია, ლაბორატორიული დონისა და მრჩევლების გამოყენება. ლაბორატორიულ დონეზე მჭიდროდ ვუახლოვდებით შემოქმედებით წყაროს. შემოქმედების გზაზე დაბრკოლებები, რაც სინამდვილეში, რთული ცხოვრებისეული პრობლემებია, შეიძლება, უფრო ეფექტურად იქნას მოცილებული ლაბორატორიულ დონეზე, მრჩევლების დახმარებით, რომლებიც განასახიერებენ ჩვენს კავშირს შემოქმედებით წყაროსთან.

ამიტომ, გამოიყენეთ ლაბორატორიული დონე და თქვენი მრჩევლები, როდესაც აპროგრამებთ პირდაპირ, ან სუბიექტური ურთიერთობით.

ის, რასაც თქვენ „ხედავთ“, თქვენს ორატორიულ დონეზე, მჟღავნდება ფიზიკურ სამყაროში.

ლაბორატორიული დონის მნიშვნელობაზე საუბრისას, უნდა შეგახსენოთ მისი ბუნების სულიერება.

კორპორაციის პრეზიდენტთან არ მიდიან გაზეთების ამონაჭრების შინაარსის მოსახსენებლად. მე ვეჭვობ, რომ ჩვენ, ყველანი „ზემოთ“, ჩვენს რეპუტაციას ვსაზღვრავთ იმით, რომ ჩვენს თავზე ვიღებთ რუტინულ პასუხისმგებლობას. ადამიანი, რომელიც მუდმივად შედის ლაბორატორიულ დონეზე, ადვილად გადასაჭრელი სიტუაციებისთვის, რომლებსაც შეიძლება მარტივი ფორმებითაც მოვერიოთ, უმაღლესი ინტელექტის თვალსაზრისით, ხატოვნად რომ ვთქვათ, აღძრავს ტყუილუბრალო განგაშს.

მე არ ვისურვებდი ასეთი რეპუტაციის მოპოვებას, „მეორე მხარესთან“; ვფიქრობ, რომ არც თქვენ. მაშ, მოდით გავყოთ ყოველდღიური და ნამდვილად რთული პრობლემები, ორივე მათგანის მოგვარებისთვის.

 

ნუ შექმნით რთულ პრობლემებს

პიტერ ა. ვერცერთ სამუშაოზე ვერ ჩერდებოდა. მისი სამსახურებრივი სია მშვენივრად გამოიყურებოდა, იმიტომ, რომ პიტერს ეხერხებოდა სხვადასხვა სამუშაოზე ყოფნა აეხსნა გამოცდილების მრავალმხრივობით. ამიტომაც ადვილად შეეძლო ახალი სამუშაოს პოვნა. მაგრამ, ერთხელ, პიტერმა იშოვნა სამუშაო, რომელიც მას, ნამდვილად მოეწონა და არ უნდოდა მისი დაკარგვა. ამ სამუშაოს მისთვის მოჰქონდა სიხარული და იყო პერსპექტიული.

პიტერს მოუხდა თავისთვის შეკითხვის დასმა, რატომ იცვლიდა იგი, ასე ხშირად სამუშაოს? მან შეისწავლა სილვას მეთოდი და საკუთარ თვალში მისი ავტორიტეტი ამაღლდა. მაგრამ, ამავე დროს, იგი გახდა უფრო მგრძნობიარე საკუთარი პიროვნების სისუსტეების მიმართ. არავითარი ეჭვი არ რჩებოდა, რომ პიტერი იყო იმ ხალხთან მოურიგებელი, ვისთანაც მუშაობდა. ის მუდმივად ეძებდა ჩხუბის მიზეზს.

პიტერი შევიდა ლაბორატორიულ დონეზე და ჰკითხა თავის მრჩევლებს: „რა მოუხერხო ხასიათის ამ არასაურველ მხარეს?“ შემდეგ, მან დაიწყო ფიქრი მოცემულ პრობლემაზე და დაინახა თავისი თავი, როგორ პატიობს დიდი ხნის წინ გარდაცვლილ მამას. ამაზე მან ხელი ჩაიქნია. „კიდევ რა?“ იკითხა მან. პასუხი არ იყო.

პიტერს მთლად კარგად არ ესმოდა პატიების „ფიზიკა“, მაგრამ, მაინც გადავიდა რელაქსაციის საყვარელ ადგილზე და მიიწვია იქ, თავისი მამა. ის გამოიყურებოდა ისე, როგორც მის ბავშვობაში, მან აპატია ყოველგვარი გაუგებრობა და მასაც სთხოვა პატიება. მათ გადაკოცნეს ერთმანეთი.

მოგვიანებით, პიტერი კვლავ შევიდა ლაბოატორიულ დონეზე და ჰკითხა მრჩევლებს, რა გაეკეთებინა კიდევ. ამჯერად მოვიდა პასუხი: „გააკეთე შენი ხასიათის ძლიერი მხარეების აღრიცხვა და უფრო გააძლიერე ისინი“.

პიტერმა დრო არ დაკარგა, მიჰყვა რჩევას. რაც უფრო მეტ დადებით თვისებებს პოულობდა საკუთარ თავში: პუნქტუალური, პატიოსანი, აკურატული; მით მეტი ახალი მახასიათებლები მოსდიოდა თავში, საკმაოდ გრძელი სია გამოუვიდა. შემდეგ, პიტერი შევიდა ალფაში, სიით ხელში და ფიქრით წარმოთქვა: „მე სულ უფრო და უფრო მეტს ვიგებ ჩემი ხასიათის ძლიერ მხარეებზე, რაც უფრო მეტად იზრდება ჩემი ცოდნა მათ შესახებ, მით უფრო მეტად ძლიერდება ისინი, მევიძენ სულ უფრო მეტ პოზიტიურ თვისებას და ყოველდღიურად, ყოველმხრივ გავიმარჯვებ“. მალე პიტერი დააწინაურეს, ფირმის მენეჯერად.

პიროვნების ნეგატიური თვისებები წარმოადგენს რთული პრობლემების წყაროს. იქმნება შთაბეჭდილება, რომ ჩვენი სამყარო პოზიტიურია, და რათა მასში გვქონდეს წარმატება, ჩვენც უნდა გვქონდეს ცხოვრებასთან პოზიტიური მიდგომა.

არასასურველი თვისებების მოსაშორებლად, გააკეთეთ შემდეგი:

1.      განსაზღვრეთ ნეგატიური თვისება;

2.      ალფა-დონეზე მოძებნეთ მისი მიზეზი; დაე, თქვენმა გონებამ მოქექოს წარსული;

3.      ფიქრით თქვით: „მე ვშლი ნეგატიურ გრძნობებს, ისინი წარმოშობილია(მიზეზები), რომელსაც ჩემთვის მნიშვნელობა აღარ აქვს. ამის ნაცვლად მაქვს(საპირისპირო გრძნობა).

ზოგიერთი მაგალითი, ასეთი საპირისპირო გრძნობებისა:

სიძულვილი-- სიყვარული;

უკმაყოფილება-- კმაყოფილება;

არაადეკვატურობა-- ღირსება;

ნაღვლიანობა-- ენთუზიაზმი;

გაუბედაობა-- გაბედულება.

თუ რთული პრობლემა წარმოიქმნება თქვენი ქცევით, და არა პიროვნული თვისებებით, შესაბამისად, შეცვალეთ ფორმულირება. შემდეგ, ალფა-დონეზე გამოიყენეთ მტკიცებულება, რომელიც განამტკიცებს დადებით ცვლილებას:

„მე მზად ვარ მოვიშორო(ქცევის სტილი), აღარ მჭირდება ის. ვიქნები თავისუფალი. ეს გზა მოგვანიჭებს ახალ სიხარულს მე და ჩემს მეგობრებს“.

 

ჯანმრთელობის სერიოზული პრობლემების გადაწყვეტა

ამ წიგნში ნათქვამი, არ გულისხმობს პროფესიული დახმარების შეცვლას. სილვას მეთოდის მიმდევრები ალფა-დონეს იყენებენ მხოლოდ, მკურნალი ექიმების დასახმარებლად. ეს მეთოდი, პროფესიონალი ექიმების დახმარების გარეშე, არ გამოიყენება. ექიმები მიესალმებიან, ავადმყოფების მხრიდან, დახმარებას. საყოველთაოდ ცნობილია, რომ მჭიდრო ურთიერთობა, ექიმსა და პაციენტს შორის, წარმოადგენს, არამარტო, სწორი დიაგნოზის დასმის ფაქტორს, არამედ მკურნალობის დონის ამაღლების კატალიზატორსაც. ექიმის და წამლის წარმატება დამოკიდებულია პაციენტის განმკურნებელ ძალაზე.

სილვას მეთოდის გამოყენებისას, უფრო მეტად მივეახლებით სიცოცხლის წყაროს, შემოქმედების ძალას და ამიტომ, განკურნება სწრაფად დგება. ძალიან ხშირად, ექიმები, რომლებიც მკურნალობენ, სილვას მეთოდის შემსწავლელ ადამიანს, უნდობლად შლიან ხელებს, ავადმყოფობის არავითარი ნიშანი აღარ არის, შესაბამისად, ოპერაციაც აღარ არის საჭირო.

რა არის, ასეთი სასწაულის რეცეპტი? სამწუხაროდ, ის არ არსებობს, ისეთი ფორმით, რომ შეიძლებოდეს ქაღალდზე დაწერა და აფთიაქში წაღება. მენტალური პროცედურებიც კი, რომლებიც ახდენს სასწაულებს ერთ ადამიანზე, შეიძლება არ აღმოჩნდეს წარმატებული მეორისთვის. ის, რასაც ერთი ადამიანი აკეთებს, ვთქვათ, ზურგის ტკივილებისგან გასათავისუფლებად, შეიძლება, სხვა ადამიანისთვის არ გამოდგეს სტანდარტულ რეცეპტად, ზუსტად იგივე ავადმყოფობისთვის. თუმცა, ასეთი სასწაულების საერთო განმსაზღვრელია რელაქსაცია ნეტარებით და პოზიტიური ძვრებისა და აღდგენითი ცვლილებების წარმოსახვა აზროვნებით.

როდესაც ექიმი ხედავს აუხსნელ განკურნებას, რომელიც დაკავშირებულია სილვა-პროგრამირებასთან, მან შესაძლოა, არ მოინდომოს ამის გაზიარება კოლეგებისთვის. განა უფრო ადვილი არ არის, დავუშვათ, რომ, უბრალოდ, ავადმყოფობა არ იყო სწორად დიაგნოსტირებული. ან ახლა, მოხდა რეაქცია, წინა პერიოდში მკურნალობისა, ან მოხდა მოულოდნელი რემისია?

ჩვენი ბიულეტენი გვაცნობებს ბედნიერი განკურნების მრავალი შემთხვევის თაობაზე. ზოგჯერ, ასეთ ისტორიებს ახლავს განკურნების მსვლელობის დადასტურება, ექიმების მხრიდან. მათთვის, ვინც დაინტერესებულია, სილვას მეთოდით მკურნალობის შედეგებით, ჩვენ ვთავაზობთ ჩვენს ბოლო წიგნს: „შენ მკურნალი ხარ“, გამოქვეყნებულს, ჰ. ჯ. კრამერის მიერ.

 

დახმარება საკუთარი თავისა და სხვების განკურნებისთვის

სილვას მეთოდის ძირითადი პროცედურა, თქვენი თავის, ან სხვების განკურნებისთვის, სერიოზული დაავადებისგან, შემდეგია:

1.      შედით ლაბორატორიულ დონეზე, მიესალმეთ მრჩევლებს და წარმოთქვით მისასალმებელი ლოცვა;

2.      მოათავსეთ თქვენი სხეული, ან სხვა ავადმყოფი, ლაბორატორიულ ეკრანზე და თქვენი ყურადღება მიმართთ პრობლემურ უბანზე;

3.      გააკეთეთ ყველაფერი, რაც მოგივათ თავში, პრობლემის გამოსასწორებლად, ანუ, წაშალეთ ბნელი ადგილი, დააქუცმაცეთ ქვა, მომუჭეთ სიმსივნე; გაკერეთ ჭრილობა, გაამხნევეთ იმუნური სისტემა და ა. შ;

4.      დაინახეთ, როგორ ქრება პრობლემა და მის ადგილას აღმოცენდება იდეალურად ჯანმრთელი უბანი;

5.      მადლობა გადაუხადეთ მრჩევლებს, წარმოთქვით გამოსამშვიდობებელი ლოცვა და დათვალეთ წაღმა.

აი ამბავი, პირველი პირიდან, თუ როგორ გამოიყენა, ეს მეთოდი, ერთ-ერთმა კურსდამთავრებულმა, ზურგის ტკივილის განკურნებისთვის.

„მე მივედი ექიმ პ-სთან, რომელიც მუშაობდა ხიროპრაქტიკით, რადგან ყველა სხვა საშუალება უნაყოფო აღმოჩნდა; ორი წლის განმავლობაში ვერავინ შეძლო ჩემი დახმარება.

ექიმები მაწვენდნენ ლოგინში, ან მკიდებდნენ საკიდებზე და მტენიდნენ წამლებს, პრობლემა კი არ ქრებოდა, ეს იყო ტკივილები მარჯვენა ბარძაყში, მარჯვენა მხარში, კისერში, თავში და უძილობა.

აგვისტოში, ექიმმა პ-მ გამიკეთა რენდგენოსკოპია და აღმოაჩინა დაზიანება ხერხემლის დისკებს შორის, კისრის მალების როტაციული გადანაცვლება და ხერხემლის გამრუდება გულმკერდის არეში. მოკლედ, ზურგის ქვედა ნაწილში დისკები გადაადგილდა და აწვებოდა ნერვებს, რაც იწვევდა ტკივილს ბარძაყში.

ორი თვის თერაპიის შემდეგ, ექიმმა მირჩია გამევლო, სილვას მეთოდით, გონების მართვის პროგრამა. მან თვითონ გაიარა სწავლების კურსი, რამდენიმე წლით ადრე და მიიჩნევდა, რომ ეს მიშველიდა.

ის მართალი აღმოჩნდა!

ჩემმა მასწავლებელმა მომცა, რამდენიმე ძვირფასი რჩევა, თუ როგორ გამეკეთებინა ჯანმრთელი ზურგის ვიზუალიზაცია. მე შევდიოდი ალფაში, ვაპროგრამებდი, დღეში სამჯერ და დაიწყო გაუმჯობესება.

სილვას კურსები დავამთავრე ნოემბერში, იანვარში კი, ექიმმა პ-მ შემომთავაზა კიდევ ერთი რენდგენოსკოპია და აღმოჩნდა, რომ გადანაცვლებული დისკი დაბრუნდა თავის ადგილზე.

ახლა, მძინავს ნორმალურად და მკურნალობა მიმდინარეობს წარატებით“.

წერილში, რომელიც მივიღეთ დოქტორ პ-სგან, იდო ავადმყოფობის ისტორია, რაც ყველაფერს დეტალურად ადასტურებდა.

რას შეეძლო პრობლემის გადაწყვეტა? რა ხდება, როდესაც წარმოვიდგენთ გამოჯანმრთელებას?

„იქითა მხარე“ გვიგზავნის დახმარებას!

დოქტორ რიჩარდ ჰერბერტის თანახმად: „როდესაც პაციენტის ცნობიერება მონაწილეობს, ნებისმიერი სახის თერაპიის დასახმარებლად, მაგალითად, აკეთებს მკურნალობის მეთოდის ვიზუალიზაციას, შეუძლებელია არ წარმოიშვას პოზიტიური ეფექტი, რომელიც აძლიერებს თერაპიის პროცესს. ჰერბერტი დარწმუნებულია, რომ გონების ასეთი გამოყენება მოხსნის ენერგეტიკული ცენტრების ბლოკირებას, მოაშორებს წინააღმდეგობას, რომელიც არის ფსიქოენერგეტიკული და მაშასადამე, ფიზიკური დისბალანსის მიზეზი.

ექიმების სულ უფრო მეტი რაოდენობა ჰოლისტიკური მეთოდების მხარდამჭერია, როდესაც ადამიანს აღიქვამენ, არა როგორც ჩაკეტილ, ფიზიკურ სხეულს, არამედ როგორც ფიზიკური, მენტალური, ემოციური და სულიერი ენერგიების რთულ სისტემას.

ენერგიის ბლოკირება, ამტკიცებს ჰერბერტი: „შესაძლოა გადაეღობოს ადამიანის სულიერი და უმაღლესი ცნობიერების მოზღვავებას, მის აქტიურ ცნობიერ ცხოვრებაში“.

სილვას მეთოდი ამ პროცესს უკან აბრუნებს. როდესაც „ვხედავთ ჩვენს საკუთარ, ან სხვა ადამიანის სხეულს, ჩვენს ლაბორატორიულ ეკრანზე, ეს არის ენერგეტიკული სხეული. შემდეგ, ჩვენს უმაღლეს ცნობიერებას შეაქვს, ამ დონეზე, სულიერ დონეზე, აუცილებელი კორექტივები, რომელიც აუცილებლად მჟღავნდება ფიზიკური სხეულის დონეზე.

რაც ზევით არის, ის არის ქვევითაც.

 

სილვას მეთოდი საშუალებას გვაძლევს დავრჩეთ ჯანმრთელები

სილვას მეთოდი უფრო მეტია, ვიდრე შეცდომების გამოსწორების უბრალო პროცედურა. კურსდამთავრებულებს ჩვევად აქვთ, ყოველდღე ჩაიძირონ ალფაში. იქ ყოფნა, თავისთავად აახლოებს მათ, შემოქმედების წყაროსთან. ეს იმას ნიშნავს, რომ ისინი, დიდი ალბათობით, ბუნებრივად მოქმედებენ.

წყაროსგან დაშორება ნიშნავს არაბუნებრივად მოქცევას. მაგალითად, მეტისმეტად დიდხანს ჯდომა, ზედმეტის ჭამა, დიდი სტრესის განცდა.

წყაროსთან ახლოს ყოფნა ნიშნავს აუცილებელი საკვების მიღებას, საჭირო რაოდენობით. ფიზიკურად აქტიურ და ნაკლებად სტრესულ ცხოვრებას.

რომელიმე ფიზიკური დისბალანსის პირველივე ნიშანზე, გირჩევთ, შეხვდეთ ალფაში, დღეში სამჯერ, თხუთმეტ-თხუთმეტი წუთით. ამ დროის რაღაც ნაწილი უნდა გამოიყენოთ დისბალანსის ლაბორატორიულ კორექციაზე, ვიზუალიზაციით და წარმოსახვით, დანარჩენი დრო შეიძლება გამოიყენოთ პოზიტიური წარმოდგენებისთვის, უბრალოდ, იქ ყოფნით.

ალფა, ერთდროულად, ასწორებს და აგაცილებთ პრობლემებს. რატომ არის ის, ამდენად უნივერსალური? მაშ, სხვას რას ველოდით, „მეორე მხრიდან“, თუ არა, ყოვლისმომცველ დახმარებას?

„მეორე მხარე“ არასოდეს გვიქმნის პრობლემას. ყოველი ჩვენგანი, მხოლოდ საკუთარ თავს უნდა დაემდუროს, მის ცხოვრებაში წარმოქმნილი სიძნელეებისათვის. ჩვენ სიძნელეების შექმნის სპეციალისტები ვართ.

წარმოსახვა საოცარი საჩუქარია, რომლითაც ვართ წყალობილნი, ის გვეხმარება, ჩვენს ირგვლივ სამყაროს შექმნაში. რაც უფრო ცოცხალია წარმოსახვა, მით მეტია პოტენცია, როგორც სასარგებლო საქმეების კეთებისა, ასევე, სერიოზული პრობლემების თავიდან არიდებისა.

იმისთვის, რომ წარმოსახვამ შექმნას სასარგებლო რამ და არა პრობლემა, ის უნდა იყოს კონტროლის ქვეშ. უკონტროლოდ, ის დამანგრეველი ხდება. მას შეუძლია გაანადგუროს ყველა ის სიკეთე, რაც თვითვე შექმნა. მარტო სხეულისა და გონების მჭიდრო კავშირის გამო, ის შეიძლება გახდეს მუქარა ფიზიკური სიცოცხლისთვისაც კი.

ალფა-დონეზე თქვენ აკონტროლებთ გონებას. შეგიძლიათ მას აიძულოთ წარმოსახვა, იმუშაოს პოზიტიური მიღწევების მიმართულებით, შემოქმედებითი მიზნებით. შეგიძლიათ განთავისუფლდეთ შიშის, დანაშაულის გრძნობის, ნაღვლიანობის, სტრესისა და სხვა სერიოზული დარღვევის მიზეზისგან. არასოდეს უნდა შეურიგდეთ სიტუაციებს, რომლებიც არ გახარებენ. შეგიძლიათ გადააქციოთ თქვენი ცხოვრება სამოთხედ.

 

თავი 12

მეორე მხარესთან პარტნიორობის გაგრძელება

რამდენადაც მესმის, ქრისტეს მოვლინება, ამ ქვეყანაზე, თავისთავად, წარმოადგენს დაბადებას, რომელიც უნდა განვიცადოთ თითოეულმა ჩვენგანმა. ის, რასაც უწოდებენ ხელახლა დაბადებას, სულიერ განზომილებაში. აღსანიშნავია, რომ ამ დაბადებას ვზეიმობთ წლის ყველაზე ბნელ დროს, როცა დღეები ყველაზე მოკლეა და მომავალი გვპირდება უფრო გრძელ, თბილ და ნათელ დღეებს. მაგრამ, სიმბოლოებს არა აქვს მნიშვნელობა, თუ ადამიანებს ესმით, რომ არსებობს სულიერი განზომილება, სადაც შესაძლებელია ყველაფერი, თუ ისინი სწავლობენ ამ განზომილების გამოყენებას.

რელიგია და რწმენის სისტემები აერთიანებს, თუ ყოფს ადამიანებს? ჩვენ ვხედავთ ომებს და უთანხმოებებს, რომლებიც გამოწვეულია ადამიანთა განსხვავებული წარმოდგენებით, იმის შესახებ, თუ რა შეიძლება დაგვემართოს „მეორე სამყაროში“. ფილოსოფიები, რელიგიები და რწმენის სისტემები ვერ გვაცილებენ ომებს და ტანჯვას, ჩვენს პლანეტაზე. უფრო მეტიც, ხშირად ისინი აქეზებენ მათ.

მე მგონია, რომ ყველა უდიდესი მასწავლებელი ცდილობდა მიეტანა თავის მიმდევრებამდე, თუ როგორ არის უკეთესი, ვიცხოვროთ ამ პლანეტაზე. ბუდა ასწავლიდა განდგომას, როგორც გულგატეხილობისა და ბრძოლის შემცირების საშუალებას; ლაო-ძი ასწავლიდა, რომ ჩვენ უნდა მივყვეთ სამყაროს ძალთა დინებას და ვიცხოვროთ ჰარმონიულად. თავისი სარწმუნოების სწავლების დასაწყისში, მუჰამედმა, საკუთარ ხალხს მოუტანა მშვიდობა და სოციალური რეფორმები, მხოლოდ, მოგვიანებით მივიდა ძალმომრეობამდე.

ყველა მასწავლებელი იყო უნიკალური თავისი მოძღვრებით, რომელიც მისცა კაცობრიობას. მათმა უმეტესობამ, დაწყებული მოსედან, მოიტანა უკეთესი ცხოვრების წესები და რა თქმა უნდა, თავიანთი პირადი მაგალითი. მაგრამ, ეს წესები, არ მუშაობდა ყველასთვის, ბევრი ადამიანი მაინც იტანჯებოდა.

ჩემი აზრით, ქრისტე უნიკალურია სწორედ იმით, რომ ის გამოგზავნილი იყო, რათა გამოერკვია, წესები და ჩვეულებები, რომლებსაც ქადაგებდნენ სხვა მასწავლებლები, რატომ იყო კარგი, მხოლოდ მცირე რაოდენობის ადამიანებისთვის. ქრისტე ხსნიდა პრობლემის ფესვებს და წყვეტდა მათ. მან გამოარკვია ტანჯვის არსი. ადამიანები მიდიოდნენ უმცირესი წინააღმდეგობის გზით. ისინი ტკბებოდნენ ყოფიერების სიხარულით, იმდენად, რომ დაივიწყეს წონასწორობა. ისინი სარგებლობდნენ მატერიალურით, და არა სულიერით. თანამედროვე მეციერების ენაზე რომ ვთქვათ, ადამიანები მიეჩვივნენ თავის ტვინის მარცხენა ნახევარსფეროზე დაყრდნობას და არა მარჯვენაზე. როდესაც ქრისტემ გაიგო პრობლემის არსი, მან ასწავლა ადამიანებს მეთოდი, რომლის მეოხებითაც ისინი შეძლებდნენ კვლავ ბალანსირებას და ტვინის ორივე ნახევარსფეროს გამოყენებას.

ქრისტე მოვიდა, რათა მოეტანა ქვეყნისთვის ნათელი და სიხარული. ჩვენ უნდა დავდოთ აღთქმა, რომ ვატარებთ, სინათლეს, მშვიდობას და სიყვარულს, ყველა საშუალებით, რაც მისაწვდომია ჩვენთვის. თქვენ შეგიძლიათ, ჯერ ერთი, უბრალოდ შეხვიდეთ ალფაში და დაიწყნაროთ თავი; მეორე, დააპროგრამოთ მშვიდობა, ჩვენი პლანეტის ყოველ წერტილში. ჩვენი უნდა გამოვიყენოთ ქრისტეს სწავლებისა და სხვა დიდი მქადაგებლების სულიერი მემკვიდრეობა, რათა გავერთიანდეთ და დავეხმაროთ კაცობრიობას, საყოველთაო მშვიდობის მიღწევაში, ჩვენს პლანეტაზე.

 

სიყვარული და სინათლე

ძალიან ხშირად, პარტნიორობის ნაცვლად, არის განყოფა და მშვიდობის მაგიერ, მტრობა.

როდესაც შეხვდა განხეთქილებას, მის უკიდურეს ფორმაში, ქრისტემ თქვა: „მიუტევე, მამაო მათ, რამეთუ არ იციან რასა იქმან“.

ის გვასწავლიდა, რომ უნდა მიუტევო ნებისმიერი უსამართლობა. თქვენ იცით, როგორ გააკეთოთ ეს, ალფაში. შეამცირებთ რა დაძაბულობას, ორმხრივი მიტევებით, შეძლებთ რთული სიტუაცია გადაიყვანოთ უფრო მისაღებში.

თქვენ გაქვთ მისასვლელი ორ უძლიერეს სულიერ ძალასთან, რომლებიც გამუდმებით მუშაობს თქვენთვის. ერთია სინათლე, მეორე, სიყვარული.

არა სინათლე შუქურისა ან პროჟექტორისა, არამედ ცნობიერების შუქი. „დაინახეთ“ ეს სინათლე. ამისთვის არ გჭირდებათ ალფაში შესვლა. ფიქრით შემოიხვიეთ, ერთი წამით, თვალისმომჭრელი თეთრი სინათლე. ის მოქმედებს, როგორც დაცვა. თუ პრობლემას რომელიმე ადამიანი, ან რაიმე ნივთი ქმნის, ჩართეთ ის თეთრი სინათლის წრეში. სინათლე და სიყვარული ხელჩაკიდებულნი მიდიან. თქვენ ვერ წარმოიდგენთ თეთრ სინათლეს, თუ განიცდით შიშს და ღელავთ. თქვენ უნდა დააპროექტოთ თეთრი სინათლე სიყვარულთან და თანაგრძნობასთან.

პ. ჯ-ს მოსწონდა ერთი, ფრიად ფიცხი ახალგაზრდა კაცი, ისინი სეირნობდნენ ქალაქგარეთ, უცებ, კაცი მობრუნდა იმ განზრახვით, რომ მივარდნოდა მას. ქალი იყო უმწეო. ვაჟმა დაიწყო მასთან მიახლოება. ქალმა ფიქრით შემოახვია მას ნათელი და სიყვარული. კაცმა მერყეობა დაიწყო, დაუბრუნდა ნორმალურ მდგომარეობას და მათი სეირნობა დამთავრდა ყოველგვარი ინციდენტის გარეშე.

სინათლე და სიყვარული იმდენად ძლიერია, რომ კარგი იქნებოდა ჩვენგან მუდმივად მათი გამოსხივება ქცეულიყო ჩვენი ცხოვრების წესად.

 

* * *

იყავით იღბლიანი მთელ დარჩენილ სიცოცხლეში

მთელი იმ წლების განმავლობაში, როდესაც სილვას მეთოდზე ვმუშაობდით, მეცნიერებამ მაინც ვერ აღმოაჩინა ტვინის მარჯვენა და მარცხენა ნახევარსფეროების ფუნქციებს შორის განსხვავება. ამიტომ, ჩვენ უმაღლეს ინტლექტთან მენტალური კავშირის შესწავლა შევზღუდეთ. ვიკვლევდით რა სიხშირეთა მახასიათებლებს, აღმოვაჩინეთ, რომ ათი ციკლი, სპექტრის ცენტრი, არის უფრო მდგრადი ენერგეტიკული სიხშირე. მაგრამ, ვეძებდით უფრო მეტ მოწმობას იმის დასამტკიცებლად, რომ სწორედ, ეს დონეა საუკეთესო კავშირი ღმერთთან, ანუ ჩვენს წყაროსთან.

აზრით უნდა დაგვეშვა, რომ თუ მივდივართ სწორი მიმართულებით, უნდა დავჯილდოვდეთ ბედნიერი „შემთხვევითობებით“, მაშინ გვეცოდინება, რომ ვაკეთებთ იმას, რაც საჭიროა. სასიამოვნო ამბებმა დაიწყეს დენა ჩვენს გზაზე, თითქმის დაუყოვნებლივ. ეს დაიწყო კმაყოფილების ისეთი შეგრძნებით, როგორსაც განიცდით სამუშაოს კარგად დამთავრების შემდეგ.

რამდენადაც ჩვენ ვღებულობდით, უფრო და უფრო სწორ გადაწყვეტილებებს, კვლევებში და საქმიან სამყაროში, კმაყოფილების გრძნობა გადადიოდა ბედნიერების შეგრძნებაში. გრძნობის საფუძველი იყო იმის რწმენა, რომ „მეორე მხარე“ ჩვენთან არის.

როდესაც თქვენ ხშირად მართალი ხართ, გადაწყვეტილების მიღებისას, გიწოდებენ „იღბლიანს“. მაგრამ, რას ნიშნავს, სინამდვილეში, „იღბლიანი“ ადამიანი? ვფიქრობ, რომ ასეთი ადამიანი ღვთივშთაგონებულია, წინასწარმეტყველია, დაკავშირებულია ღმერთთან. ამ კავშირს უზრუნველყოფს მისი მარჯვენა ნახევარსფერო, რომელიც ჩვენთვის უცნობი იყო ოცდაათი წლის წინათ. მაგრამ, დღეს აღიარებულია, როგორც დამაკავშირებელი რგოლი იმ ადგილთან, საიდანაც ჩვენ მოვედით, სულიერ სამეფოსთან.

სულიერ სამეფოს ჩვენ ვჭირდებით შემოქმედების გასაგრძელებლად. ჩვენი სამყარო შორს არის სრულყოფილებისგან. ნებისმიერი „იღბლიანი“ ადამიანი, რომელიც აგრძელებს პრობლემების გადაჭრას და მოქმედებს ჩვენი სამყაროს გაუმჯობედებისთვის, და რომელიც, ამავე დროს, იყენებს თავის ძირითად მატერიალურ სიკეთეს, ანუ საქმიან და პირად სარგებლობას, ამ საქმიანობის გასაფართოებლად, ყოველთვის დარჩება იღბლიანად.

თუ აგრძელებთ მუშაობას, „მეორე მხარის“ დასახმარებლად, იმ დაბრკოლებების გადასალახად, რომელიც აფერხებს კონსტრუქციულ პროგრესს, ან იწვევს ადამიანთა უბედურებას, თქვენ იქნებით, სულ უფრო და უფრო იღბლიანი და ბედნიერი.

 

სამი ნაბიჯი მშვენიერი ცხოვრების შესანარჩუნებლად

იესომ თქვა: „ჯერ, ეძიეთ სამეფო, იმოქმედეთ ღვთის სიმართლით, ყველა დანარჩენი გამოსწორდება“. მას მხედველობაში ჰქონდა, არა ის სამეფო, რომელშიც შევალთ, სიკვდილის შემდეგ, არამედ ის, რომელშიც უნდა შევიდეთ, აქ, დედამიწაზე, ანუ შინაგანი სამეფო. ღვთის სიმართლით მოქმედება, როდესაც გაქვს შინაგანი სამეფო, ნიშნავს, რაც გარშემოა, აღიქვა შემოქმედებითად და პოზიტიურად, მაშინ, შედეგი უზრუნველყოფილია.

თუ ამას გადავთარგმნით სილვას მეთოდის ენაზე, მივიღებთ სამ მარტივ ნაბიჯს, რომელიც უკვე გავიარეთ:

1.      დახუჭეთ თვალები და მოადუნეთ სხეული და გონება;

2.      დაადგინეთ პრობლემა, გადააადგილეთ ის, ოდნავ მარცხნივ და ჩართეთ მაკორექტირებელი ფაქტორი მუშაობაში;

3.      ხელახლა გადააადგილეთ სურათი და „დაინახეთ“, როგორ სრულდება გადაწყვეტილება.

როდესაც წყვეტთ პრობლემებს, სულიერ, ანუ გონების სამყაროში, შედეგები მჟღავნდება ფიზიკურ, ხილულ, სხეულებრივ სამყაროში. ეს ისევე ჭეშმარიტია, როგორც ის, რომ შედეგი მიზეზს მოსდევს.

მოდით, წარმოვიდგინოთ იდეალური სიტუაცია: ამ პლანეტაზე ყველამ მაქსიმალურად განავითარა ვიზუალიზაციისა და წარმოსახვის უნარი, და პრაქტიკულად იყენებდა ორი ათასი წლის განმავლობაში. სულიერი ფაქტორის გაძლიერების მადლით, ურთიერთობა მეზობელ ოჯახებს, ქალაქებს, საგრაფოებს, შტატებსა და სახელმწიფოებს შორის დიდებულია. რაიმე პრობლემის წარმოშობისას, ყველა ეს ერთეული თანამშრომლობს ერთმანეთთან, მანამდე, სანამ არ იქნება აღმოჩენილი წინააღმდეგობის გადაწყვეტის გზა.

როდესაც არსებობს ასეთი სახის თანამშრომლობა, სტრესი, მოუსვენრობა და დაძაბულობა სრულიად ქრება და ხომ სწორედ ეს ასუსტებს ადამიანის სხეულს!

ამგვარად, სულიერი ფაქტორის გაძლიერების წყალობით, არ რჩება პრობლემა, რომელიც იწვევს სტრესს, დაძაბულობას, მოუსვენრობას, ანუ ის, რაც ასუსტებს ადამიანის სხეულს. ამის შედეგია იდეალური ჯანმრთელობა. ჯანმრთელი ადამიანები ცხოვრობენ დიდხანს და შეუძლიათ გააკეთონ მეტი და უკეთესად, რითაც დაეხმარებიან ღმერთს, შემოქმედებაში და პლანეტის სამოთხე გადაქცევაში. როდესაც ადამიანი თავის თავში ავითარებს უნარს, ისარგებლოს ვიზუალიზაციით და წარმოდგენით და იცის ცნობიერად ფუნქციონირება, ტვინის სიხშირეების სპექტრის ცენტრში, სადაც ცნობიერება კონტაქტში შედის სულიერ, ანუ გონების უხილავ სამყაროსთან, ეს ადამიანი ხდება ჰუმანური, ფილანტროპი, ნათელმხილველი, წინასწარმეტყველი.

 ასეთი ადამიანი შეგიძლიათ გახდეთ თქვენ.

 

მეტი ფოკუსირება გააკეთეთ თქვენი სიცოცხლის აზრზე

იმისთვის, რომ შევასრულოთ ამოცანა, რისთვისაც შეგვქმნეს, ანუ დავეხმაროთ შემოქმედს, უნდა ვიმუშაოთ ტვინის ორივე ნახევარსფეროთი. მარჯვენათი, გადაწყვეტილების მისაღებად და მარცხენათი, განხორციელებისათვის. ადამიანი, რომელსაც აქვს შთაგონება, მაგრამ, არაფერს აკეთებს ფიზიკურ სამყაროში, არ ასრულებს თავის დანიშნულებას. ადამიანი, რომელიც მოქმედებს ფიზიკურ სამყაროში, შემოქმედებითი აღმაფრენის გარეშე, ასევე, თითქმის, არ ასრულებს თავის დანიშნულებას.

ჩვენ ვგულისხმობთ, რომ თქვენ გაიაქტიურეთ მარჯვენა ნახსფერო, იმ დრომდე, სანამ ამ წიგნის ბოლო თავამდე მიხვიდოდით. ახლა, გაქვთ უნარი, უკეთ შეეწყოთ შემოქმედებით გადაწყვეტილებებს. მაგრამ, როგორ უნდა განახორციელოთ ისინი?

დახატოთ ტილოზე, გამოთქვათ პოეზიით, ან პროზით, გამოკვეთოთ ქვაში? თქვენი აღმაფრენა გამოაჟღავნოთ სამუშაოზე, ჰობით, ოჯახურ, ან საზოგადოებრივ ცხოვრებაში?

უმაღლესმა ინტელექტმა იცის, შეგიძლიათ ჰკითხოთ მას. მიღებული პასუხით, თქვენთვის ადვილი იქნება შემდეგში ცხოვრება.

იმისთვის, რომ გაიგოთ, რაც შეიძლება მეტი, თქვენი ცხოვრების დანიშნულებაზე, სცადეთ შემდეგი მეთოდი:

1.      საღამოს, ძილის წინ, შედით ალფაში და უბრძანეთ თავს: „გავიღვიძო საუკეთესო დროს, რათა გავიგო მეტი, ჩემი ცხოვრების დანიშნულებაზე“. დაიძინეთ ამ დონიდან;

2.      როცა გაიღვიძებთ, კვლავ შედით ალფაში. შემდეგ, გააღრმავეთ ის, ლაბორატორიის დონემდე, უკუდათვლით, ათიდან ერთამდე. მიესალმეთ თქვენს მრჩევლებს და წარმოთქვით მისასალმებელლი ლოცვა;

3.      მიეცით კითხვა: „როგორია ჩემი ღვთიური დანიშნულება, დედამიწაზე?“ შემდეგ, დაიწყეთ ფიქრი იმაზე, რა შეგეძლოთ გაგეკეთებინათ, ისეთი, რასაც ახლა არ აკეთებთ. იდეები მოვა თქვენთან. ისინი მოვა თქვენი მრჩევლების გზით. თქვენ კი იცით, სად ღებულობენ პასუხებს მრჩევლები. შესაძლოა აღგეძრათ შეგრძნება, თითქოს, მათ თქვენ იგონებთ. ეს სწორი შეგრძნებაა. ყურადღებით გადაათვალიერეთ ეს იდეები, რათა შემდეგ გაიხსენოთ;

4.       მადლობა გადაუხადეთ მრჩევლებს, წარმოთქვით გამოსამშვიდობებელი ლოცვა, დათვალეთ ათამდე, რათა გამოხვიდეთ ალფადან და დაიძინეთ.

 

შემოქმედების დასრულება

ამ დროისთვის, სილვას მეთოდის ერთ-ერთ კომპანიას ჰყავს 350 ინსტრუქტორი, 73 ქვეყანაში. 22 წლის განმავლობაში აზროვნების ცენტრირება შეძლო რვა მილიონმა ადამიანმა.

იმისთვის, რომ შევასწავლოთ ყველა დანარჩენ ადამიანს, ამ პლენეტაზე, გვჭირდება ათასობით ახალი ინსტრუქტორი და არაერთი ათეული წელი.

ამ წიგნის, ყოველმა კურსდამთავრებულმა და ყოველმა მკითხველმა, უნდა გააკეთოს ყველაფერი, რაც შეუძლია, რათა დაეხმაროს სხვებს, მათი აზროვნების ცენტრირებაში.

ვინც განათლების სფეროსთან ახლოს არის, უნდა შეეცადოს აღზარდოს ბავშვებში წარმოსახვის უნარი და უზრუნველყოს ისინი, ძირითადი სასწავლო პროგრამის გარდა, რელაქსაციისა და წარმოსახვის ვარჯიშებით. მშობლებმა ხელი უნდა შეუწყონ, ოჯახის ყველა წევრს, გონების ვარჯიშში, ცენტრირების მიმართულებით. ეს ყველაფერი ჩვენი პლანეტის გადარჩენის უმაღლესი პრიორიტეტია. ყველანი უნდა შევუერთდეთ ამ მოძრაობას, რათა დავეხმაროთ ჩვენი სამყაროს შექმნას.

 

მართეთ თქვენი ცხოვრება

გონების სამყარო, ყოველთვის ერთი ნაბიჯით წინ მიდის ფიზიკურ სამყაროზე. აზრი მოდის უფრო ადრე, შემდეგ, ხდება ამ აზრის მატერიალიზება, მარჯვენა ნახევარსფეროთი, რომელიც აქტიურდება რელაქსაციაში, წარმოსახვით. ახლა, თქვენ შეისწავლეთ მდგომარეობის მართვის მარტივი ხერხი კონტროლირებული სახით. იცით შესვლა ალფაში, მარჯვენა ნახსფეროს გააქტიურება და კავშირის დამყარება თქვენს ტვინსა და გონებას შორის.

მეორე მხარე ნებას გაძლევთ, მართოთ თქვენი ცხოვრება. ის ართმევს კონტროლს ტვინს, რომელსაც შეუძლია თქვენი ცხოვრება გადააქციოს ავადმყოფობების კაკაფონიად, ზედმეტ შეზღუდვებად, გაუთვალისწინებელ წინააღმდეგობებად და გაუთავებელ კონფლიქტებად. მომოიხედეთ ირგვლივ, წაიკითხეთ გაზეთები, დაესწარით სასამართლოებს, ნახეთ ციხეები და საავადმყოფოები. ყველაფერი ეს სამყაროს პროდუქტია, რომელსაც მარცხენა ნახევარსფერო აკონტროლებს; როდესაც ტვინი არ არის სრულად შეერთებული გონებასთან.

თუ მართვას „მეორე მხარეს“ გადასცემთ, თქვენ უნარი გექნებათ ამაღლდეთ ამ სამყაროს ტკივილებზე და ტაჯვაზე.. ის, რასაც ვუწოდებთ ადამიანურ ინტელექტს, დაკავშირებულია ზეადამიანურ ინტელექტთან. შეიძლება მოგვეჩვენოს, რომ ინტელექტი, მხოლოდ, „ამ მხარეს“ არსებობს, თუმცა, ის ვრცელდება „იმ მხარესაც“. ის არსებობს, ერთდროულად, ფიზიკურ და სულიერ სამეფოებში. ეს არის ის, რაც მხედველობაში აქვთ რელიგიურ ადამიანებს, როცა ლაპარაკობენ სულზე. ეს ის არის, რასაც ფსიქოლოგები უწოდებენ ფსიქეს. ეს არის ის, რასაც მეტაფიზიკოსები გულისხმობენ, როცა საუბრობენ ცნობიერებაზე.

ალფა-კავშირის გააქტიურებით იწყება შემოქმედებითი პროცესი. ხოლო, შესაბამისი მოქმედებით, ის მჟღავნდება მატერიალურ სამყაროში.

სანამ შეგიძლიათ აკონტროლოთ თქვენი აზრები, ალფაში, ორივე ნახევარსფეროთი, თქვენ შეგიძლიათ აკონტროლოთ თქვენი ცხოვრება. შეგიძლიათ დააპროგრამოთ, რომ ყველაფერი მოხდეს თქვენი სურვილის მიხედვით.

შეგიძლიათ დააპროგრამოთ უსულო საგანი.

ელსი მ-მ გამოიყენა „ჭიქა წყლის“ ტექნიკა, რათა ეპოვა მეგობარი. მალე ის ბედნიერად გათხოვდა. შეგიძლიათ დააპროგრამოთ მცენარეები. პეტ მ. სიყვარულით ექცეოდა თავის ნარგავებს და მიაღწია იმას, რომ ისინი სამჯერ სწრაფად გაიზარდნენ, ვიდრე მცენარეები საკონტროლო ჯგუფში. შეგიძლიათ დააპროგრამოთ ცხოველები. ელვინ ს. „მოეთათბირა“ ჭიანჭველებს, რომლებმაც აავსეს მისი სამზარეულო და ისინი წავიდნენ.

შეგიძლიათ დააპროგრამოთ ადამიანები.

ჯინ ბ-მ გამოიყენა სუბიექტური ურთიერთობა, რათა დაერეკა მისთვის და შემდეგ, დაბრუნებულიყო გაქცეული შვილი.

ალფას დახმარებით, შეგიძლიათ მიაღწიოთ მეტსაც. შეგიძლიათ მართოთ თქვენი ცხოვრება.

შედით ალფაში ყოველდღე და ისარგებლეთ ორივე სამყაროს უპირატესობებით. თქვენ შეძლებთ იმოქმედოთ ფიზიკურზე სულიერიდან და, სულიერზე ფიზიკურიდან.

 

ეფექტური ლოცვის გასაღები

შეხედეთ, აი იმ კაცს. ის ზის პარკში სკამზე, ფართოდ გახელილი თვალებით იცქირება სივრცეში, ტუჩებით ჩურჩულებს ლოცვას. ის უმუშევარია, მშიერი და სასოწარკვეთილი, მისი უჯახი დაირღვა, იგი ნერვიული კატასტროფის ზღვარზეა, მისი სიცოცხლე გამოდის კონტროლიდან.

უშველის ლოცვები? შესაძლოა, მაგრამ მისი უბედურება გათიშულობაშია. ხოლო როცა თქვენ გამოთიშული ხართ, ნაკლებად ხართ დაკავშირებული თქვენი ლოცვის დანიშნულების ადგილთან.

აი ის კაცი? ის თავისუფალია სტრესისგან, მისი თვალები ღიაა. ლოცულობს მშვიდობაისთვის, მთელ მსოფლიოში. მშვიდობისთვის, თავის სულში, ოჯახში და „ხედავს“ როგორ ხდება ეს.

დაეხმარება მას ლოცვა? აქ უკვე არავითარი „შესაძლოა“ არ არის, ცხადია, დიახ!

ეს წიგნი არ უარყოფს ლოცვას. უფრო მეტიც, ის მოუწოდებს, რათა ჩვენი ცხოვრება ერთი უწყვეტი ლოცვა იყოს.

და როდესაც ცენტრიტრებული ხართ აზროვნებაში, როცა ორივე ნახევარსფერო მუშაობს, თქვენი აზროვნება, სწორედ რომ ლოცვაა. თუ დაამთავრეთ ოცი დღის ვარჯიში, ამ წიგნის მიხედვით, ან ოთხდღიანი ვარჯიში სილვას მეთოდის მასწავლებლის ხელმძღვანელობით, თქვენ ცენტრირებული ხართ, მზად ხართ დაიწყოთ ახალი, მართვადი ცხოვრება.

დაიწყეთ დღეიდან.

ზოგიერთ ადამიანს სურს, დაიცადოს, მანამდე, სანამ  გახდება, იდეალური, ვიდრე მზად იქნება  შეასრულოს თავისი მისია. ეს შეცდომაა. იდეალურები რომ ყოფილიყავით, არ ისხდებოდით ამ საკლასო ოთახში, რასაც დედამიწა ჰქვია. ეს არის ჩვენი სავარჯო მოედანი. სანამ აქ ხართ, მნიშვნელოვანია, რომ ისწავლოთ ყველაფერი, რისი სწავლაც შეგიძლიათ. და მნიშვნელოვანია, აგრეთვე, რომ გიყვარდეთ და გამოხატოთ თქვენი სიყვარული, სხვების მიმართ, ამ პლანეტაზე.

როგორც არაერთხელ ვთქვი, მთავარი გაკვეთილი თქვენთვის არის, ისწავლოთ საუკეთესო ურთიერთობა სხვა ადამიაბთან.

ჩვენ გვაქვს არჩევანი, ჩვენს ურთიერთობაში ადამიანებთან, შეგვიძლია შეჯიბრი, ან თანამშრომლობა. მთელ მსოფლიოში ადამიანები ერთმანეთს ეჯიბრებიან, ხშირად ზარბაზნების და ყუმბარების დახმარებით. მნიშვნელოვანია შევცვალოთ, ეს მდგომარეობა და დავამყაროთ მშვიდობა ჩვენს პლანეტაზე.

ილოცეთ მშვიდობისთვის, დააპროგრამეთ მშვიდობა, იცხოვრეთ მშვიდობაში!

 

მოქმედება უტოლდება წარმატებას

ბევრ ადამიანს აშინებს წარუმატებლობა. ისინი უარს ამბობენ მოქმედებაზე და ამდენად, ვერასოდეს გაიგებენ, როგორი წარმატების მიღწევა შეეძლოთ.

 სილვას მეთოდით მომზადება, ძალიან უმნიშვნელო იქნება თქვენთვის, თუ არ იმოქმედეთ. ნათქვამია: „რწმენა, საქმის გარეშე, მკდარია“. თქვენ ხომ ვერასოდეს გაიგებთ, თქვენი გადაწყვეტილება იყო, თუ არა სწორი, თუ არ ნახავთ შედეგს? სანამ ვსწავლობთ, შეცდომებიც მოგვდის. ის რაც შეცდომად გვეჩვენება, შესაძლოა, მხოლოდ, სწავლების ეტაპია, რომელიც წაგვიყვანს სწორი გზით.

ვიცით, რომ ვერ შევქმნით საუკეთესო სამყაროს უმოქმედოდ, არამედ, მხოლოდ მოქმედებით. ჩვენ გვაქვს მოცემული შემოქმედებითი ძალა, შევქმნათ, მოვიზიდოთ ახალი იდეები და შემდეგ, მივცეთ მათ ფიზიკური ფორმები.

ალფაში ყოფნისას, შეგვიძლია დროში გადაადგილება, წინ და უკან. ამას მუდმივობა ჰქვია. შეგვიძლია ჩვენი გონების პროექტირება უსასრულობაზე. შეგვიძლია შევიცნოთ საგნები, რომელთა შეცნობაც, თითქოს, შეუძლებელია, ჩვენ ყველაფრის მცოდნენი ვართ. შეგვიძლია შევცვალოთ არასასურველი ან არანორმალური მდგომარეობა, ჩვენ ყოვლისშემძლენი ვართ.

მუდმივები, უსასრულოები, ყოვლისმცოდნენი, ყოვლისშემძლენი. დიახ, ჩვენ ვგავართ ჩვენს შემოქმედს, ჩვენ ღვთიურები ვართ. დაამტკიცეთ, თქვენი ღვთიურობა, დაუჯერეთ თავს, მიიღეთ გადაწყვეტილებები და იმოქმედეთ!

თქვენ გაქვთ უხილავი დამხმარე საშუალება:

„ეს მხარე“ და „ის მხარე“, ერთად!

 

წიგნის დასასრული.

 

რუსულიდან  თარგმნა ლუსია ბუკიამ.